𐴀𐴝𐴔𐴠𐴌𐴞𐴑𐴞 𐴑𐴝𐴚𐴒𐴠𐴌𐴥𐴠𐴏𐴥𐴡𐴌 𐴕𐴡𐴔𐴝𐴙𐴕𐴊𐴝 𐴅𐴡𐴔𐴦𐴝𐴃𐴢 𐴑𐴝𐴑𐴏𐴡 𐴁𐴝𐴎𐴝𐴌 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃𐴢 𐴱𐴱

𐴀𐴝𐴔𐴠𐴌𐴞𐴑𐴞 𐴑𐴝𐴚𐴒𐴠𐴌𐴥𐴠𐴏𐴥𐴡𐴌 𐴱 𐴱 𐴎𐴡𐴙𐴕𐴧𐴝 𐴕𐴡𐴔𐴝𐴙𐴕𐴊𐴝 𐴅𐴡𐴔𐴦𐴝𐴃𐴢 𐴀𐴟𐴒𐴧𐴤𐴗𐴝 𐴱 𐴋𐴞𐴔𐴟𐴑𐴠𐴌𐴠𐴄𐴤𐴑 𐴉𐴝𐴄𐴞𐴌 𐴑𐴝𐴚𐴒𐴠𐴌𐴥𐴠𐴏𐴢 𐴔𐴞𐴔𐴁𐴤𐴡𐴌/ 𐴀𐴞 𐴋𐴞 𐴑𐴠𐴙𐴏𐴢 𐴀𐴝𐴌 𐴌𐴞𐴂𐴝𐴂𐴓𐴞𐴑𐴤𐴠𐴕 𐴉𐴝𐴄𐴞𐴌 𐴑𐴝𐴚𐴒𐴠𐴌𐴥𐴠𐴏𐴢 𐴔𐴞𐴔𐴁𐴤𐴡𐴌/ 𐴌𐴞𐴆𐴤𐴝𐴋 𐴀𐴠𐴔 𐴏𐴞 𐴑𐴡𐴌𐴡𐴔𐴥𐴞𐴑 𐴱 𐴊𐴟𐴕𐴥𐴞 𐴎𐴡𐴕𐴡𐴌 𐴏𐴥𐴡𐴊𐴧𐴝𐴌𐴞𐴃𐴢 𐴱 𐴕𐴡𐴖𐴡𐴔𐴁𐴡𐴌 𐴔𐴝𐴐𐴤𐴡𐴌 𐴶 𐴲 𐴃𐴝𐴌𐴥𐴞𐴑 𐴔𐴡𐴚𐴒𐴡𐴓 𐴁𐴝𐴌𐴠 𐴁𐴞𐴀𐴞𐴕𐴧𐴝 𐴱 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞𐴌 𐴇𐴥𐴝𐴓𐴡𐴃 𐴏𐴝𐴘𐴁𐴤𐴡𐴓𐴧𐴝 𐴱 𐴑𐴝𐴑𐴏𐴡 𐴁𐴝𐴎𐴝𐴌 𐴀𐴠𐴓𐴝𐴑𐴝𐴌 𐴀𐴟𐴑𐴤𐴞𐴘𐴝 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃𐴢 𐴀𐴝𐴙𐴐𐴧𐴤𐴙𐴠 𐴱𐴱

𐴑𐴝𐴚𐴒𐴠𐴌𐴥𐴠𐴏𐴥𐴡𐴌 𐴕𐴡𐴔𐴝𐴙𐴕𐴊𐴝 𐴄𐴞𐴀𐴞𐴔 𐴀𐴥𐴞𐴁𐴤𐴝 𐴘𐴠 𐴁𐴞𐴀𐴞𐴕𐴧𐴝 𐴹 𐴁𐴝𐴎𐴠 𐴀𐴞𐴕𐴄𐴝𐴌 𐴏𐴥𐴠𐴑𐴄𐴤𐴡𐴌 𐴌𐴝𐴁𐴠𐴃𐴝 𐴒𐴟𐴌𐴥𐴟𐴉𐴡𐴌 𐴀𐴡𐴉𐴥𐴞𐴏𐴡𐴃𐴢 𐴱 𐴔𐴞𐴄𐴤𐴞𐴚 𐴐𐴤𐴟𐴌𐴟 𐴒𐴡𐴙𐴅𐴧𐴤𐴙𐴠 𐴁𐴡𐴓𐴞 ( 𐴀𐴝𐴌 𐴀𐴝𐴌 𐴀𐴝𐴌 𐴏𐴞 ) 𐴀𐴡𐴉𐴥𐴞𐴏𐴡𐴌 𐴎𐴟𐴣𐴖𐴝𐴛𐴓𐴧𐴝 𐴀𐴡𐴉𐴥𐴞𐴏𐴝𐴌 / 𐴐𐴤𐴡𐴔𐴏𐴟𐴊 𐴊𐴟𐴅𐴝 𐴘𐴠 𐴈𐴡𐴘𐴧𐴥𐴠𐴊𐴠 𐴎𐴝𐴕𐴝 𐴒𐴞𐴘𐴧𐴥𐴠 𐴱 𐴎𐴠 𐴔𐴞𐴄𐴤𐴞𐴚𐴡𐴃𐴢 ( 𐴘𐴟 𐴀𐴠𐴕 𐴀𐴠𐴆 𐴏𐴞 𐴀𐴝𐴌 ) 𐴀𐴝𐴌 ( 𐴀𐴝𐴘 𐴀𐴡 𐴀𐴠𐴔 ) 𐴐𐴤𐴡𐴣𐴀𐴡 𐴁𐴡𐴀𐴡𐴃𐴢 𐴀𐴝𐴔𐴠𐴌𐴞𐴑𐴞 𐴀𐴠𐴅𐴤𐴠𐴕𐴏𐴞 𐴀𐴥𐴡𐴑𐴧𐴡𐴓 𐴇𐴦𐴝𐴎𐴠𐴌 𐴀𐴥𐴡𐴘𐴧𐴠 𐴱𐴱

𐴁𐴦𐴝𐴊𐴠 𐴁𐴞𐴀𐴞𐴕𐴧𐴝 𐴰 𐴳 : 𐴱 𐴱 𐴁𐴝𐴎𐴠 𐴄𐴞𐴀𐴞𐴔 𐴀𐴥𐴞𐴁𐴤𐴝 𐴘𐴠 𐴑𐴠𐴀𐴠𐴔𐴡𐴌 𐴁𐴤𐴟𐴃𐴤𐴡𐴌𐴠 𐴀𐴝𐴏𐴥𐴠𐴊𐴠 𐴁𐴟𐴕𐴘𐴝𐴊𐴞 𐴀𐴝𐴏𐴦𐴝𐴕𐴞 𐴀𐴥𐴡𐴑𐴧𐴡𐴓𐴡𐴌𐴥𐴠 𐴏𐴝𐴘𐴧𐴥𐴠 𐴱 𐴘𐴥𐴝𐴀𐴝𐴌 𐴁𐴦𐴝𐴊𐴠 𐴲 𐴱 𐴓𐴡𐴔𐴁𐴤𐴡𐴌 𐴑𐴠𐴀𐴠𐴔𐴡𐴃 𐴌𐴞𐴉𐴟𐴎𐴞 𐴌𐴠𐴅𐴞𐴏𐴄𐴝𐴌 𐴒𐴡𐴌𐴥𐴝𐴌 𐴈𐴝𐴔 𐴏𐴝𐴘𐴧𐴥𐴠 𐴀𐴝𐴌 𐴱 𐴱 𐴓𐴡𐴔𐴁𐴤𐴡𐴌 𐴑𐴠𐴀𐴠𐴔𐴡𐴃𐴢 𐴎𐴝𐴘𐴢 𐴃𐴦𐴝𐴓𐴞𐴔𐴞 𐴔𐴡𐴌𐴑𐴡𐴎𐴢 𐴀𐴠𐴑𐴧𐴤𐴝𐴕 𐴏𐴝𐴘𐴧𐴥𐴠 𐴱 𐴀𐴝𐴌 ( 𐴋𐴝𐴁𐴡𐴓𐴘𐴟 𐴀𐴠𐴉𐴢 𐴂𐴞 ) 𐴃𐴡𐴕𐴎𐴞𐴔𐴠 𐴏𐴝𐴓𐴝𐴌𐴊𐴧𐴧𐴠 𐴀𐴞 𐴁𐴡𐴖𐴆𐴝𐴌 𐴔𐴡𐴌𐴑𐴡𐴎𐴡𐴃𐴢 𐴎𐴝𐴘 𐴏𐴝𐴘𐴧𐴥𐴠𐴊𐴠 𐴎𐴝𐴕𐴝 𐴒𐴞𐴘𐴧𐴥𐴠 𐴱𐴱

𐴁𐴦𐴝𐴊𐴠 𐴄𐴞𐴀𐴞𐴔 𐴀𐴥𐴞𐴁𐴤𐴝 𐴘𐴠 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞𐴌 𐴔𐴟𐴃𐴦𐴝𐴓𐴧𐴠𐴑 𐴅𐴝𐴕𐴑𐴝𐴌𐴞 𐴉𐴥𐴟𐴕𐴥𐴞𐴁𐴤𐴡𐴓𐴧𐴝 𐴀𐴝𐴌 𐴎𐴝𐴕𐴞 𐴓𐴡𐴘𐴁𐴡𐴓𐴧𐴝 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞𐴌 𐴕𐴡𐴔𐴝𐴙𐴕𐴊𐴝 𐴓𐴡𐴘 𐴔𐴞𐴓𐴞𐴁𐴤𐴡𐴓𐴧𐴝 𐴄𐴝𐴙𐴔 𐴄𐴤𐴞𐴑 𐴒𐴡𐴌𐴥𐴞 𐴀𐴥𐴞𐴃𐴤𐴝𐴌𐴥𐴝𐴌 𐴓𐴡𐴘 𐴔𐴞𐴄𐴤𐴞𐴚 𐴒𐴡𐴙𐴅𐴧𐴤𐴙𐴠 𐴱 𐴘𐴥𐴝𐴀𐴝𐴌 𐴁𐴦𐴝𐴊𐴠 𐴊𐴦𐴟𐴛𐴅𐴧𐴙𐴝 𐴁𐴝𐴚𐴓𐴝 𐴊𐴠𐴐𐴢 𐴇𐴥𐴡𐴑𐴤𐴟𐴔𐴡𐴃𐴞 𐴎𐴞𐴔𐴧𐴝𐴊𐴝𐴌 𐴀𐴥𐴡𐴑𐴧𐴡𐴓 𐴓𐴡𐴘 𐴱 𐴑𐴝𐴑𐴏𐴡 𐴁𐴝𐴎𐴝𐴌 ( 𐴀𐴝𐴌 𐴀𐴝𐴌 𐴀𐴝𐴌 𐴏𐴞 ) 𐴀𐴡𐴉𐴥𐴞𐴏𐴡𐴃𐴢 𐴔𐴞𐴄𐴤𐴞𐴚 𐴒𐴡𐴌𐴥𐴞𐴁𐴤𐴡 𐴁𐴡𐴓𐴞 𐴎𐴝𐴕𐴝 𐴒𐴞𐴘𐴧𐴥𐴠 𐴱𐴱

Sources : Dhka Tribune