𐴁𐴤𐴟𐴏𐴝𐴓𐴡𐴌 𐴎𐴡𐴌𐴞𐴘𐴝 𐴰 𐴶 𐴄𐴤𐴝𐴕𐴡𐴌 𐴖𐴡𐴌𐴠 𐴔𐴡𐴏𐴥𐴡𐴙𐴃𐴢 𐴁𐴤𐴝𐴚𐴞 𐴒𐴞𐴘𐴧𐴥𐴡𐴘𐴢 𐴀𐴝𐴌 𐴰 𐴰 𐴵 𐴐𐴤𐴡𐴃𐴡𐴌 𐴁𐴠𐴐𐴤𐴞 𐴔𐴟𐴏𐴥𐴡𐴓𐴔𐴝𐴕 𐴔𐴡𐴌𐴞 𐴒𐴞𐴘𐴧𐴥𐴡𐴘𐴢 𐴱𐴱

𐴒𐴟𐴣𐴍𐴝 𐴁𐴡𐴌𐴔𐴥𐴝𐴃𐴢 𐴔𐴝𐴌𐴠𐴆𐴢 𐴔𐴝𐴐𐴤𐴡𐴌 𐴸 𐴲 𐴃𐴝𐴌𐴥𐴞𐴑 𐴐𐴤𐴟𐴑𐴧𐴟𐴌 𐴁𐴝𐴌𐴠 𐴅𐴟𐴔𐴥𐴝𐴌𐴢 𐴕𐴟𐴖𐴥𐴝𐴏𐴡𐴌 𐴀𐴡𐴑𐴃𐴤𐴡𐴃𐴢 𐴀𐴥𐴡𐴘𐴧𐴥𐴠𐴊𐴠 𐴁𐴠𐴐𐴤𐴞 𐴊𐴡𐴌𐴥𐴡 𐴔𐴡𐴌𐴥𐴡 𐴁𐴤𐴟𐴏𐴝𐴓𐴡𐴌 𐴎𐴡𐴌𐴞𐴘𐴝 𐴱 𐴇𐴥𐴝𐴎𐴝𐴌 𐴇𐴥𐴝𐴎𐴝𐴌 𐴔𐴝𐴕𐴥𐴟𐴙𐴐𐴢 𐴒𐴤𐴝𐴙𐴓𐴢 𐴀𐴥𐴡𐴘𐴧𐴠 𐴀𐴝𐴌 𐴔𐴡𐴌𐴞 𐴒𐴞𐴘𐴧𐴥𐴡𐴘𐴢 𐴱 𐴀𐴥𐴠 𐴁𐴤𐴟𐴏𐴝𐴓𐴡𐴌 𐴎𐴡𐴌𐴞𐴘𐴝 𐴔𐴥𐴝𐴕𐴋𐴠𐴓𐴠 𐴋𐴞𐴐𐴄𐴤𐴞𐴑𐴡𐴃𐴢 𐴰 𐴶 𐴄𐴤𐴝𐴕𐴡𐴌 𐴁𐴠𐴐𐴤𐴞 𐴔𐴡𐴏𐴥𐴡𐴙𐴃𐴢 𐴁𐴤𐴝𐴚𐴞 𐴁𐴦𐴝𐴊𐴠 𐴰 𐴰 𐴵 𐴉𐴝𐴣𐴏𐴢 𐴐𐴤𐴡𐴃𐴡𐴌 𐴖𐴡𐴌𐴠 𐴔𐴟𐴏𐴥𐴡𐴓𐴔𐴝𐴕 𐴔𐴡𐴌𐴞 𐴒𐴞𐴘𐴧𐴥𐴡𐴘𐴢 𐴁𐴡𐴓𐴞 𐴱 𐴎𐴡𐴌𐴞𐴁𐴢 𐴒𐴡𐴌𐴥𐴡𐴘𐴧𐴝 𐴀𐴥𐴡𐴑𐴧𐴤𐴡𐴓𐴠 𐴈𐴡𐴘𐴧𐴥𐴠𐴊𐴠 𐴎𐴝𐴕𐴝 𐴒𐴞𐴘𐴧𐴥𐴠 𐴱𐴱

𐴌𐴠𐴂𐴟𐴄 𐴔𐴡𐴎𐴞𐴕 𐴀𐴥𐴡𐴊𐴡𐴌 𐴁𐴝𐴀𐴝𐴌𐴠 𐴓𐴟𐴏𐴧𐴝𐴕 𐴔𐴥𐴝𐴕𐴋𐴠𐴓𐴠 𐴋𐴞𐴐𐴄𐴤𐴞𐴑𐴡𐴃𐴢 𐴀𐴥𐴡𐴘𐴧𐴠 𐴱 𐴔𐴝𐴌𐴠𐴆𐴡𐴌 𐴹 𐴲 𐴃𐴝𐴌𐴥𐴞𐴑 𐴁𐴞𐴀𐴞𐴕𐴧𐴙𐴝 𐴉𐴡𐴙𐴅𐴧𐴡𐴕𐴃𐴡 𐴲 𐴰 𐴰 𐴱 𐴎𐴡𐴕 𐴔𐴝𐴕𐴥𐴟𐴙𐴐𐴢 𐴔𐴡𐴌𐴞 𐴒𐴞𐴘𐴧𐴥𐴡𐴘𐴢 𐴀𐴝𐴌 𐴶 𐴳 𐴷 𐴲 𐴎𐴡𐴕 𐴓𐴡𐴃𐴞 𐴒𐴤𐴝𐴙𐴓𐴢 𐴀𐴥𐴡𐴘𐴧𐴠 𐴀𐴝𐴌 𐴸 𐴶 𐴎𐴡𐴕 𐴓𐴡𐴃𐴞 𐴃𐴟𐴖𐴝𐴘𐴢 𐴕𐴡 𐴉𐴝𐴀𐴝𐴌 𐴱 𐴀𐴝𐴌 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴡𐴌 𐴌𐴝𐴎𐴝 𐴎𐴦𐴝𐴓𐴠𐴔 𐴔𐴥𐴞𐴚 𐴀𐴡𐴗𐴚 𐴓𐴝𐴙𐴚 𐴔𐴥𐴝𐴕𐴋𐴠𐴓𐴠𐴃𐴢 𐴔𐴝𐴎𐴤𐴠 𐴀𐴝𐴙𐴏𐴤𐴙𐴠 𐴁𐴡𐴓𐴞 𐴈𐴥𐴡𐴁𐴡𐴌 𐴔𐴡𐴎𐴞𐴕 𐴎𐴝𐴕𐴝 𐴒𐴞𐴘𐴧𐴥𐴠 𐴱𐴱

𐴔𐴡𐴕𐴃𐴡𐴌 𐴔𐴝𐴌𐴠𐴆𐴡𐴌 𐴹 𐴲 𐴃𐴝𐴌𐴥𐴞𐴑 𐴀𐴥𐴝𐴣𐴎𐴡𐴙𐴕𐴧𐴙𐴝 𐴉𐴡𐴙𐴅𐴧𐴡𐴕𐴃𐴡 𐴔𐴡𐴌𐴝𐴌 𐴓𐴞𐴐𐴄𐴤𐴞 𐴊𐴡𐴐𐴢 𐴇𐴥𐴝𐴎𐴝𐴌 𐴎𐴡𐴕𐴡𐴌 𐴁𐴡𐴀𐴡𐴃𐴢 𐴖𐴡𐴌𐴠 𐴒𐴞𐴘𐴧𐴥𐴠 𐴁𐴡𐴓𐴞 𐴂𐴝𐴂𐴓𐴥𐴞𐴑 𐴌𐴠𐴂𐴟𐴄𐴢 𐴔𐴡𐴎𐴞𐴕 𐴎𐴝𐴕𐴝 𐴒𐴞𐴘𐴧𐴥𐴠 𐴱 𐴔𐴡𐴕𐴃𐴡𐴌 𐴎𐴦𐴝𐴓𐴠𐴔 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴤𐴟𐴔𐴡𐴃𐴠 𐴁𐴠𐴐𐴤𐴞 𐴈𐴡𐴔 𐴈𐴡𐴀𐴡𐴌𐴊𐴧𐴠 𐴊𐴠𐴈𐴥𐴝 𐴎𐴝𐴀𐴝𐴌 𐴱 𐴀𐴝𐴌 𐴔𐴞𐴐𐴤𐴞𐴕𐴝𐴌𐴞 𐴏𐴥𐴝𐴔𐴝𐴕 𐴁𐴠𐴐𐴤𐴞 𐴈𐴡𐴔 𐴀𐴥𐴡𐴀𐴡𐴕𐴡𐴌 𐴎𐴡𐴌𐴞𐴘𐴝 𐴃𐴟𐴖𐴝 𐴈𐴝𐴔𐴡𐴃𐴢 𐴁𐴠𐴐𐴤𐴞 𐴊𐴠𐴌𐴞 𐴀𐴥𐴡𐴀𐴡𐴌 𐴁𐴡𐴓𐴞 𐴘𐴟 𐴀𐴠𐴏𐴢 𐴅𐴞 𐴀𐴠𐴏𐴢 𐴃𐴡𐴕𐴎𐴞𐴔𐴡𐴌 𐴌𐴠𐴂𐴟𐴄 𐴔𐴡𐴎𐴞𐴕 𐴎𐴝𐴕𐴝 𐴒𐴞𐴘𐴧𐴥𐴠 𐴱 𐴔𐴥𐴝𐴕𐴋𐴠𐴓𐴠 𐴋𐴞𐴐𐴄𐴤𐴞𐴑 𐴱 𐴏𐴥𐴝𐴘𐴢 𐴒𐴤𐴝𐴙𐴚 𐴋𐴞𐴐𐴄𐴤𐴞𐴑 𐴱 𐴔𐴡𐴒𐴧𐴤𐴖𐴠 𐴋𐴞𐴐𐴄𐴤𐴞𐴑 𐴱

𐴂𐴥𐴠𐴒𐴤𐴟 𐴋𐴞𐴐𐴄𐴤𐴞𐴑 𐴱 𐴕𐴠𐴂𐴠𐴌𐴠 𐴋𐴦𐴡 𐴀𐴝𐴌 𐴐𐴤𐴝𐴕 𐴀𐴠𐴏𐴄𐴠𐴙𐴄𐴡𐴌 𐴉𐴟𐴑 𐴀𐴟𐴃𐴧𐴡𐴌 𐴇𐴥𐴞𐴏𐴧𐴝𐴃𐴢 𐴁𐴞𐴓𐴋𐴤𐴞𐴚 𐴀𐴥𐴡𐴑𐴧𐴤𐴡𐴓𐴢 𐴁𐴠𐴐𐴤𐴞 𐴁𐴤𐴝𐴚𐴞 𐴒𐴞𐴘𐴧𐴥𐴡𐴘𐴢 𐴱𐴱

𐴁𐴤𐴝𐴚𐴞 𐴒𐴞𐴘𐴧𐴥𐴠 𐴒𐴤𐴡𐴘𐴊𐴠 𐴔𐴡𐴏𐴥𐴡𐴙𐴃𐴢 𐴀𐴥𐴡𐴑𐴧𐴡𐴓𐴡𐴌 𐴁𐴤𐴟𐴃𐴇𐴡𐴌𐴃𐴧𐴟 𐴱 𐴆𐴤𐴙𐴡𐴑 𐴏𐴞 𐴏𐴥𐴟𐴓𐴠 𐴒𐴤𐴟𐴕 𐴔𐴡𐴏𐴥𐴡𐴙𐴃𐴢 𐴱 𐴄𐴡𐴗𐴚 𐴏𐴝𐴚 𐴆𐴤𐴙𐴟𐴚 𐴔𐴡𐴏𐴥𐴡𐴙𐴃𐴢 𐴱 𐴉𐴡𐴏𐴥𐴞𐴔 𐴔𐴥𐴠𐴕𐴋𐴠𐴓𐴠𐴌 𐴀𐴥𐴠 𐴆𐴤𐴙𐴟𐴑 𐴔𐴡𐴏𐴥𐴡𐴙𐴃𐴢 𐴱 𐴐𐴗𐴠 𐴁𐴟𐴕 𐴆𐴞𐴕 𐴔𐴡𐴏𐴥𐴡𐴙𐴃𐴢 𐴱 𐴃𐴡𐴚 𐴚𐴟 𐴑𐴠𐴕𐴋𐴦𐴡 𐴔𐴡𐴏𐴥𐴡𐴙𐴃𐴢 𐴱 𐴃𐴡𐴋𐴧𐴤𐴝 𐴔𐴠𐴌𐴥𐴝𐴘𐴢 𐴏𐴝𐴌𐴥𐴠 𐴔𐴡𐴏𐴥𐴡𐴙𐴃𐴢 𐴱 𐴀𐴟𐴃𐴧𐴡𐴌 𐴏𐴡𐴑𐴝𐴌𐴝 𐴔𐴡𐴏𐴥𐴡𐴙𐴃𐴢 𐴱 𐴊𐴡𐴀𐴡𐴙𐴕 𐴏𐴡𐴑𐴝𐴌𐴝 𐴔𐴡𐴏𐴥𐴡𐴙𐴃𐴢 𐴱 𐴂𐴙𐴡 𐴁𐴗𐴠 𐴕𐴟𐴖𐴝 𐴐𐴤𐴡𐴀𐴡𐴌 𐴔𐴡𐴏𐴥𐴙𐴃𐴢 𐴱 𐴓𐴠𐴖𐴥𐴠 𐴔𐴡𐴏𐴥𐴡𐴙𐴃𐴢 𐴱 𐴂𐴡𐴓𐴥𐴞𐴑 𐴔𐴟𐴌𐴥𐴟 𐴔𐴥𐴝 𐴔𐴡𐴏𐴥𐴡𐴙𐴃𐴢 𐴱 𐴆𐴤𐴠𐴔 𐴔𐴠𐴌𐴥𐴝 𐴏𐴝𐴏𐴞 𐴒𐴝𐴙𐴚 𐴌𐴗𐴝 𐴔𐴡𐴏𐴥𐴡𐴙𐴃𐴢 𐴱 𐴌𐴡𐴔𐴥𐴞 𐴏𐴥𐴝𐴚 𐴔𐴟𐴌𐴥𐴟 𐴔𐴡𐴏𐴥𐴡𐴙𐴃𐴢 𐴱 𐴂𐴥𐴞𐴚 𐴔𐴡𐴕𐴥𐴝 𐴔𐴡𐴏𐴥𐴡𐴙𐴃𐴢 𐴱 𐴏𐴥𐴝𐴘𐴢 𐴒𐴤𐴝𐴙𐴚 𐴔𐴡𐴏𐴥𐴡𐴙𐴃𐴢 𐴱 𐴎𐴤𐴞 𐴁𐴝𐴚 𐴂𐴥𐴡𐴑 𐴔𐴡𐴏𐴥𐴡𐴙𐴃𐴢 𐴱 𐴐𐴗𐴠 𐴁𐴟 𐴏𐴝𐴚 𐴌𐴟𐴕 𐴔𐴡𐴏𐴥𐴡𐴙𐴃𐴢 𐴱 𐴑𐴠𐴕 𐴏𐴝 𐴒𐴤𐴟𐴕 𐴔𐴡𐴏𐴥𐴡𐴙𐴃𐴢 𐴱 𐴀𐴝𐴔𐴧𐴡𐴌𐴥𐴡𐴑 𐴋𐴤𐴠𐴕 𐴔𐴡𐴏𐴥𐴡𐴙𐴃𐴢 𐴱 𐴏𐴝𐴏𐴞 𐴔𐴡𐴏𐴥𐴡𐴙𐴃𐴢 𐴱 𐴔𐴥𐴞𐴄𐴤𐴞𐴓𐴝 𐴐𐴤𐴡𐴀𐴡𐴌𐴡𐴌 𐴔𐴡𐴏𐴥𐴡𐴙𐴃𐴢 𐴱 𐴔𐴥𐴝𐴕𐴋𐴠𐴓𐴠 𐴏𐴟𐴄𐴤𐴠 𐴋𐴤𐴠𐴕 𐴔𐴡𐴏𐴥𐴡𐴙𐴃𐴢 𐴱 𐴄𐴤𐴝𐴙𐴑 𐴋𐴤𐴠𐴕 𐴔𐴡𐴏𐴥𐴡𐴙𐴃𐴢 𐴱 𐴔𐴡𐴌𐴥𐴡𐴑 𐴀𐴥𐴟 𐴁𐴟 𐴔𐴡𐴏𐴥𐴡𐴙𐴃𐴢 𐴱 𐴑𐴠𐴌𐴠 𐴋𐴤𐴝𐴙𐴚 𐴖𐴥𐴝𐴚 𐴔𐴡𐴏𐴥𐴡𐴙𐴃𐴢 𐴱 𐴔𐴝𐴚𐴓𐴝 𐴔𐴡𐴏𐴥𐴡𐴙𐴃𐴢 𐴱 𐴀𐴞𐴀𐴞𐴕 𐴀𐴥𐴡 𐴀𐴝𐴏𐴥𐴠 𐴁𐴡𐴓𐴞 𐴈𐴥𐴡𐴁𐴡𐴌 𐴔𐴡𐴎𐴞𐴕 𐴎𐴝𐴕𐴝 𐴒𐴞𐴘𐴧𐴥𐴠 𐴱𐴱

𐴅𐴟𐴔𐴥𐴝𐴌 𐴕𐴟𐴖𐴥𐴝𐴏𐴢 𐴉𐴡𐴌𐴥𐴝𐴌 𐴀𐴝𐴁𐴡𐴏𐴃𐴤𐴝𐴃𐴢 𐴀𐴥𐴡𐴀𐴡𐴕𐴠 𐴔𐴟𐴏𐴥𐴡𐴓𐴔𐴝𐴕 𐴀𐴥𐴡𐴑𐴧𐴤𐴡𐴓 𐴁𐴠𐴐𐴤𐴞 𐴔𐴡𐴌𐴞 𐴒𐴞𐴘𐴧𐴥𐴡𐴘𐴊𐴠 𐴱 𐴀𐴝𐴌 𐴏𐴥𐴝𐴘𐴢 𐴒𐴤𐴝𐴙𐴚 𐴈𐴥𐴝𐴓𐴡𐴌 𐴉𐴟𐴓𐴢 𐴀𐴥𐴡 𐴁𐴤𐴝𐴚𐴞 𐴒𐴞𐴘𐴧𐴥𐴠 𐴒𐴤𐴡𐴘𐴢 𐴱 𐴔𐴥𐴝 𐴁𐴤𐴝 𐴏𐴥𐴝 𐴀𐴝𐴌 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴤𐴟𐴔𐴡𐴃𐴠 𐴁𐴡𐴕 𐴒𐴡𐴌𐴥𐴞 𐴌𐴝𐴑𐴧𐴤𐴞𐴀𐴞𐴓𐴊𐴠 𐴇𐴥𐴞𐴏𐴄𐴟𐴌𐴞𐴑𐴤𐴠𐴓𐴢 𐴇𐴠𐴕 𐴏𐴝 𐴔𐴡𐴏𐴥𐴡𐴙𐴃𐴢 𐴐𐴤𐴡𐴣𐴀𐴡 𐴇𐴥𐴡𐴑𐴤𐴟𐴔𐴡𐴃𐴠 𐴁𐴡𐴕 𐴒𐴡𐴌𐴥𐴞 𐴌𐴝𐴑𐴧𐴤𐴞𐴀𐴞𐴓𐴊𐴠 𐴀𐴥𐴠𐴕𐴋𐴞𐴓𐴧𐴝 𐴁𐴡𐴀𐴡𐴃𐴢 𐴔𐴡𐴏𐴥𐴡𐴙𐴃𐴢 𐴀𐴥𐴡 𐴁𐴤𐴝𐴚𐴞 𐴒𐴞𐴘𐴧𐴥𐴡𐴘 𐴊𐴠 𐴀𐴝𐴏𐴥𐴠 𐴱 𐴀𐴝𐴌 𐴁𐴠𐴐𐴤𐴝 𐴁𐴠𐴐𐴤𐴞 𐴂𐴝𐴂𐴓𐴥𐴞𐴑 𐴀𐴝𐴌 𐴇𐴥𐴡𐴑𐴤𐴟𐴔𐴡𐴃𐴡𐴌 𐴁𐴞𐴓𐴋𐴤𐴞𐴚 𐴀𐴥𐴡𐴑𐴧𐴇𐴡𐴓𐴢 𐴁𐴤𐴝𐴚𐴞 𐴒𐴞𐴘𐴧𐴥𐴠 𐴒𐴤𐴡𐴘𐴢 𐴱 𐴀𐴠𐴑 𐴌𐴠𐴂𐴟𐴄 𐴔𐴡𐴎𐴞𐴕 𐴀𐴠𐴑 𐴐𐴤𐴡𐴃𐴢 𐴁𐴞𐴓𐴞𐴘𐴥𐴠𐴕 𐴋𐴦𐴡𐴓𐴝𐴌𐴡𐴃𐴧𐴤𐴟 𐴀𐴥𐴡𐴌𐴥𐴡 𐴁𐴠𐴐𐴢 𐴓𐴟𐴏𐴧𐴝𐴕 𐴀𐴥𐴡𐴘𐴧𐴠 𐴁𐴡𐴓𐴞 𐴎𐴝𐴕𐴝 𐴒𐴞𐴘𐴧𐴥𐴠 𐴱𐴱

EID MUBARAk عيد مبارك 𐴀𐴞𐴊𐴢 𐴔𐴟𐴁𐴝𐴌𐴡𐴑

𐴐𐴤𐴡𐴕 𐴷 𐴳 𐴲 𐴱 𐴌𐴟𐴇𐴝𐴙𐴚𐴒𐴙𐴝 𐴶 𐴴 𐴴 𐴱 𐴇𐴥𐴞𐴅𐴞𐴌𐴞 𐴵 𐴲 𐴰 𐴲 𐴀𐴞𐴚𐴌𐴝𐴎𐴞 𐴁𐴡𐴏𐴥𐴡𐴌𐴡𐴌 𐴀𐴞𐴊𐴟𐴓𐴢 𐴉𐴞𐴃𐴤𐴞𐴌 𐴌𐴟𐴎𐴝𐴌 𐴀𐴞𐴊𐴡𐴌 𐴔𐴡𐴖𐴑𐴝𐴃𐴢 𐴌𐴟𐴇𐴝𐴙𐴚𐴒𐴙𐴝 𐴎𐴟𐴁𐴝𐴕 𐴑𐴡𐴔𐴞𐴄𐴤𐴞 𐴀𐴝𐴌 𐴀𐴝𐴌𐴁𐴤𐴞𐴐𐴤𐴠𐴕 𐴄𐴞𐴀𐴞𐴔𐴡𐴌 𐴃𐴡𐴌𐴉𐴥𐴡𐴌𐴃𐴟 𐴱 𐴊𐴠𐴐𐴤𐴡𐴌 𐴁𐴤𐴟𐴃𐴤𐴡𐴌𐴠 𐴁𐴝𐴀𐴝𐴌𐴠 𐴀𐴝𐴏𐴥𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴁𐴤𐴝𐴘𐴢 𐴁𐴤𐴡𐴙𐴕 𐴀𐴥𐴡𐴑𐴧𐴤𐴡𐴓𐴡𐴌𐴥𐴠 𐴊𐴞𐴓𐴡𐴃𐴧𐴤𐴟 𐴔𐴟𐴁𐴝𐴌𐴡𐴑 𐴁𐴝𐴊𐴢 𐴎𐴝𐴕𐴝𐴌 𐴱 𐴀𐴝𐴌 𐴌𐴟𐴇𐴝𐴙𐴚𐴒𐴙𐴝 𐴎𐴟𐴁𐴝𐴕 𐴐𐴤𐴞𐴑𐴤𐴝 𐴐𐴤𐴞𐴑𐴤𐴞 𐴒𐴡𐴌𐴥𐴞 𐴊𐴟𐴕𐴞𐴘𐴝𐴘𐴢 𐴌𐴥𐴠 𐴀𐴝𐴓𐴡𐴑 𐴑𐴡𐴗𐴔 𐴏𐴞𐴕𐴧𐴡 𐴊𐴞𐴀𐴞𐴁𐴡𐴓𐴧𐴥𐴝 𐴀𐴝𐴌𐴡𐴎 𐴒𐴡𐴌𐴥𐴠𐴌 𐴱𐴱

𐴀𐴝𐴌 𐴌𐴟𐴇𐴝𐴙𐴚𐴒𐴙𐴝 𐴎𐴠 𐴎𐴞𐴛𐴧𐴥𐴡𐴃𐴢 𐴀𐴝𐴏𐴥𐴠 𐴀𐴝𐴓𐴧𐴝𐴇𐴢 𐴀𐴝𐴌 𐴀𐴝𐴓𐴧𐴝𐴇𐴌 𐴌𐴡𐴏𐴦𐴟𐴓𐴡𐴌 𐴇𐴥𐴡𐴑𐴤𐴟𐴔 𐴔𐴡𐴎𐴞𐴕 𐴐𐴤𐴝𐴕𐴃𐴞𐴌 𐴏𐴥𐴝𐴣𐴀𐴝𐴃𐴠 𐴎𐴞𐴕𐴊𐴞𐴒𐴞 𐴈𐴝𐴍𐴝𐴘𐴢 𐴀𐴞𐴎𐴧𐴡𐴃𐴡𐴌 𐴏𐴥𐴝𐴣𐴀𐴝𐴃𐴠 𐴕𐴞𐴎𐴡𐴌 𐴇𐴥𐴡𐴑 𐴓𐴡𐴘𐴢 𐴊𐴠𐴐𐴤𐴡𐴃𐴢 𐴖𐴝𐴉𐴠𐴏𐴢 𐴎𐴝𐴘𐴢 𐴉𐴝𐴌𐴠 𐴉𐴥𐴝𐴀𐴝𐴕 𐴊𐴟𐴀𐴝 𐴒𐴡𐴌𐴥𐴠𐴌 𐴱 𐴀𐴝𐴌 𐴀𐴝𐴌𐴁𐴤𐴞𐴐𐴤𐴠𐴕𐴡𐴌 𐴈𐴥𐴡𐴁𐴡𐴌 𐴀𐴥𐴡𐴑𐴧𐴤𐴡𐴓𐴢 𐴉𐴥𐴟𐴕𐴥𐴡𐴌𐴊𐴧𐴠 𐴀𐴝𐴌 𐴉𐴡𐴌𐴥𐴡𐴌𐴊𐴧𐴠 𐴘𐴥𐴝𐴀𐴝𐴕𐴡𐴌𐴓𐴧𐴥𐴝 𐴁𐴠𐴐𐴤𐴞 𐴐𐴤𐴟𐴑𐴟𐴌𐴞𐴘𐴝 𐴒𐴡𐴌𐴥𐴠𐴌 𐴱 𐴀𐴝𐴓𐴧𐴝𐴇𐴢 𐴃𐴝𐴀𐴝𐴓𐴝 𐴑𐴡𐴁𐴟𐴓𐴢 𐴒𐴡𐴌𐴥𐴡𐴑 𐴀𐴝𐴔𐴦𐴞𐴕 𐴱𐴱

Sources : AEN