𐴁𐴝𐴚𐴓𐴝 𐴊𐴠𐴐𐴢 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃𐴢 𐴀𐴦𐴡𐴙𐴕 𐴊𐴤𐴡𐴌𐴥𐴞 𐴰 𐴵 𐴴 𐴐𐴤𐴝𐴕 𐴓𐴡𐴃𐴞 𐴒𐴤𐴡𐴌 𐴉𐴟𐴌𐴞 𐴏𐴥𐴝𐴘 𐴀𐴥𐴡𐴘 𐴒𐴞𐴘𐴧𐴥𐴠 𐴒𐴤𐴡𐴘 𐴱𐴱

𐴁𐴝𐴚𐴓𐴝 𐴊𐴠𐴐𐴢 𐴱 𐴑𐴡𐴑𐴏𐴡 𐴁𐴝𐴎𐴝𐴌 𐴱 𐴀𐴟𐴑𐴤𐴞𐴘𐴝 𐴀𐴠𐴓𐴝𐴑𐴝𐴌 𐴐𐴤𐴡𐴉𐴞𐴀𐴟 𐴓𐴧𐴝𐴇𐴢 𐴈𐴝𐴍𐴝 𐴶 𐴱 𐴓𐴡𐴔𐴁𐴤𐴡𐴌 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃𐴢 𐴱 𐴀𐴝𐴙𐴅𐴧𐴙𐴝 𐴶 𐴃𐴝𐴌𐴥𐴞𐴑 𐴔𐴝𐴒𐴢 𐴔𐴝𐴐𐴢 𐴷 𐴳 𐴲 𐴱 𐴌𐴟𐴇𐴝𐴙𐴚𐴒𐴙𐴝 𐴰 𐴲 𐴃𐴝𐴌𐴥𐴞𐴑 𐴅𐴝𐴕𐴖𐴝𐴌𐴞 𐴶 𐴲 𐴰 𐴲 𐴀𐴞𐴚𐴌𐴝𐴎𐴞 𐴱 𐴔𐴡𐴚𐴒𐴡𐴓𐴢 𐴁𐴝𐴌𐴠 𐴁𐴞𐴀𐴞𐴕𐴧𐴝 𐴏𐴥𐴡𐴀𐴡𐴌𐴡𐴌 𐴄𐴝𐴙𐴔𐴡𐴃𐴢 𐴀𐴦𐴡𐴙𐴕 𐴎𐴡𐴓𐴝𐴌 𐴒𐴤𐴡𐴄𐴡𐴕𐴝 𐴒𐴤𐴡𐴄𐴤𐴞 𐴱 𐴒𐴤𐴡𐴌 𐴐𐴤𐴡𐴣𐴀𐴡 𐴔𐴝𐴕𐴥𐴟𐴙𐴐𐴤𐴡𐴌 𐴁𐴠𐴐𐴤𐴞 𐴏𐴥𐴝𐴏𐴝𐴔𐴝𐴕 𐴎𐴡𐴓𐴞 𐴉𐴟𐴌𐴞 𐴏𐴥𐴝𐴘 𐴀𐴥𐴡𐴘 𐴒𐴞𐴘𐴧𐴥𐴠 𐴒𐴤𐴡𐴘 𐴁𐴡𐴓𐴞 𐴈𐴥𐴡𐴁𐴡𐴌 𐴔𐴡𐴎𐴞𐴕 𐴉𐴝𐴌𐴝 𐴒𐴞𐴘𐴧𐴥𐴠 𐴱𐴱

𐴀𐴦𐴡𐴙𐴕 𐴎𐴡𐴓𐴝𐴌 𐴒𐴤𐴡𐴄𐴤𐴡𐴕𐴝 𐴌𐴝𐴙𐴃𐴡𐴌 𐴕𐴞𐴐𐴤𐴞𐴌 𐴁𐴦𐴝𐴊𐴠 𐴓𐴡𐴒𐴢 𐴁𐴤𐴡𐴒𐴢 𐴊𐴟𐴘 𐴁𐴝𐴎𐴠 𐴀𐴦𐴡𐴙𐴕 𐴎𐴡𐴓𐴝 𐴐𐴤𐴟𐴌𐴟 𐴀𐴥𐴡𐴘𐴧𐴠 𐴱 𐴀𐴡𐴕𐴟𐴔𐴝𐴕𐴞𐴑 𐴀𐴥𐴝𐴀𐴝𐴌𐴥𐴡 𐴏𐴝𐴙𐴌 𐴁𐴝𐴎𐴠 𐴀𐴦𐴡𐴙𐴕 𐴑𐴝𐴁𐴟𐴌 𐴁𐴤𐴟𐴃𐴤𐴡𐴌𐴥𐴠 𐴀𐴝𐴕𐴥𐴞 𐴉𐴝𐴙𐴅𐴧𐴤𐴙𐴠 𐴁𐴡𐴓𐴞 𐴈𐴥𐴡𐴁𐴡𐴌 𐴔𐴡𐴎𐴞𐴕 𐴎𐴝𐴕𐴝 𐴒𐴞𐴘𐴧𐴥𐴠 𐴱 𐴀𐴠𐴈𐴥𐴡𐴕 𐴉𐴡𐴙𐴅𐴧𐴡𐴕𐴃𐴡 𐴔𐴝𐴕𐴥𐴟𐴙𐴐𐴢 𐴎𐴡𐴕 𐴈𐴥𐴡𐴃𐴞 𐴓𐴟𐴏𐴧𐴝𐴕 𐴀𐴥𐴡𐴘𐴧𐴠𐴊𐴠 𐴈𐴥𐴡𐴁𐴡𐴌 𐴉𐴝𐴀𐴝 𐴕𐴡 𐴎𐴝𐴘𐴓𐴥𐴠 𐴘𐴥𐴡 𐴱 𐴔𐴡𐴕𐴃𐴡𐴌 𐴐𐴤𐴡𐴃𐴤𐴝 𐴐𐴤𐴡𐴃𐴞 𐴔𐴝𐴕𐴥𐴟𐴙𐴐𐴢 𐴒𐴤𐴡𐴌 𐴏𐴥𐴝𐴌𐴥𐴝 𐴃𐴤𐴡𐴌 𐴏𐴥𐴝𐴌𐴥𐴝 𐴇𐴦𐴝𐴓𐴡𐴃𐴡𐴃𐴢 𐴀𐴥𐴡𐴘𐴢 𐴒𐴞𐴘𐴧𐴥𐴠 𐴒𐴤𐴡𐴘 𐴁𐴡𐴓𐴞 𐴎𐴝𐴕𐴝 𐴒𐴞𐴘𐴧𐴥𐴠 𐴱𐴱

𐴀𐴠𐴑𐴀𐴡𐴔 𐴀𐴞𐴕𐴑𐴟𐴌𐴞 𐴀𐴝𐴌 𐴅𐴝𐴕𐴑𐴝𐴌𐴞 𐴔𐴡𐴎𐴞𐴕 𐴱 𐴏𐴝𐴙𐴌 𐴒𐴤𐴗𐴝 𐴁𐴡𐴓𐴡𐴑𐴡𐴃𐴢 𐴑𐴟𐴓𐴠 𐴔𐴞𐴓𐴝𐴘 𐴸 𐴴 𐴴 𐴖𐴥𐴝𐴕 𐴌𐴞𐴉𐴟𐴎𐴞𐴌 𐴒𐴤𐴡𐴌 𐴉𐴟𐴌𐴞 𐴒𐴞𐴘𐴧𐴥𐴠 𐴒𐴤𐴡𐴘𐴢 𐴱 𐴓𐴞𐴐𐴄𐴤𐴞 𐴔𐴡𐴎𐴞𐴕 𐴏𐴝𐴘𐴓𐴥𐴠

𐴁𐴝𐴓𐴟 𐴈𐴥𐴝𐴓𐴞 𐴑𐴠𐴀𐴠𐴔 𐴓𐴡𐴔𐴁𐴤𐴡𐴌 𐴶 𐴱 𐴁𐴡𐴓𐴡𐴑 𐴋𐴞 𐴱 𐴒𐴤𐴡𐴌 𐴸 𐴖𐴥𐴝𐴕

𐴁𐴝𐴓𐴟 𐴈𐴥𐴝𐴓𐴞 𐴑𐴠𐴀𐴠𐴔 𐴓𐴡𐴔𐴁𐴤𐴡𐴌 𐴶 𐴱 𐴁𐴡𐴓𐴡𐴑 𐴋𐴞 𐴲 𐴒𐴤𐴡𐴌 𐴰 𐴰 𐴱 𐴃𐴤𐴝𐴕

𐴁𐴝𐴓𐴟 𐴈𐴥𐴝𐴓𐴞 𐴑𐴠𐴀𐴠𐴔 𐴓𐴡𐴔𐴁𐴤𐴡𐴌 𐴶 𐴱 𐴁𐴡𐴓𐴡𐴑 𐴋𐴞 𐴳 𐴒𐴤𐴡𐴌 𐴰 𐴰 𐴲 𐴃𐴤𐴝𐴕

𐴁𐴝𐴓𐴟 𐴈𐴥𐴝𐴓𐴞 𐴑𐴠𐴀𐴠𐴔 𐴓𐴡𐴔𐴁𐴤𐴡𐴌 𐴶 𐴱 𐴁𐴡𐴓𐴡𐴑 𐴋𐴞 𐴴 𐴒𐴤𐴡𐴌 𐴰 𐴴 𐴱 𐴐𐴤𐴝𐴕
𐴊𐴟𐴘 𐴘𐴥𐴝𐴕 𐴔𐴡𐴏𐴥𐴡𐴙𐴃𐴢 𐴀𐴠𐴑𐴧𐴤𐴝𐴕 𐴔𐴡𐴑𐴃𐴡𐴁𐴢 𐴊𐴡𐴐𐴧𐴤𐴝𐴕 𐴀𐴞𐴐𐴑𐴟𐴓𐴢 𐴁𐴡𐴓𐴞 𐴎𐴝𐴕𐴝 𐴒𐴞𐴘𐴧𐴥𐴠 𐴱𐴱

𐴀𐴠𐴈𐴥𐴡𐴕 𐴇𐴥𐴡𐴑𐴤𐴟𐴔𐴡𐴃𐴢 𐴀𐴝𐴌 𐴀𐴞𐴕𐴏𐴦𐴝𐴕𐴞 𐴈𐴥𐴠𐴊𐴔𐴡𐴃𐴢 𐴒𐴡𐴌𐴥𐴡𐴙𐴕𐴧𐴝 𐴃𐴡𐴕𐴎𐴞𐴔 𐴀𐴥𐴡𐴑𐴧𐴤𐴡𐴓𐴠 𐴱 𐴏𐴥𐴝𐴏𐴝𐴔𐴝𐴕 𐴀𐴥𐴝𐴌𐴥𐴝𐴘 𐴉𐴥𐴠𐴓𐴥𐴝𐴘𐴧𐴥𐴡𐴌𐴥𐴠 𐴔𐴡𐴏𐴞𐴁𐴡𐴃𐴡𐴃𐴢 𐴉𐴡𐴌𐴞 𐴒𐴞𐴘𐴧𐴥𐴠 𐴒𐴤𐴡𐴘𐴊𐴠 𐴀𐴥𐴞𐴃𐴤𐴝𐴌𐴥𐴝𐴌𐴥𐴠 𐴎𐴡𐴌𐴟𐴌𐴞 𐴀𐴝𐴁𐴡𐴏𐴃𐴤𐴝𐴃𐴢 𐴀𐴝𐴉𐴡𐴃𐴢 𐴈𐴝𐴓𐴠 𐴓𐴝𐴒𐴠𐴌𐴊𐴠 𐴏𐴞𐴏𐴢 𐴀𐴥𐴡𐴑𐴧𐴤𐴡𐴓𐴢 𐴊𐴞𐴀𐴞𐴁𐴝𐴌 𐴁𐴠𐴁𐴡𐴏𐴃𐴤𐴝 𐴒𐴡𐴌𐴥𐴠𐴌 𐴁𐴡𐴓𐴞 𐴈𐴥𐴡𐴁𐴡𐴌 𐴔𐴡𐴎𐴞𐴕 𐴎𐴝𐴕𐴝 𐴒𐴞𐴘𐴧𐴥𐴠 𐴱𐴱

Sources : MDN