𐴔𐴡𐴓𐴠𐴆𐴤𐴙𐴝 𐴀𐴝𐴌 𐴀𐴡𐴙𐴕𐴧𐴡 𐴊𐴠𐴐𐴢 𐴀𐴥𐴡𐴑𐴧𐴤𐴡𐴓𐴡𐴃𐴢 𐴁𐴡𐴕𐴀𐴝𐴏𐴥𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴤𐴓𐴡𐴌𐴥𐴠 𐴀𐴠𐴌𐴥𐴞 𐴊𐴞𐴀𐴞 𐴁𐴡𐴓𐴧𐴥𐴝 𐴌𐴟𐴇𐴝𐴙𐴚𐴒𐴙𐴝 𐴑𐴡𐴔𐴞𐴄𐴞𐴤 𐴘𐴠 𐴀𐴠 𐴂𐴞 𐴀𐴠𐴙𐴐𐴢 𐴀𐴝𐴌 𐴓𐴡𐴘 𐴊𐴡𐴓𐴝 𐴀𐴥𐴡𐴘𐴢 𐴔𐴡𐴐𐴖𐴝𐴌𐴝 𐴒𐴡𐴙𐴅𐴧𐴤𐴙𐴠 𐴱𐴱

‎
𐴁𐴝𐴚𐴓𐴝 𐴊𐴠𐴐𐴤𐴡𐴌 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃𐴢 𐴁𐴡𐴙𐴕𐴧𐴥𐴙𐴠𐴊𐴠 𐴕𐴡𐴔𐴝𐴙𐴕𐴊𐴝 𐴑𐴡𐴔𐴞𐴄𐴞𐴤𐴌 𐴔𐴞𐴔𐴁𐴡𐴌 𐴀𐴥𐴡𐴑𐴧𐴤𐴡𐴓𐴢 𐴏𐴥𐴠𐴃𐴡𐴔𐴁𐴡𐴌 𐴔𐴝𐴐𐴤𐴡𐴌 𐴲 𐴃𐴝𐴌𐴥𐴞𐴑 𐴁𐴞𐴀𐴞𐴕𐴧𐴝 𐴁𐴝𐴚𐴓𐴝 𐴊𐴠𐴐𐴤𐴡𐴌 𐴌𐴞𐴉𐴟𐴎𐴞 𐴑𐴠𐴀𐴠𐴔 𐴶 𐴱 𐴓𐴡𐴔𐴁𐴤𐴡𐴌𐴡𐴃𐴢 𐴀𐴝𐴏𐴥𐴠𐴊𐴠 𐴏𐴞 𐴀𐴝𐴘 𐴏𐴞 𐴀𐴡𐴉𐴞𐴥𐴏𐴡𐴃𐴢 𐴀𐴝𐴏𐴞𐴘𐴠𐴕 𐴊𐴠𐴐𐴢 𐴀𐴥𐴡𐴑𐴧𐴡𐴤𐴓𐴡𐴌 𐴂𐴝𐴓𐴞𐴔𐴠𐴕𐴡𐴌 𐴀𐴟𐴎𐴞𐴌 𐴀𐴥𐴡𐴑𐴧𐴡𐴤𐴓𐴡𐴌 𐴀𐴞𐴕𐴏𐴦𐴝𐴕𐴞 𐴇𐴥𐴡𐴑𐴧𐴡𐴌 𐴋𐴦𐴝𐴀𐴝𐴘 𐴀𐴠 𐴂𐴞 𐴀𐴠𐴙𐴐𐴢 𐴀𐴝𐴌 𐴓𐴡𐴘 𐴊𐴡𐴓𐴝 𐴀𐴡𐴥𐴘 𐴁𐴠𐴐𐴤𐴞 𐴊𐴡𐴌𐴈𐴝𐴌𐴞 𐴔𐴞𐴄𐴤𐴞𐴚 𐴒𐴡𐴙𐴅𐴧𐴙𐴤𐴠𐴊𐴠 𐴎𐴝𐴕𐴝 𐴒𐴞𐴘𐴧𐴠𐴥 𐴱𐴱

𐴁𐴝𐴚𐴓𐴝 𐴊𐴠𐴐𐴤𐴡𐴌 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃𐴢 𐴀𐴞𐴕𐴏𐴦𐴝𐴕𐴞 𐴔𐴡𐴊𐴡𐴊𐴢 𐴒𐴡𐴌𐴥𐴠𐴌𐴊𐴧𐴠 𐴁𐴝𐴅𐴤𐴠𐴄𐴡𐴃𐴢 𐴄𐴞𐴛𐴝 𐴉𐴟𐴥𐴌𐴥𐴝𐴘 𐴒𐴞𐴘𐴧𐴡𐴥𐴘𐴊𐴠 𐴇𐴥𐴞𐴘𐴝𐴕𐴡𐴌 𐴁𐴝𐴁𐴡𐴃𐴠 𐴘𐴥𐴡 𐴈𐴦𐴝𐴏𐴢 𐴒𐴡𐴌𐴥𐴞 𐴔𐴡𐴐𐴖𐴝𐴌𐴝 𐴒𐴡𐴙𐴅𐴧𐴙𐴤𐴠 𐴱 𐴂𐴝𐴁𐴡𐴕𐴊𐴞 𐴀𐴝𐴌 𐴒𐴤𐴡𐴌 𐴏𐴥𐴝𐴌𐴥𐴝 𐴃𐴤𐴡𐴌 𐴏𐴥𐴝𐴌𐴥𐴝 𐴀𐴝𐴌 𐴕𐴞𐴌𐴝𐴉𐴡𐴃𐴧𐴝 𐴏𐴥𐴝𐴌𐴥𐴝 𐴀𐴥𐴡𐴘𐴧𐴥𐴠𐴊𐴠 𐴀𐴥𐴞𐴘𐴝𐴕𐴡𐴌 𐴁𐴝𐴁𐴡𐴃𐴠 𐴓𐴝𐴒𐴝𐴃𐴝𐴌 𐴁𐴠𐴐𐴤𐴞 𐴀𐴡𐴐𐴤𐴝𐴕𐴃𐴞𐴃 𐴀𐴝𐴏𐴥𐴠𐴊𐴠 𐴀𐴥𐴞𐴘𐴝𐴕𐴡𐴌 𐴖𐴡𐴌𐴠 𐴘𐴥𐴡 𐴔𐴡𐴐𐴖𐴝𐴌𐴝 𐴒𐴡𐴙𐴅𐴧𐴤𐴙𐴠𐴊𐴠 𐴎𐴝𐴕𐴝 𐴒𐴞𐴘𐴧𐴠𐴥 𐴱𐴱

𐴔𐴡𐴓𐴠𐴆𐴤𐴙𐴝𐴃𐴢 𐴔𐴝𐴎𐴤𐴠 𐴁𐴡𐴕 𐴀𐴝𐴏𐴥𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴤𐴓𐴡𐴌𐴥𐴠 𐴀𐴠𐴌𐴥𐴞 𐴊𐴞𐴀𐴞 𐴁𐴡𐴓𐴧𐴥𐴝 𐴀𐴝𐴌𐴡𐴏𐴢 𐴒𐴡𐴙𐴅𐴧𐴙𐴤𐴠 𐴀𐴝𐴌 𐴇𐴥𐴠𐴍𐴠𐴥 𐴁𐴠𐴐𐴤𐴞 𐴔𐴝𐴕𐴟𐴥𐴙𐴐𐴢 𐴀𐴥𐴡𐴑𐴧𐴡𐴤𐴓𐴢 𐴔𐴡𐴐𐴑𐴞𐴓𐴡𐴃𐴢 𐴀𐴝𐴏𐴥𐴠 𐴀𐴝𐴌 𐴔𐴡𐴓𐴠𐴆𐴤𐴙𐴝𐴃𐴢 𐴑𐴝𐴀𐴝𐴄𐴢 𐴕𐴥𐴡 𐴉𐴝𐴀𐴝𐴊𐴠 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴀𐴥𐴡𐴑𐴧𐴡𐴤𐴓𐴡𐴌𐴥𐴠 𐴏𐴥𐴝𐴀𐴝𐴌𐴝 𐴊𐴞𐴀𐴞 𐴁𐴡𐴓𐴧𐴥𐴝 𐴌𐴟𐴇𐴝𐴙𐴚𐴒𐴙𐴝 𐴑𐴡𐴔𐴞𐴄𐴞𐴤 𐴘𐴠 𐴀𐴝𐴌𐴡𐴏𐴢 𐴒𐴡𐴙𐴅𐴧𐴙𐴤𐴠𐴊𐴠 𐴎𐴝𐴕𐴝 𐴒𐴞𐴘𐴧𐴠𐴥 𐴱𐴱

𐴌𐴟𐴇𐴝𐴙𐴚𐴒𐴙𐴝 𐴑𐴡𐴔𐴞𐴄𐴤𐴞𐴃𐴢 𐴔𐴝𐴎𐴤𐴠 𐴐𐴤𐴝𐴔𐴠𐴓𐴢 𐴀𐴝𐴏𐴥𐴠𐴊𐴠 𐴇𐴥𐴞𐴃𐴤𐴝𐴌𐴥𐴝 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴤𐴓𐴢 𐴕𐴞𐴎𐴡𐴌 𐴇𐴥𐴡𐴑 𐴓𐴡𐴘 𐴀𐴞𐴎𐴧𐴡𐴃𐴢 𐴐𐴤𐴡𐴔𐴧𐴝𐴕𐴡𐴌 𐴏𐴥𐴝𐴣𐴀𐴝𐴃𐴠 𐴖𐴝𐴉𐴠𐴏𐴢 𐴎𐴝𐴘 𐴉𐴝𐴌𐴠 𐴉𐴥𐴝𐴀𐴝𐴕 𐴊𐴟𐴕𐴞𐴘𐴝𐴘𐴌 𐴔𐴝𐴕𐴟𐴥𐴙𐴐𐴢 𐴀𐴥𐴡𐴑𐴧𐴡𐴤𐴓𐴢 𐴔𐴞𐴓𐴞 𐴔𐴡𐴊𐴡𐴊𐴢 𐴒𐴡𐴌𐴡𐴕𐴧𐴝𐴕 𐴎𐴡𐴌𐴟𐴌𐴞 𐴀𐴡𐴘𐴧𐴠𐴥 𐴁𐴡𐴓𐴞 𐴈𐴡𐴘𐴧𐴠𐴥𐴊𐴠 𐴎𐴝𐴕𐴝 𐴒𐴞𐴘𐴧𐴠𐴥𐴱 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴤𐴓𐴢 𐴔𐴡𐴐𐴑𐴞𐴓𐴡𐴃𐴢 𐴀𐴝𐴏𐴥𐴠𐴊𐴠 𐴇𐴥𐴞𐴘𐴝𐴕 𐴊𐴟𐴕𐴞𐴘𐴝𐴘𐴧𐴠 𐴎𐴝𐴕𐴞 𐴉𐴝𐴌𐴞 𐴁𐴤𐴡𐴓𐴧𐴥𐴝 𐴀𐴝𐴌 𐴌𐴟𐴇𐴝𐴙𐴚𐴒𐴙𐴝𐴌 𐴏𐴥𐴡𐴚𐴑𐴡𐴄𐴢 𐴃𐴟𐴓𐴞 𐴊𐴤𐴡𐴌𐴥𐴞 𐴁𐴤𐴡𐴓𐴧𐴥𐴝 𐴀𐴝𐴌𐴡𐴏𐴢 𐴒𐴡𐴙𐴅𐴧𐴙𐴤𐴠𐴊𐴠 𐴎𐴝𐴕𐴝 𐴒𐴞𐴘𐴧𐴠𐴥 𐴱 𐴀𐴠𐴈𐴡𐴥𐴕 𐴊𐴟𐴕𐴞𐴘𐴝𐴘𐴧𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴤𐴓𐴡𐴌 𐴁𐴝𐴁𐴡𐴃𐴠 𐴈𐴝𐴔 𐴒𐴡𐴌𐴥𐴞 𐴎𐴝𐴀𐴝𐴌𐴊𐴧𐴠 𐴇𐴥𐴞𐴘𐴝𐴕𐴡𐴃𐴢 𐴌𐴟𐴇𐴝𐴙𐴚𐴒𐴙𐴝 𐴑𐴡𐴔𐴞𐴄𐴤𐴞𐴌 𐴀𐴟𐴥𐴑𐴧𐴝𐴄𐴧𐴝 𐴔𐴡𐴓𐴡𐴘 𐴏𐴥𐴡𐴘𐴡𐴊𐴟𐴓𐴧𐴝𐴇 𐴘𐴠 𐴐𐴤𐴟𐴑𐴟𐴌𐴞𐴘𐴝 𐴒𐴡𐴙𐴅𐴧𐴙𐴤𐴠𐴊𐴠 𐴎𐴝𐴕𐴝 𐴒𐴞𐴘𐴧𐴠𐴥 𐴱𐴱

Sources : MDN