𐴑𐴝𐴑𐴏𐴡 𐴁𐴝𐴎𐴝𐴌 𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔𐴡𐴃𐴢 𐴀𐴠𐴑𐴤𐴟𐴘𐴢 𐴒𐴤𐴡𐴌𐴒𐴟𐴐𐴧𐴞𐴌 𐴳 𐴎𐴡𐴕𐴡𐴌 𐴔𐴡𐴗𐴃𐴢 𐴱𐴱

𐴀𐴡𐴑𐴄𐴟𐴁𐴡𐴌 𐴔𐴝𐴐𐴤𐴡𐴌 𐴱 𐴲 𐴃𐴝𐴌𐴥𐴞𐴑 𐴐𐴤𐴡𐴔 𐴁𐴝𐴌𐴠 𐴁𐴞𐴀𐴞𐴕𐴧𐴝 𐴀𐴡𐴕𐴟𐴔𐴝𐴕𐴞𐴑 𐴰 𐴰 : 𐴵 𐴁𐴝𐴎𐴠 𐴱 𐴈𐴡𐴊𐴤𐴟𐴕 𐴵 𐴱- 𐴰 𐴲 𐴎𐴡𐴕 𐴓𐴡𐴃𐴞 𐴔𐴝𐴕𐴥𐴟𐴙𐴐𐴢 𐴀𐴟𐴑𐴤𐴞𐴘𐴝 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔 𐴓𐴡𐴔𐴁𐴤𐴡𐴌 𐴰 𐴲 𐴀𐴥𐴠𐴑𐴏𐴢 𐴁𐴡𐴓𐴑𐴡𐴌 𐴒𐴤𐴡𐴌 𐴀𐴠𐴑𐴧𐴤𐴝𐴕𐴡𐴃𐴢 𐴒𐴤𐴡𐴓𐴞 𐴱 𐴒𐴟𐴓𐴞 𐴔𐴝𐴌𐴞 𐴀𐴠𐴑𐴧𐴟 𐴁𐴝𐴌𐴠 𐴁𐴝𐴉𐴢 𐴉𐴟𐴖𐴝 𐴎𐴤𐴞𐴘𐴢 𐴃𐴞𐴕 𐴎𐴡𐴕 𐴔𐴝𐴌𐴞 𐴉𐴥𐴠𐴓𐴥𐴝𐴘𐴧𐴠 𐴁𐴡𐴓𐴞 𐴈𐴥𐴡𐴁𐴡𐴌 𐴔𐴡𐴎𐴞𐴕 𐴎𐴝𐴕𐴝 𐴒𐴞𐴘𐴧𐴥𐴠 𐴱𐴱

𐴀𐴟𐴑𐴤𐴞𐴘𐴝 𐴃𐴤𐴝𐴕𐴝𐴌 𐴀𐴡 𐴏𐴞 / 𐴀𐴦𐴝𐴌𐴠𐴉𐴢 𐴇𐴥𐴟𐴏𐴝𐴙𐴕𐴠 𐴒𐴤𐴡𐴄𐴡𐴕𐴝 𐴘𐴝𐴀𐴝𐴕 𐴏𐴥𐴡𐴀𐴞 𐴈𐴥𐴝𐴄𐴞 𐴁𐴡𐴓𐴞 𐴈𐴡𐴀𐴡𐴘 𐴱 𐴃𐴡𐴉𐴏𐴞𐴓𐴞 𐴌𐴠𐴂𐴟𐴄 𐴎𐴝𐴕𐴝𐴘𐴧𐴥𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔 𐴓𐴡𐴔𐴁𐴤𐴡𐴌 𐴰 𐴲 𐴀𐴥𐴠𐴑𐴏𐴡𐴃𐴢 𐴒𐴤𐴡𐴄𐴡𐴕𐴝 𐴀𐴥𐴡𐴘𐴧𐴥𐴠𐴊𐴠 𐴈𐴥𐴡𐴁𐴡𐴌 𐴉𐴝𐴘𐴢 𐴀𐴠 𐴂𐴞 𐴁𐴞 𐴀𐴠𐴕𐴡𐴌 𐴉𐴟𐴓𐴞𐴐𐴢 𐴀𐴥𐴡𐴑𐴧𐴡𐴓𐴡𐴌 𐴄𐴞𐴀𐴞𐴔 𐴀𐴟𐴒𐴧𐴤𐴗𐴝 𐴒𐴤𐴡𐴄𐴡𐴕𐴝𐴌 𐴎𐴝𐴒𐴝𐴃𐴢 𐴉𐴡𐴣𐴀𐴡𐴏𐴞 𐴁𐴦𐴝𐴊𐴠 𐴃𐴡𐴊𐴝𐴌𐴟𐴑 𐴒𐴡𐴌𐴥𐴞 𐴀𐴥𐴠𐴏𐴃𐴝𐴕𐴞 𐴔𐴝𐴙𐴕𐴐𐴤𐴡𐴌 𐴔𐴡𐴊𐴡𐴊𐴢 𐴓𐴡𐴘 𐴎𐴝𐴕𐴞 𐴉𐴝𐴌𐴞𐴓𐴥𐴡𐴊𐴠 𐴱𐴱

𐴀𐴟𐴑𐴤𐴞𐴘𐴝𐴌 𐴓𐴝𐴓 𐴉𐴝𐴀𐴝𐴌 𐴓𐴡𐴘 𐴓𐴝𐴒𐴝𐴘𐴧𐴝 𐴀𐴝𐴏𐴥𐴠𐴊𐴠 𐴑𐴠𐴀𐴠𐴔 𐴓𐴡𐴔𐴁𐴤𐴡𐴌 𐴰 𐴲 𐴀𐴥𐴠𐴑𐴏𐴢 𐴀𐴠𐴙𐴆 𐴴 𐴁𐴞 𐴶 𐴁𐴡𐴓𐴡𐴑𐴡𐴌 𐴴 𐴰 𐴱 𐴓𐴡𐴔𐴁𐴤𐴡𐴌 𐴒𐴤𐴡𐴌𐴡𐴃 𐴒𐴤𐴡𐴓𐴞 𐴁𐴝𐴉𐴢 𐴉𐴟𐴖𐴝 𐴎𐴤𐴞𐴘𐴢 𐴃𐴞𐴕 𐴎𐴡𐴕𐴡𐴌𐴥𐴠 𐴒𐴟𐴓𐴞 𐴔𐴝𐴌𐴞 𐴊𐴞𐴘𐴧𐴥𐴠 𐴱 𐴁𐴝𐴉𐴢 𐴀𐴝𐴌 𐴉𐴟𐴖𐴝 𐴒𐴡𐴓𐴝𐴃𐴢 𐴔𐴝𐴃𐴤𐴝𐴃𐴢 𐴀𐴝𐴌 𐴁𐴟𐴑𐴡𐴃𐴢 𐴒𐴟𐴓𐴞 𐴉𐴡𐴌𐴡𐴕𐴠 𐴀𐴥𐴡𐴊𐴡𐴃𐴢 𐴔𐴡𐴌𐴞 𐴒𐴞𐴘𐴧𐴥𐴡𐴘 𐴱 𐴔𐴝𐴘𐴧𐴝 𐴖𐴥𐴝𐴌𐴥𐴠 𐴑𐴠𐴀𐴠𐴔𐴡𐴌 𐴇𐴥𐴝𐴐𐴉𐴝𐴃𐴝𐴓𐴡𐴃𐴢 𐴉𐴡𐴣𐴀𐴡𐴏𐴝𐴘 𐴊𐴞𐴘𐴧𐴥𐴠 𐴱 𐴘𐴥𐴝𐴀𐴝𐴕𐴃𐴟 𐴑𐴝𐴑𐴏𐴡𐴁𐴝𐴎𐴝𐴌 𐴏𐴥𐴡𐴊𐴡𐴌 𐴇𐴥𐴝𐴐𐴉𐴝𐴃𐴝𐴓𐴡𐴃𐴢 𐴕𐴞𐴁𐴝𐴌 𐴐𐴤𐴡𐴣𐴀𐴡𐴃 𐴌𐴝𐴏𐴧𐴝𐴃𐴢 𐴔𐴝𐴘𐴧𐴝 𐴖𐴥𐴝 𐴘𐴥𐴡 𐴔𐴡𐴌𐴞 𐴒𐴞𐴘𐴧𐴥𐴡𐴘𐴊𐴠 𐴎𐴝𐴕𐴝 𐴒𐴞𐴘𐴧𐴥𐴠 𐴱𐴱

𐴔𐴝𐴌𐴞 𐴉𐴥𐴠𐴓𐴥𐴝𐴘𐴧𐴠𐴊𐴠 𐴀𐴥𐴞𐴃𐴤𐴝𐴌𐴝 𐴀𐴥𐴡𐴙𐴓𐴊𐴠 / 𐴀𐴥𐴝𐴇𐴔𐴡𐴊𐴢 𐴇𐴥𐴟𐴏𐴠𐴙𐴕 𐴁𐴡𐴐𐴢 𐴵 𐴶 𐴁𐴡𐴏𐴥𐴡𐴌 𐴱 𐴀𐴥𐴞𐴁𐴤𐴝𐴌 𐴉𐴟𐴖𐴝 / 𐴏𐴥𐴡𐴘𐴧𐴡𐴊𐴟𐴓𐴢 𐴀𐴝𐴔𐴦𐴞𐴕 𐴁𐴡𐴐𐴢 𐴶 𐴲 𐴁𐴡𐴏𐴥𐴡𐴌 𐴀𐴝𐴌 𐴔𐴝𐴘𐴧𐴝 𐴀𐴝𐴏𐴔𐴝 𐴁𐴠𐴒𐴡𐴔 𐴁𐴡𐴐𐴢 𐴵 𐴱 𐴁𐴡𐴏𐴥𐴡𐴌 𐴱 𐴀𐴞𐴃𐴝𐴌𐴥𐴝 𐴷 𐴱 𐴓𐴡𐴔𐴁𐴤𐴡𐴌 𐴑𐴠𐴀𐴠𐴔𐴡𐴃𐴧𐴟 𐴀𐴝𐴀𐴝𐴘 𐴃𐴦𐴡𐴙𐴃𐴧𐴝 𐴁𐴤𐴝𐴉𐴠 𐴰 𐴲 𐴓𐴡𐴔𐴁𐴤𐴡𐴌 𐴑𐴠𐴀𐴠𐴔𐴡𐴃𐴢 𐴃𐴤𐴝𐴑𐴤𐴠𐴌𐴊𐴠 𐴁𐴡𐴓𐴞 𐴈𐴥𐴡𐴁𐴡𐴌 𐴔𐴡𐴎𐴞𐴕 𐴎𐴝𐴕𐴝 𐴒𐴞𐴘𐴧𐴥𐴠 𐴱𐴱

Sources : Ukhiyanews.com