𐴔𐴡𐴒𐴢 𐴁𐴝𐴒𐴞𐴌 𐴉𐴥𐴡𐴗𐴏𐴡𐴃𐴧𐴟 𐴊𐴤𐴝𐴘 𐴒𐴞𐴘𐴧𐴥𐴡𐴘𐴢𐴊𐴠 𐴁𐴤𐴟𐴏𐴞𐴊𐴤𐴡𐴚 𐴄𐴡𐴀𐴡𐴕𐴡𐴌 𐴵 𐴓𐴡𐴔𐴁𐴤𐴡𐴌 𐴌𐴥𐴠𐴑𐴧𐴧𐴗𐴝 𐴁𐴤𐴝𐴐𐴞 𐴌𐴟𐴇𐴝𐴙𐴚𐴒𐴙𐴝 𐴑𐴠𐴙𐴏𐴧𐴥𐴟𐴌 𐴒𐴤𐴡𐴌𐴡𐴃𐴢 𐴃𐴤𐴝𐴑𐴤𐴝 𐴔𐴝𐴕𐴥𐴝 𐴈𐴡𐴀𐴡𐴘𐴢 𐴔𐴡𐴒𐴢 𐴁𐴝𐴒𐴞 𐴘𐴠 𐴈𐴝𐴁𐴡𐴏𐴢 𐴓𐴝𐴒𐴝𐴘𐴢 𐴊𐴞𐴘𐴧𐴥𐴠 𐴱𐴱

𐴀𐴝𐴌𐴑𐴝𐴕 𐴱 𐴁𐴤𐴞𐴏𐴞𐴊𐴤𐴡𐴚 𐴄𐴡𐴀𐴡𐴕𐴡𐴌 𐴵 𐴓𐴡𐴔𐴁𐴤𐴡𐴌 𐴌𐴥𐴠𐴑𐴧𐴤𐴗𐴝𐴃𐴢 𐴃𐴤𐴝𐴑𐴤𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴴 𐴎𐴡𐴕 𐴱 𐴔𐴡𐴒𐴢 𐴁𐴝𐴒𐴞𐴌 𐴉𐴥𐴡𐴗𐴏𐴡𐴃𐴧𐴟 𐴕𐴦𐴠𐴓𐴞 𐴊𐴤𐴝𐴘𐴢 𐴒𐴞𐴘𐴧𐴥𐴡𐴘𐴊𐴠 𐴀𐴥𐴠𐴃𐴡𐴓𐴧𐴝 𐴱 𐴀𐴥𐴞𐴃𐴤𐴝𐴌𐴥𐴝𐴌𐴥𐴠 𐴒𐴡𐴏𐴥𐴝𐴘𐴢 𐴕𐴡 𐴊𐴞𐴀𐴞𐴓𐴥𐴠 𐴀𐴥𐴞𐴃𐴤𐴝𐴌𐴥𐴝𐴌 𐴒𐴤𐴡𐴌𐴡𐴃𐴢 𐴈𐴡𐴕𐴥𐴡 𐴑𐴞𐴘𐴥𐴝 𐴃𐴤𐴝𐴑𐴤𐴞 𐴕𐴡 𐴉𐴝𐴌𐴥𐴞𐴁𐴤𐴡 𐴁𐴡𐴓𐴞 𐴈𐴡𐴀𐴡𐴘𐴢 𐴱 𐴅𐴝𐴕𐴖𐴝𐴌𐴞 𐴔𐴝𐴐𐴤𐴡𐴌 𐴴 𐴲 𐴃𐴝𐴌𐴥𐴞𐴑𐴡𐴃𐴢 𐴔𐴡𐴒𐴢 𐴁𐴝𐴒𐴞 𐴘𐴠 𐴂𐴟𐴐𐴄𐴝𐴌 𐴓𐴝𐴒𐴝𐴘 𐴊𐴞𐴘𐴧𐴥𐴠 𐴁𐴡𐴓𐴞 𐴈𐴥𐴡𐴁𐴡𐴌 𐴔𐴡𐴎𐴞𐴕 𐴎𐴝𐴕𐴝 𐴒𐴞𐴘𐴧𐴥𐴠 𐴱𐴱

𐴒𐴡𐴃𐴡 𐴑𐴠𐴙𐴏𐴧𐴥𐴟 𐴔𐴝𐴐𐴤𐴡𐴌 𐴁𐴤𐴟𐴃𐴤𐴡𐴌𐴠 𐴁𐴤𐴟𐴏𐴞𐴊𐴤𐴡𐴚 𐴀𐴠𐴓𐴝𐴑𐴝𐴃𐴧𐴤𐴟 𐴐𐴤𐴡𐴃𐴢 𐴐𐴤𐴡𐴃𐴢 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴥𐴠 𐴱 𐴔𐴡𐴒𐴢 𐴁𐴝𐴒𐴞 𐴘𐴠 𐴁𐴡𐴓𐴝𐴎𐴟𐴌𐴞 𐴉𐴥𐴡𐴗𐴏𐴡𐴃𐴢 𐴒𐴤𐴡𐴓𐴝𐴘𐴧𐴠𐴊𐴠 𐴀𐴥𐴟𐴀𐴟𐴕𐴡𐴌 𐴁𐴤𐴟𐴃𐴤𐴡𐴌𐴃𐴧𐴟 𐴱 𐴁𐴤𐴟𐴏𐴞𐴊𐴡𐴚 𐴄𐴡𐴀𐴡𐴕𐴡𐴌 𐴉𐴝𐴣𐴏𐴢 𐴓𐴡𐴔𐴁𐴤𐴡𐴌 𐴌𐴥𐴠𐴑𐴧𐴤𐴗𐴝𐴃𐴢 𐴃𐴤𐴝𐴑𐴤𐴠𐴊𐴠 𐴴 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴌𐴥𐴠 𐴱 𐴔𐴡𐴒𐴢 𐴁𐴝𐴒𐴞𐴌 𐴓𐴝𐴔𐴝𐴌 𐴃𐴡𐴑𐴧𐴝𐴌 𐴉𐴥𐴡𐴗𐴏𐴢 𐴀𐴥𐴡𐴑𐴧𐴡𐴓𐴠 𐴎𐴡𐴕𐴉𐴡𐴃𐴞 𐴊𐴡𐴐𐴢 𐴓𐴝𐴑 𐴄𐴞𐴛𐴝𐴌 𐴊𐴧𐴡𐴌𐴠 𐴓𐴡𐴘 𐴔𐴡𐴚𐴋𐴤𐴟 𐴉𐴡𐴣𐴀𐴡𐴏𐴝𐴘𐴢 𐴊𐴞𐴘𐴧𐴥𐴠 𐴱 𐴀𐴠𐴈𐴥𐴡𐴕 𐴔𐴡𐴒𐴢 𐴁𐴝𐴒𐴞𐴌 𐴉𐴥𐴡𐴗𐴏𐴢 𐴀𐴡𐴙𐴕𐴧𐴡 𐴈𐴡𐴊𐴦𐴟𐴕𐴠 𐴀𐴞𐴑𐴧𐴤𐴙𐴝 𐴀𐴟𐴙𐴑𐴧𐴤𐴙𐴝 𐴁𐴡𐴀𐴡𐴃𐴢 𐴎𐴝𐴒𐴝𐴃𐴢 𐴃𐴟𐴖𐴝𐴘 𐴁𐴦𐴝𐴊𐴠 𐴓𐴦𐴡𐴃𐴢 𐴕𐴡 𐴉𐴡𐴀𐴡𐴕𐴡𐴌 𐴎𐴡𐴌𐴞𐴘𐴝 𐴱 𐴀𐴥𐴞𐴃𐴤𐴝𐴌𐴥𐴝𐴌𐴥𐴠 𐴖𐴝𐴉𐴠𐴏𐴢 𐴒𐴡𐴏𐴥𐴝𐴘 𐴕𐴡 𐴊𐴞𐴀𐴞𐴓𐴥𐴠 𐴀𐴥𐴞𐴃𐴤𐴝𐴌𐴥𐴝𐴌 𐴒𐴤𐴡𐴌𐴡𐴃𐴢 𐴈𐴡𐴕𐴥𐴡 𐴑𐴞𐴘𐴥𐴝 𐴃𐴤𐴝𐴑𐴤𐴞 𐴕𐴡 𐴉𐴝𐴌𐴥𐴞𐴁𐴤𐴡 𐴁𐴡𐴓𐴞 𐴈𐴡𐴀𐴡𐴘 𐴂𐴟𐴐𐴄𐴝𐴌 𐴓𐴝𐴒𐴝𐴘 𐴊𐴞𐴘𐴧𐴠𐴊𐴠 𐴁𐴡𐴓𐴞 𐴎𐴝𐴕𐴝 𐴒𐴞𐴘𐴧𐴥𐴠 𐴱𐴱

𐴀𐴠𐴈𐴥𐴡𐴕 𐴀𐴥𐴞𐴃𐴤𐴝𐴌𐴥𐴝𐴌 𐴒𐴤𐴡𐴌𐴒𐴟𐴐𐴧𐴞 𐴀𐴥𐴡𐴑𐴧𐴡𐴓 𐴒𐴤𐴡𐴌𐴈𐴝𐴛𐴏𐴧𐴝 𐴀𐴥𐴡𐴑𐴧𐴡𐴓𐴡𐴌 𐴒𐴤𐴡𐴌𐴡𐴃𐴢 𐴃𐴤𐴝𐴑𐴤𐴠𐴌 𐴁𐴡𐴓𐴞 𐴎𐴝𐴕𐴝 𐴒𐴞𐴘𐴧𐴥𐴠 𐴱 𐴊𐴤𐴝𐴘𐴢 𐴒𐴞𐴘𐴧𐴥𐴠 𐴒𐴤𐴡𐴘𐴊𐴠 𐴀𐴥𐴞𐴃𐴤𐴝𐴌𐴥𐴝 𐴀𐴥𐴡𐴙𐴓𐴊𐴠 𐴔𐴟𐴇𐴝𐴔𐴧𐴡𐴊𐴢 𐴘𐴟𐴕𐴟𐴏𐴢 𐴁𐴝𐴉𐴢 𐴀𐴝𐴁𐴊𐴟𐴓𐴢 𐴇𐴝𐴔𐴞𐴊𐴢 𐴁𐴡𐴐𐴢 𐴱 𐴳 𐴁𐴡𐴏𐴥𐴡𐴌 𐴏𐴡𐴓𐴝𐴔𐴡𐴃𐴟𐴓𐴧𐴝𐴇𐴢 𐴁𐴡𐴐𐴢 𐴵 𐴳 𐴁𐴡𐴏𐴥𐴡𐴌 𐴔𐴟𐴇𐴝𐴔𐴧𐴡𐴊𐴢 𐴀𐴝𐴘𐴝𐴎𐴢 𐴁𐴝𐴉𐴢 𐴔𐴟𐴇𐴝𐴔𐴧𐴡𐴊𐴢 𐴐𐴡𐴉𐴞 𐴁𐴡𐴐𐴢 𐴸 𐴱 𐴁𐴡𐴏𐴥𐴡𐴌 𐴅𐴝𐴇𐴝𐴕𐴒𐴞𐴌 𐴀𐴝𐴓𐴡𐴔 𐴁𐴝𐴉𐴢 𐴀𐴝𐴁𐴟𐴓 𐴑𐴝𐴏𐴞𐴔 𐴁𐴡𐴐𐴢 𐴴 𐴲 𐴁𐴡𐴏𐴥𐴡𐴌 𐴱 𐴔𐴝𐴕𐴥𐴟𐴙𐴐𐴢 𐴀𐴟𐴀𐴟𐴕 𐴊𐴠 𐴘𐴥𐴝𐴀𐴝𐴕 𐴎𐴝𐴕𐴝 𐴒𐴞𐴘𐴧𐴥𐴠 𐴱𐴱

𐴓𐴝𐴌𐴥𐴝𐴘 𐴐𐴤𐴡𐴌𐴒𐴗𐴝 𐴌𐴟𐴇𐴝𐴙𐴚𐴒𐴙𐴝 𐴀𐴝𐴌 𐴄𐴡𐴀𐴡𐴕 𐴁𐴤𐴝𐴐𐴤𐴞 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴥𐴠 𐴱 𐴋𐴝𐴀𐴝𐴘 𐴋𐴝𐴀𐴝𐴘 𐴎𐴤𐴝𐴑𐴧𐴗𐴝 𐴔𐴝𐴌𐴞 𐴉𐴥𐴠𐴓𐴥𐴝𐴘𐴢 𐴁𐴦𐴝𐴊𐴠 𐴄𐴡𐴀𐴡𐴕 𐴄𐴤𐴞𐴘𐴧𐴝 𐴉𐴟𐴌𐴝 𐴊𐴞𐴀𐴞 𐴒𐴤𐴡𐴌 𐴁𐴠𐴒𐴧𐴤𐴞𐴕 𐴎𐴝𐴓𐴞 𐴏𐴥𐴝𐴘𐴢 𐴒𐴡𐴌𐴥𐴞 𐴉𐴥𐴠𐴓𐴥𐴝𐴘𐴧𐴠 𐴱 𐴔𐴡𐴕𐴃𐴡𐴌 𐴵 𐴓𐴡𐴔𐴁𐴤𐴡𐴌 𐴌𐴥𐴠𐴑𐴧𐴤𐴗𐴝𐴃𐴢 𐴔𐴡𐴒𐴤𐴡𐴌 𐴒𐴤𐴡𐴌 𐴀𐴝𐴌 𐴌𐴟𐴇𐴝𐴙𐴚𐴒𐴙𐴝𐴌 𐴒𐴤𐴡𐴌 𐴔𐴞𐴘𐴧𐴥𐴝𐴘𐴧𐴝 𐴀𐴥𐴡𐴀𐴡𐴕𐴡𐴌 𐴎𐴡𐴌𐴞𐴘𐴝 𐴱 𐴔𐴡𐴒𐴤𐴡𐴌 𐴒𐴤𐴡𐴌 𐴀𐴥𐴟𐴊𐴧𐴤𐴝 𐴉𐴟𐴌𐴞 𐴎𐴝𐴘𐴁𐴡 𐴒𐴤𐴡𐴘 𐴁𐴡𐴓𐴞 𐴱 𐴉𐴝𐴣𐴏𐴢 𐴓𐴡𐴔𐴁𐴤𐴡𐴌 𐴌𐴥𐴠𐴑𐴧𐴤𐴗𐴝 𐴉𐴟𐴌𐴝 𐴕𐴥𐴡 𐴊𐴠𐴀𐴠 𐴱 𐴉𐴟𐴌𐴝 𐴕𐴥𐴡 𐴊𐴠𐴀𐴠𐴊𐴠 𐴐𐴤𐴟𐴊𐴠 𐴰 𐴸 𐴘𐴥𐴝𐴕 𐴌𐴟𐴇𐴝𐴙𐴚𐴒𐴙𐴝𐴌 𐴒𐴤𐴡𐴌 𐴁𐴝𐴑𐴞 𐴀𐴝𐴐𐴧𐴤𐴞𐴀𐴞𐴓 𐴱 𐴀𐴠𐴈𐴥𐴡𐴕 𐴌𐴟𐴇𐴝𐴙𐴚𐴒𐴙𐴝 𐴀𐴥𐴟𐴀𐴟𐴕𐴡𐴌 𐴇𐴥𐴝𐴓𐴡𐴃𐴢 𐴀𐴥𐴡𐴊𐴡𐴌 𐴁𐴝𐴀𐴝𐴌𐴠 𐴈𐴥𐴡𐴌𐴝𐴁𐴢 𐴱 𐴕𐴦𐴠𐴓𐴝 𐴒𐴤𐴡𐴓𐴝 𐴒𐴡𐴙𐴃𐴧𐴤𐴡 𐴕𐴡 𐴊𐴠𐴀𐴠𐴌 𐴱 𐴖𐴦𐴝𐴙𐴆𐴧𐴤𐴙𐴝 𐴃𐴞𐴌𐴝𐴙𐴆𐴧𐴤𐴙𐴝 𐴈𐴡𐴕𐴥𐴡 𐴋𐴦𐴡𐴙𐴓𐴧𐴝 𐴒𐴡𐴌𐴥𐴞 𐴎𐴞𐴕𐴊𐴞𐴒𐴞𐴌 𐴀𐴝𐴈𐴥𐴠𐴌𐴞 𐴊𐴞𐴕 𐴈𐴝𐴍𐴠𐴌 𐴁𐴡𐴓𐴞 𐴈𐴥𐴡𐴁𐴡𐴌 𐴔𐴡𐴎𐴞𐴕 𐴎𐴝𐴕𐴝 𐴒𐴞𐴘𐴧𐴥𐴠 𐴱𐴱

Sources : MDN