RVision TV News
ရခိုင်ပြည်နယ်မြောက်ပိုင်း ဘူးသီးတောင်၊ မောင်တောဒေသမှာ စစ်တပ်နဲ့ လုံခြုံရေးတပ်ဖွဲ့တွေရဲ့ အကြမ်းဖက်နည်းနဲ့ နယ်မြေရှင်းလင်းရေး၊ လူအခွင့်အရေးချိုးဖောက်မှုတွေနဲ့ မတရားဖမ်းဆီးနှိပ်စက်မှု တွေကြောင့် တဘက်ဘင်္ဂလားဒေ့ရ်ှနိုင်ငံဘက်ခြမ်းကို ဒုက္ခသည်ပေါင်းရှစ်သိန်းကျော် ထွက်ပြေးသွား ကြပြီး ယာယီဒုက္ခသည်စခန်းတွေမှာ ခိုလှုံနေကြတာဖြစ်ပါတယ်။
မကြာခင်မုတ်သုံမိုးရာသီရောက်ရှိလာတော့မှာဖြစ်လို့ ဒုက္ခသည်သိန်းနဲ့ချီ ခိုလှုံနေရတဲ့ ဘင်္ဂလားဒေ့ရှ် နိုင်ငံဘက်ခြမ်းက ယာယီ ဒုက္ခသည်စခန်းတွေထဲက တဲလေးတွေ မိုးသည်းထန်စွာရွာသွန်းမှုနဲ့ လေပြင်း မုန်တိုင်းဒဏ်ခံနိုင်အောင် ခိုင်ခံတဲ့အဆောက်အဦးတွေ အမိုး အကာတွေ အရေးတကြီးဆောက်ပေးဖို့ ကုလသမဂ္ဂနဲ့ သက်ဆိုင်ရာအစိုးရတာဝန်ရှိသူတွေကို ဒုက္ခသည်တွေက တောင်းဆိုလိုက်ပါတယ်။
ဒုက္ခသည်တွေအတွက် အခြေခံကျန်းမာရေးစောင့်ရှောက်မှု၊ စားနပ်ရိက္ခာနဲ့ နေရာထိုင်ခင်းတွေကို ဘင်္ဂလားဒေ့ရ်ှအစိုးရ၊ ကုလသမဂ္ဂ နဲ့ နိုင်ငံတကာအလှူရှင်တွေက စီစဉ်ပေးထားတယ်လို့ဆိုပေမဲ့ ဒုက္ခသည်အတွက် ရန်ပုံငွေနဲ့ လူသားချင်းစာနာမှုအကူညီတွေကတော့ အရေးပေါ်လိုအပ်နေတဲ့ အနေ အထားဖြစ်နေတာပါ။
ဒီအခြေအနေမှာတော့ မကြာခင်ကျရောက်လာတော့မယ့် မုတ်သုံမိုးရာသီမှာ ဘင်္ဂလားဒေ့ရ်ှနိုင်ငံမှာက မိုးသည်းထန်စွာရွာသွန်းမှုနဲ့ လေပြင်းမုန်တိုင်းဒဏ်ကျရောက်လေ့ရှိတဲ့ ဆိုးဝါးလှတဲ့ ရာသီဥတုဒဏ် တွေကို အပြင်းအထန်ခံရမှာကိုတော့ ယာယီမြေစိုက်တဲလေးတွေမှာ နေထိုင်နေရတဲ့ ဒုက္ခသည်တွေက အလွန်စိုးရိမ်နေကြတာဖြစ်ပါတယ်။ ဘင်္ဂလားဒေ့ရှ် ကော့ဇက်ဘဇားအနီးမှာရှိတဲ့ ဘာလုခါလီဒုက္ခ သည်စခန်းက ရိုဟင်ဂျာဒုက္ခသည် ကိုအီစ္စလာမ်က သူတို့ရဲ့စိုးရိမ်ချက်ကို အခုလိုပြောပြပါတယ်။
“မိုးရာသီရောက်တော့မှာဆိုတော့ ဒီမှာဒုက္ခသည်တွေရဲ့အခြေအနေက အားလုံး စိုးရိမ်ရတဲ့ အခြေအ နေမှာ ရှိနေပါတယ်။ တောင်ကုန်းပေါ်မှာ ဆောက်ထားတဲ့ တဲကလေးတွေ နောက်တောင်စောင်းဘေးမှာ ဆောက်ထားတဲ့ တဲကလေးတွေဆိုရင် မိုးရာသီရောက်တော့မယ်ဆိုရင် အသက်အန္တရာယ်တောင်စိုး ရိမ်ရတဲ့အခြေအနေမှာ ရှိနေပါတယ်။ ဒီမှာ မိုးမကျမီကာလမှာ တောင်ကုန်းတောင်စောင်းတွေမှာရှိတဲ့ ဒုက္ခသည်တွေကို မြေပြန့်မှာရှိတဲ့ ဒုက္ခသည်စခန်းတွေကို ပြန်လည်နေရာချထားပေးပါလို့ တောင်းဆို ချင်ပါတယ်။ နောက်ပြီးတော့ ဒီမှာအမိုးအကာမရတဲ့ ၀ါးတို့ သွပ်တို့ မရတဲ့ဒုက္ခသည်အရေအတွက် တွေက အများကြီးပါ။ ဆိုတော့ မိုးမကျခင်အဲဒါတွေအမြန်ဆုံးလုပ်ပေးပါလို့ ဒုက္ခသည်တွေရဲ့ တောင်းဆို ချက်တွေက အဲဒါတွေပါ။”
ဘင်္ဂလားဒေ့ရ်ှကဒုက္ခသည်စခန်းတွေမှာ အခုလိုသိန်းချီခိုလှုံနေရပြီး နေထိုင်ရေးအခက်အခဲ ဖြစ်နေကြ ပေမဲ့လို့ ဒုက္ခသည်တွေကတော့ သူတို့ရဲ့နေရပ်ရင်းကို မပြန်ရဲကြသေးပါဘူး။ အသက်အန္တရာယ်လုံခြုံမှု နောက် နေရပ်ရင်းတွေမှာ နေရာပြန်လည်ချထားရေးနဲ့ နေ့စဉ်လူမှုဘဝတွေအတွက် ခိုင်မာတဲ့အာမခံ ချက်တွေ မရသေးတာကြောင့်လို့လည်း ကိုအီစ္စလာမ်ကပြောပါတယ်။
“ကျနော်တို့ကတော့ ပြန်ဖို့အစီအစဉ်ကတော့ မမြင်သေးဘူး ဘာဖြစ်လို့ဆိုရင် မြန်မာအစိုးရ ဘက်ကတော့ ကုလသမဂ္ဂရဲ့ ဖြေရှင်းချက်တခုကိုမှ လိုက်လျောတာ ကျနော်တို့ မတွေ့ရသေးပါဘူး။ ကျနော်တို့လည်း တောင်းဆိုထားတယ် ဒုက္ခသည်များရဲ့ တောင်းဆိုချက်ကို လိုက်လောမယ်ဆိုရင် ကျနော်တို့ဘက်ကတော့ ပြန်ဖို့အဆင်သင့်ပါပဲ။ ကျနော်တို့ကို နိုင်ငံသားအခွင့်အရေး အပြည့်အ၀ ပေးရမယ်။ နောက်ဘေးကင်းလုံခြုံမှုဆိုတာကို ပေးရမယ်။ နောက်ပြီးတော့ မူလကျေးရွာမှာ ပြန်လည် နေထိုင်ခွင့်ပေးရမယ်။ အဲဒီအချက်အလက်ကို မြန်မာအစိုးရဘက်က လိုက်လျောမယ်ဆိုရင် ကျနော် တို့ဘက်ကတော့ ပြန်ဖို့အဆင်သင့်ပါပဲ။”
ဘင်္ဂလားဒေ့ရ်ှကနေ ပေးပို့ထားတဲ့ နေရပ်ပြန်လာမယ့်သူစာရင်း ၈ ထောင်ကျော်ထဲမှာ မြန်မာနိုင်ငံတွင်း နေထိုင်ခဲ့ ဖူးတဲ့ အထောက်အထားအချက်အလက် စစ်ဆေးတွေ့ရှိထားသူ လူဦးရေ ၆၀၀ ကျော် ရရှိထားတယ်လို့ အလုပ်သမား၊ လူဝင်မှုကြီးကြပ်ရေးနဲ့ ပြည်သူ့အင်အားဝန်ကြီးဌာန အမြဲတမ်းအတွင်း ဝန်က စနေနေ့က ပြောပါတယ်။
အလုပ်သမား၊ လူဝင်မှုကြီးကြပ်ရေးနဲ့ ပြည်သူ့အင်အားဝန်ကြီးဌာန အမြဲတမ်းအတွင်းဝန်ရဲ့ ပြောပြချက် ကို အလေးထား သုံးသပ်မယ်ဆိုရင် မြန်မာအစိုးရမှာ ရိုဟင်ဂျာ ဒုက္ခသည်တွေ ပြန်လည်လက်ခံယူဖို့ စိတ်ဓာတ် မရှိတာကို ပေါ်လွင်နေပါတယ်။
