𐴁𐴥𐴢𐴢𐴏𐴞𐴊𐴡𐴚𐴡𐴃 𐴔𐴡𐴒𐴁𐴝𐴒𐴞𐴘𐴠 𐴱 𐴌𐴢𐴢𐴇𐴝𐴙𐴚𐴒𐴙𐴝 𐴁𐴠𐴍𐴞 𐴊𐴢𐴢𐴘 𐴎𐴡𐴕𐴡𐴌𐴠 𐴔𐴝𐴙𐴕𐴐𐴡𐴌 𐴔𐴢𐴢𐴀𐴕𐴃𐴢𐴢 𐴁𐴡𐴓𐴡𐴃𐴑𐴝𐴌 𐴒𐴡𐴙𐴅𐴧𐴙𐴠 𐴱𐴱

𐴁𐴥𐴢𐴢𐴏𐴞𐴊𐴡𐴚 —— 𐴖𐴡𐴌𐴠 𐴊𐴠𐴈𐴝 𐴎𐴝𐴌𐴊𐴠 𐴉𐴡𐴄𐴢𐴢 𐴘𐴥𐴝𐴀𐴕 𐴁𐴞𐴋𐴞𐴘𐴢𐴢𐴌𐴠 𐴑𐴠𐴔𐴌𐴝 𐴔𐴝𐴌𐴞 𐴓𐴗𐴝 𐴒𐴞𐴘𐴠𐴊𐴠 𐴉𐴡𐴄𐴢𐴢 𐴱 𐴀𐴥𐴠 𐴔𐴠𐴍𐴞𐴃 𐴉𐴡𐴙𐴅𐴧𐴙𐴝 𐴊𐴠𐴈𐴦𐴡𐴊𐴧𐴠 𐴁𐴠𐴍𐴞 𐴊𐴢𐴢𐴕𐴥𐴢𐴢𐴖𐴝𐴌𐴠 𐴀𐴥𐴞𐴃𐴝𐴌𐴝𐴌 𐴒𐴤𐴡𐴌𐴡𐴌 𐴁𐴥𐴢𐴢𐴃𐴡𐴌𐴠 𐴒𐴤𐴡𐴓𐴞 𐴱 𐴒𐴤𐴡𐴌𐴒𐴢𐴢𐴐𐴧𐴞𐴌 𐴔𐴢𐴢𐴀𐴕𐴃𐴢𐴢 𐴔𐴡𐴒𐴁𐴝𐴒𐴞 𐴘𐴠 𐴁𐴡𐴓𐴡𐴃 𐴑𐴝𐴌 𐴒𐴡𐴙𐴅𐴧𐴙𐴠𐴊 𐴱 𐴈𐴥𐴡𐴁𐴡𐴌 𐴔𐴡𐴎𐴞𐴕 𐴀𐴝𐴙𐴅𐴧𐴙𐴝 𐴱 𐴳 𐴅𐴝𐴕𐴢𐴢𐴖𐴝𐴌𐴞 𐴰 𐴲 𐴰 𐴲 𐴀𐴞𐴚𐴌𐴝𐴎𐴞 𐴷 𐴱 𐴔𐴝𐴒𐴢 𐴔𐴝𐴐𐴢 𐴱 𐴳 𐴲 𐴱 𐴌𐴢𐴢𐴇𐴝𐴙𐴚𐴒𐴙𐴝 𐴐𐴥𐴢𐴢𐴑𐴧𐴢𐴢𐴌 𐴁𐴝𐴌𐴠 𐴱 𐴁𐴥𐴢𐴢𐴏𐴞𐴊𐴡𐴚𐴡𐴌 𐴊𐴦𐴡𐴙𐴕 𐴏𐴥𐴝𐴘𐴍𐴠 ( 𐴂𐴝𐴘𐴝𐴌 𐴂𐴞𐴀𐴕 ) 𐴏𐴝𐴙𐴕𐴊𐴝𐴚 𐴌𐴢𐴢𐴇𐴝𐴙𐴚𐴒𐴙𐴝 𐴉𐴝𐴌𐴝𐴃 𐴱 𐴓𐴡𐴒𐴁𐴡𐴒𐴢 𐴵 𐴁𐴝𐴎𐴠 𐴱 𐴉𐴝𐴣𐴏𐴢 𐴎𐴡𐴕 𐴔𐴡𐴒𐴁𐴝𐴒𐴞 𐴀𐴥𐴝𐴣𐴃𐴞𐴘𐴝𐴌 𐴐𐴥𐴡𐴣 𐴀𐴦𐴘𐴧𐴡𐴌𐴠 𐴱 𐴁𐴡𐴖𐴃 𐴒𐴤𐴡𐴌 𐴁𐴥𐴝𐴚𐴒𐴞 𐴉𐴥𐴠𐴓𐴝𐴘𐴧𐴠 𐴱𐴱

𐴀𐴝𐴌 𐴉𐴝𐴌𐴝𐴃 𐴇𐴥𐴡𐴑𐴢𐴢𐴔𐴡𐴃𐴠 𐴁𐴝𐴕𐴝𐴘 𐴊𐴞𐴘𐴠𐴊𐴠 𐴱 𐴀𐴥𐴠𐴕𐴋𐴞𐴓𐴧𐴝 𐴋𐴦𐴡𐴣𐴌 𐴔𐴝𐴕𐴢𐴢𐴙𐴐𐴢 𐴊𐴢𐴢𐴎𐴡𐴕𐴡𐴌𐴠 𐴁𐴠𐴐𐴥𐴞 𐴔𐴝𐴌𐴝 𐴊𐴤𐴡𐴌𐴝 𐴒𐴡𐴌𐴞 𐴱 𐴒𐴤𐴡𐴌 𐴁𐴥𐴝𐴚𐴞 𐴁𐴥𐴢𐴢𐴃𐴡𐴌𐴠 𐴒𐴥𐴡𐴓𐴞 𐴱 𐴏𐴝𐴓𐴧𐴞𐴐𐴢 𐴁𐴡𐴏𐴡𐴌 𐴁𐴡𐴐𐴢 𐴀𐴡𐴓𐴝 𐴁𐴠𐴍𐴞 𐴊𐴢𐴢𐴘 𐴎𐴡𐴕𐴡𐴌𐴠 𐴃𐴝𐴌𐴝𐴌 𐴒𐴤𐴡𐴌𐴒𐴢𐴢𐴐𐴧𐴞𐴌 𐴔𐴢𐴢𐴀𐴕𐴃𐴢𐴢 𐴁𐴡𐴓𐴡𐴃 𐴑𐴝𐴌 𐴒𐴡𐴙𐴅𐴧𐴙𐴠 𐴱 𐴀𐴥𐴠𐴍𐴠 𐴀𐴠𐴑𐴎𐴡𐴕 / 𐴘𐴢𐴢𐴕𐴢𐴢𐴏𐴡𐴌 𐴎𐴞𐴀 𐴱 𐴀𐴝𐴌 𐴀𐴠𐴑𐴎𐴡𐴕 / 𐴇𐴝𐴁𐴞𐴁 𐴀𐴝𐴇𐴔𐴡𐴊𐴡𐴌 𐴎𐴞𐴀 𐴱 𐴕𐴝𐴔 𐴓𐴠𐴈𐴝 𐴕𐴦𐴡𐴎𐴝𐴊𐴠 ( 𐴀𐴥𐴞𐴃𐴝𐴌𐴝𐴌 𐴀𐴞𐴎𐴧𐴡𐴃𐴡𐴌 𐴑𐴥𐴙𐴝𐴓𐴠 ) 𐴊𐴢𐴢𐴕𐴥𐴢𐴢𐴎𐴡𐴕 𐴀𐴠𐴑 𐴉𐴝𐴌𐴝𐴌 𐴱 𐴀𐴝𐴌 𐴊𐴡𐴐𐴢 𐴒𐴤𐴡𐴌𐴡𐴌 𐴖𐴡𐴌𐴠 𐴁𐴝𐴕𐴝𐴘 𐴊𐴞𐴘𐴠𐴊𐴠 𐴀𐴥𐴠𐴕𐴋𐴞𐴓𐴧𐴝 𐴱 𐴋𐴦𐴡𐴣𐴌 𐴔𐴝𐴕𐴢𐴢𐴙𐴐𐴢 / 𐴱 = 𐴐𐴥𐴢𐴢𐴑𐴧𐴢𐴢𐴌 𐴁𐴝𐴉𐴢 𐴁𐴡𐴐𐴞𐴌 𐴀𐴝𐴓𐴞 / 𐴲 = 𐴏𐴝𐴔𐴢𐴢 𐴁𐴝𐴉𐴢 𐴇𐴢𐴢𐴏𐴝𐴙𐴕 𐴱 𐴀𐴞𐴃𐴝𐴌𐴝 𐴊𐴢𐴢𐴕𐴥𐴢𐴢 𐴎𐴡𐴕𐴡𐴌𐴠 𐴑𐴦𐴢𐴢𐴀𐴁 𐴔𐴝𐴙𐴅𐴧𐴙𐴠 𐴱𐴱

𐴈𐴥𐴡𐴁𐴡𐴌 𐴔𐴡𐴎𐴞𐴕 𐴇𐴥𐴝𐴔𐴞𐴐𐴝 𐴔𐴡𐴒𐴁𐴝𐴒𐴢 𐴀𐴥𐴡𐴑𐴧𐴡𐴓𐴠 𐴱 𐴀𐴥𐴠 𐴉𐴝𐴌𐴝𐴌 𐴌𐴢𐴢𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴠 𐴔𐴝𐴌𐴝 𐴊𐴤𐴡𐴌𐴝 𐴀𐴝𐴌 𐴀𐴥𐴡 𐴁𐴡𐴖𐴃 𐴋𐴡𐴙𐴓𐴧𐴝 𐴎𐴢𐴢𐴓𐴢𐴢𐴔 𐴒𐴡𐴌𐴝𐴃 𐴀𐴝𐴏𐴠 𐴱 𐴀𐴠𐴍𐴠 𐴎𐴝𐴒𐴝 𐴎𐴝𐴒𐴝 𐴁𐴦𐴢𐴢𐴔 𐴒𐴝𐴣𐴌𐴝𐴘𐴧𐴞 𐴁𐴡𐴓𐴞 𐴈𐴦𐴡𐴘 𐴔𐴝𐴙𐴕𐴐𐴡𐴌𐴠 𐴉𐴝𐴌𐴝𐴌 𐴁𐴦𐴝𐴌𐴠 𐴎𐴝𐴘𐴃𐴡 𐴕𐴡𐴊𐴠 𐴱 𐴀𐴠𐴒𐴡𐴎𐴝 𐴄𐴞𐴛𐴝𐴌 𐴀𐴡𐴋𐴝𐴌 𐴊𐴞𐴊𐴞 𐴃𐴥𐴝𐴑𐴠 𐴱 𐴀𐴥𐴠𐴃𐴡𐴓𐴧𐴝 𐴌𐴢𐴢𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴔𐴢𐴢𐴌𐴝𐴃 𐴎𐴝𐴘 𐴊𐴝𐴌𐴒𐴗𐴝 𐴊𐴝𐴌𐴝 𐴉𐴠𐴣𐴍𐴝𐴘 𐴀𐴝𐴕𐴞 𐴕𐴡𐴉𐴝𐴌𐴠𐴌 𐴱 𐴒𐴡𐴌𐴢𐴢 𐴏𐴥𐴡𐴀𐴓 𐴏𐴥𐴡𐴣𐴙𐴀𐴓𐴃𐴠 𐴔𐴡𐴐𐴑𐴞𐴓 𐴀𐴥𐴡𐴘𐴧𐴠 𐴱 𐴉𐴢𐴢𐴃 𐴎𐴞𐴘𐴡𐴓𐴧𐴝 𐴌𐴞𐴎𐴞𐴑 𐴃𐴢𐴢𐴖𐴡𐴕 𐴀𐴝𐴌 𐴀𐴥𐴡 𐴔𐴡𐴐𐴑𐴞𐴓 𐴀𐴥𐴡𐴘𐴧𐴠 𐴱 𐴁𐴥𐴢𐴢𐴏𐴞𐴊𐴡𐴚𐴡𐴌 𐴊𐴦𐴡𐴙𐴕𐴡𐴌 𐴌𐴢𐴢𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴠 𐴈𐴦𐴡𐴌 ! 𐴀𐴠𐴈𐴡𐴕 𐴔𐴡𐴒𐴁𐴝𐴒𐴞 𐴀𐴝𐴌 𐴁𐴡𐴌𐴔𐴝 𐴔𐴠𐴓𐴠𐴄𐴠𐴌𐴞𐴌 𐴎𐴢𐴢𐴓𐴢𐴢𐴔 𐴀𐴠𐴑𐴧𐴢𐴢 𐴋𐴦𐴡𐴙𐴓𐴧𐴝 𐴀𐴥𐴡𐴘 𐴒𐴞𐴘𐴦𐴡𐴘 𐴱 ” 𐴀𐴝𐴣𐴀𐴌𐴝 𐴈𐴡𐴍𐴠 𐴎𐴝𐴘𐴃𐴦𐴝𐴔 ” 𐴱𐴱

Sources : https://rohingyavision.com/two-rohingya-women-allegedly-raped-by-aa-members-in-buthidaung/