𐴁𐴤𐴟𐴏𐴞𐴊𐴤𐴡𐴚𐴡𐴌 𐴊𐴡𐴀𐴡𐴙𐴕 𐴀𐴠𐴓𐴝𐴑𐴝𐴃𐴢 𐴔𐴡𐴒𐴢 𐴁𐴝𐴒𐴞 𐴘𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌 𐴉𐴝𐴌𐴝𐴃𐴢 𐴆𐴤𐴝𐴂𐴝 𐴔𐴝𐴌 𐴑𐴝𐴌𐴖𐴝𐴘 𐴒𐴡𐴌𐴥𐴠𐴌 𐴱𐴱

𐴏𐴡𐴓𐴠𐴌 𐴊𐴧𐴠 𐴀𐴡𐴑𐴄𐴟𐴁𐴡𐴌 𐴔𐴝𐴐𐴤𐴡𐴌 𐴴 𐴃𐴝𐴌𐴥𐴞𐴑𐴡𐴃 𐴁𐴞𐴀𐴞𐴕𐴧𐴝 𐴔𐴡𐴒𐴢 𐴁𐴝𐴒𐴞𐴌 𐴉𐴟𐴐𐴤𐴝𐴑 𐴉𐴞𐴕𐴊𐴤𐴝 𐴀𐴥𐴝𐴣𐴃𐴞𐴘𐴝𐴌 𐴀𐴡𐴓𐴝 𐴋𐴝𐴀𐴝𐴘 𐴀𐴟𐴒𐴧𐴤𐴗𐴝 𐴀𐴝𐴄𐴧𐴤𐴗𐴚 𐴚𐴥𐴝𐴏𐴠 𐴑𐴞𐴘𐴝𐴎𐴡𐴙𐴚𐴒𐴙𐴝 𐴉𐴝𐴌𐴝 𐴀𐴝𐴌 𐴉𐴟𐴛𐴔𐴝𐴓𐴞 𐴉𐴝𐴌𐴝𐴌 𐴁𐴤𐴟𐴃𐴤𐴡𐴌𐴠 𐴒𐴤𐴡𐴓𐴞 𐴱 𐴉𐴡𐴙𐴃𐴧𐴡 𐴒𐴤𐴡𐴌𐴡𐴃𐴢 𐴒𐴤𐴡𐴓𐴞 𐴒𐴤𐴡𐴓𐴞 𐴕𐴝𐴕𐴝𐴕 𐴋𐴦𐴡𐴙𐴓𐴧𐴝 𐴃𐴡𐴌𐴞𐴑𐴝 𐴓𐴡𐴘 𐴏𐴠𐴑 𐴒𐴡𐴌𐴥𐴠𐴌 𐴱 𐴀𐴝𐴌 𐴓𐴝𐴍𐴥𐴞 𐴓𐴡𐴘 𐴎𐴝𐴌𐴥𐴠 𐴔𐴡𐴕𐴠 𐴈𐴡𐴀𐴡 𐴃𐴝𐴌𐴥𐴠 𐴔𐴝𐴌𐴠𐴌 𐴀𐴝𐴌 𐴕𐴝𐴕𐴝𐴕 𐴋𐴦𐴡𐴙𐴓𐴧𐴝 𐴊𐴤𐴡𐴔𐴑𐴞 𐴀𐴥𐴡𐴑𐴧𐴡𐴓 𐴊𐴠𐴀𐴠𐴌 𐴁𐴡𐴓𐴞 𐴉𐴝𐴙𐴅𐴧𐴙𐴝 𐴔𐴝𐴙𐴕𐴐𐴤𐴡𐴌 𐴃𐴟𐴌𐴥𐴟 𐴎𐴝𐴕𐴝 𐴒𐴞𐴘𐴧𐴥𐴠 𐴱𐴱

𐴀𐴞𐴀𐴞𐴕 𐴁𐴦𐴝𐴊𐴠 𐴘𐴥𐴡 𐴉𐴟𐴛𐴔𐴝𐴓𐴞 𐴉𐴝𐴙𐴅𐴧𐴙𐴝 𐴀𐴥𐴡𐴑𐴧𐴡𐴓𐴡𐴌𐴥𐴠 𐴀𐴝𐴌 𐴀𐴥𐴡 𐴋𐴡𐴌 𐴓𐴝𐴒𐴝𐴘 𐴁𐴦𐴝𐴊𐴠 𐴱 𐴃𐴟𐴣𐴖𐴥𐴝𐴣𐴌𐴥𐴝𐴌 𐴁𐴤𐴞𐴍𐴝𐴌 𐴏𐴝𐴙𐴌𐴀𐴥𐴡 𐴋𐴤𐴝𐴑𐴤𐴡𐴌 𐴎𐴤𐴡𐴓𐴥𐴞𐴌 𐴒𐴤𐴞𐴌𐴥𐴝 𐴃𐴟𐴓𐴥𐴞 𐴉𐴥𐴠𐴓𐴥𐴝 𐴉𐴡𐴌𐴞𐴁𐴤𐴡 𐴱 𐴕𐴡 𐴃𐴟𐴓𐴥𐴡𐴕𐴡𐴌 𐴏𐴦𐴟𐴌𐴡𐴃𐴡𐴃 𐴔𐴟𐴀𐴟𐴔 𐴔𐴞𐴑𐴧𐴤𐴙𐴝 𐴕𐴡𐴃𐴞𐴅𐴝 𐴈𐴥𐴡𐴌𐴝𐴁𐴢 𐴀𐴥𐴡𐴘𐴁𐴡 𐴁𐴡𐴓𐴞 𐴊𐴤𐴡𐴔𐴑𐴞𐴌 𐴏𐴥𐴝𐴣𐴀𐴝𐴃𐴠 𐴈𐴡𐴘𐴧𐴥𐴠𐴊𐴠 𐴎𐴝𐴕𐴝 𐴒𐴞𐴘𐴧𐴥𐴠 𐴱𐴱

𐴔𐴡𐴒𐴢 𐴁𐴝𐴒𐴞 𐴘𐴠 𐴀𐴝𐴌 𐴀𐴥𐴡 𐴈𐴡𐴘𐴧𐴥𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴝𐴣𐴃𐴞𐴘𐴝𐴌𐴞 𐴉𐴝𐴄𐴞 𐴀𐴥𐴡𐴑𐴧𐴡𐴓 𐴱 𐴃𐴟𐴣𐴖𐴥𐴝𐴣𐴌𐴥𐴝𐴌 𐴎𐴤𐴡𐴓𐴞𐴌 𐴒𐴤𐴞𐴌𐴥𐴝𐴌 𐴁𐴤𐴟𐴃𐴤𐴡𐴌𐴠 𐴓𐴟𐴖𐴝𐴘 𐴃𐴤𐴝𐴑𐴤𐴞 𐴁𐴦𐴝𐴊𐴠 𐴀𐴝𐴣𐴀𐴝𐴌𐴝𐴌 𐴖𐴡𐴌𐴠 𐴇𐴥𐴝𐴔𐴓𐴝 𐴒𐴡𐴌𐴥𐴞𐴁𐴤𐴝𐴌 𐴃𐴡𐴘𐴧𐴝𐴌𐴞 𐴒𐴡𐴌𐴥𐴠 𐴱 𐴀𐴥𐴠𐴃𐴡𐴓𐴧𐴝 𐴎𐴤𐴡𐴓𐴞𐴌 𐴒𐴤𐴞𐴌𐴥𐴝 𐴃𐴟𐴓𐴥𐴞 𐴉𐴥𐴠𐴓𐴥𐴝 𐴉𐴡𐴌𐴠𐴌 𐴊𐴧𐴠 𐴱𐴱

𐴎𐴦𐴝𐴣 𐴀𐴥𐴡𐴀𐴡𐴑 𐴉𐴝𐴙𐴅𐴧𐴙𐴝 𐴀𐴥𐴡𐴑𐴧𐴡𐴓𐴠 𐴱 𐴀𐴝𐴣𐴀𐴝𐴌𐴝 𐴕𐴥𐴡 𐴌𐴟𐴇𐴝𐴙𐴚𐴒𐴙𐴝 𐴀𐴥𐴝𐴣𐴃𐴞𐴘𐴝𐴌𐴞 𐴒𐴟𐴌𐴥𐴟𐴉𐴡𐴌 𐴔𐴞𐴔𐴁𐴤𐴡𐴌 𐴕𐴡𐴀𐴡 𐴀𐴥𐴞𐴃𐴤𐴝𐴌𐴝𐴌𐴥𐴠 𐴐𐴤𐴝𐴙𐴅𐴧𐴡 𐴔𐴡𐴊𐴡𐴊𐴢 𐴒𐴡𐴌𐴥𐴡𐴙𐴕𐴧𐴝 𐴱 𐴀𐴝𐴣𐴀𐴝𐴌𐴥𐴝 𐴀𐴝𐴣𐴀𐴝𐴌𐴥𐴝𐴌 𐴀𐴝𐴃𐴌𐴝𐴉𐴡𐴃𐴢 𐴔𐴡𐴒𐴢 𐴁𐴝𐴒𐴞𐴌 𐴉𐴥𐴡𐴗𐴏𐴢 𐴁𐴦𐴝𐴊𐴠 𐴀𐴥𐴝𐴣𐴃𐴞𐴘𐴝𐴌 𐴀𐴡𐴓𐴝 𐴀𐴡𐴙𐴕𐴧𐴡 𐴈𐴡𐴕𐴥𐴡 𐴉𐴥𐴡𐴗𐴏𐴢 𐴕𐴥𐴡 𐴊𐴠𐴑𐴤𐴞 𐴀𐴥𐴟𐴊𐴧𐴤𐴝 𐴁𐴡𐴓𐴞 𐴔𐴡𐴒𐴢 𐴁𐴝𐴒𐴞𐴌𐴥𐴠 𐴈𐴡𐴘𐴧𐴥𐴠𐴊𐴠 𐴎𐴝𐴕𐴝 𐴒𐴞𐴘𐴧𐴥𐴠 𐴱𐴱

Sources : FRT