𐴔𐴡𐴒𐴢 𐴁𐴝𐴒𐴞𐴃𐴧𐴤𐴟 𐴉𐴝𐴐𐴢 𐴓𐴡𐴘 𐴑𐴙𐴡𐴥𐴑 𐴓𐴠𐴒𐴤𐴝𐴃𐴧𐴤𐴟 𐴔𐴝𐴏𐴢 𐴏𐴝𐴘𐴃𐴤𐴡 𐴒𐴞𐴀𐴞𐴓𐴊𐴠 𐴌𐴟𐴇𐴝𐴙𐴚𐴒𐴙𐴝 𐴳 𐴎𐴡𐴕𐴡𐴌 𐴈𐴡𐴕𐴥𐴡 𐴈𐴥𐴡𐴁𐴡𐴌 𐴕𐴥𐴝𐴘𐴢 𐴱𐴱

𐴀𐴝𐴌𐴑𐴝𐴕 𐴱 𐴔𐴡𐴚𐴋𐴤𐴟𐴌 𐴀𐴟𐴃𐴧𐴡𐴌𐴠 𐴑𐴙𐴥𐴡𐴑 𐴓𐴠𐴒𐴤𐴝 𐴉𐴝𐴌𐴝 𐴒𐴤𐴗𐴝𐴚𐴡𐴌 𐴏𐴝𐴏𐴞 𐴉𐴝𐴌𐴝𐴌 𐴁𐴤𐴝𐴐𐴤𐴞 𐴌𐴟𐴇𐴝𐴙𐴚𐴒𐴙𐴝 𐴎𐴝𐴙𐴓𐴧𐴝 𐴃𐴞𐴕 𐴎𐴡𐴕𐴠 𐴱 𐴔𐴡𐴒𐴢 𐴁𐴝𐴒𐴞𐴃𐴧𐴤𐴟 𐴉𐴝𐴐𐴢 𐴓𐴡𐴘 𐴔𐴝𐴏𐴢 𐴏𐴝𐴘𐴃𐴤𐴡 𐴎𐴝𐴘𐴁𐴝𐴌 𐴐𐴤𐴡𐴣𐴀𐴡𐴃𐴢 𐴱 𐴎𐴝𐴔 𐴁𐴡𐴙𐴕𐴧𐴝 𐴉𐴝𐴌𐴝 𐴒𐴤𐴗𐴝𐴚𐴡𐴌 𐴆𐴗𐴠𐴄𐴝 𐴉𐴝𐴌𐴝𐴌 𐴋𐴤𐴝𐴑𐴤𐴠 𐴀𐴝𐴏𐴥𐴠𐴊𐴠 𐴕𐴥𐴝 𐴑𐴤𐴝 𐴑𐴤𐴝 𐴰 𐴱 𐴊𐴡𐴐𐴡𐴌 𐴀𐴝𐴃𐴌𐴝𐴉𐴡𐴃𐴢 𐴔𐴝𐴎𐴤𐴠 𐴀𐴥𐴝𐴣𐴎𐴞 𐴒𐴞𐴘𐴥𐴡𐴘𐴢 𐴁𐴡𐴓𐴞 𐴈𐴥𐴡𐴁𐴡𐴌 𐴔𐴡𐴎𐴞𐴕 𐴎𐴝𐴕𐴝 𐴒𐴞𐴘𐴧𐴥𐴠 𐴱𐴱

𐴏𐴝𐴏𐴞 𐴉𐴝𐴌𐴝𐴌 𐴌𐴟𐴇𐴝𐴙𐴚𐴒𐴙𐴝 𐴎𐴝𐴙𐴓𐴧𐴝 𐴀𐴥𐴡𐴑𐴧𐴤𐴡𐴓𐴠 𐴔𐴡𐴒𐴢 𐴁𐴝𐴒𐴞𐴃𐴧𐴤𐴟 𐴉𐴝𐴐𐴢 𐴓𐴡𐴘𐴢 𐴁𐴦𐴝𐴊𐴠 𐴀𐴥𐴝𐴣𐴎𐴡𐴙𐴕𐴧𐴝 𐴏𐴥𐴡 𐴁𐴝𐴎𐴠 𐴱 𐴕𐴝𐴉𐴢 𐴊𐴡𐴙𐴅𐴧𐴙𐴝𐴃𐴢 𐴔𐴝𐴏𐴢 𐴏𐴝𐴘𐴃𐴤𐴡 𐴓𐴝𐴔𐴠 𐴒𐴤𐴡𐴘 𐴱 𐴌𐴝𐴙𐴃𐴢 𐴁𐴤𐴡𐴌 𐴔𐴝𐴏𐴢 𐴏𐴝𐴀𐴝𐴘 𐴁𐴦𐴝𐴊𐴠 𐴃𐴝𐴌𐴉𐴡𐴌 𐴊𐴞𐴕 𐴶 𐴁𐴝𐴎𐴠 𐴘𐴦𐴝𐴃𐴤𐴡 𐴷 𐴁𐴝𐴎𐴠 𐴁𐴞𐴀𐴞𐴕𐴧𐴝 𐴱 𐴔𐴡𐴒𐴢 𐴁𐴝𐴒𐴞𐴌 𐴓𐴡𐴘 𐴏𐴟𐴑𐴃𐴞 𐴀𐴝𐴏𐴥𐴠𐴊𐴠 𐴔𐴡𐴎𐴞𐴕 𐴀𐴡𐴊𐴧𐴤𐴑 𐴔𐴝𐴏𐴢 𐴈𐴥𐴝𐴓𐴡𐴌 𐴔𐴟𐴑𐴤𐴡𐴌 𐴒𐴤𐴝𐴣𐴄𐴤𐴞𐴌 𐴔𐴡𐴒𐴢 𐴁𐴝𐴒𐴞𐴌𐴥𐴠 𐴊𐴞𐴀𐴞 𐴁𐴦𐴝𐴊𐴠 𐴱 𐴁𐴝𐴑𐴞 𐴔𐴝𐴏𐴢 𐴁𐴠𐴏𐴞 𐴒𐴤𐴡𐴌𐴡𐴌𐴓𐴧𐴝 𐴀𐴡𐴙𐴕𐴧𐴡 𐴎𐴡𐴌𐴟𐴌𐴞 𐴁𐴝𐴎𐴝𐴌 𐴑𐴞𐴕𐴞 𐴓𐴡𐴘 𐴉𐴡𐴙𐴃𐴧𐴡 𐴊𐴞𐴕 𐴒𐴤𐴡𐴌𐴡𐴃𐴢 𐴀𐴝𐴀𐴝𐴘 𐴎𐴝𐴘𐴃𐴡 𐴒𐴤𐴡𐴘 𐴱𐴱

𐴌𐴟𐴇𐴝𐴙𐴚𐴒𐴙𐴝 𐴎𐴝𐴙𐴓𐴧𐴝 𐴃𐴞𐴕𐴥𐴞 𐴎𐴡𐴕 𐴒𐴡𐴃𐴡 𐴀𐴡𐴄𐴟𐴁𐴡𐴌 𐴔𐴝𐴐𐴤𐴡𐴌 𐴸 𐴃𐴝𐴌𐴥𐴞𐴑 𐴀𐴥𐴝𐴣𐴎𐴡𐴙𐴕𐴧𐴝 𐴓𐴡𐴒𐴢 𐴁𐴤𐴡𐴒𐴢 𐴶 𐴁𐴝𐴎𐴠 𐴉𐴠𐴌𐴝𐴔 𐴉𐴟𐴌𐴟𐴌 𐴈𐴥𐴝𐴓𐴡𐴌 𐴔𐴟𐴑𐴤𐴡𐴌 𐴒𐴤𐴝𐴣𐴄𐴤𐴞𐴌 𐴔𐴡𐴒𐴢 𐴁𐴝𐴒𐴞𐴃𐴧𐴤𐴟 𐴉𐴝𐴐𐴢 𐴓𐴡𐴘 𐴱 𐴕𐴝𐴉𐴢 𐴊𐴡𐴙𐴅𐴧𐴙𐴝𐴃𐴢 𐴔𐴝𐴏𐴢 𐴏𐴝𐴘𐴃𐴤𐴡 𐴓𐴝𐴔𐴧𐴞𐴀𐴞𐴓𐴢 𐴒𐴤𐴡𐴘 𐴱 𐴕𐴞𐴘𐴡𐴔 𐴔𐴡𐴎𐴞𐴕 𐴁𐴞𐴀𐴞𐴕𐴧𐴝 𐴒𐴤𐴡𐴌𐴡𐴃𐴢 𐴁𐴝𐴎𐴝𐴌 𐴓𐴡𐴘 𐴀𐴝𐴘𐴧𐴥𐴠𐴌𐴢 𐴁𐴡𐴓𐴞 𐴒𐴤𐴡𐴌𐴒𐴟𐴐𐴧𐴞 𐴘𐴠 𐴀𐴝𐴐𐴤𐴝 𐴒𐴌𐴥𐴞 𐴀𐴠𐴕𐴃𐴠𐴎𐴝𐴌 𐴒𐴡𐴌𐴥𐴠𐴌 𐴱 𐴔𐴡𐴕𐴃𐴡𐴌 𐴃𐴝𐴌𐴉𐴡𐴌 𐴊𐴞𐴕 𐴀𐴥𐴝𐴣𐴎𐴡𐴙𐴕𐴧𐴝 𐴀𐴥𐴟𐴊𐴧𐴤𐴝 𐴒𐴤𐴡𐴌𐴡𐴃𐴢 𐴕𐴥𐴡 𐴀𐴝𐴘𐴧𐴥𐴠 𐴀𐴝𐴌 𐴈𐴡𐴕𐴥𐴡 𐴑𐴞𐴏𐴥𐴞𐴔𐴡𐴌 𐴈𐴥𐴡𐴁𐴡𐴌 𐴀𐴥𐴡 𐴕𐴥𐴝𐴘𐴢 𐴱 𐴎𐴞𐴘𐴥𐴝𐴕𐴡𐴌 𐴎𐴡𐴌𐴞𐴘𐴝 𐴒𐴤𐴡𐴌𐴒𐴟𐴐𐴧𐴞 𐴐𐴤𐴡𐴣𐴀𐴡 𐴉𐴝𐴌𐴝𐴙𐴓𐴧𐴝 𐴁𐴠𐴒𐴧𐴤𐴟𐴕 𐴉𐴠𐴌𐴠𐴐𐴝𐴕𐴞𐴃 𐴱 𐴀𐴥𐴠 𐴇𐴦𐴝𐴓𐴡𐴃𐴡𐴃 𐴒𐴤𐴡𐴌𐴒𐴟𐴐𐴧𐴞 𐴀𐴥𐴡𐴑𐴧𐴤𐴡𐴓𐴠 𐴁𐴠𐴒𐴧𐴤𐴂𐴝 𐴃𐴟𐴖𐴝𐴘𐴢 𐴏𐴝𐴀𐴝𐴘 𐴁𐴦𐴝𐴊𐴠 𐴘𐴥𐴡 𐴈𐴡𐴕𐴥𐴡 𐴈𐴥𐴡𐴁𐴡𐴌 𐴕𐴥𐴡 𐴉𐴝𐴀𐴝 𐴁𐴡𐴓𐴞 𐴈𐴥𐴡𐴁𐴡𐴌 𐴔𐴡𐴎𐴞𐴕 𐴎𐴝𐴕𐴝 𐴒𐴞𐴘𐴧𐴥𐴠 𐴱𐴱

𐴃𐴝𐴌𐴉𐴡𐴌 𐴊𐴞𐴕𐴡𐴃𐴢 𐴉𐴝𐴌𐴝𐴙𐴓𐴧𐴝𐴀𐴥𐴡𐴑𐴧𐴤𐴡𐴓𐴡𐴌 𐴉𐴥𐴟𐴣𐴖𐴝𐴣𐴃𐴞 𐴒𐴤𐴡𐴌𐴒𐴟𐴐𐴧𐴞 𐴀𐴥𐴡𐴑𐴧𐴤𐴡𐴓𐴢 𐴱 𐴔𐴡𐴒𐴢 𐴁𐴝𐴒𐴞𐴌 𐴒𐴤𐴝𐴣𐴄𐴤𐴞 𐴕𐴥𐴝 𐴑𐴤𐴝 𐴑𐴤𐴝 𐴰 𐴱 𐴀𐴝𐴌 𐴉𐴠𐴌𐴝𐴔 𐴉𐴟𐴌𐴟𐴌 𐴈𐴥𐴝𐴓𐴡𐴌 𐴔𐴟𐴑𐴤𐴡𐴌 𐴒𐴤𐴝𐴣𐴄𐴤𐴞𐴃𐴢 𐴎𐴝𐴘𐴢 𐴎𐴝𐴕𐴝𐴘𐴢 𐴓𐴥𐴠 𐴘𐴥𐴡 𐴱 𐴔𐴡𐴕𐴃𐴡𐴌 𐴔𐴡𐴒𐴢 𐴁𐴝𐴒𐴞 𐴘𐴠 𐴀𐴝𐴣𐴀𐴝𐴌𐴝 𐴕𐴡 𐴎𐴝𐴕𐴥𐴞 𐴁𐴡𐴓𐴞 𐴈𐴡𐴀𐴡𐴘𐴢 𐴃𐴟𐴌𐴟𐴃𐴢 𐴅𐴟𐴖𐴝𐴁𐴢 𐴊𐴞𐴀𐴞 𐴉𐴥𐴠𐴓𐴥𐴘𐴧𐴠 𐴱 𐴘𐴥𐴝𐴀𐴝𐴌 𐴁𐴦𐴝𐴊𐴠 𐴒𐴤𐴡𐴌𐴒𐴟𐴐𐴧𐴞 𐴀𐴥𐴡𐴑𐴧𐴤𐴡𐴓𐴠 𐴏𐴥𐴞𐴘𐴡𐴓𐴡𐴌 𐴒𐴤𐴞𐴌𐴥𐴝𐴌 𐴁𐴝𐴀𐴝𐴌𐴠 𐴉𐴠𐴌𐴝𐴌 𐴁𐴤𐴟𐴃𐴤𐴡𐴌𐴠 𐴃𐴟𐴖𐴝𐴘 𐴏𐴝𐴘𐴧𐴥𐴠 𐴱 𐴔𐴡𐴕𐴃𐴡𐴌 𐴀𐴥𐴞𐴃𐴝𐴌𐴥𐴝 𐴐𐴤𐴡𐴣𐴀𐴡 𐴔𐴝𐴏𐴢 𐴏𐴝𐴀𐴝𐴊𐴠 𐴈𐴡𐴕𐴥𐴡 𐴏𐴥𐴝𐴔𐴝𐴕 𐴱 𐴎𐴝𐴓 𐴋𐴟𐴓𐴝 𐴑𐴠𐴙𐴏𐴧𐴥𐴟𐴌 𐴀𐴝𐴃𐴧𐴝 𐴉𐴝𐴃𐴧𐴝 𐴕𐴥𐴡 𐴉𐴝𐴀𐴝 𐴁𐴡𐴓𐴞 𐴈𐴥𐴡𐴁𐴡𐴌 𐴔𐴡𐴎𐴞𐴕 𐴎𐴝𐴕𐴝 𐴒𐴞𐴘𐴧𐴥𐴠 𐴱𐴱

Sources :MDN