𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃𐴢 𐴊𐴤𐴡𐴙𐴅𐴧𐴤𐴙𐴠𐴊𐴠 𐴀𐴦𐴡𐴙𐴕 𐴅𐴡𐴓𐴊𐴞 𐴑𐴝𐴁𐴟 𐴒𐴡𐴌𐴥𐴞 𐴉𐴥𐴠𐴓𐴥𐴝𐴘𐴢 𐴉𐴝𐴙𐴅𐴧𐴤𐴙𐴠 𐴱𐴱

𐴁𐴝𐴚𐴓𐴝 𐴊𐴠𐴐𐴢 𐴑𐴝𐴑𐴏𐴡 𐴁𐴝𐴎𐴝𐴌 𐴀𐴠𐴓𐴝𐴑𐴝𐴌 𐴀𐴟𐴑𐴤𐴞𐴘𐴝 𐴁𐴝𐴓𐴟 𐴈𐴥𐴝𐴓𐴞 𐴀𐴠𐴑 𐴓𐴡𐴔𐴁𐴤𐴡𐴌𐴡𐴌 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴡𐴔 𐴰 𐴱 𐴓𐴡𐴔𐴁𐴤𐴡𐴌𐴡𐴌 𐴱 𐴁𐴡𐴓𐴡𐴑 𐴀𐴠𐴉𐴢 𐴀𐴡𐴃𐴢 𐴏𐴞 𐴀𐴝𐴘 𐴏𐴞 𐴀𐴡𐴉𐴥𐴞𐴏𐴡𐴌 𐴋𐴤𐴝𐴑𐴤𐴠 𐴒𐴤𐴡𐴌 𐴀𐴠𐴑𐴧𐴤𐴝𐴕𐴡𐴃𐴢 𐴱 𐴋𐴞𐴏𐴡𐴔𐴁𐴡𐴌 𐴔𐴝𐴐𐴤𐴡𐴌 𐴸 𐴃𐴝𐴌𐴥𐴞𐴑 𐴌𐴦𐴡𐴘𐴢 𐴁𐴝𐴌𐴠 𐴁𐴞𐴀𐴞𐴕𐴧𐴝 𐴓𐴡𐴒𐴢 𐴁𐴤𐴡𐴒𐴢 𐴰 𐴳 : 𐴰 𐴱 𐴁𐴝𐴎𐴠 𐴀𐴦𐴡𐴙𐴕 𐴊𐴤𐴡𐴙𐴅𐴧𐴤𐴠 𐴱 𐴔𐴡𐴕𐴃𐴡𐴌 𐴑𐴠𐴀𐴠𐴔𐴡𐴌 𐴔𐴝𐴙𐴕𐴐𐴤𐴙𐴠 𐴔𐴞𐴓𐴞 𐴎𐴤𐴟𐴓𐴞 𐴑𐴟𐴐𐴤𐴞𐴐𐴢 𐴒𐴡𐴌𐴥𐴡𐴕𐴡𐴌 𐴎𐴡𐴌𐴞𐴘𐴝 𐴅𐴡𐴓𐴊𐴞 𐴕𐴞𐴉𐴥𐴝𐴘𐴢 𐴉𐴥𐴠𐴓𐴥𐴝𐴘 𐴉𐴝𐴙𐴅𐴧𐴤𐴠 𐴁𐴡𐴓𐴞 𐴈𐴥𐴡𐴁𐴡𐴌 𐴔𐴡𐴎𐴞𐴕 𐴎𐴝𐴕𐴝 𐴒𐴞𐴘𐴧𐴥𐴠 𐴱𐴱

𐴀𐴦𐴡𐴙𐴕 𐴊𐴤𐴡𐴙𐴅𐴧𐴤𐴙𐴠𐴊𐴠 𐴎𐴝𐴒𐴝 𐴘𐴥𐴝𐴀𐴝𐴕𐴡𐴃𐴧𐴟 𐴐𐴤𐴟𐴌𐴟𐴃𐴢 𐴔𐴝𐴎𐴤𐴠 𐴁𐴠𐴐𐴤𐴞 𐴈𐴝𐴓𐴝 𐴊𐴤𐴟𐴖𐴝𐴣 𐴀𐴟𐴍𐴥𐴡𐴕𐴠 𐴱 𐴔𐴝𐴙𐴕𐴐𐴤𐴡𐴌𐴥𐴠 𐴀𐴝𐴏𐴟 𐴈𐴥𐴝𐴏𐴟𐴃𐴢 𐴉𐴥𐴠𐴓𐴥𐴝𐴘𐴢 𐴊𐴞𐴘𐴧𐴥𐴠 𐴱 𐴔𐴡𐴕𐴃𐴡𐴌 𐴀𐴝𐴃𐴡𐴌 𐴈𐴝𐴣𐴏𐴥𐴡𐴌 𐴔𐴝𐴙𐴕𐴐𐴤𐴙𐴠 𐴎𐴦𐴝𐴣 𐴀𐴥𐴡𐴀𐴡𐴑 𐴁𐴡𐴓𐴞 𐴈𐴡𐴀𐴡𐴘𐴢 𐴔𐴞𐴓𐴞 𐴎𐴤𐴟𐴓𐴞
𐴉𐴥𐴟𐴣𐴖𐴥𐴝𐴣𐴃𐴞 𐴁𐴠𐴐𐴤𐴞 𐴑𐴟𐴐𐴤𐴞𐴐𐴢 𐴒𐴡𐴌𐴥𐴡𐴕𐴠 𐴱 𐴀𐴝𐴌𐴀𐴥𐴡 𐴁𐴦𐴠𐴐𐴢 𐴏𐴥𐴡𐴌𐴝𐴘𐴢 𐴎𐴡𐴀𐴡𐴕𐴡𐴃𐴧𐴤𐴟 𐴌𐴟𐴑𐴤𐴞 𐴉𐴥𐴠𐴓𐴥𐴝𐴘𐴢 𐴉𐴝𐴙𐴅𐴧𐴤𐴙𐴠 𐴱 𐴃𐴡𐴃𐴑𐴤𐴝𐴕𐴡𐴌 𐴑𐴟𐴐𐴤𐴞𐴐𐴡𐴌 𐴎𐴡𐴌𐴞𐴘𐴝 𐴈𐴡𐴕𐴥𐴡 𐴔𐴝𐴕𐴥𐴟𐴙𐴐𐴢 𐴒𐴤𐴝𐴙𐴓𐴢 𐴀𐴥𐴡 𐴕𐴥𐴡 𐴀𐴥𐴡𐴀𐴡 𐴀𐴝𐴌 𐴏𐴥𐴝𐴔𐴝𐴕 𐴀𐴥𐴡 𐴁𐴠𐴐𐴤𐴞 𐴈𐴡𐴔 𐴓𐴟𐴏𐴧𐴝𐴕 𐴀𐴥𐴡𐴘𐴧𐴠 𐴁𐴡𐴓𐴞 𐴎𐴝𐴕𐴝 𐴒𐴞𐴘𐴧𐴥𐴠 𐴱𐴱

𐴏𐴥𐴝𐴌𐴔𐴠 𐴀𐴠𐴕𐴋𐴞𐴓𐴧𐴝 𐴒𐴤𐴡𐴄𐴡𐴕𐴝 𐴀𐴥𐴡𐴑𐴧𐴡𐴓𐴢 𐴕𐴡 𐴁𐴝𐴌𐴥𐴠 𐴉𐴥𐴝𐴀𐴝𐴕 𐴀𐴝𐴌 𐴎𐴠𐴃𐴡 𐴈𐴡𐴔 𐴀𐴥𐴡𐴀𐴡 𐴉𐴥𐴝𐴀𐴝𐴕 𐴔𐴡𐴎𐴁𐴟𐴃𐴢 𐴇𐴥𐴠𐴉𐴝𐴎𐴡𐴃𐴞 𐴑𐴝𐴌𐴖𐴝𐴘𐴢 𐴒𐴡𐴌𐴥𐴞𐴁𐴤𐴡𐴓𐴧𐴝 𐴉𐴝𐴑𐴧𐴝 𐴉𐴝𐴑𐴧𐴞 𐴃𐴡𐴘𐴧𐴝𐴌 𐴃𐴤𐴝𐴑𐴤𐴞𐴁𐴡𐴓𐴧𐴝 𐴱 𐴑𐴠𐴀𐴠𐴔 𐴁𐴤𐴝𐴐𐴞 𐴀𐴝𐴌 𐴀𐴥𐴞𐴃𐴤𐴝𐴌𐴥𐴝𐴌 𐴄𐴞𐴀𐴞𐴔𐴡𐴌𐴥𐴠 𐴱 𐴁𐴡𐴓𐴡𐴑𐴡𐴌 𐴔𐴝𐴎𐴤𐴞 𐴀𐴥𐴡𐴑𐴧𐴡𐴓𐴠 𐴈𐴡𐴘𐴧𐴥𐴠𐴊𐴠 𐴎𐴝𐴕𐴝 𐴒𐴞𐴘𐴧𐴥𐴠 𐴱 𐴀𐴝𐴌 𐴀𐴦𐴡𐴙𐴕 𐴊𐴤𐴡𐴌𐴥𐴝𐴌 𐴈𐴝𐴌𐴡𐴕𐴡𐴌 𐴁𐴝𐴁𐴡𐴃𐴠 𐴃𐴡𐴊𐴝𐴌𐴟𐴑 𐴏𐴡𐴓𐴠𐴌 𐴁𐴡𐴓𐴞 𐴈𐴡𐴘𐴧𐴥𐴠𐴊𐴠 𐴈𐴥𐴡𐴁𐴡𐴌 𐴔𐴡𐴎𐴞𐴕 𐴎𐴝𐴕𐴝 𐴒𐴞𐴘𐴧𐴥𐴠 𐴱𐴱

𐴒𐴤𐴡𐴄𐴡𐴕𐴝 𐴘𐴝𐴀𐴝𐴕𐴠 𐴀𐴠𐴕𐴋𐴞𐴓𐴧𐴝 𐴒𐴝𐴙𐴌 𐴀𐴠𐴑𐴞𐴕𐴞 𐴇𐴥𐴝𐴓𐴡𐴃𐴡𐴃𐴢 𐴎𐴤𐴝𐴉𐴝 𐴎𐴝𐴙𐴂𐴧𐴥𐴝 𐴄𐴝𐴓𐴝𐴘𐴧𐴝 𐴃𐴤𐴝𐴑𐴤𐴠𐴌𐴊𐴧𐴠 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃𐴢 𐴱 𐴀𐴦𐴡𐴙𐴕 𐴎𐴡𐴓𐴝𐴌 𐴒𐴤𐴡𐴄𐴡𐴕𐴝 𐴀𐴝𐴌𐴀𐴥𐴡 𐴁𐴦𐴠𐴐𐴢 𐴕𐴡 𐴁𐴝𐴌𐴥𐴞 𐴈𐴡𐴔𐴠 𐴉𐴥𐴝𐴀𐴝𐴕 𐴱 𐴀𐴝𐴌𐴅𐴤𐴠𐴕 𐴇𐴥𐴠𐴉𐴝𐴎𐴡𐴃𐴞 𐴂𐴡𐴌𐴡𐴄𐴡𐴑𐴡𐴓 𐴁𐴝𐴕𐴝𐴘𐴢 𐴑𐴡𐴔𐴎𐴟𐴌 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴐𐴤𐴡𐴔𐴝𐴎𐴡𐴌𐴥𐴠 𐴁𐴝𐴏𐴝𐴘𐴢 𐴁𐴤𐴡𐴓𐴧𐴝 𐴱 𐴔𐴡𐴎𐴓𐴟𐴔 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴠 𐴈𐴡𐴀𐴡𐴌𐴊𐴧𐴠 𐴎𐴝𐴕𐴝 𐴒𐴞𐴘𐴧𐴥𐴠 𐴱𐴱

Sources : Rohingya Khobor