𐴔𐴡𐴚𐴋𐴤𐴟𐴌 𐴓𐴝𐴌𐴥𐴝𐴘 𐴐𐴤𐴡𐴌𐴒𐴗𐴝 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴤𐴓𐴡𐴌 𐴊𐴟𐴖𐴝𐴕𐴡𐴌 𐴑𐴠𐴌𐴝𐴘𐴝 𐴓𐴡𐴘 𐴁𐴡𐴓𐴧𐴥𐴝 𐴔𐴡𐴒𐴢 𐴁𐴝𐴒𐴞 𐴘𐴠 𐴏𐴝𐴁𐴢 𐴊𐴠𐴀𐴠𐴌 𐴱𐴱

𐴀𐴝𐴌𐴑𐴝𐴕 𐴱 𐴔𐴡𐴚𐴋𐴤𐴟 𐴄𐴡𐴀𐴡𐴕𐴡𐴃𐴢 𐴀𐴝𐴏𐴥𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴐𐴤𐴡𐴊𐴡𐴌 𐴀𐴥𐴡𐴑𐴧𐴡𐴤𐴓𐴡𐴌𐴥𐴠 𐴔𐴡𐴒𐴢 𐴁𐴝𐴒𐴞 𐴘𐴠 𐴏𐴥𐴠𐴃𐴡𐴔𐴁𐴡𐴌 𐴔𐴝𐴐𐴤𐴡𐴌 𐴰 𐴳 𐴃𐴝𐴌𐴥𐴞𐴑𐴡𐴃𐴢 𐴔𐴞𐴄𐴤𐴞𐴚𐴡𐴃𐴢 𐴋𐴝𐴈𐴝𐴘 𐴱 𐴓𐴝𐴌𐴥𐴝𐴘 𐴐𐴤𐴡𐴌𐴒𐴗𐴝 𐴀𐴥𐴞𐴏𐴥𐴝𐴉𐴠 𐴌𐴠𐴕𐴒𐴟𐴕 𐴀𐴝𐴌 𐴁𐴝𐴚𐴓𐴝 𐴊𐴠𐴐𐴢 𐴒𐴞𐴘𐴧𐴡𐴥𐴘𐴊𐴠 𐴊𐴟𐴖𐴝𐴕𐴡𐴌 𐴒𐴞𐴌𐴡𐴥𐴏𐴢 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴤𐴓𐴠 𐴊𐴟𐴖𐴝𐴕𐴡𐴌 𐴁𐴤𐴝𐴌𐴥𐴝 𐴓𐴡𐴘𐴃𐴡𐴊𐴠 𐴇𐴥𐴞𐴀𐴞𐴕 𐴱 𐴀𐴠 𐴀𐴡𐴑𐴃𐴟𐴁𐴡𐴌 𐴔𐴝𐴐𐴢 𐴓𐴡𐴃𐴞 𐴔𐴡𐴒𐴢 𐴁𐴝𐴒𐴞 𐴘𐴠 𐴓𐴡𐴘𐴁𐴡 𐴁𐴡𐴓𐴞 𐴈𐴡𐴀𐴡𐴘 𐴊𐴟𐴖𐴝𐴙𐴕𐴧𐴝 𐴀𐴥𐴡𐴑𐴧𐴡𐴤𐴓𐴡𐴌𐴥𐴠 𐴉𐴟𐴕𐴥𐴝𐴘 𐴊𐴞𐴘𐴧𐴠𐴥 𐴁𐴡𐴓𐴞 𐴊𐴟𐴖𐴝𐴙𐴕𐴧𐴝 𐴀𐴥𐴡𐴑𐴧𐴡𐴤𐴓𐴠 𐴈𐴡𐴘𐴧𐴠𐴥𐴊𐴠 𐴎𐴝𐴕𐴝 𐴒𐴞𐴘𐴧𐴠𐴥 𐴱𐴱

𐴔𐴞𐴄𐴞𐴤𐴚𐴡𐴃𐴢 𐴔𐴝𐴎𐴤𐴠 𐴇𐴦𐴝𐴎𐴠𐴌 𐴀𐴝𐴐𐴧𐴞𐴤𐴓𐴊𐴠 𐴌𐴟𐴇𐴝𐴙𐴚𐴒𐴙𐴝 𐴐𐴤𐴡𐴊𐴡𐴌 𐴀𐴠𐴑 𐴎𐴡𐴕𐴠 𐴈𐴡𐴘𐴧𐴠𐴥𐴊𐴠 𐴱 𐴔𐴡𐴚𐴋𐴤𐴟 𐴑𐴡𐴁𐴎𐴝 𐴒𐴡𐴌𐴥𐴝 𐴓𐴝𐴌𐴥𐴝𐴘𐴃𐴢 𐴎𐴞𐴃𐴝𐴌𐴥𐴝 𐴁𐴝𐴚𐴓𐴝 𐴊𐴠𐴐𐴤𐴡𐴃𐴢 𐴒𐴞𐴘𐴧𐴠𐴥 𐴇𐴥𐴞𐴃𐴤𐴝𐴌𐴥𐴝 𐴀𐴥𐴝𐴣𐴃𐴞𐴘𐴝𐴌𐴞 𐴒𐴟𐴌𐴥𐴟𐴉𐴢 𐴓𐴡𐴘 𐴏𐴥𐴝𐴣𐴀𐴝𐴃𐴢 𐴀𐴝𐴏𐴥𐴠 𐴀𐴝𐴌 𐴎𐴞𐴃𐴝𐴌𐴥𐴝 𐴌𐴠𐴚𐴒𐴟𐴕 𐴒𐴞𐴘𐴧𐴠𐴥 𐴇𐴥𐴞𐴃𐴤𐴝𐴌𐴥𐴝 𐴀𐴝𐴃𐴡𐴚𐴁𐴝𐴊𐴞 𐴁𐴡𐴌𐴔𐴥𐴝𐴌 𐴔𐴠𐴓𐴠𐴄𐴠𐴌𐴞 𐴑𐴡𐴗𐴕𐴏𐴞 𐴓𐴡𐴘 𐴏𐴥𐴝𐴣𐴀𐴝𐴃𐴢 𐴀𐴝𐴏𐴥𐴠 𐴁𐴡𐴓𐴞 𐴈𐴡𐴀𐴡𐴘 𐴇𐴥𐴞𐴃𐴤𐴝𐴌𐴝𐴌 𐴊𐴟𐴖𐴝𐴕𐴡𐴌 𐴑𐴠𐴌𐴝𐴘𐴝 𐴄𐴞𐴛𐴝 𐴔𐴡𐴒𐴢 𐴁𐴝𐴒𐴞 𐴘𐴠 𐴓𐴡𐴘𐴁𐴡 𐴈𐴡𐴀𐴡𐴘 𐴉𐴟𐴕𐴥𐴝𐴘 𐴊𐴞𐴘𐴧𐴠𐴥𐴊𐴠 𐴎𐴝𐴕𐴝 𐴒𐴞𐴘𐴧𐴠𐴥 𐴱𐴱

𐴁𐴝𐴚𐴓𐴝 𐴊𐴠𐴐𐴤𐴡𐴃𐴢 𐴀𐴝𐴌 𐴌𐴠𐴚𐴒𐴟𐴕 𐴒𐴞𐴘𐴧𐴠𐴥𐴊𐴠 𐴌𐴟𐴇𐴝𐴙𐴚𐴒𐴙𐴝 𐴊𐴟𐴖𐴝𐴕𐴡𐴌 𐴒𐴞𐴌𐴡𐴥𐴏𐴢 𐴀𐴥𐴡𐴑𐴧𐴡𐴤𐴓𐴡𐴌𐴥𐴠 𐴑𐴠𐴌𐴝𐴘𐴝𐴌 𐴄𐴞𐴛𐴝 𐴊𐴞𐴀𐴞𐴓𐴥𐴠 𐴀𐴥𐴝𐴣𐴃𐴞𐴘𐴝𐴌𐴞 𐴒𐴟𐴌𐴥𐴟𐴉𐴢 𐴀𐴥𐴡𐴑𐴧𐴡𐴤𐴓𐴡𐴌𐴥𐴠 𐴏𐴥𐴝𐴣𐴀𐴝𐴃𐴢 𐴊𐴞𐴘𐴧𐴠𐴥 𐴉𐴝𐴥𐴀𐴝𐴕 𐴀𐴥𐴡𐴘𐴁𐴡𐴊𐴠 𐴇𐴥𐴠𐴃𐴤𐴡𐴓𐴧𐴝 𐴔𐴡𐴒𐴢 𐴁𐴝𐴒𐴞 𐴘𐴠 𐴌𐴟𐴇𐴝𐴙𐴚𐴒𐴙𐴝 𐴊𐴟𐴖𐴝𐴕𐴡𐴌 𐴒𐴞𐴌𐴡𐴥𐴏𐴢 𐴀𐴥𐴡𐴑𐴧𐴡𐴤𐴓𐴡𐴌𐴥𐴠 𐴑𐴠𐴌𐴝𐴘𐴝 𐴊𐴞𐴘𐴧𐴝 𐴕𐴡 𐴉𐴡𐴌𐴞𐴁𐴡𐴤 𐴈𐴡𐴀𐴡𐴘 𐴉𐴥𐴟𐴕𐴥𐴝𐴘 𐴊𐴞𐴘𐴧𐴠𐴥𐴊𐴠 𐴎𐴝𐴕𐴝 𐴒𐴞𐴘𐴧𐴠𐴥 𐴱𐴱

𐴀𐴠𐴈𐴡𐴥𐴕 𐴇𐴥𐴠𐴍𐴥𐴠 𐴀𐴝𐴏𐴥𐴠𐴊𐴠 𐴐𐴤𐴡𐴊𐴡𐴌 𐴇𐴥𐴞𐴃𐴤𐴝𐴌𐴝𐴌𐴥𐴠 𐴑𐴠𐴌𐴝𐴘𐴝𐴌 𐴄𐴞𐴛𐴝 𐴇𐴥𐴞𐴀𐴞𐴕 𐴔𐴡𐴒𐴢 𐴁𐴝𐴒𐴞 𐴌𐴥𐴠 𐴊𐴞𐴀𐴞 𐴁𐴡𐴓𐴧𐴥𐴝 𐴔𐴞𐴄𐴤𐴞𐴚𐴡𐴃𐴢 𐴔𐴝𐴎𐴤𐴠 𐴇𐴦𐴝𐴎𐴠𐴌 𐴀𐴝𐴐𐴧𐴤𐴞𐴓𐴊𐴠 𐴐𐴤𐴡𐴊𐴡𐴌 𐴀𐴥𐴡𐴑𐴧𐴡𐴤𐴓𐴡𐴌𐴥𐴠 𐴔𐴡𐴒𐴢 𐴁𐴝𐴒𐴞 𐴘𐴠 𐴎𐴝𐴕𐴝𐴘 𐴊𐴞𐴘𐴧𐴠𐴥𐴊𐴠 𐴎𐴝𐴕𐴝 𐴒𐴞𐴘𐴧𐴠𐴥 𐴱𐴱

𐴀𐴝𐴌𐴑𐴝𐴕𐴡𐴃𐴢 𐴀𐴝𐴏𐴥𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴤𐴓𐴡𐴃𐴧𐴟𐴤 𐴔𐴡𐴒𐴢 𐴁𐴝𐴒𐴞 𐴘𐴠 𐴏𐴝𐴣𐴊𐴝 𐴓𐴡𐴘 𐴓𐴡𐴘 𐴀𐴝𐴌𐴑𐴝𐴕𐴡𐴌 𐴇𐴦𐴝𐴓𐴡𐴃𐴢 𐴁𐴠𐴐𐴤𐴞 𐴈𐴥𐴡𐴌𐴝𐴁𐴢 𐴒𐴡𐴌𐴥𐴞 𐴉𐴥𐴠𐴓𐴥𐴝𐴘𐴧𐴠 𐴱 𐴎𐴞𐴘𐴥𐴝𐴕𐴡𐴌 𐴎𐴡𐴌𐴞𐴘𐴝 𐴀𐴝𐴌𐴑𐴝𐴕𐴡𐴌𐴠 𐴃𐴡𐴌𐴑𐴞 𐴒𐴡𐴌𐴥𐴞 𐴁𐴤𐴡𐴓𐴧𐴝 𐴏𐴝𐴀𐴝𐴌𐴊𐴠 𐴇𐴥𐴞𐴘𐴝𐴕𐴡𐴃𐴢 𐴀𐴝𐴌𐴀𐴥𐴡 𐴀𐴟𐴓𐴋𐴝 𐴈𐴥𐴡𐴃𐴡𐴌𐴝 𐴀𐴥𐴡𐴀𐴡𐴌 𐴁𐴡𐴓𐴞 𐴈𐴡𐴘𐴧𐴠𐴥 𐴱 𐴀𐴝𐴌 𐴀𐴥𐴞𐴀𐴞𐴕 𐴁𐴡𐴕 𐴒𐴡𐴌𐴥𐴞 𐴁𐴤𐴡𐴓𐴧𐴝 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴤𐴓𐴠 𐴔𐴡𐴒𐴢 𐴁𐴝𐴒𐴞𐴌 𐴀𐴟𐴖𐴡𐴌𐴡𐴌 𐴃𐴡𐴑𐴧𐴝𐴌 𐴎𐴞𐴔𐴧𐴝𐴊𐴝𐴌 𐴀𐴥𐴡𐴑𐴧𐴡𐴤𐴓𐴡𐴌𐴥𐴠 𐴀𐴝𐴌𐴡𐴏𐴢 𐴒𐴡𐴙𐴅𐴧𐴙𐴤𐴠𐴊𐴠 𐴎𐴝𐴕𐴝 𐴒𐴞𐴘𐴧𐴠𐴥 𐴱𐴱

Sources : MDN