𐴔𐴡𐴒𐴢 𐴁𐴝𐴒𐴞 𐴘𐴠 𐴀𐴞𐴐𐴑𐴟𐴓𐴢 𐴑𐴤𐴟𐴙𐴓𐴧𐴥𐴙𐴠 𐴊𐴠 𐴀𐴥𐴡𐴘𐴓𐴠 𐴘𐴥𐴡 𐴔𐴝𐴐𐴄𐴡𐴌 𐴀𐴥𐴡𐴑𐴧𐴤𐴡𐴓𐴡𐴌𐴥𐴠 𐴃𐴡𐴕𐴈𐴥𐴝 𐴊𐴞𐴀𐴞𐴁𐴡𐴓𐴧𐴥𐴝 𐴊𐴠𐴐𐴤𐴡𐴙𐴃𐴧𐴝 𐴀𐴥𐴡𐴑𐴧𐴤𐴡𐴓𐴡𐴃𐴧𐴤𐴟𐴕 𐴔𐴝𐴐𐴤𐴠 𐴔𐴝𐴐𐴤𐴠 𐴄𐴞𐴛𐴝 𐴓𐴡𐴀𐴡𐴕𐴡𐴌 𐴎𐴡𐴌𐴞𐴘𐴝 𐴔𐴝𐴕𐴥𐴟𐴙𐴐𐴢 𐴁𐴠𐴐𐴤𐴞 𐴊𐴟𐴑𐴧𐴤𐴡𐴃𐴢 𐴉𐴡𐴙𐴅𐴧𐴤𐴙𐴠 𐴱𐴱

𐴀𐴝𐴌𐴑𐴝𐴕 𐴱 𐴔𐴡𐴚𐴋𐴤𐴟 𐴋𐴞𐴐𐴄𐴤𐴞𐴑𐴤𐴡𐴌 𐴉𐴝𐴌𐴝 𐴀𐴝𐴌 𐴐𐴤𐴡𐴀𐴡𐴌 𐴀𐴥𐴡𐴑𐴧𐴤𐴡𐴓𐴡𐴃𐴢 𐴃𐴤𐴝𐴑𐴤𐴠𐴊𐴠 𐴱 𐴌𐴟𐴇𐴝𐴙𐴚𐴒𐴙𐴝 𐴐𐴤𐴡𐴔𐴝𐴎𐴡𐴌 𐴉𐴟𐴖𐴝𐴀𐴝𐴙𐴕𐴊𐴤𐴠 𐴓𐴝𐴒𐴝𐴃𐴝𐴌 𐴉𐴡𐴕𐴧𐴥𐴝 𐴉𐴡𐴌𐴥𐴞 𐴉𐴝𐴌𐴠 𐴉𐴥𐴝𐴀𐴝𐴕 𐴱 𐴔𐴡𐴒𐴢 𐴁𐴝𐴒𐴞𐴌 𐴄𐴡𐴀𐴡𐴕 𐴐𐴤𐴞𐴂𐴢 𐴐𐴤𐴞𐴑𐴧𐴤𐴝 𐴔𐴟𐴇𐴑𐴡𐴔𐴝 𐴘𐴠 𐴁𐴠𐴁𐴡𐴏𐴃𐴤𐴝 𐴒𐴡𐴌𐴥𐴞 𐴊𐴞𐴀𐴞 𐴁𐴦𐴝𐴊𐴠 𐴘𐴥𐴡 𐴱 𐴔𐴝𐴐𐴄𐴡𐴌 𐴀𐴥𐴡𐴑𐴧𐴤𐴡𐴓𐴡𐴌 𐴃𐴡𐴕𐴈𐴥𐴝 𐴁𐴡𐴓𐴞 𐴈𐴡𐴀𐴡𐴘 𐴱 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴤𐴡𐴓𐴡𐴃𐴧𐴤𐴟𐴕 𐴒𐴤𐴡𐴌 𐴉𐴞𐴏𐴠 𐴰 𐴰 𐴰 𐴰 𐴱 𐴃𐴟 𐴰 𐴰 𐴰 𐴰 𐴲 𐴇𐴥𐴝𐴎𐴝𐴌 𐴄𐴞𐴛𐴝 𐴓𐴡𐴃𐴞 𐴓𐴡𐴀𐴡𐴌 𐴁𐴡𐴓𐴞 𐴱 𐴊𐴠𐴐𐴤𐴡𐴙𐴃𐴧𐴝 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴤𐴡𐴓𐴠 𐴈𐴡𐴘𐴧𐴥𐴠𐴊𐴠 𐴎𐴝𐴕𐴝 𐴒𐴞𐴘𐴧𐴥𐴠 𐴱𐴱

𐴀𐴠𐴈𐴥𐴡𐴕 𐴏𐴡𐴓𐴠𐴌𐴊𐴧𐴠 𐴏𐴥𐴡𐴚𐴑𐴡𐴄𐴢 𐴀𐴝𐴌 𐴀𐴝𐴘𐴢 𐴒𐴡𐴌𐴥𐴝 𐴔𐴡𐴐𐴑𐴞𐴓𐴢 𐴀𐴥𐴡𐴀𐴡𐴕𐴡𐴌 𐴎𐴡𐴌𐴞𐴘𐴝 𐴱 𐴊𐴠𐴐𐴤𐴡𐴙𐴃𐴧𐴝 𐴀𐴥𐴡𐴑𐴧𐴤𐴡𐴓𐴡𐴌 𐴀𐴝𐴌𐴝𐴚 𐴈𐴡𐴔𐴞 𐴎𐴝𐴘𐴢 𐴕𐴞𐴎𐴡𐴌 𐴒𐴤𐴡𐴌𐴒𐴟𐴐𐴧𐴤𐴞 𐴀𐴥𐴟𐴊𐴧𐴤𐴝 𐴉𐴝𐴓𐴡𐴕 𐴔𐴡𐴐𐴑𐴞𐴓𐴢 𐴀𐴥𐴡𐴘𐴧𐴥𐴠𐴊𐴠 𐴀𐴡𐴑𐴃𐴤𐴡𐴃𐴢

𐴔𐴝𐴐𐴤𐴠 𐴔𐴝𐴐𐴤𐴠 𐴄𐴞𐴛𐴝 𐴊𐴞𐴘𐴧𐴝 𐴉𐴡𐴌𐴠𐴌𐴊𐴧𐴠 𐴘𐴥𐴝𐴀𐴝𐴕 𐴀𐴥𐴡𐴊𐴡𐴌 𐴁𐴝𐴀𐴝𐴌𐴠 𐴁𐴤𐴡𐴌 𐴀𐴥𐴡𐴘𐴧𐴠 𐴁𐴡𐴓𐴞 𐴊𐴠𐴐𐴤𐴡𐴙𐴃𐴧𐴝 𐴀𐴥𐴡𐴑𐴧𐴤𐴡𐴓𐴠 𐴈𐴡𐴘𐴧𐴥𐴠𐴊𐴠 𐴎𐴝𐴕𐴝 𐴒𐴞𐴘𐴧𐴥𐴠 𐴱 𐴄𐴡𐴀𐴡𐴕𐴡𐴌 𐴖𐴡𐴌𐴠 𐴀𐴝𐴏𐴥𐴠𐴊𐴠 𐴀𐴟𐴖𐴡𐴌𐴡𐴌 𐴀𐴞𐴐𐴑𐴟𐴓 𐴱 𐴔𐴝𐴎𐴤𐴡𐴌 𐴀𐴞𐴐𐴑𐴟𐴓𐴢 𐴱 𐴐𐴤𐴟𐴌𐴟𐴌 𐴀𐴞𐴐𐴑𐴟𐴓𐴢 𐴱 𐴀𐴥𐴞𐴀𐴞𐴕𐴡𐴌𐴓𐴧𐴥𐴝 𐴘𐴥𐴡 𐴓𐴝𐴒𐴝𐴃𐴝𐴌 𐴄𐴞𐴛𐴝 𐴃𐴟𐴓𐴥𐴝𐴃𐴢 𐴀𐴝𐴏𐴥𐴠 𐴱 𐴄𐴙𐴟𐴐𐴤𐴞𐴕 𐴉𐴡𐴌𐴥𐴝𐴊𐴠 𐴔𐴝𐴐𐴄𐴡𐴌 𐴀𐴥𐴡𐴑𐴧𐴤𐴡𐴓𐴡𐴌 𐴋𐴦𐴡𐴙𐴓𐴧𐴝 𐴱𐴱

𐴀𐴟𐴖𐴡𐴌𐴡𐴌 𐴀𐴞𐴐𐴑𐴟𐴓𐴡𐴌 𐴓𐴧𐴥𐴝 𐴔𐴝𐴐𐴤𐴠 𐴰 𐴰 𐴰 𐴰 𐴲 𐴑𐴟𐴌𐴞 𐴇𐴥𐴝𐴎𐴝𐴌 𐴱 𐴔𐴝𐴎𐴤𐴡𐴌 𐴀𐴞𐴐𐴑𐴟𐴓𐴡𐴌𐴓𐴧𐴥𐴝 𐴔𐴝𐴐𐴤𐴠 𐴰 𐴰 𐴰 𐴰 𐴱 𐴊𐴡𐴐𐴢 𐴇𐴥𐴝𐴎𐴝𐴌 𐴱 𐴐𐴤𐴟𐴌𐴟𐴌 𐴀𐴞𐴐𐴑𐴟𐴓𐴡𐴌𐴓𐴧𐴥𐴝 𐴔𐴝𐴐𐴤𐴠 𐴰 𐴰 𐴰 𐴶 𐴇𐴥𐴝𐴎𐴝𐴌 𐴀𐴥𐴞𐴏𐴝𐴉𐴠 𐴱 𐴔𐴝𐴐𐴄𐴡𐴌 𐴀𐴥𐴡𐴑𐴧𐴤𐴡𐴓𐴠 𐴕𐴞𐴎𐴠 𐴁𐴝𐴎𐴠 𐴃𐴟𐴓𐴥𐴞 𐴓𐴡𐴀𐴡𐴌 𐴱 𐴒𐴝𐴚𐴡𐴌 𐴉𐴝𐴌𐴝 𐴀𐴥𐴡𐴑𐴧𐴤𐴡𐴓𐴡𐴌 𐴀𐴞𐴐𐴑𐴟𐴓𐴡𐴃𐴢 𐴔𐴝𐴎𐴤𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴤𐴡𐴓𐴡𐴌 𐴉𐴟𐴖𐴝𐴀𐴝𐴙𐴕 𐴃𐴤𐴡𐴑 𐴘𐴦𐴝𐴃𐴤𐴡 𐴕𐴡 𐴃𐴤𐴡𐴑 𐴱 𐴉𐴡𐴌𐴥𐴠𐴌 𐴘𐴦𐴝𐴃𐴤𐴡 𐴕𐴡 𐴉𐴡𐴌𐴥𐴠𐴌 𐴱 𐴈𐴡𐴕𐴥𐴡 𐴓𐴞𐴘𐴥𐴝𐴎 𐴕𐴡 𐴒𐴡𐴌𐴥𐴞 𐴉𐴡𐴃𐴧𐴞 𐴉𐴝𐴌𐴝𐴃𐴧𐴤𐴟 𐴀𐴝𐴌 𐴉𐴡𐴃𐴧𐴞 𐴒𐴤𐴡𐴌𐴡𐴃𐴧𐴤𐴟 𐴉𐴝𐴌𐴝𐴌 𐴀𐴥𐴟𐴑 𐴆𐴤𐴙𐴑 𐴌𐴥𐴠𐴔𐴥𐴟𐴌 𐴋𐴝𐴀𐴝𐴘 𐴘𐴥𐴠 𐴒𐴤𐴡𐴌 𐴒𐴤𐴡𐴌 𐴎𐴝𐴘𐴢𐴄𐴞𐴛𐴝 𐴃𐴟𐴓𐴥𐴞 𐴓𐴡𐴀𐴡𐴌 𐴊𐴧𐴠 𐴎𐴝𐴕𐴝 𐴒𐴞𐴘𐴧𐴥𐴠 𐴱𐴱

𐴒𐴝𐴎𐴡𐴌 𐴉𐴝𐴌𐴝 𐴀𐴥𐴡𐴑𐴧𐴤𐴡𐴓𐴡𐴃𐴢 𐴐𐴤𐴝𐴌𐴠𐴊𐴠 𐴒𐴤𐴡𐴌𐴒𐴟𐴐𐴧𐴤𐴞𐴃𐴧𐴤𐴟 𐴰 𐴰 𐴰 𐴰 𐴲 𐴑𐴟𐴌𐴞 𐴇𐴥𐴝𐴎𐴝𐴌 𐴱 𐴒𐴡𐴌𐴞𐴁𐴢 𐴒𐴤𐴡𐴌𐴒𐴟𐴐𐴧𐴤𐴞𐴃𐴧𐴤𐴟 𐴰 𐴰 𐴰 𐴰 𐴱 𐴊𐴡𐴐𐴢 𐴇𐴥𐴝𐴎𐴝𐴌 𐴱 𐴉𐴟𐴖𐴝𐴀𐴝𐴙𐴕 𐴀𐴞𐴐𐴑𐴟𐴓𐴡𐴃𐴢 𐴕𐴡 𐴉𐴡𐴌𐴥𐴠𐴊𐴠 𐴀𐴥𐴠𐴕𐴋𐴞𐴓𐴧𐴝 𐴒𐴤𐴡𐴌𐴒𐴟𐴐𐴧𐴤𐴞𐴃𐴧𐴤𐴟 𐴰 𐴰 𐴰 𐴶 𐴏𐴥𐴡 𐴇𐴥𐴝𐴎𐴝𐴌 𐴀𐴥𐴞𐴏𐴝𐴉𐴠 𐴄𐴞𐴛𐴝 𐴓𐴡𐴀𐴡𐴌 𐴁𐴡𐴓𐴞 𐴎𐴝𐴕𐴝 𐴒𐴞𐴘𐴧𐴥𐴠 𐴱 𐴔𐴡𐴒𐴢 𐴁𐴝𐴒𐴞 𐴀𐴥𐴡𐴑𐴧𐴤𐴡𐴓𐴠 𐴀𐴞𐴐𐴑𐴟𐴓𐴢 𐴑𐴤𐴟𐴓𐴥𐴞𐴓𐴥𐴠 𐴘𐴥𐴡 𐴀𐴞𐴐𐴑𐴟𐴓𐴡𐴌 𐴕𐴞𐴘𐴡𐴔 𐴁𐴝𐴎𐴝𐴘 𐴌𐴝𐴑𐴤𐴞𐴁𐴤𐴡𐴓𐴧𐴝 𐴔𐴝𐴐𐴄𐴡𐴌 𐴀𐴥𐴡𐴑𐴧𐴤𐴡𐴓𐴡𐴌 𐴃𐴡𐴕𐴈𐴥𐴝 𐴊𐴠𐴐𐴤𐴡𐴙𐴃𐴧𐴝 𐴀𐴥𐴡𐴑𐴧𐴤𐴡𐴓𐴡𐴃𐴧𐴤𐴟 𐴓𐴡𐴀𐴡𐴕𐴡𐴌 𐴎𐴡𐴌𐴞𐴘𐴝 𐴊𐴠𐴐𐴤𐴡𐴙𐴃𐴧𐴝 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴤𐴡𐴓𐴢 𐴁𐴠𐴐𐴤𐴞 𐴊𐴟𐴑𐴧𐴤𐴡𐴃𐴢 𐴉𐴡𐴌𐴞 𐴒𐴞𐴘𐴧𐴥𐴡𐴘𐴢 𐴁𐴡𐴓𐴞 𐴈𐴥𐴡𐴁𐴡𐴌 𐴔𐴡𐴎𐴞𐴕 𐴎𐴝𐴕𐴝 𐴒𐴞𐴘𐴧𐴥𐴠 𐴱𐴱

Sources : MDN