𐴊𐴠𐴐𐴤𐴡𐴌 𐴁𐴝𐴀𐴝𐴌𐴠 𐴀𐴝𐴏𐴥𐴠𐴊𐴠 𐴌𐴟𐴇𐴝𐴙𐴚𐴒𐴙𐴝𐴌 𐴈𐴝𐴔 𐴒𐴡𐴌𐴥𐴡𐴙𐴕𐴧𐴝 𐴀𐴥𐴡𐴑𐴧𐴡𐴓𐴠 𐴱 𐴔𐴡𐴒𐴢 𐴁𐴝𐴒𐴞 𐴘𐴠 𐴘𐴥𐴡 𐴔𐴠𐴓𐴠𐴄𐴠𐴌𐴞𐴌 𐴋𐴦𐴡𐴙𐴓𐴧𐴝 𐴅𐴠𐴕𐴟𐴏𐴥𐴝𐴙𐴋 𐴒𐴡𐴌𐴥𐴠𐴌 𐴁𐴡𐴓𐴞 𐴈𐴡𐴘𐴧𐴥𐴠 𐴱𐴱

𐴈𐴡𐴃𐴤𐴝 𐴘𐴥𐴝𐴀𐴝𐴕𐴡𐴌 𐴖𐴡𐴌𐴠 𐴀𐴠𐴕 𐴅𐴞 𐴀𐴡 𐴀𐴥𐴡𐴑𐴧𐴡𐴓𐴡𐴌 𐴎𐴞𐴔𐴧𐴝𐴊𐴝𐴌 𐴀𐴥𐴡𐴑𐴧𐴡𐴓𐴠 𐴱 𐴊𐴟𐴕𐴥𐴞 𐴋𐴝𐴀𐴝𐴘𐴌 𐴓𐴞𐴀𐴞𐴋𐴝𐴌 𐴀𐴥𐴡𐴑𐴧𐴡𐴓𐴢 𐴔𐴞𐴓𐴞 𐴔𐴡𐴐𐴖𐴝𐴌𐴝𐴌 𐴏𐴥𐴝𐴣𐴀𐴝𐴃𐴠 𐴃𐴤𐴝𐴑𐴤𐴞 𐴁𐴤𐴡𐴓𐴧𐴝 𐴈𐴡𐴘𐴧𐴥𐴠𐴊𐴠 𐴎𐴝𐴕𐴝 𐴒𐴞𐴘𐴧𐴥𐴠 𐴱 𐴁𐴡𐴌𐴔𐴥𐴝 𐴊𐴠𐴐𐴤𐴡𐴌 𐴁𐴝𐴀𐴝𐴌𐴠 𐴀𐴝𐴏𐴥𐴠𐴊𐴠 𐴌𐴟𐴇𐴝𐴙𐴚𐴒𐴙𐴝𐴌 𐴓𐴞𐴀𐴞𐴋𐴝𐴌 𐴀𐴥𐴡𐴑𐴧𐴡𐴓𐴠 𐴱 𐴔𐴡𐴒𐴢 𐴁𐴝𐴒𐴞 𐴘𐴠 𐴘𐴥𐴡 𐴔𐴠𐴓𐴠𐴄𐴠𐴌𐴞𐴌 𐴑𐴤𐴟𐴣𐴐𐴠 𐴑𐴤𐴟𐴣𐴐𐴠 𐴏𐴡𐴓𐴞 𐴀𐴥𐴞𐴃𐴤𐴝𐴌𐴥𐴝𐴌 𐴋𐴦𐴡𐴙𐴓𐴧𐴝 𐴌𐴟𐴇𐴝𐴙𐴚𐴒𐴙𐴝𐴌𐴥𐴠 𐴅𐴠𐴕𐴟𐴏𐴥𐴝𐴙𐴋 𐴒𐴡𐴌𐴥𐴠𐴌 𐴁𐴡𐴓𐴞 𐴈𐴡𐴘𐴧𐴥𐴠 𐴱 𐴀𐴝𐴌 𐴀𐴠𐴕𐴑𐴠𐴓𐴝𐴁𐴡𐴌𐴥𐴠 𐴀𐴠𐴕𐴑𐴠𐴓𐴝𐴁𐴡𐴌 𐴕𐴞𐴘𐴡𐴔 𐴃𐴡𐴌𐴞𐴑𐴝 𐴔𐴡𐴎𐴞𐴕 𐴒𐴡𐴌𐴥𐴞 𐴎𐴝𐴘𐴁𐴡𐴓𐴧𐴥𐴝 𐴀𐴝𐴌𐴡𐴎𐴢 𐴒𐴡𐴙𐴅𐴧𐴤𐴙𐴠𐴊𐴠 𐴎𐴝𐴕𐴝 𐴒𐴞𐴘𐴧𐴥𐴠 𐴱𐴱

𐴔𐴡𐴕𐴃𐴡𐴌 𐴔𐴡𐴒𐴢 𐴁𐴝𐴒𐴞𐴌 𐴃𐴡𐴌𐴉𐴥𐴡𐴌 𐴃𐴧𐴟 𐴈𐴡𐴃𐴤𐴝 𐴈𐴡𐴘𐴁𐴤𐴝𐴌 𐴀𐴠𐴅𐴝𐴎𐴡𐴃 𐴀𐴝𐴏𐴥𐴠𐴊𐴠 / 𐴑𐴝𐴙𐴚 𐴏𐴥𐴟𐴑𐴤𐴝 𐴘𐴠 𐴱 𐴌𐴟𐴇𐴝𐴙𐴚𐴒𐴙𐴝𐴌 𐴈𐴝𐴔 𐴒𐴡𐴌𐴥𐴡𐴙𐴕𐴧𐴝 𐴓𐴞𐴀𐴞𐴋𐴝𐴌 𐴀𐴥𐴟𐴀𐴟𐴕𐴠 𐴌𐴟𐴇𐴝𐴙𐴚𐴒𐴙𐴝𐴌 𐴉𐴥𐴝𐴘𐴊𐴝𐴌 𐴓𐴧𐴥𐴝 𐴑𐴡𐴗𐴔𐴡𐴌 𐴈𐴥𐴝𐴃𐴠𐴌𐴠 𐴈𐴝𐴔 𐴒𐴡𐴌𐴥𐴠𐴌𐴊𐴧𐴠 𐴕𐴡𐴀𐴡 𐴱 𐴕𐴞𐴎𐴡𐴌 𐴉𐴥𐴝𐴘𐴊𐴝𐴌𐴥𐴠 𐴔𐴟𐴀𐴟𐴕𐴃𐴟 𐴌𐴝𐴑𐴤𐴞 𐴈𐴝𐴔 𐴒𐴡𐴌𐴥𐴠𐴌𐴊𐴧𐴠 𐴁𐴡𐴓𐴞 𐴈𐴡𐴘𐴧𐴥𐴠𐴊𐴠 𐴎𐴝𐴕𐴝 𐴒𐴞𐴘𐴧𐴥𐴠 𐴱𐴱

𐴀𐴥𐴞𐴃𐴠 𐴀𐴝𐴌 𐴀𐴥𐴡 𐴈𐴡𐴘𐴧𐴠𐴊𐴠 𐴱 𐴀𐴝𐴣𐴀𐴝𐴌𐴝𐴌 𐴀𐴝𐴌 𐴔𐴠𐴓𐴠𐴄𐴠𐴌𐴞𐴌 𐴔𐴝𐴎𐴤𐴠 𐴏𐴡𐴓𐴠𐴌𐴊𐴧𐴠 𐴓𐴝𐴌𐴥𐴝𐴘𐴃 𐴏𐴥𐴝𐴉𐴢 𐴒𐴡𐴌𐴥𐴞 𐴊𐴠𐴈𐴥𐴝 𐴒𐴞𐴘𐴧𐴥𐴠 𐴱 𐴌𐴟𐴇𐴝𐴙𐴚𐴒𐴙𐴝𐴌 𐴓𐴞𐴀𐴞𐴋𐴝𐴌 𐴀𐴥𐴡𐴑𐴧𐴡𐴓𐴠 𐴕𐴞𐴎𐴡𐴌 𐴉𐴥𐴝𐴘𐴊𐴝𐴌 𐴓𐴧𐴥𐴝 𐴒𐴡𐴌𐴥𐴠𐴌𐴊𐴧𐴠 𐴕𐴥𐴝𐴑𐴤𐴞 𐴑𐴡𐴗𐴔𐴡𐴌 𐴉𐴥𐴝𐴘𐴊𐴝𐴌𐴓𐴧𐴥𐴝 𐴒𐴡𐴌𐴥𐴠𐴌𐴊𐴧𐴠 𐴱 𐴀𐴠𐴑 𐴀𐴡𐴑𐴃𐴤𐴡𐴃 𐴊𐴠𐴐𐴢 𐴁𐴡𐴘𐴊𐴠𐴐𐴤𐴞 𐴀𐴞𐴕𐴏𐴦𐴝𐴕𐴞𐴘𐴡𐴃𐴞 𐴔𐴡𐴊𐴡𐴊 𐴒𐴡𐴌𐴥𐴡𐴙𐴕𐴧𐴝 𐴀𐴠𐴕 𐴅𐴞 𐴀𐴡 𐴀𐴥𐴡𐴑𐴧𐴡𐴓𐴡𐴌 𐴕𐴠𐴃𐴝 / 𐴑𐴠𐴌𐴥𐴞𐴏𐴢 𐴓𐴥𐴟𐴖𐴥𐴝 𐴘𐴠 𐴱 𐴊𐴟𐴕𐴥𐴞 𐴑𐴡𐴗𐴔𐴡𐴌 𐴔𐴝𐴎𐴤𐴠 𐴏𐴡𐴓𐴠𐴌 𐴊𐴧𐴠 𐴈𐴡𐴍𐴝 𐴈𐴡𐴍𐴞 𐴈𐴡𐴔𐴝𐴘 𐴉𐴥𐴠𐴓𐴥𐴡𐴕 𐴎𐴡𐴌𐴟𐴌𐴞 𐴁𐴡𐴓𐴞 𐴁𐴠𐴐𐴤𐴞 𐴎𐴟𐴌 𐴊𐴞𐴘𐴧𐴥𐴡𐴌𐴥𐴠 𐴈𐴡𐴀𐴡𐴙𐴓𐴢 𐴱 𐴀𐴝𐴌 𐴀𐴠𐴈𐴥𐴡𐴕 𐴓𐴝𐴌𐴥𐴝𐴘𐴌 𐴀𐴡𐴑𐴃𐴤𐴡𐴃 𐴈𐴡𐴕𐴋𐴞𐴓𐴧𐴝 𐴁𐴤𐴝𐴉𐴝 𐴏𐴞𐴕𐴃𐴝 𐴒𐴡𐴌𐴥𐴞𐴁𐴤𐴝𐴊𐴠 𐴁𐴡𐴓𐴞 𐴈𐴡𐴀𐴡𐴘 𐴏𐴥𐴟𐴖𐴝𐴓 𐴀𐴥𐴡 𐴒𐴡𐴙𐴅𐴧𐴤𐴞𐴀𐴞𐴓 𐴱𐴱

Sources : AEN