𐴀𐴞𐴕𐴋𐴤𐴞𐴘𐴝𐴌 𐴀𐴝𐴏𐴠𐴕 𐴎𐴞𐴘𐴧𐴥𐴡𐴓𐴡𐴃 𐴁𐴡𐴌𐴔𐴥𐴝𐴌 𐴊𐴠𐴐𐴤𐴡𐴙𐴃𐴧𐴝 𐴀𐴥𐴡𐴑𐴧𐴡𐴓𐴠 𐴒𐴡𐴙𐴅𐴧𐴤𐴞𐴀𐴞𐴓 𐴊𐴠 𐴁𐴤𐴟𐴑 𐴇𐴥𐴡𐴌𐴃𐴤𐴝𐴓 𐴃𐴦𐴡𐴙𐴃𐴧𐴝 𐴃𐴤𐴞𐴘𐴧𐴝 𐴒𐴡𐴌𐴥𐴝𐴘𐴧𐴠 𐴱𐴱

𐴀𐴞𐴕𐴋𐴤𐴞𐴘𐴝𐴌 𐴀𐴝𐴏𐴠𐴕 𐴋𐴞𐴐𐴄𐴤𐴞𐴑𐴤𐴡𐴌 𐴎𐴞𐴘𐴧𐴥𐴡𐴓 𐴈𐴥𐴝𐴕𐴥𐴝𐴃𐴢 𐴁𐴡𐴕 𐴀𐴝𐴏𐴥𐴠𐴊𐴠 𐴰 𐴴 𐴱 𐴎𐴡𐴕𐴡𐴌 𐴖𐴡𐴌𐴠 𐴁𐴡𐴌𐴔𐴥𐴝𐴌 𐴊𐴠𐴐𐴤𐴡𐴙𐴃𐴧𐴝 𐴀𐴥𐴡𐴑𐴧𐴡𐴓𐴠 𐴒𐴡𐴙𐴅𐴧𐴤𐴞𐴀𐴞𐴓 𐴊𐴠 𐴁𐴤𐴟𐴑 𐴇𐴥𐴡𐴌𐴃𐴤𐴝𐴓 𐴱 𐴏𐴥𐴠𐴃𐴡𐴔𐴁𐴡𐴌 𐴔𐴝𐴐𐴤𐴡𐴌 𐴶 𐴱 𐴃𐴝𐴌𐴥𐴞𐴑 𐴀𐴥𐴡𐴘𐴃𐴠 𐴃𐴦𐴡𐴙𐴃𐴧𐴝 𐴃𐴤𐴞𐴘𐴧𐴝 𐴒𐴡𐴌𐴥𐴝𐴘𐴧𐴠 𐴁𐴡𐴓𐴞 𐴱 𐴎𐴞𐴘𐴧𐴥𐴡𐴓 𐴈𐴥𐴝𐴕𐴥𐴝𐴌 𐴈𐴡𐴊𐴞 𐴀𐴥𐴡𐴑𐴧𐴡𐴓𐴡𐴌 𐴔𐴦𐴝𐴔𐴠𐴓𐴝𐴃𐴢 𐴔𐴡𐴊𐴡𐴊 𐴒𐴡𐴌𐴥𐴡𐴙𐴕𐴧𐴝 𐴀𐴥𐴡𐴑𐴧𐴡𐴓𐴠 𐴈𐴡𐴘𐴧𐴥𐴠𐴊𐴠 𐴎𐴝𐴕𐴝 𐴒𐴞𐴘𐴧𐴥𐴠 𐴱𐴱

𐴈𐴥𐴡𐴁𐴡𐴌 𐴔𐴡𐴎𐴞𐴕 𐴑𐴡𐴗𐴔𐴞 𐴏𐴥𐴡𐴔𐴡𐴒𐴤𐴝 𐴀𐴝𐴌 𐴌𐴞𐴉𐴟𐴎𐴞 𐴀𐴥𐴡𐴑𐴧𐴡𐴓𐴡𐴌 𐴔𐴟𐴃𐴦𐴝𐴓𐴧𐴠𐴑𐴝 𐴔𐴡𐴇𐴝 𐴌𐴝𐴎𐴝 𐴀𐴡𐴉𐴥𐴞𐴏𐴢( 𐴘𐴟 𐴀𐴠𐴕 𐴀𐴥𐴙𐴆 𐴏𐴞 𐴀𐴝𐴌) 𐴃𐴡𐴕𐴎𐴞𐴔𐴡𐴌 𐴕𐴡𐴔𐴝𐴙𐴕𐴊𐴝 𐴋𐴝𐴀𐴝𐴘 𐴀𐴥𐴡𐴑𐴧𐴡𐴓 𐴱 𐴎𐴞𐴘𐴧𐴥𐴡𐴓 𐴈𐴥𐴝𐴕𐴥𐴝𐴃𐴢 𐴔𐴟𐴀𐴝𐴘𐴕𐴝 𐴀𐴝𐴌 𐴃𐴡𐴊𐴝𐴌𐴟𐴑 𐴒𐴡𐴙𐴃𐴧𐴤𐴡 𐴒𐴞𐴘𐴧𐴥𐴠𐴊𐴠 𐴘𐴥𐴝𐴀𐴝𐴕𐴡𐴌 𐴎𐴡𐴌𐴞𐴘𐴝 𐴱 𐴁𐴤𐴟𐴑 𐴇𐴥𐴡𐴌𐴃𐴤𐴝𐴓𐴢 𐴃𐴦𐴡𐴙𐴃𐴧𐴝 𐴃𐴤𐴞𐴘𐴧𐴝 𐴒𐴡𐴌𐴥𐴝𐴘𐴧𐴠𐴊𐴠 𐴁𐴡𐴓𐴞 𐴱 𐴀𐴞𐴕𐴋𐴤𐴞𐴘𐴝 𐴉𐴡𐴌 𐴔𐴞𐴘𐴝𐴕𐴔𐴝 𐴃𐴡𐴕𐴎𐴞𐴔𐴡𐴌 𐴎𐴞𐴔𐴧𐴝𐴊𐴝𐴌 / 𐴏𐴡𐴓𐴥𐴝𐴙𐴚 𐴋𐴟𐴑𐴝𐴌𐴠 𐴈𐴡𐴘𐴧𐴥𐴠𐴊𐴠 𐴎𐴝𐴕𐴝 𐴒𐴞𐴘𐴧𐴥𐴠 𐴱𐴱

𐴀𐴞𐴕𐴋𐴤𐴞𐴘𐴝 𐴊𐴠𐴐𐴤𐴡𐴃𐴢 𐴁𐴠𐴑𐴝𐴕𐴟𐴕𐴞 𐴈𐴡𐴕𐴥𐴡 𐴑𐴞𐴏𐴥𐴞𐴔𐴧𐴝 𐴏𐴥𐴝𐴁𐴟𐴃𐴢 𐴏𐴥𐴝𐴌𐴥𐴝 𐴃𐴤𐴝𐴑𐴤𐴝𐴌 𐴀𐴡𐴉𐴥𐴡𐴌𐴝𐴊𐴢 𐴓𐴡𐴘 𐴊𐴤𐴡𐴌𐴥𐴝 𐴈𐴥𐴝𐴘 𐴀𐴝𐴏𐴠𐴕 𐴎𐴞𐴘𐴧𐴥𐴡𐴓𐴡𐴃 𐴁𐴡𐴕 𐴀𐴥𐴡𐴘 𐴃𐴤𐴝𐴙𐴑𐴧𐴤𐴙𐴠𐴊𐴠 𐴱 𐴌𐴟𐴇𐴝𐴙𐴚𐴒𐴙𐴝 𐴰 𐴱 𐴱 𐴎𐴡𐴕 𐴀𐴝𐴌 𐴆𐴤𐴙𐴝𐴚 𐴑𐴡𐴗𐴔 𐴲 𐴳 𐴎𐴡𐴕 𐴔𐴟𐴄 𐴲 𐴴 𐴱 𐴎𐴡𐴕 𐴱 𐴀𐴥𐴞𐴃𐴝𐴌𐴥𐴝 𐴈𐴥𐴝𐴓𐴝𐴏𐴞 𐴉𐴝𐴘 𐴁𐴦𐴝𐴊𐴠 𐴘𐴥𐴡 𐴖𐴝𐴉𐴠𐴏𐴢 𐴉𐴡𐴣𐴀𐴡𐴏𐴝𐴘 𐴕𐴡 𐴊𐴠𐴀𐴠𐴌 𐴊𐴠 𐴀𐴥𐴠𐴃𐴡𐴓𐴧𐴝 𐴱 𐴏𐴥𐴠𐴃𐴡𐴔𐴁𐴡𐴌 𐴔𐴝𐴐𐴤𐴡𐴌 𐴹 𐴃𐴝𐴌𐴥𐴞𐴑 𐴓𐴡𐴃𐴞 𐴁𐴤𐴟𐴑 𐴇𐴥𐴡𐴌𐴃𐴤𐴝𐴓 𐴒𐴡𐴌𐴥𐴠𐴌 𐴊𐴠 𐴁𐴡𐴓𐴞 𐴎𐴝𐴕𐴝 𐴒𐴞𐴘𐴧𐴥𐴠 𐴱𐴱

𐴁𐴤𐴟𐴑 𐴇𐴥𐴡𐴌𐴃𐴤𐴝𐴓 𐴒𐴡𐴌𐴥𐴞 𐴖𐴦𐴝𐴙𐴆𐴧𐴤𐴙𐴝 𐴃𐴤𐴝𐴑𐴤𐴡𐴕𐴠 𐴔𐴝𐴕𐴥𐴟𐴙𐴐𐴢 𐴁𐴠𐴒𐴧𐴤𐴟𐴕 𐴓𐴥𐴠𐴍𐴝 𐴕𐴞𐴌𐴡𐴙𐴃𐴧𐴤𐴝 𐴀𐴝𐴌 𐴉𐴠𐴄𐴢 𐴁𐴞𐴘𐴝𐴌𐴝𐴙𐴔𐴧𐴝 𐴀𐴝𐴌 𐴔𐴝𐴃𐴤𐴝 𐴒𐴤𐴟𐴌𐴝𐴕𐴞 𐴁𐴞𐴘𐴝𐴌𐴝𐴙𐴔𐴧𐴝 𐴀𐴥𐴡𐴑𐴧𐴡𐴓 𐴀𐴥𐴡𐴘 𐴒𐴞𐴘𐴧𐴥𐴠 𐴒𐴤𐴡𐴘 𐴁𐴡𐴓𐴞 𐴱 𐴀𐴞𐴕𐴋𐴤𐴞𐴘𐴝 𐴉𐴡𐴌 𐴔𐴞𐴘𐴝𐴕𐴔𐴝 𐴃𐴡𐴕𐴎𐴞𐴔𐴠 𐴏𐴥𐴠𐴃𐴡𐴔𐴁𐴡𐴌 𐴔𐴝𐴐𐴤𐴡𐴌 𐴳 𐴱 𐴃𐴝𐴌𐴥𐴞𐴑𐴡𐴃 𐴈𐴡𐴘𐴧𐴥𐴠𐴊𐴠 𐴎𐴝𐴕𐴝 𐴒𐴞𐴘𐴧𐴥𐴠 𐴱𐴱

Sources : RFAburmese