𐴔𐴡𐴚𐴋𐴤𐴟 𐴀𐴝𐴌𐴢 𐴁𐴤𐴟𐴏𐴞𐴊𐴡𐴚𐴃𐴢 𐴊𐴠𐴐𐴤𐴡𐴙𐴃𐴧𐴝 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴤𐴡𐴓𐴡𐴌𐴥𐴠 𐴔𐴡𐴒𐴢 𐴁𐴝𐴒𐴞 𐴘𐴠 𐴇𐴥𐴡𐴌𐴡𐴕 𐴒𐴡𐴌𐴥𐴠𐴌𐴢 𐴀𐴝𐴌𐴢 𐴊𐴤𐴡𐴔𐴑𐴞 𐴊𐴠𐴀𐴠𐴌 𐴱𐴱

𐴔𐴡𐴚𐴋𐴤𐴟 𐴀𐴠𐴓𐴝𐴑𐴝 𐴀𐴝𐴌 𐴁𐴤𐴟𐴏𐴞𐴊𐴡𐴚 𐴀𐴠𐴓𐴝𐴑𐴝𐴃𐴢 𐴱 𐴔𐴡𐴒𐴢 𐴁𐴝𐴒𐴞 𐴀𐴥𐴡𐴑𐴧𐴤𐴡𐴓𐴠 𐴊𐴠𐴐𐴤𐴡𐴙𐴃𐴧𐴝 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴤𐴡𐴓𐴡𐴌𐴥𐴠 𐴇𐴥𐴡𐴌𐴡𐴕𐴢 𐴒𐴡𐴌𐴥𐴝 𐴀𐴝𐴌𐴢 𐴁𐴡𐴓𐴝𐴎𐴟𐴌𐴞 𐴎𐴝𐴒𐴝 𐴓𐴝𐴌𐴝 𐴱 𐴉𐴝𐴌𐴝𐴃𐴧𐴤𐴟 𐴕𐴦𐴠𐴓𐴝𐴘𐴢 𐴊𐴞𐴘𐴧𐴝 𐴀𐴝𐴌𐴢 𐴋𐴦𐴡𐴙𐴓𐴧𐴝 𐴋𐴦𐴡𐴙𐴓𐴧𐴝 𐴊𐴤𐴡𐴔𐴑𐴞 𐴀𐴥𐴡𐴑𐴧𐴤𐴡𐴓𐴢 𐴊𐴞𐴘𐴧𐴝 𐴱

𐴉𐴥𐴞𐴃𐴤𐴞𐴕 𐴕𐴟𐴖𐴝 𐴁𐴤𐴝𐴉𐴠 𐴐𐴤𐴟𐴌𐴟 𐴒𐴡𐴙𐴅𐴧𐴤𐴙𐴠 𐴁𐴡𐴓𐴞 𐴱 𐴏𐴟𐴑 𐴊𐴠𐴈𐴥𐴝 𐴒𐴡𐴁𐴤𐴝 𐴀𐴝𐴌𐴢 𐴉𐴝𐴌𐴝𐴌𐴢 𐴁𐴠𐴐𐴤𐴞 𐴔𐴝𐴙𐴕𐴐𐴤𐴡𐴌𐴢 𐴃𐴟𐴌𐴥𐴟 𐴎𐴝𐴕𐴝 𐴒𐴞𐴘𐴧𐴥𐴠 𐴱𐴱

𐴎𐴝𐴕𐴝 𐴔𐴡𐴎𐴞𐴕𐴢 𐴏𐴡𐴓𐴠𐴌𐴊𐴧𐴠 𐴎𐴠𐴌 𐴔𐴝𐴐𐴤𐴡𐴌𐴢 𐴰 𐴱 𐴃𐴝𐴌𐴥𐴞𐴑𐴢 𐴔𐴠 𐴔𐴝𐴐𐴤𐴡𐴌𐴢 𐴵 𐴲 𐴃𐴝𐴌𐴥𐴞𐴑𐴡𐴃𐴢 𐴌𐴟𐴇𐴝𐴙𐴚𐴒𐴙𐴝 𐴁𐴦𐴠𐴐𐴢 𐴔𐴞𐴑𐴧𐴤𐴙𐴝 𐴀𐴝𐴏𐴥𐴠𐴊𐴠 𐴉𐴝𐴌𐴝 𐴱 𐴛𐴡𐴚 𐴐𐴤𐴡𐴚 𐴱 𐴉𐴝𐴕𐴏𐴞 𐴱 𐴀𐴝𐴌 𐴁𐴝𐴋𐴝𐴒𐴝 𐴱 𐴉𐴝𐴌𐴝 𐴀𐴞𐴀𐴞𐴕𐴡𐴃𐴢 𐴔𐴡𐴒𐴢 𐴁𐴝𐴒𐴞𐴌𐴢 𐴉𐴥𐴡𐴗𐴏𐴢 𐴈𐴡𐴊𐴦𐴟𐴕𐴢 𐴀𐴝𐴀𐴝𐴘𐴢 𐴁𐴦𐴝𐴊𐴠 𐴱 𐴁𐴠𐴍𐴝𐴀𐴝𐴙𐴕𐴢 𐴁𐴠𐴒𐴧𐴤𐴟𐴕𐴢 𐴊𐴡𐴓𐴝 𐴒𐴡𐴌𐴥𐴞 𐴈𐴡𐴀𐴡𐴌𐴊𐴧𐴠 𐴃𐴟𐴣𐴖𐴥𐴝𐴣𐴌𐴥𐴝 𐴀𐴝𐴣𐴀𐴝𐴌𐴥𐴝𐴌 𐴀𐴟𐴓𐴋𐴝 𐴉𐴝𐴄𐴞𐴌𐴥𐴠 𐴔𐴡𐴊𐴡𐴊𐴢 𐴒𐴡𐴌𐴥𐴡𐴌𐴢 𐴱 𐴀𐴝𐴣𐴀𐴝𐴌𐴥𐴝𐴌 𐴇𐴥𐴡𐴑𐴤𐴟𐴔 𐴎𐴡𐴊𐴞 𐴕𐴡 𐴔𐴝𐴕𐴡 𐴱 𐴃𐴟𐴣𐴖𐴥𐴝𐴣𐴌𐴥𐴝𐴌𐴥𐴠 𐴁𐴡𐴕 𐴒𐴡𐴌𐴥𐴞𐴘𐴧𐴟𐴔 𐴀𐴝𐴌 𐴔𐴝𐴌𐴝 𐴊𐴤𐴡𐴌𐴥𐴝 𐴎𐴟𐴓𐴥𐴟𐴔 𐴒𐴡𐴌𐴥𐴞𐴘𐴧𐴟𐴔 𐴁𐴡𐴓𐴞 𐴊𐴤𐴡𐴔𐴑𐴞 𐴊𐴞𐴘𐴧𐴥𐴠 𐴁𐴡𐴓𐴞 𐴉𐴝𐴙𐴅𐴧𐴙𐴝 𐴀𐴥𐴡𐴑𐴧𐴤𐴡𐴓𐴠 𐴈𐴡𐴘𐴧𐴥𐴠 𐴱𐴱

𐴁𐴤𐴟𐴏𐴞𐴊𐴡𐴚𐴡𐴌𐴢 𐴊𐴡𐴀𐴡𐴙𐴕𐴠 𐴒𐴟𐴊𐴝𐴔 𐴉𐴝𐴌𐴝 𐴱 𐴏𐴥𐴞𐴕𐴊𐴞 𐴉𐴝𐴌𐴝𐴚 𐴱 𐴉𐴝𐴌𐴝 𐴀𐴞𐴀𐴞𐴕𐴡𐴃𐴢 𐴔𐴡𐴒𐴢 𐴁𐴝𐴒𐴞𐴌𐴢 𐴉𐴥𐴡𐴗𐴏𐴢 𐴀𐴥𐴡𐴑𐴧𐴤𐴡𐴓𐴢 𐴀𐴝𐴀𐴝𐴘𐴢 𐴱 𐴉𐴝𐴌𐴝𐴌𐴢 𐴔𐴝𐴕𐴥𐴟𐴙𐴐𐴢 𐴔𐴝𐴘𐴧𐴝 𐴔𐴡𐴌𐴡𐴊𐴢 𐴀𐴠𐴑𐴐𐴝𐴙𐴄𐴧𐴝 𐴁𐴠𐴒𐴧𐴤𐴟𐴕𐴡𐴌𐴥𐴠 𐴒𐴤𐴡𐴌𐴡𐴃𐴧𐴟 𐴕𐴦𐴠𐴓𐴝𐴘𐴢 𐴁𐴝𐴀𐴝𐴌𐴠 𐴔𐴡𐴘𐴊𐴝𐴕𐴡𐴃𐴢 𐴊𐴡𐴓𐴝 𐴒𐴡𐴙𐴅𐴧𐴤𐴙𐴠 𐴱 𐴒𐴤𐴡𐴌𐴡𐴃𐴧𐴟 𐴕𐴦𐴠𐴓𐴞𐴁𐴤𐴝𐴌𐴢 𐴐𐴤𐴡𐴣𐴀𐴡𐴃𐴢 𐴑𐴠𐴙𐴏𐴧𐴥𐴟 𐴀𐴠𐴑𐴧𐴤𐴝𐴕 𐴑𐴤𐴠𐴌𐴢 𐴉𐴡𐴙𐴅𐴧𐴡𐴕𐴃𐴡 𐴓𐴡𐴘𐴃𐴡 𐴕𐴥𐴡 𐴊𐴠𐴀𐴠 𐴱 𐴀𐴠𐴈𐴥𐴡𐴕 𐴉𐴝𐴌𐴝𐴌𐴢 𐴔𐴝𐴕𐴥𐴟𐴙𐴐𐴢 𐴁𐴠𐴒𐴧𐴤𐴟𐴕𐴢 𐴑𐴤𐴟𐴓𐴝 𐴀𐴝𐴏𐴔𐴝𐴕𐴡𐴌𐴢 𐴃𐴡𐴓𐴠 𐴈𐴥𐴝𐴕𐴥𐴝 𐴉𐴝𐴕𐴥𐴞 𐴀𐴝𐴌 𐴈𐴡𐴕𐴥𐴡 𐴑𐴞𐴏𐴥𐴞𐴔𐴡𐴌𐴢 𐴕𐴞𐴌𐴝𐴉𐴡𐴃𐴧𐴝 𐴏𐴥𐴝𐴌𐴥𐴝 𐴃𐴤𐴑𐴤𐴠𐴌𐴢 𐴁𐴡𐴓𐴞 𐴉𐴝𐴙𐴅𐴧𐴙𐴝 𐴀𐴥𐴡𐴑𐴧𐴤𐴡𐴓𐴡𐴌 𐴃𐴟𐴌𐴥𐴟 𐴎𐴝𐴕𐴝 𐴒𐴞𐴘𐴧𐴥𐴠 𐴱𐴱

𐴀𐴠𐴈𐴥𐴡𐴕 𐴒𐴡𐴌𐴥𐴠𐴌𐴊𐴧𐴠 𐴈𐴝𐴔 𐴀𐴞𐴀𐴞𐴕𐴡𐴌𐴢 𐴎𐴡𐴌𐴞𐴘𐴝 𐴒𐴡𐴃𐴡 𐴔𐴝𐴌𐴠𐴐𐴢 𐴔𐴝𐴐𐴤𐴡𐴃𐴢 𐴔𐴡𐴒𐴢 𐴁𐴝𐴒𐴞 𐴘𐴠 𐴱 𐴁𐴝𐴋𐴝𐴒𐴝 𐴀𐴝𐴌 𐴉𐴝𐴕𐴏𐴞𐴃𐴧𐴤𐴟 𐴐𐴤𐴡𐴃𐴢 𐴐𐴤𐴡𐴃𐴢 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴤𐴡𐴓𐴡𐴌𐴥𐴠 𐴒𐴤𐴡𐴌𐴡𐴃𐴧𐴟 𐴁𐴡𐴓𐴝𐴎𐴟𐴌𐴞 𐴕𐴦𐴠𐴓𐴝𐴘𐴢 𐴱 𐴀𐴥𐴝𐴓𐴢 𐴎𐴝𐴒𐴝𐴃𐴢 𐴀𐴟𐴌𐴝𐴌𐴢 𐴋𐴦𐴡𐴙𐴓𐴧𐴝 𐴃𐴦𐴡𐴙𐴃𐴧𐴝 𐴏𐴥𐴝𐴀𐴝𐴌𐴝 𐴒𐴤𐴡𐴌 𐴁𐴝𐴐𐴤𐴝 𐴁𐴝𐴕𐴝𐴘𐴢 𐴱 𐴀𐴥𐴡𐴊𐴡𐴌 𐴁𐴝𐴀𐴝𐴌𐴠 𐴊𐴟𐴑𐴧𐴤𐴡𐴌𐴢 𐴇𐴥𐴝𐴓𐴡𐴃𐴡𐴃𐴢 𐴌𐴝𐴑𐴧𐴤𐴞𐴀𐴞𐴓𐴊𐴠 𐴔𐴦𐴝𐴔𐴠𐴓𐴝 𐴀𐴥𐴞𐴀𐴞𐴕𐴡𐴌𐴢 𐴋𐴡𐴌𐴢 𐴔𐴡𐴕𐴡𐴃𐴢 𐴀𐴟𐴍𐴥𐴠𐴌𐴢 𐴁𐴡𐴓𐴞 𐴊𐴠𐴐𐴤𐴡𐴙𐴃𐴧𐴝 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴤𐴡𐴓𐴠 𐴈𐴡𐴀𐴡𐴌𐴊𐴧𐴠 𐴎𐴝𐴕𐴝 𐴒𐴞𐴘𐴧𐴥𐴠 𐴱𐴱

Sources : Rohingya Khobor