𐴌𐴠𐴇𐴝𐴀𐴞 𐴄𐴞𐴛𐴧𐴝 𐴔𐴝𐴒𐴝𐴌 𐴁𐴦𐴝𐴊𐴠 𐴒𐴟𐴌𐴝 𐴉𐴟𐴖𐴝𐴙𐴕 𐴐𐴤𐴡𐴣𐴀𐴡 𐴰 𐴳 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴌𐴥𐴠 𐴉𐴟𐴓𐴞𐴐𐴠 𐴁𐴝𐴏𐴝𐴘𐴢 𐴓𐴡𐴘𐴧𐴥𐴠 𐴱𐴱

𐴋𐴝𐴓𐴝𐴓 𐴈𐴡𐴊𐴤𐴟𐴕𐴠 𐴔𐴡𐴓𐴠𐴆𐴤𐴙𐴝 𐴉𐴡𐴣𐴀𐴡𐴏𐴝𐴘 𐴊𐴞𐴀𐴞𐴁𐴡 𐴁𐴡𐴓𐴞 𐴈𐴡𐴀𐴡𐴘𐴢 𐴓𐴟𐴁𐴢 𐴓𐴝𐴓𐴥𐴡𐴏𐴢 𐴊𐴠𐴈𐴥𐴝𐴘𐴢 𐴖𐴝𐴊𐴝 𐴒𐴡𐴌𐴥𐴞 𐴱 𐴑𐴝𐴑𐴏𐴡 𐴁𐴝𐴎𐴝𐴌 𐴀𐴠𐴓𐴝𐴑𐴝 𐴄𐴠𐴑𐴕𐴝𐴉𐴢 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔 𐴀𐴥𐴡𐴑𐴧𐴡𐴓𐴡𐴃𐴧𐴤𐴟 𐴒𐴟𐴌𐴝 𐴉𐴟𐴖𐴝𐴙𐴕 𐴐𐴤𐴡𐴣𐴀𐴡 𐴰 𐴳 𐴎𐴡𐴕 𐴓𐴡𐴃𐴞 𐴄𐴠𐴑𐴕𐴝𐴉𐴢 𐴕𐴞𐴎𐴝𐴘𐴢 𐴱 𐴉𐴝𐴀𐴝𐴌𐴡𐴌 𐴁𐴤𐴟𐴃𐴤𐴡𐴌𐴠 𐴒𐴤𐴡𐴓𐴝𐴘𐴢 𐴁𐴡𐴕 𐴒𐴡𐴌𐴥𐴞 𐴌𐴝𐴑𐴤𐴞 𐴌𐴠𐴇𐴝𐴀𐴞 𐴄𐴞𐴛𐴧𐴝 𐴔𐴝𐴒𐴝 𐴐𐴤𐴟𐴌𐴟 𐴒𐴡𐴙𐴅𐴧𐴤𐴙𐴠 𐴱𐴱

𐴄𐴞𐴛𐴧𐴝 𐴊𐴞𐴀𐴞𐴓𐴥𐴠 𐴌𐴠𐴇𐴝𐴀𐴞 𐴉𐴝𐴘𐴁𐴝𐴊𐴠 𐴱 𐴕𐴡 𐴊𐴞𐴀𐴞𐴓𐴥𐴠 𐴔𐴝𐴌𐴞 𐴉𐴥𐴠𐴓𐴥𐴝𐴘𐴧𐴟𐴔 𐴁𐴡𐴓𐴞 𐴈𐴡𐴀𐴡𐴘 𐴋𐴦𐴡𐴙𐴓𐴧𐴝 𐴋𐴦𐴡𐴙𐴓𐴧𐴝 𐴊𐴤𐴡𐴔𐴑𐴞 𐴀𐴥𐴡𐴑𐴧𐴡𐴓 𐴊𐴠𐴀𐴠𐴌 𐴱 𐴄𐴠𐴑𐴕𐴝𐴉𐴢 𐴃𐴤𐴝𐴕𐴝𐴌 𐴉𐴟𐴓𐴞𐴐𐴢 𐴀𐴥𐴡𐴑𐴧𐴡𐴓𐴠 𐴈𐴥𐴡𐴁𐴡𐴌 𐴉𐴝𐴘𐴢 𐴋𐴞𐴏𐴡𐴔𐴁𐴡𐴌 𐴔𐴝𐴐𐴤𐴡𐴌 𐴴 𐴱 𐴃𐴝𐴌𐴥𐴞𐴑 𐴐𐴤𐴡𐴕𐴞 𐴁𐴝𐴌𐴠 𐴁𐴞𐴀𐴞𐴕𐴧𐴝 𐴈𐴦𐴝𐴏𐴢 𐴁𐴤𐴝𐴉𐴠 𐴑𐴝𐴌𐴖𐴝𐴘𐴢 𐴏𐴝𐴓𐴝𐴘𐴢 𐴌𐴟𐴇𐴝𐴙𐴚𐴒𐴙𐴝 𐴀𐴥𐴟𐴀𐴟𐴕𐴡𐴌𐴥𐴠 𐴁𐴝𐴏𐴝𐴘𐴢 𐴓𐴡𐴘𐴧𐴠 𐴁𐴡𐴓𐴞 𐴈𐴥𐴡𐴁𐴡𐴌 𐴔𐴡𐴎𐴞𐴕 𐴎𐴝𐴕𐴝 𐴒𐴞𐴘𐴧𐴥𐴠 𐴱𐴱

𐴄𐴠𐴑𐴕𐴝𐴉𐴢 𐴉𐴟𐴓𐴞𐴐𐴢 𐴃𐴤𐴝𐴕𐴝𐴌 𐴀𐴡 𐴏𐴞 / 𐴔𐴟𐴇𐴝𐴔𐴧𐴡𐴊𐴢 𐴒𐴞𐴘𐴝𐴏𐴟𐴊𐴧𐴞𐴕𐴠 𐴒𐴤𐴡𐴄𐴡𐴕𐴝 𐴘𐴝𐴀𐴝𐴕 𐴏𐴥𐴡𐴀𐴞 𐴁𐴡𐴓𐴞 𐴈𐴡𐴀𐴡𐴘 𐴁𐴦𐴝𐴊𐴠 𐴱 𐴀𐴝𐴌𐴀𐴥𐴡 𐴈𐴡𐴘𐴧𐴥𐴠𐴊𐴠 𐴐𐴤𐴡𐴕𐴞 𐴁𐴝𐴌𐴠 𐴁𐴞𐴀𐴞𐴕𐴧𐴝 𐴄𐴠𐴑𐴕𐴝𐴉𐴢 𐴀𐴟𐴉𐴡𐴎𐴞𐴓𐴥𐴝𐴌 𐴏𐴥𐴡𐴊𐴡𐴌 𐴘𐴟𐴕𐴞𐴀𐴥𐴡𐴕𐴡𐴌 𐴊𐴡𐴀𐴡𐴙𐴕 𐴓𐴡𐴔𐴁𐴡𐴌𐴞 𐴉𐴝𐴌𐴝𐴃𐴢 𐴱 𐴌𐴟𐴇𐴝𐴙𐴚𐴒𐴙𐴝 𐴀𐴥𐴟𐴀𐴟𐴕𐴡𐴌𐴥𐴠 𐴌𐴝𐴙𐴑𐴧𐴤𐴙𐴠𐴊𐴠 𐴎𐴝𐴒𐴝𐴃𐴢 𐴉𐴟𐴓𐴞𐴐𐴠 𐴑𐴝𐴌𐴖𐴝𐴘 𐴒𐴡𐴌𐴥𐴠𐴌𐴊𐴠 𐴘𐴥𐴝𐴀𐴝𐴕 𐴄𐴤𐴝𐴀𐴝𐴌 𐴉𐴝𐴘𐴢 𐴋𐴝𐴓𐴝𐴓 𐴀𐴥𐴡𐴑𐴧𐴡𐴓𐴢 𐴊𐴤𐴝𐴘 𐴒𐴞𐴘𐴧𐴥𐴠 𐴒𐴤𐴡𐴘𐴢 𐴱 𐴃𐴡𐴀𐴡𐴘𐴢 𐴋𐴝𐴓𐴝𐴓𐴢 𐴀𐴠𐴑 𐴎𐴡𐴕𐴡𐴌𐴥𐴠 𐴘𐴥𐴡 𐴊𐴤𐴡𐴌𐴥𐴞 𐴉𐴝𐴌𐴝 𐴕𐴥𐴡 𐴎𐴝𐴀𐴝 𐴱𐴱

𐴇𐴥𐴝𐴘𐴅𐴞𐴑𐴝𐴌 𐴋𐴝𐴓𐴝𐴓𐴢 𐴀𐴥𐴡𐴑𐴧𐴡𐴓𐴡𐴌 𐴇𐴥𐴝𐴃𐴡𐴃𐴧𐴟 𐴏𐴥𐴟𐴌𐴥𐴝𐴘 𐴓𐴡𐴘𐴢 𐴉𐴝𐴌𐴝 𐴒𐴞𐴘𐴧𐴥𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴟𐴀𐴟𐴕𐴡𐴌 𐴁𐴤𐴟𐴃𐴤𐴡𐴌𐴠 𐴵 𐴲 𐴎𐴡𐴕 𐴔𐴡𐴌𐴡𐴊𐴢 𐴳 𐴎𐴡𐴕 𐴔𐴝𐴘𐴧𐴝 𐴀𐴝𐴌 𐴲 𐴱 𐴎𐴡𐴕 𐴉𐴟𐴖𐴝𐴙𐴕 𐴱 𐴀𐴝𐴌 𐴀𐴥𐴞𐴃𐴝𐴌𐴥𐴝 𐴁𐴠𐴠𐴒𐴧𐴤𐴟𐴕 𐴄𐴠𐴑𐴕𐴝𐴉𐴡𐴌 𐴁𐴞𐴁𐴤𐴞𐴕𐴧𐴡 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴌 𐴁𐴤𐴝𐴐𐴞𐴕𐴊𐴝 𐴁𐴡𐴓𐴞 𐴈𐴥𐴡𐴁𐴡𐴌 𐴔𐴡𐴎𐴞𐴕 𐴎𐴝𐴕𐴝 𐴒𐴞𐴘𐴧𐴥𐴠 𐴱𐴱

Sources : Ukhiyanews.com