𐴴 𐴲 𐴇𐴥𐴝𐴎𐴝𐴌 𐴓𐴡𐴃𐴞 𐴌𐴟𐴇𐴝𐴙𐴚𐴒𐴙𐴝 𐴒𐴤𐴡𐴙𐴓𐴧𐴙𐴠 𐴊𐴠 𐴘𐴥𐴝𐴀𐴝𐴕𐴡𐴃𐴢 𐴊𐴠𐴐𐴤𐴡𐴙𐴃𐴧𐴝 𐴔𐴝𐴕𐴥𐴟𐴙𐴐𐴢 𐴉𐴠𐴌𐴠𐴐𐴝𐴕 𐴱𐴱

𐴀𐴝𐴌𐴑𐴝𐴕 𐴱 𐴔𐴡𐴚𐴋𐴤𐴟𐴃 𐴔𐴠𐴓𐴠𐴄𐴠𐴌𐴞 𐴑𐴡𐴗𐴕𐴏𐴞 𐴀𐴝𐴌 𐴔𐴡𐴒𐴢 𐴁𐴝𐴒𐴞𐴌 𐴔𐴝𐴎𐴤𐴠 𐴀𐴠𐴈𐴥𐴡𐴕 𐴑𐴤𐴟𐴁𐴢 𐴎𐴟𐴌𐴠 𐴐𐴤𐴟𐴌𐴠 𐴏𐴡𐴓𐴠𐴌 𐴊𐴧𐴠 𐴓𐴝𐴌𐴥𐴝𐴘𐴃𐴧𐴤𐴟 𐴱 𐴉𐴡𐴌𐴝𐴕 𐴁𐴝𐴏𐴝𐴘 𐴁𐴤𐴡𐴓𐴧𐴝 𐴴 𐴲 𐴇𐴥𐴝𐴎𐴝𐴌 𐴓𐴡𐴃𐴞 𐴌𐴟𐴇𐴝𐴙𐴚𐴒𐴙𐴝 𐴕𐴝𐴉𐴢 𐴊𐴡𐴙𐴅𐴧𐴙𐴝 𐴀𐴝𐴌 𐴁𐴝𐴚𐴓𐴝 𐴈𐴥𐴝𐴌𐴞 𐴉𐴝𐴌𐴥𐴝𐴘 𐴱 𐴁𐴦𐴠𐴐𐴢 𐴁𐴤𐴝𐴒𐴢 𐴌𐴟𐴇𐴝𐴙𐴚𐴒𐴙𐴝 𐴋𐴝𐴓𐴝𐴓 𐴀𐴥𐴡𐴑𐴧𐴡𐴓𐴡𐴌 𐴐𐴤𐴝𐴀𐴞𐴅𐴧𐴡 𐴔𐴡𐴊𐴡𐴊𐴢 𐴓𐴡𐴘 𐴁𐴝𐴚𐴓𐴝 𐴊𐴠𐴐𐴤𐴡𐴃 𐴒𐴤𐴡𐴙𐴓𐴧𐴙𐴠 𐴱 𐴀𐴥𐴞𐴀𐴞𐴕 𐴁𐴦𐴝𐴊𐴠 𐴁𐴡𐴖𐴋𐴝𐴌 𐴀𐴠𐴓𐴝𐴑𐴝𐴃𐴢 𐴀𐴝𐴏𐴥𐴠𐴊𐴠 𐴁𐴝𐴚𐴓𐴝 𐴊𐴠𐴐𐴤𐴞 𐴔𐴝𐴕𐴥𐴟𐴙𐴐𐴢 𐴀𐴥𐴡𐴑𐴧𐴡𐴓𐴠 𐴱 𐴁𐴡𐴌𐴔𐴥𐴝𐴌 𐴇𐴥𐴝𐴓𐴡𐴃 𐴀𐴠𐴕𐴋𐴞𐴓𐴧𐴝 𐴃𐴤𐴝𐴑𐴤𐴞𐴓𐴥𐴠 𐴀𐴝𐴌 𐴀𐴥𐴡 𐴁𐴠𐴐𐴤𐴞 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴢 𐴁𐴝𐴚𐴓𐴝 𐴊𐴠𐴐𐴤𐴡𐴃𐴢 𐴒𐴤𐴡𐴓𐴞 𐴎𐴝𐴘𐴁𐴡 𐴒𐴤𐴡𐴘 𐴁𐴡𐴓𐴞 𐴈𐴡𐴀𐴡𐴘 𐴉𐴠𐴌𐴠𐴐𐴝𐴕𐴞 𐴎𐴝𐴀𐴞𐴌 𐴒𐴡𐴙𐴅𐴧𐴤𐴙𐴠𐴊𐴠 𐴎𐴝𐴕𐴝 𐴒𐴞𐴘𐴧𐴥𐴠 𐴱𐴱

𐴎𐴦𐴝𐴣 𐴀𐴥𐴡𐴀𐴡𐴑 𐴀𐴝𐴒𐴠 𐴓𐴡𐴃𐴞 𐴀𐴠𐴑 𐴔𐴡𐴓𐴞𐴘𐴥𐴟𐴕 𐴊𐴟𐴘 𐴓𐴝𐴑 𐴓𐴡𐴃𐴞 𐴀𐴝𐴏𐴥𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴟𐴀𐴟𐴕𐴡𐴌 𐴎𐴝𐴓𐴝𐴕𐴞 𐴁𐴡𐴊𐴧𐴝𐴐𐴢 𐴒𐴡𐴌𐴥𐴞 𐴕𐴡 𐴉𐴝𐴌𐴥𐴞𐴌 𐴱 𐴀𐴠𐴈𐴥𐴡𐴕 𐴕𐴟𐴖𐴝 𐴁𐴤𐴝𐴉𐴠 𐴀𐴝𐴌 𐴀𐴥𐴡 𐴒𐴤𐴡𐴓𐴠𐴌 𐴊𐴧𐴠 𐴘𐴥𐴝𐴀𐴝𐴕𐴡𐴌 𐴖𐴡𐴌𐴠 𐴊𐴠𐴐𐴤𐴡𐴙𐴃𐴧𐴝 𐴀𐴥𐴡𐴑𐴧𐴡𐴓𐴠 𐴁𐴠𐴐𐴤𐴞 𐴉𐴠𐴌𐴠𐴐𐴝𐴕𐴞 𐴎𐴝𐴀𐴞𐴌 𐴒𐴡𐴌𐴥𐴠𐴌 𐴊𐴧𐴠 𐴁𐴡𐴓𐴞 𐴈𐴥𐴡𐴁𐴡𐴌 𐴔𐴡𐴎𐴞𐴕 𐴎𐴝𐴕𐴝 𐴒𐴞𐴘𐴧𐴥𐴠 𐴱𐴱

𐴀𐴠𐴈𐴥𐴡𐴕 𐴕𐴟𐴖𐴝 𐴀𐴝𐴘𐴧𐴥𐴠𐴌 𐴊𐴧𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴠 𐴎𐴡𐴕 𐴉𐴞𐴏𐴥𐴠 𐴋𐴝𐴓𐴝𐴓𐴡𐴌𐴥𐴠 𐴑𐴟𐴌𐴞 𐴇𐴥𐴝𐴎𐴝𐴌𐴡𐴃𐴧𐴟 𐴉𐴡𐴕𐴎𐴝𐴙𐴐𐴢 𐴇𐴥𐴝𐴎𐴝𐴌 𐴉𐴡𐴙𐴅𐴧𐴡𐴕𐴃𐴡 𐴄𐴞𐴛𐴧𐴝 𐴊𐴞𐴀𐴞 𐴱 𐴁𐴝𐴚𐴓𐴝 𐴊𐴠𐴐𐴤𐴡𐴃𐴢 𐴉𐴝𐴌𐴥𐴝𐴘 𐴀𐴝𐴒𐴠 𐴓𐴡𐴃𐴞 𐴀𐴝𐴏𐴥𐴠𐴊𐴠 𐴳 𐴳 𐴐𐴤𐴝𐴕 𐴑𐴠𐴀𐴠𐴔𐴡𐴃 𐴌𐴞𐴉𐴟𐴎𐴞 𐴁𐴡𐴕𐴞 𐴃𐴤𐴝𐴑𐴤𐴠𐴌 𐴊𐴧𐴠 𐴀𐴠𐴒𐴝𐴕𐴝 𐴒𐴟𐴐𐴧𐴞𐴌 𐴁𐴤𐴟𐴃𐴤𐴡𐴌𐴠 𐴒𐴤𐴡𐴓𐴞 𐴔𐴞𐴓𐴞 𐴎𐴝𐴀𐴝𐴌 𐴒𐴤𐴡𐴘 𐴁𐴡𐴓𐴞 𐴱 𐴁𐴝𐴚𐴓𐴝 𐴊𐴠𐴐𐴤𐴞 𐴔𐴝𐴙𐴕𐴐𐴤𐴡𐴌 𐴃𐴟𐴌𐴥𐴟 𐴎𐴝𐴕𐴝 𐴒𐴞𐴘𐴧𐴥𐴠 𐴱𐴱

𐴁𐴡𐴌𐴔𐴥𐴝 𐴀𐴝𐴌𐴑𐴝𐴕𐴡𐴃 𐴔𐴡𐴚𐴋𐴤𐴟 𐴀𐴝𐴌 𐴁𐴤𐴟𐴏𐴞𐴊𐴤𐴡𐴚 𐴀𐴠𐴓𐴝𐴑𐴝𐴃𐴢 𐴔𐴠𐴓𐴠𐴄𐴠𐴌𐴞 𐴑𐴡𐴗𐴕𐴏𐴞 𐴀𐴝𐴌 𐴔𐴡𐴒𐴢 𐴁𐴝𐴒𐴞𐴌 𐴔𐴝𐴎𐴤𐴠 𐴏𐴡𐴓𐴠𐴌 𐴊𐴧𐴠 𐴓𐴝𐴌𐴥𐴝𐴘𐴃𐴢 𐴇𐴥𐴝𐴎𐴝𐴌 𐴇𐴥𐴝𐴎𐴝𐴌 𐴌𐴟𐴇𐴝𐴙𐴚𐴒𐴙𐴝 𐴔𐴡𐴌𐴞 𐴒𐴞𐴘𐴥𐴡𐴘 𐴱 𐴀𐴝𐴌 𐴐𐴤𐴡𐴃𐴝 𐴐𐴤𐴡𐴃𐴞 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴥𐴠 𐴔𐴠𐴓𐴠𐴄𐴠𐴌𐴞 𐴑𐴡𐴗𐴕𐴏𐴞 𐴀𐴝𐴌 𐴔𐴡𐴒𐴢 𐴁𐴝𐴒𐴞 𐴊𐴟𐴕𐴥𐴞 𐴋𐴝𐴀𐴝𐴘 𐴘𐴠 𐴱 𐴊𐴤𐴡𐴌𐴥𐴞 𐴓𐴡𐴘 𐴎𐴝𐴘 𐴓𐴝𐴌𐴥𐴝𐴘𐴃 𐴔𐴝𐴕𐴥𐴟𐴙𐴐𐴢 𐴋𐴤𐴝𐴓 𐴀𐴥𐴞𐴏𐴝𐴉𐴠 𐴔𐴟𐴀𐴟𐴔 𐴓𐴝𐴙𐴕𐴡𐴃𐴢 𐴀𐴠𐴏𐴃𐴠𐴔𐴝𐴓 𐴒𐴡𐴌𐴥𐴠𐴌 𐴱 𐴀𐴥𐴞𐴀𐴞𐴕𐴡𐴃𐴧𐴟 𐴁𐴝𐴏𐴞 𐴉𐴝𐴙𐴅𐴧𐴤𐴙𐴠𐴊𐴠 𐴑𐴠𐴙𐴏𐴧𐴥𐴟 𐴌𐴟𐴇𐴝𐴙𐴚𐴒𐴙𐴝 𐴉𐴡𐴌𐴝𐴕𐴡𐴌 𐴊𐴡𐴣𐴀𐴡𐴏𐴠 𐴁𐴝𐴚𐴓𐴝 𐴊𐴠𐴐𐴤𐴡𐴃 𐴎𐴠𐴀𐴠𐴕𐴠 𐴉𐴝𐴌𐴠 𐴒𐴤𐴡𐴓𐴠𐴌 𐴒𐴤𐴝𐴘𐴊𐴠 𐴁𐴡𐴓𐴞 𐴱 𐴄𐴠𐴑𐴕𐴝𐴉𐴢 𐴶 𐴲 𐴓𐴡𐴔𐴁𐴤𐴡𐴌 𐴑𐴠𐴀𐴠𐴔𐴡𐴌 𐴔𐴝𐴎𐴤𐴞 𐴁𐴡𐴎𐴓𐴟𐴓 𐴀𐴞𐴏𐴓𐴝𐴔𐴠 𐴈𐴡𐴘𐴧𐴥𐴠𐴊𐴠 𐴎𐴝𐴕𐴝 𐴒𐴞𐴘𐴧𐴥𐴠 𐴱𐴱

Sources : Ukhiyanews.com