𐴌𐴟𐴇𐴝𐴙𐴚𐴒𐴙𐴝 𐴉𐴡𐴌𐴥𐴡𐴙𐴕𐴧𐴝 𐴉𐴟𐴖𐴝𐴙𐴕 𐴀𐴞𐴐𐴑𐴟𐴓𐴡𐴃𐴢 𐴒𐴤𐴡𐴓𐴞 𐴉𐴝𐴌𐴞𐴁𐴤𐴡 𐴱𐴱

𐴀𐴞𐴕𐴋𐴤𐴞𐴘𐴝𐴌 𐴏𐴥𐴟𐴂𐴌𐴠𐴔 𐴑𐴟𐴀𐴟𐴍𐴡𐴌 𐴀𐴠𐴑𐴧𐴤𐴝𐴕 𐴃𐴦𐴝𐴌𐴞𐴑𐴞 𐴉𐴥𐴝𐴘𐴏𐴠𐴓𐴝𐴌 𐴕𐴡𐴃𐴞𐴅𐴝𐴃𐴢 𐴱 𐴀𐴞𐴕𐴋𐴤𐴞𐴘𐴝𐴃𐴢 𐴀𐴝𐴏𐴥𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞𐴌 𐴉𐴟𐴖𐴝𐴙𐴕 𐴇𐴥𐴡𐴑𐴤𐴟𐴔𐴡𐴃𐴡𐴌 𐴀𐴞𐴐𐴑𐴟𐴓𐴡𐴃𐴢 𐴒𐴤𐴡𐴓𐴞 𐴉𐴡𐴕𐴧𐴥𐴝 𐴉𐴡𐴌𐴥𐴞 𐴉𐴝𐴌𐴞𐴁𐴤𐴝𐴌 𐴐𐴤𐴟𐴎𐴟𐴑 𐴀𐴥𐴡𐴘𐴧𐴠 𐴱 𐴀𐴠𐴃𐴤𐴡 𐴊𐴞𐴕 𐴀𐴞𐴕𐴋𐴤𐴞𐴘𐴝𐴌 𐴈𐴡𐴕𐴥𐴡 𐴏𐴥𐴝𐴁𐴟𐴃𐴢 𐴕𐴡 𐴃𐴤𐴝𐴑𐴤𐴡𐴕𐴡𐴌 𐴎𐴡𐴌𐴞𐴘𐴝 𐴉𐴟𐴖𐴝𐴙𐴕 𐴃𐴦𐴝𐴓𐴞𐴔 𐴉𐴡𐴀𐴡𐴕𐴡𐴌 𐴇𐴥𐴡𐴑𐴧𐴡𐴌𐴃𐴧𐴟 𐴔𐴦𐴝𐴌𐴟𐴔 𐴀𐴝𐴐𐴧𐴤𐴞𐴀𐴞𐴓 𐴱 𐴑𐴟𐴀𐴟𐴍𐴡𐴌
𐴉𐴥𐴝𐴘𐴏𐴠𐴓𐴝 𐴘𐴝𐴀𐴝𐴕𐴡𐴌 𐴉𐴥𐴡𐴓𐴡𐴃𐴢 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴌 𐴉𐴟𐴖𐴝𐴙𐴕 𐴀𐴥𐴡𐴑𐴧𐴡𐴓𐴢 𐴱 𐴏𐴥𐴝𐴔𐴧𐴡𐴌 𐴁𐴡𐴏𐴥𐴡𐴌 𐴓𐴡𐴃𐴞 𐴀𐴞𐴐𐴑𐴟𐴓𐴡𐴃𐴢 𐴎𐴝𐴘𐴁𐴝𐴌 𐴃𐴡𐴘𐴧𐴝𐴌𐴞 𐴒𐴡𐴌𐴥𐴠𐴌 𐴁𐴡𐴓𐴞 𐴱 𐴀𐴝𐴌𐴡𐴁𐴢 𐴕𐴞𐴘𐴥𐴟𐴎 𐴈𐴥𐴡𐴁𐴡𐴌𐴡𐴃𐴢 𐴓𐴠𐴙𐴑𐴧𐴤𐴙𐴠 𐴊𐴠 𐴎𐴝𐴕𐴝 𐴒𐴞𐴘𐴧𐴥𐴠 𐴱𐴱

𐴁𐴡𐴌𐴔𐴥𐴝 𐴇𐴥𐴡𐴑𐴤𐴟𐴔𐴡𐴃𐴠 𐴷 𐴱 𐴰 𐴲 𐴐𐴤𐴡𐴕𐴡𐴃𐴢 𐴒𐴡𐴙𐴅𐴧𐴤𐴙𐴠𐴊𐴠 𐴌𐴟𐴇𐴝𐴙𐴚𐴒𐴙𐴝𐴌 𐴕𐴡𐴏𐴥𐴡𐴓𐴢 𐴉𐴥𐴟𐴌𐴥𐴝 𐴑𐴝𐴌𐴖𐴝𐴘𐴝𐴙𐴃𐴧𐴤𐴟 𐴉𐴡𐴌𐴝𐴕 𐴁𐴝𐴏𐴝𐴘𐴢 𐴊𐴤𐴝𐴘𐴢 𐴀𐴞𐴕𐴋𐴤𐴞𐴘𐴝 𐴉𐴡𐴣𐴀𐴡𐴙𐴏𐴧𐴥𐴙𐴠𐴊𐴠 𐴱 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞𐴌 𐴒𐴡𐴕𐴝 𐴀𐴝𐴕𐴃𐴝𐴎 𐴒𐴡𐴌𐴥𐴝 𐴒𐴞𐴘𐴧𐴥𐴠𐴊𐴠 𐴔𐴡𐴎𐴞𐴕 𐴰 𐴰 𐴰 𐴰 𐴴 𐴆𐴝𐴓𐴞𐴐𐴢
𐴇𐴥𐴝𐴎𐴝𐴌 𐴓𐴡𐴃𐴞 𐴀𐴝𐴏𐴥𐴠 𐴱 𐴀𐴥𐴟𐴀𐴟𐴕𐴡𐴌 𐴁𐴤𐴟𐴃𐴤𐴡𐴌𐴃𐴧𐴟 𐴰 𐴰 𐴰 𐴰 𐴲 𐴑𐴟𐴌𐴞 𐴇𐴥𐴝𐴎𐴝𐴌 𐴓𐴡𐴃𐴞 𐴑𐴡𐴗𐴔𐴞 𐴏𐴥𐴡𐴔𐴡𐴒𐴤𐴝𐴌 𐴌𐴞𐴉𐴟𐴎𐴞
𐴀𐴠𐴅𐴤𐴠𐴕𐴏𐴞 𐴘𐴟 𐴀𐴠𐴕 𐴀𐴠𐴙𐴆 𐴏𐴞 𐴀𐴝𐴌𐴡𐴌 𐴈𐴝𐴣𐴏𐴥𐴠 𐴌𐴠𐴅𐴞𐴏𐴄𐴝𐴌 𐴒𐴡𐴙𐴅𐴧𐴤𐴙𐴝 𐴱 𐴔𐴡𐴕𐴃𐴡𐴌 𐴁𐴠𐴒𐴧𐴤𐴟𐴕 𐴇𐴥𐴡𐴑𐴤𐴟𐴔𐴡𐴃𐴞 𐴃𐴦𐴝𐴓𐴞𐴔 𐴐𐴤𐴞𐴑𐴧𐴤𐴝𐴌 𐴁𐴠𐴁𐴡𐴏𐴃𐴤𐴝 𐴀𐴝𐴌 𐴏𐴠𐴇𐴥𐴠𐴃𐴡𐴌 𐴏𐴝𐴀𐴝 𐴏𐴞𐴃𐴝 𐴉𐴡𐴀𐴡𐴕𐴡𐴌𐴃𐴧𐴤𐴟 𐴔𐴦𐴝𐴌𐴟𐴔 𐴀𐴝𐴐𐴧𐴤𐴞𐴀𐴞𐴓 𐴱𐴱

𐴇𐴥𐴝𐴌𐴘𐴝𐴕𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃𐴢 𐴃𐴤𐴝𐴑𐴤𐴠𐴊𐴠 𐴔𐴟𐴇𐴝𐴔𐴧𐴡𐴊𐴢 𐴀𐴞𐴔𐴝𐴕𐴟𐴓𐴠 𐴈𐴡𐴘𐴧𐴥𐴠𐴊𐴠 𐴱 𐴀𐴝𐴣𐴀𐴝𐴌𐴝 𐴁𐴤𐴝𐴀𐴝𐴘 𐴁𐴤𐴟𐴌𐴥𐴞 𐴀𐴞𐴕𐴋𐴤𐴞𐴘𐴝𐴃𐴢 𐴀𐴝𐴙𐴐𐴧𐴤𐴞 𐴓𐴡𐴃𐴞 𐴃𐴦𐴝𐴓𐴞𐴔 𐴐𐴤𐴞𐴑𐴧𐴤𐴝𐴃𐴧𐴟 𐴔𐴦𐴝𐴌𐴟𐴔 𐴀𐴝𐴐𐴧𐴤𐴞𐴓𐴝𐴔 𐴱 𐴏𐴟𐴂𐴌𐴠𐴔 𐴑𐴟𐴀𐴟𐴍𐴡𐴌 𐴉𐴥𐴝𐴘𐴏𐴠𐴓𐴝 𐴘𐴝𐴀𐴝𐴕 𐴀𐴝𐴣𐴀𐴝𐴌𐴥𐴝𐴌
𐴔𐴟𐴀𐴟𐴔 𐴈𐴝𐴓𐴡𐴌 𐴀𐴠𐴑𐴀𐴡𐴔 𐴈𐴝𐴛𐴢 𐴃𐴤𐴡𐴑 𐴱 𐴉𐴥𐴝𐴘𐴏𐴠𐴓𐴝 𐴘𐴝𐴀𐴝𐴕𐴠 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞𐴌 𐴀𐴞𐴎𐴧𐴡𐴃𐴢 𐴐𐴤𐴡𐴔𐴧𐴝𐴕 𐴉𐴥𐴞𐴌𐴥𐴝𐴘𐴢 𐴀𐴝𐴕𐴥𐴞𐴁𐴤𐴡 𐴱 𐴀𐴠𐴑𐴤𐴟𐴀𐴞 𐴑𐴠𐴔𐴡𐴃𐴢 𐴃𐴤𐴝𐴑𐴤𐴠𐴊𐴠 𐴏𐴦𐴝𐴊𐴠𐴑 𐴈𐴦𐴝𐴕𐴠 𐴈𐴡𐴘𐴧𐴥𐴠𐴊𐴠 𐴱 𐴈𐴡𐴕𐴥𐴡 𐴑𐴠𐴙𐴏𐴧𐴥𐴟 𐴏𐴥𐴝𐴁𐴟𐴃𐴢 𐴕𐴡 𐴀𐴝𐴐𐴧𐴤𐴞𐴀𐴞𐴓𐴊𐴠 𐴀𐴥𐴠𐴃𐴡𐴓𐴧𐴝 𐴀𐴝𐴣𐴐𐴄𐴡 𐴑𐴠𐴓𐴥𐴝𐴏𐴡𐴃𐴢 𐴉𐴡𐴌𐴥𐴠𐴌𐴊𐴧𐴠 𐴀𐴝𐴣𐴀𐴝𐴌 𐴎𐴤𐴠𐴌 𐴉𐴟𐴖𐴝 𐴖𐴥𐴝𐴌𐴥𐴠 𐴀𐴞𐴐𐴑𐴟𐴓𐴡𐴃𐴧𐴤𐴟 𐴕𐴠𐴓𐴝𐴘𐴢 𐴊𐴞𐴘𐴧𐴥𐴠 𐴱 𐴑𐴟𐴀𐴟𐴍𐴡𐴌 𐴉𐴥𐴝𐴘𐴏𐴠𐴓𐴝 𐴘𐴝𐴀𐴝𐴕𐴡𐴌
𐴎𐴡𐴌𐴞𐴘𐴝 𐴉𐴥𐴞𐴃𐴤𐴞𐴕 𐴀𐴞𐴐𐴑𐴟𐴓𐴡𐴃𐴢 𐴒𐴤𐴡𐴓𐴞 𐴉𐴝𐴌𐴞𐴁𐴤𐴡 𐴁𐴡𐴓𐴞 𐴀𐴝𐴐𐴤𐴝 𐴒𐴡𐴌𐴥𐴞𐴌 𐴁𐴡𐴓𐴞 𐴈𐴡𐴘𐴧𐴥𐴠𐴊𐴠 𐴎𐴝𐴕𐴝 𐴒𐴞𐴘𐴧𐴥𐴠 𐴱𐴱

𐴎𐴝𐴣𐴀𐴝 𐴀𐴥𐴡𐴀𐴡𐴑 𐴏𐴟𐴂𐴌𐴞𐴔 𐴑𐴟𐴀𐴟𐴍𐴡𐴌 𐴉𐴥𐴝𐴘𐴏𐴠𐴓𐴝𐴌 𐴎𐴡𐴌𐴞𐴘𐴝 𐴱 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴀𐴥𐴡𐴑𐴧𐴡𐴓 𐴇𐴥𐴡𐴑𐴟𐴔𐴡𐴃𐴡𐴌 𐴀𐴞𐴐𐴑𐴟𐴓𐴢 𐴀𐴝𐴌 𐴇𐴥𐴝𐴐𐴉𐴝𐴃𐴝𐴓𐴡𐴃𐴢 𐴃𐴦𐴝𐴓𐴞𐴔 𐴀𐴝𐴌 𐴏𐴠𐴇𐴥𐴠𐴃𐴡𐴌 𐴑𐴤𐴠𐴌𐴔𐴡𐴏𐴢 𐴉𐴡𐴀𐴡𐴕𐴡𐴃𐴢 𐴈𐴡𐴕𐴥𐴡 𐴑𐴞𐴏𐴥𐴞𐴔𐴡𐴌 𐴁𐴝𐴊𐴤𐴝 𐴕𐴡 𐴃𐴤𐴝𐴑𐴤𐴞𐴁𐴤𐴡
𐴱 𐴎𐴡𐴊𐴞 𐴈𐴡𐴕𐴥𐴡 𐴑𐴞𐴘𐴥𐴠 𐴀𐴟𐴓𐴋𐴝 𐴒𐴡𐴌𐴥𐴠𐴌𐴊𐴧𐴠 𐴀𐴥𐴡𐴘𐴓𐴠 𐴱 𐴀𐴞𐴐𐴑𐴟𐴓𐴡𐴃𐴢 𐴕𐴡 𐴒𐴤𐴡𐴓𐴝𐴌𐴊𐴠 𐴀𐴝𐴌 𐴇𐴥𐴝𐴐𐴉𐴝𐴃𐴝𐴓𐴡𐴃𐴢 𐴀𐴠𐴓𐴝𐴅 𐴕𐴡 𐴒𐴡𐴌𐴥𐴠𐴌𐴊𐴧𐴠 𐴀𐴥𐴡𐴘𐴓𐴠 𐴱 𐴀𐴥𐴞𐴃𐴤𐴝𐴌𐴥𐴝 𐴐𐴤𐴡𐴌𐴝 𐴐𐴤𐴡𐴌𐴞 𐴑𐴟𐴀𐴟𐴍𐴡𐴃𐴢 𐴎𐴝𐴕𐴝𐴘𐴢 𐴉𐴝𐴌𐴞𐴁𐴤𐴡 𐴁𐴡𐴓𐴞 𐴈𐴥𐴡𐴁𐴡𐴌 𐴔𐴡𐴎𐴞𐴕 𐴎𐴝𐴕𐴝 𐴒𐴞𐴘𐴧𐴥𐴠 𐴱𐴱

Sources : Ukhiyanews.com