𐴁𐴡𐴌𐴔𐴥𐴝𐴃𐴧𐴟 𐴀𐴠𐴑𐴧𐴤𐴝𐴕 𐴁𐴟𐴄𐴢 𐴓𐴡𐴘𐴢 𐴶 𐴳 𐴎𐴡𐴕 𐴌𐴟𐴇𐴝𐴙𐴚𐴒𐴙 𐴁𐴝𐴚𐴓𐴝 𐴊𐴠𐴐𐴤𐴡𐴃𐴢 𐴀𐴝𐴙𐴐𐴧𐴤𐴙𐴠 𐴱𐴱

𐴔𐴝𐴏𐴢 𐴏𐴝𐴀𐴝𐴊𐴠 𐴎𐴝𐴙𐴓𐴧𐴝𐴌 𐴁𐴟𐴄𐴢 𐴀𐴠𐴑𐴧𐴤𐴝𐴕 𐴓𐴡𐴘𐴢 𐴁𐴠𐴍𐴞𐴀𐴝𐴙𐴕 𐴉𐴟𐴖𐴝𐴙𐴕 𐴀𐴝𐴌 𐴁𐴠𐴍𐴝𐴀𐴝𐴙𐴕 𐴐𐴤𐴡𐴣𐴀𐴡 𐴶 𐴳 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴱 𐴅𐴝𐴕𐴖𐴝𐴌𐴞 𐴔𐴝𐴐𐴤𐴡𐴌 𐴵 𐴃𐴝𐴌𐴥𐴞𐴑 𐴌𐴦𐴡𐴘𐴢 𐴁𐴝𐴌𐴠 𐴊𐴦𐴟𐴛𐴅𐴧𐴙𐴝 𐴱 𐴑𐴝𐴑𐴏𐴡 𐴁𐴝𐴎𐴝𐴌 𐴋𐴞𐴐𐴄𐴤𐴞𐴑 𐴄𐴠𐴑𐴕𐴝𐴉𐴢 𐴀𐴟𐴉𐴡𐴎𐴞𐴓𐴥𐴝𐴌 𐴏𐴥𐴝𐴀𐴝𐴉𐴝𐴌𐴝𐴚𐴡𐴌 𐴔𐴟𐴕𐴋𐴝𐴌 𐴋𐴠𐴙𐴓𐴢 𐴀𐴠𐴓𐴝𐴑𐴝𐴌 𐴒𐴤𐴝𐴣𐴄𐴢 𐴁𐴝𐴀𐴝𐴘 𐴁𐴝𐴚𐴓𐴝 𐴊𐴠𐴐𐴤𐴡𐴃𐴢 𐴒𐴤𐴡𐴙𐴓𐴧𐴙𐴠𐴊𐴠 𐴈𐴥𐴡𐴁𐴡𐴌 𐴉𐴝𐴀𐴝 𐴒𐴞𐴘𐴧𐴥𐴠 𐴱𐴱

𐴌𐴟𐴇𐴝𐴙𐴚𐴒𐴙𐴝 𐴀𐴥𐴟𐴀𐴟𐴕𐴡𐴌 𐴁𐴤𐴟𐴃𐴤𐴡𐴌𐴠 𐴉𐴝𐴣𐴏𐴢 𐴎𐴡𐴕 𐴁𐴠𐴍𐴞𐴀𐴝𐴙𐴕 𐴀𐴝𐴌 𐴰 𐴱 𐴎𐴡𐴕 𐴉𐴟𐴖𐴝𐴙𐴕 𐴀𐴝𐴌 𐴱 𐴲 𐴎𐴡𐴕 𐴁𐴠𐴍𐴝𐴀𐴝𐴙𐴕 𐴱 𐴀𐴠𐴈𐴥𐴡𐴕 𐴀𐴥𐴞𐴃𐴝𐴌𐴥𐴝 𐴄𐴠𐴑𐴕𐴝𐴉𐴢 𐴀𐴠𐴓𐴝𐴑𐴝𐴌 𐴁𐴝𐴚𐴓𐴝 𐴊𐴠𐴐𐴤𐴡𐴌 𐴐𐴤𐴞𐴔𐴝 𐴏𐴦𐴡𐴛 𐴉𐴟𐴓𐴞𐴐𐴢 𐴁𐴞 𐴅𐴞 𐴁𐴞 𐴉𐴥𐴡𐴗𐴏𐴡𐴌 𐴀𐴥𐴝𐴃𐴡𐴃𐴢 𐴇𐴥𐴠𐴉𐴝𐴎𐴡𐴃𐴡𐴌 𐴏𐴥𐴝𐴣𐴀𐴝𐴊𐴠 𐴀𐴝𐴏𐴥𐴠 𐴱 𐴀𐴝𐴌 𐴀𐴥𐴞𐴃𐴝𐴌𐴝𐴌𐴥𐴠 𐴖𐴝𐴉𐴠𐴏𐴢 𐴁𐴡𐴌𐴔𐴥𐴝𐴃𐴢 𐴉𐴡𐴣𐴀𐴡𐴏𐴝𐴘𐴢 𐴊𐴞𐴀𐴞𐴁𐴡 𐴁𐴡𐴓𐴞 𐴈𐴥𐴡𐴁𐴡𐴌 𐴉𐴝𐴀𐴝 𐴒𐴞𐴘𐴧𐴥𐴠 𐴱𐴱

𐴀𐴞 𐴘𐴟 𐴂𐴞 𐴔𐴞𐴔𐴁𐴤𐴡𐴌 𐴔𐴟𐴇𐴝𐴔𐴧𐴡𐴊𐴢 𐴏𐴡𐴓𐴞𐴔𐴠 𐴁𐴠𐴍𐴝𐴀𐴝𐴙𐴕 𐴀𐴝𐴌 𐴁𐴠𐴍𐴞𐴀𐴝𐴙𐴕 𐴀𐴝𐴌 𐴉𐴟𐴖𐴝𐴙𐴕 𐴔𐴞𐴓𐴝𐴘𐴢 𐴶 𐴳 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴱 𐴎𐴟𐴀𐴟𐴕 𐴁𐴝𐴚𐴓𐴝 𐴊𐴠𐴐𐴤𐴡𐴃𐴢 𐴒𐴤𐴡𐴙𐴓𐴧𐴙𐴠 𐴀𐴥𐴟𐴀𐴟𐴕 𐴀𐴠𐴈𐴥𐴡𐴕 𐴐𐴤𐴞𐴔𐴝 𐴏𐴦𐴡𐴛 𐴉𐴟𐴓𐴞𐴐𐴡𐴌 𐴀𐴥𐴝𐴃𐴡𐴃𐴢 𐴇𐴥𐴠𐴉𐴝𐴎𐴡𐴃𐴠 𐴀𐴝𐴏𐴥𐴠 𐴱 𐴀𐴟𐴀𐴟𐴕 𐴁𐴦𐴝𐴊𐴠 𐴘𐴥𐴡 𐴁𐴝𐴀𐴝𐴌 𐴏𐴥𐴡𐴌𐴥𐴝𐴌 𐴒𐴤𐴝𐴣𐴄𐴢 𐴀𐴠𐴓𐴝𐴑𐴝𐴃 𐴌𐴟𐴇𐴝𐴙𐴚𐴒𐴙𐴝 𐴁𐴤𐴡𐴌𐴥𐴝 𐴔𐴝𐴏𐴥𐴡𐴌 𐴁𐴟𐴄𐴢 𐴀𐴠𐴑𐴧𐴤𐴝𐴕 𐴁𐴤𐴝𐴐𐴠𐴌𐴊𐴧𐴠 𐴈𐴥𐴡𐴁𐴡𐴌 𐴉𐴝𐴀𐴝 𐴒𐴞𐴘𐴧𐴥𐴠 𐴁𐴡𐴓𐴞 𐴈𐴡𐴘𐴧𐴥𐴠𐴊𐴠 𐴎𐴝𐴕𐴝 𐴒𐴞𐴘𐴧𐴥𐴠 𐴱𐴱

𐴌𐴟𐴇𐴝𐴙𐴚𐴒𐴙𐴝 𐴊𐴟𐴏𐴢 𐴔𐴟𐴇𐴝𐴔𐴧𐴡𐴊𐴢 𐴁𐴡𐴐𐴢 𐴰 𐴳 𐴁𐴡𐴏𐴥𐴡𐴌 𐴀𐴞𐴁𐴤𐴝 𐴘𐴠 𐴈𐴡𐴘𐴧𐴥𐴠𐴊𐴠 𐴁𐴡𐴌𐴔𐴥𐴝𐴌 𐴀𐴝𐴙𐴑𐴧𐴙𐴝𐴁𐴡𐴌 𐴉𐴟𐴒𐴠 𐴛𐴡𐴚𐴐𐴤𐴙𐴡𐴚 𐴀𐴠𐴓𐴝𐴑𐴝𐴃 𐴀𐴝𐴣𐴀𐴝𐴌𐴝𐴌 𐴉𐴝𐴌𐴝 𐴱 𐴔𐴡𐴒𐴢 𐴁𐴝𐴒𐴞 𐴀𐴥𐴡𐴑𐴧𐴡𐴓𐴠 𐴀𐴝𐴣𐴀𐴝𐴌𐴝𐴌𐴥𐴠 𐴀𐴥𐴡𐴊𐴡𐴌 𐴁𐴝𐴀𐴝𐴌𐴠 𐴎𐴟𐴓𐴥𐴟𐴔 𐴀𐴡𐴃𐴧𐴞𐴏𐴝𐴌 𐴒𐴡𐴌𐴥𐴠𐴌𐴊𐴧𐴠 𐴱 𐴁𐴡𐴊𐴧𐴝𐴐𐴢 𐴒𐴡𐴌𐴥𐴞 𐴕𐴡 𐴉𐴝𐴌𐴥𐴞 𐴉𐴡𐴌𐴝𐴕 𐴁𐴝𐴏𐴝𐴘𐴁𐴤𐴝𐴌 𐴀𐴝𐴐𐴤𐴝 𐴘𐴠 𐴱 𐴔𐴝𐴏𐴢 𐴏𐴝𐴀𐴝𐴊𐴠 𐴁𐴟𐴄𐴢 𐴀𐴠𐴑𐴧𐴤𐴝𐴕 𐴓𐴡𐴘 𐴌𐴡𐴖𐴝𐴕𐴝 𐴊𐴞𐴘𐴧𐴥𐴞𐴊𐴠 𐴉𐴝𐴣𐴏𐴢 𐴊𐴞𐴕 𐴀𐴥𐴡𐴘𐴧𐴠 𐴱 𐴁𐴦𐴝𐴊𐴠 𐴁𐴟𐴍𐴡𐴌 𐴀𐴞𐴕𐴅𐴞𐴓 𐴈𐴥𐴡𐴌𐴝𐴁𐴢 𐴀𐴥𐴡𐴘𐴢 𐴎𐴡𐴀𐴡𐴕𐴠 𐴱 𐴁𐴝𐴚𐴓𐴝𐴊𐴠𐴐𐴤𐴞 𐴎𐴝𐴙𐴓𐴧𐴝𐴌 𐴁𐴟𐴄𐴢 𐴀𐴠𐴑𐴧𐴤𐴝𐴕𐴠 𐴄𐴝𐴕𐴞 𐴀𐴝𐴕𐴥𐴞 𐴱 𐴀𐴝𐴣𐴀𐴝𐴌𐴝 𐴌𐴥𐴠 𐴁𐴞 𐴅𐴞 𐴁𐴞 𐴐𐴤𐴞𐴔𐴝 𐴏𐴦𐴡𐴛 𐴉𐴟𐴓𐴞𐴐𐴡𐴌 𐴀𐴥𐴝𐴃𐴡𐴃𐴢 𐴒𐴡𐴏𐴥𐴝𐴘𐴢 𐴊𐴞𐴘𐴧𐴥𐴠𐴊𐴠 𐴁𐴡𐴓𐴞 𐴈𐴡𐴘𐴧𐴥𐴠𐴊𐴠 𐴎𐴝𐴕𐴝 𐴒𐴞𐴘𐴧𐴥𐴠 𐴱𐴱

Sources :Ukhiyanews.com