𐴀𐴟𐴑𐴤𐴞𐴘𐴝𐴃𐴢 𐴒𐴟𐴌𐴝 𐴉𐴟𐴖𐴝 𐴀𐴟𐴒𐴧𐴗𐴝 𐴒𐴝𐴣𐴃𐴡𐴃𐴢 𐴒𐴤𐴡𐴓𐴥𐴝𐴘𐴢 𐴌𐴝𐴑𐴧𐴤𐴞𐴀𐴞𐴓𐴊𐴠 𐴇𐴥𐴡𐴌𐴡𐴕𐴑𐴝𐴌𐴞 𐴒𐴠𐴌𐴠𐴉𐴃𐴝𐴌 𐴱𐴱

𐴒𐴟𐴌𐴝 𐴉𐴟𐴖𐴝 𐴀𐴟𐴒𐴧𐴤𐴗𐴝𐴌𐴥𐴠 𐴇𐴥𐴡𐴌𐴡𐴕 𐴒𐴡𐴌𐴥𐴞 𐴒𐴝𐴣𐴃𐴡𐴌 𐴁𐴤𐴟𐴃𐴤𐴡𐴌𐴥𐴠 𐴒𐴤𐴓𐴝𐴘 𐴁𐴡𐴕 𐴌𐴝𐴑𐴤𐴞 𐴌𐴠𐴇𐴦𐴝𐴀𐴞 𐴄𐴞𐴛𐴧𐴝 𐴏𐴡𐴀𐴡𐴕𐴡𐴌 𐴀𐴝𐴁𐴡𐴏𐴃𐴤𐴝𐴃𐴢 𐴱 𐴔𐴝𐴕𐴥𐴟𐴙𐴐𐴢 𐴓𐴡𐴘 𐴎𐴟𐴑𐴝𐴎𐴟𐴑 𐴒𐴡𐴌𐴥𐴝𐴃𐴢 𐴁𐴝𐴘𐴌𐴥𐴠𐴓𐴢 𐴀𐴥𐴡𐴘 𐴎𐴡𐴀𐴡𐴕𐴠 𐴔𐴡𐴌𐴑𐴡𐴎𐴞 𐴀𐴡𐴉𐴥𐴡𐴌𐴝𐴊𐴞𐴌𐴥𐴠 𐴅𐴝𐴕𐴖𐴝𐴌𐴞 𐴔𐴝𐴐𐴤𐴡𐴌 𐴰 𐴲 𐴃𐴝𐴌𐴥𐴞𐴑 𐴐𐴤𐴡𐴔 𐴁𐴝𐴌𐴠 𐴌𐴝𐴙𐴃𐴡𐴌 𐴸 𐴁𐴝𐴎𐴠 𐴱 𐴀𐴟𐴑𐴤𐴞𐴘𐴝 𐴌𐴠𐴅𐴞𐴏𐴄𐴝𐴌 𐴑𐴠𐴀𐴠𐴔𐴡𐴃𐴧𐴟 𐴉𐴟𐴓𐴞𐴐𐴠 𐴁𐴡𐴕 𐴒𐴡𐴙𐴅𐴧𐴤𐴙𐴠𐴊𐴠 𐴎𐴝𐴕𐴝 𐴒𐴞𐴘𐴧𐴥𐴠 𐴱 𐴀𐴥𐴞𐴃𐴤𐴝𐴌 𐴕𐴝𐴔 𐴀𐴥𐴡𐴙𐴓𐴊𐴠 𐴕𐴟𐴌 𐴀𐴞𐴏𐴓𐴥𐴝𐴔 𐴁𐴡𐴐𐴢 𐴱 𐴲 𐴁𐴡𐴏𐴥𐴡𐴌 𐴱 𐴑𐴟𐴃𐴤𐴟 𐴉𐴝𐴓𐴡𐴚 𐴌𐴠𐴅𐴞𐴏𐴄𐴝𐴌 𐴑𐴠𐴀𐴠𐴔𐴡𐴌 𐴀𐴠𐴉𐴢 𐴁𐴡𐴓𐴡𐴑𐴡𐴌 𐴁𐴤𐴝𐴐𐴞𐴕𐴊𐴝 𐴱𐴱

𐴀𐴟𐴒𐴧𐴤𐴗𐴝 𐴒𐴟𐴌𐴝 𐴉𐴟𐴖𐴝 𐴇𐴥𐴡𐴌𐴡𐴕 𐴒𐴡𐴌𐴥𐴞 𐴁𐴦𐴝𐴊𐴠 𐴔𐴠𐴍𐴞𐴌 𐴁𐴤𐴟𐴃𐴤𐴡𐴌𐴠 𐴒𐴝𐴣𐴌𐴝𐴘 𐴌𐴝𐴑𐴤𐴞 𐴌𐴠𐴇𐴦𐴝𐴀𐴞 𐴄𐴞𐴛𐴧𐴝 𐴔𐴝𐴒𐴠𐴌𐴊𐴧𐴠 𐴒𐴤𐴡𐴄𐴡𐴕𐴝 𐴘𐴥𐴝𐴀𐴝𐴕𐴡𐴃𐴢 𐴕𐴟𐴌 𐴀𐴞𐴏𐴓𐴥𐴝𐴔 𐴐𐴤𐴡𐴌𐴝 𐴐𐴤𐴌𐴞 𐴎𐴡𐴍𐴞𐴃𐴡 𐴀𐴝𐴏𐴥𐴠 𐴱 𐴀𐴝𐴌 𐴀𐴥𐴠 𐴒𐴤𐴡𐴄𐴡𐴕𐴝𐴃𐴢 𐴊𐴝𐴀𐴞𐴌 𐴒𐴡𐴙𐴅𐴧𐴤𐴙𐴠𐴊𐴠 𐴔𐴦𐴝𐴔𐴠𐴓𐴝𐴃𐴢 𐴀𐴥𐴞𐴃𐴤𐴝𐴌𐴥𐴠 𐴁𐴡𐴕 𐴒𐴡𐴌𐴥𐴞 𐴱 𐴀𐴝𐴊𐴝𐴓𐴡𐴃𐴡𐴃𐴢 𐴃𐴟𐴓𐴥𐴞𐴁𐴤𐴝𐴌 𐴈𐴡𐴃𐴤𐴝 𐴏𐴡𐴓𐴠𐴌𐴊𐴧𐴠 𐴈𐴥𐴝𐴄𐴞 𐴁𐴡𐴓𐴞 𐴱 𐴑𐴝𐴑𐴏𐴡 𐴁𐴝𐴎𐴝𐴌𐴡𐴌 𐴉𐴟𐴓𐴞𐴐𐴡𐴌 𐴁𐴡𐴌𐴡 𐴔𐴟𐴇𐴝𐴔𐴧𐴊𐴢 𐴌𐴥𐴝𐴇𐴔𐴡𐴃𐴟𐴓𐴧𐴝𐴇𐴢 𐴘𐴠 𐴈𐴡𐴘𐴧𐴥𐴠𐴊𐴠 𐴎𐴝𐴕𐴝 𐴒𐴞𐴘𐴧𐴥𐴠 𐴱𐴱

𐴀𐴥𐴞𐴁𐴤𐴝 𐴘𐴠 𐴀𐴝𐴌𐴀𐴥𐴡 𐴈𐴡𐴘𐴧𐴥𐴠𐴊𐴠 𐴒𐴤𐴡𐴄𐴡𐴕𐴝 𐴀𐴥𐴡𐴀𐴡𐴕𐴡𐴌 𐴁𐴦𐴝𐴊𐴠 𐴔𐴡𐴌𐴑𐴡𐴎𐴞 𐴀𐴡𐴉𐴥𐴡𐴌𐴝𐴊𐴞 𐴊𐴤𐴡𐴌𐴥𐴞 𐴁𐴤𐴡𐴓𐴧𐴝 𐴱 𐴉𐴟𐴓𐴞𐴐𐴢 𐴀𐴥𐴡𐴑𐴧𐴡𐴓𐴠 𐴋𐴦𐴡𐴙𐴓𐴧𐴝 𐴋𐴦𐴡𐴙𐴓𐴧𐴝 𐴑𐴝𐴌𐴖𐴝𐴘𐴢 𐴀𐴥𐴡𐴑𐴧𐴡𐴓𐴢 𐴐𐴤𐴟𐴌𐴟 𐴒𐴡𐴙𐴅𐴧𐴤𐴙𐴠 𐴱 𐴉𐴦𐴠𐴏𐴁𐴤𐴟𐴑𐴡𐴌 𐴃𐴟𐴌𐴥𐴟 𐴁𐴤𐴝𐴘𐴌𐴥𐴠𐴓 𐴀𐴥𐴡𐴘𐴧𐴊𐴠 𐴁𐴞𐴋𐴞𐴘𐴟 𐴀𐴦𐴡𐴕𐴡𐴌𐴥𐴝 𐴊𐴠𐴙𐴑𐴧𐴤𐴙𐴡 𐴀𐴝𐴌 𐴉𐴥𐴟𐴙𐴕𐴧𐴥𐴡𐴊𐴠 𐴀𐴥𐴡𐴘𐴁𐴡 𐴱 𐴉𐴟𐴖𐴝𐴌 𐴏𐴞𐴘𐴥𐴝𐴌𐴝𐴃𐴢 𐴋𐴡𐴌 𐴁𐴤𐴝𐴐𐴠𐴌 𐴱 𐴒𐴡𐴓𐴝 𐴉𐴡𐴙𐴅𐴧𐴡𐴕𐴃𐴡 𐴒𐴝𐴣𐴃𐴡𐴌 𐴁𐴤𐴟𐴃𐴤𐴡𐴌𐴥𐴠 𐴒𐴤𐴡𐴓𐴥𐴝𐴘 𐴔𐴠𐴍𐴞 𐴎𐴤𐴝𐴉𐴥𐴝𐴘𐴢 𐴊𐴞𐴀𐴞 𐴎𐴦𐴝𐴓𐴠𐴔 𐴀𐴥𐴡𐴑𐴧𐴡𐴓𐴠 𐴉𐴟𐴖𐴝𐴌 𐴀𐴥𐴝𐴃𐴤𐴝 𐴈𐴟𐴀𐴝𐴁𐴤𐴝𐴌𐴊𐴧𐴠 𐴁𐴝 𐴁𐴝 𐴀𐴝𐴣𐴀𐴝𐴌𐴥𐴠 𐴔𐴠𐴍𐴞𐴌 𐴁𐴤𐴟𐴃𐴤𐴡𐴌𐴥𐴠 𐴒𐴤𐴡𐴓𐴥𐴝𐴘 𐴉𐴥𐴠𐴙𐴓𐴧𐴙𐴠 𐴃𐴡𐴌𐴝𐴃𐴡𐴌𐴞 𐴏𐴠𐴐𐴃𐴝 𐴒𐴡𐴌 𐴄𐴞𐴛𐴧𐴝 𐴊𐴠𐴀𐴠 𐴁𐴡𐴓𐴞 𐴈𐴟𐴀𐴝 𐴁𐴤𐴝𐴘𐴧𐴠 𐴱𐴱

𐴉𐴟𐴖𐴝 𐴀𐴥𐴞𐴁𐴤𐴝𐴌 𐴕𐴝𐴔 𐴀𐴥𐴡𐴙𐴓𐴊𐴠 𐴔𐴟𐴇𐴝𐴔𐴧𐴡𐴊𐴢 𐴀𐴝𐴌𐴑𐴝𐴕 𐴁𐴝𐴉𐴢 𐴀𐴝𐴁𐴊𐴟𐴌 𐴌𐴝𐴇𐴔𐴝𐴕 𐴁𐴡𐴐𐴢 𐴏𐴥𐴡 𐴁𐴡𐴏𐴥𐴡𐴌 𐴱 𐴄𐴤𐴠𐴚 𐴈𐴥𐴝𐴓𐴞 𐴹 𐴱 𐴓𐴡𐴔𐴁𐴤𐴡𐴌 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴌 𐴏𐴞 𐴵 𐴱 𐴁𐴡𐴓𐴡𐴑𐴡𐴌 𐴁𐴤𐴝𐴐𐴞𐴕𐴊𐴝 𐴱 𐴉𐴟𐴖𐴝 𐴀𐴥𐴞𐴁𐴤𐴝 𐴑𐴠𐴀𐴠𐴔𐴡𐴌 𐴁𐴤𐴟𐴃𐴤𐴡𐴌𐴠 𐴑𐴤𐴠𐴓𐴥𐴝𐴌 𐴔𐴝𐴍𐴥𐴡𐴃𐴧𐴟 𐴅𐴝𐴕𐴖𐴝𐴌𐴞 𐴔𐴝𐴐𐴤𐴡𐴌 𐴸 𐴃𐴝𐴌𐴥𐴞𐴑𐴡𐴃𐴢 𐴀𐴥𐴝𐴣𐴎𐴞 𐴒𐴞𐴀𐴞𐴓𐴢 𐴒𐴤𐴡𐴘𐴢 𐴱 𐴃𐴝𐴌 𐴁𐴦𐴝𐴊𐴠 𐴅𐴝𐴕𐴖𐴝𐴌𐴞 𐴔𐴝𐴐𐴤𐴡𐴌 𐴰 𐴱 𐴃𐴝𐴌𐴥𐴞𐴑𐴡𐴃𐴢 𐴀𐴥𐴞𐴃𐴤𐴝𐴌 𐴔𐴦𐴝𐴣 𐴁𐴝𐴉𐴠 𐴁𐴞𐴋𐴞𐴘𐴟 𐴀𐴞𐴁𐴤𐴝 𐴉𐴝𐴘𐴧𐴥𐴠 𐴱 𐴔𐴟𐴇𐴝𐴔𐴧𐴡𐴊𐴢 𐴀𐴝𐴌𐴑𐴝𐴕 𐴀𐴥𐴝𐴣𐴎𐴞 𐴎𐴡𐴀𐴡𐴕𐴡𐴌 𐴓𐴡𐴒𐴠 𐴓𐴡𐴒𐴠 𐴀𐴥𐴞𐴃𐴤𐴝𐴌 𐴔𐴦𐴝𐴣 𐴁𐴝𐴉𐴠 𐴃𐴤𐴝𐴕𐴝𐴃𐴢 𐴌𐴠𐴂𐴟𐴄 𐴒𐴡𐴌𐴥𐴞 𐴌𐴝𐴑𐴧𐴤𐴞𐴀𐴞𐴓𐴢 𐴱 𐴌𐴠𐴇𐴦𐴝𐴀𐴞 𐴄𐴞𐴛𐴧𐴝 𐴰 𐴰 𐴰 𐴰 𐴵 + 𐴰 𐴰 𐴰 𐴰 𐴶 𐴱 = 𐴰 𐴰 𐴰 𐴰 𐴱 𐴲 𐴔𐴟𐴄 𐴊𐴟𐴘𐴢 𐴓𐴝𐴑 𐴊𐴡𐴐𐴢 𐴇𐴥𐴝𐴎𐴝𐴌 𐴄𐴞𐴛𐴧𐴝 𐴊𐴡𐴀𐴡𐴕𐴡𐴌 𐴁𐴦𐴝𐴊𐴠 𐴱 𐴅𐴝𐴕𐴖𐴝𐴌𐴞 𐴔𐴝𐴐𐴤𐴡𐴌 𐴸 𐴱 𐴃𐴝𐴌𐴥𐴞𐴑𐴡𐴃𐴢 𐴌𐴝𐴙𐴃𐴡𐴌 𐴱 𐴱 𐴁𐴝𐴎𐴠 𐴇𐴥𐴡𐴌𐴡𐴕𐴑𐴝𐴌𐴞 𐴀𐴥𐴡𐴑𐴧𐴡𐴓𐴠 𐴱 𐴑𐴟𐴃𐴤𐴟 𐴉𐴝𐴓𐴡𐴚 𐴀𐴠𐴔 𐴀𐴠𐴏𐴢 𐴀𐴠𐴉𐴡𐴌 𐴇𐴥𐴝𐴐𐴉𐴝𐴃𐴝𐴓𐴡𐴌 𐴋𐴤𐴝𐴑𐴤𐴠 𐴇𐴥𐴝𐴃𐴢 𐴄𐴤𐴠𐴚 𐴁𐴝𐴙𐴕𐴊𐴤𐴝 𐴉𐴟𐴖𐴝𐴌𐴥𐴠 𐴀𐴠𐴌𐴞 𐴒𐴞𐴘𐴧𐴥𐴠 𐴒𐴤𐴡𐴘𐴊𐴠 𐴎𐴝𐴕𐴝 𐴒𐴞𐴘𐴧𐴥𐴠 𐴱𐴱

Sources : Ukhiyanews.com