𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴠 𐴊𐴤𐴡𐴌𐴔𐴞𐴘𐴡 𐴓𐴦𐴞𐴋𐴝𐴌 𐴃𐴞𐴕 𐴎𐴡𐴕𐴡𐴌𐴥𐴠 𐴀𐴞𐴕𐴏𐴦𐴝𐴕𐴞 𐴇𐴥𐴡𐴑𐴧𐴡𐴌 𐴑𐴡𐴔𐴐𐴠𐴕𐴡𐴌 𐴔𐴞𐴔𐴁𐴤𐴡𐴌 𐴀𐴥𐴞𐴏𐴝𐴉𐴠 𐴔𐴟𐴃𐴦𐴝𐴙𐴕 𐴒𐴡𐴙𐴅𐴧𐴤𐴙𐴠 𐴱𐴱

𐴘𐴥𐴝𐴀𐴝𐴌 𐴁𐴦𐴝𐴊𐴠 𐴔𐴠𐴓𐴠𐴄𐴠𐴌𐴞 𐴘𐴠 𐴇𐴥𐴡𐴑𐴟𐴔𐴡𐴃 𐴑𐴟𐴀𐴟𐴂𐴢 𐴒𐴡𐴌𐴥𐴞 𐴁𐴦𐴝𐴊𐴠 𐴀𐴡𐴒𐴤𐴡𐴏𐴄𐴢 𐴔𐴝𐴐𐴤𐴡𐴌 𐴰 𐴲 𐴃𐴝𐴌𐴥𐴞𐴑 𐴳 𐴲 𐴰 𐴲 𐴐𐴤𐴡𐴕𐴡𐴃 𐴱 𐴊𐴠𐴐𐴤𐴡𐴙𐴃𐴧𐴝 𐴀𐴞𐴕𐴏𐴦𐴝𐴕𐴞 𐴇𐴥𐴡𐴑𐴧𐴡𐴌 𐴑𐴡𐴔𐴞𐴐𐴠𐴕𐴡𐴌 𐴀𐴥𐴟𐴑𐴧𐴝𐴄𐴝 𐴀𐴥𐴟 𐴓𐴥𐴝 𐴔𐴡𐴌𐴥𐴝𐴚𐴡𐴌𐴥𐴠 𐴱 𐴎𐴞𐴔𐴧𐴝𐴊𐴝𐴌𐴞𐴃𐴧𐴤𐴟 𐴉𐴥𐴠𐴓𐴥𐴝𐴘 𐴊𐴞𐴀𐴞 𐴀𐴥𐴟 𐴂𐴡 𐴓𐴗𐴝𐴚 𐴏𐴞𐴕𐴡𐴌𐴥𐴠 𐴀𐴥𐴟𐴑𐴧𐴝𐴄𐴝 𐴀𐴥𐴞𐴏𐴝𐴉𐴠 𐴔𐴟𐴃𐴦𐴝𐴙𐴕 𐴒𐴡𐴙𐴅𐴧𐴤𐴞𐴀𐴞𐴓 𐴁𐴡𐴓𐴞 𐴎𐴝𐴕𐴝 𐴒𐴞𐴘𐴧𐴥𐴠 𐴱𐴱

𐴑𐴤𐴞𐴌𐴞𐴏𐴃𐴝𐴕 𐴱 𐴀𐴞𐴏𐴓𐴦𐴝𐴔 𐴀𐴝𐴌 𐴇𐴥𐴞𐴕𐴊𐴟 𐴱 𐴃𐴞𐴕𐴥𐴞 𐴎𐴝𐴃𐴡𐴌 𐴊𐴤𐴡𐴌𐴔𐴞𐴘𐴡 𐴓𐴦𐴞𐴋𐴝𐴌 𐴃𐴞𐴕 𐴎𐴡𐴕𐴡𐴌𐴥𐴠 𐴱 𐴁𐴡𐴌𐴔𐴥𐴝𐴌 𐴊𐴠𐴐𐴤𐴡𐴙𐴃𐴧𐴝 𐴀𐴞𐴕𐴏𐴦𐴝𐴕𐴞 𐴇𐴥𐴡𐴑𐴧𐴡𐴌 𐴑𐴡𐴔𐴞𐴐𐴠𐴕𐴡𐴌 𐴔𐴞𐴔𐴁𐴤𐴡𐴌 𐴀𐴥𐴞𐴏𐴝𐴉𐴠 𐴱 𐴔𐴠𐴓𐴠𐴄𐴠𐴌𐴞 𐴑𐴡𐴕𐴏𐴞 𐴘𐴠 𐴔𐴟𐴃𐴦𐴝𐴙𐴕 𐴒𐴡𐴙𐴅𐴧𐴤𐴙𐴠 𐴁𐴡𐴓𐴞 𐴏𐴥𐴠𐴃𐴡𐴔𐴁𐴡𐴌 𐴔𐴝𐴐𐴤𐴡𐴌 𐴷 𐴃𐴝𐴌𐴥𐴞𐴑 𐴀𐴥𐴝𐴣𐴎𐴡𐴙𐴕𐴧𐴝 𐴸 𐴁𐴝𐴎𐴠 𐴱 𐴔𐴠𐴓𐴠𐴄𐴠𐴌𐴞 𐴑𐴡𐴗𐴕𐴏𐴞𐴌 𐴑𐴡𐴁𐴎𐴝𐴃𐴢 𐴀𐴝𐴏𐴥𐴠𐴊𐴠 𐴌𐴠𐴋𐴞𐴘𐴟 𐴀𐴞𐴏𐴄𐴞𐴐𐴤𐴞𐴕𐴡𐴌 𐴀𐴠𐴓𐴝𐴕 𐴔𐴡𐴎𐴞𐴕 𐴎𐴝𐴕𐴝 𐴒𐴞𐴘𐴧𐴥𐴠 𐴱𐴱

𐴏𐴞𐴕 𐴔𐴠𐴌𐴞 𐴑𐴠𐴃𐴡𐴓𐴥𐴞𐴑 𐴒𐴞𐴌𐴅𐴝𐴌 𐴎𐴞𐴔𐴧𐴝𐴊𐴝𐴌 𐴆𐴤𐴙𐴚 𐴋𐴞𐴐𐴄𐴤𐴞𐴑 𐴁𐴤𐴝𐴐𐴞 / 𐴀𐴥𐴟 𐴖𐴥𐴝𐴚 𐴓𐴝𐴙𐴚 𐴀𐴥𐴟 (𐴋𐴝𐴑 𐴕𐴝𐴔 ) 𐴑𐴟𐴕 𐴎𐴤𐴝 𐴔𐴟𐴕 𐴱 𐴂𐴞𐴕𐴧𐴥𐴠 𐴑𐴤𐴟𐴕 𐴅𐴝𐴔𐴠 𐴔𐴡𐴏𐴥𐴡𐴙𐴃𐴡𐴌 𐴎𐴞𐴔𐴧𐴝𐴊𐴝𐴌/ 𐴀𐴥𐴟 𐴏𐴥𐴠𐴕 𐴖𐴥𐴝𐴚 𐴱 𐴒𐴟𐴣𐴍𐴝 𐴁𐴡𐴌𐴔𐴥𐴝𐴌 𐴔𐴟𐴃𐴦𐴝𐴓𐴧𐴠𐴑 𐴃𐴝𐴔𐴞𐴓 𐴇𐴥𐴞𐴕𐴊𐴟 𐴉𐴥𐴡𐴕𐴋𐴞𐴐𐴤𐴠𐴕𐴡𐴌 𐴀𐴝𐴔𐴠𐴓𐴝 𐴑𐴡𐴔𐴞𐴄𐴤𐴞𐴌 𐴔𐴞𐴔𐴁𐴤𐴡𐴌 / 𐴀𐴥𐴟 𐴄𐴞𐴚 𐴑𐴟 𐴑𐴟 𐴱 𐴔𐴝𐴕𐴥𐴟𐴙𐴐𐴢 𐴀𐴠 𐴃𐴞𐴕𐴥𐴞 𐴎𐴡𐴕𐴡𐴌𐴥𐴠 𐴔𐴟𐴃𐴦𐴝𐴙𐴕 𐴒𐴡𐴙𐴅𐴧𐴤𐴙𐴠 𐴁𐴡𐴓𐴞 𐴕𐴝𐴔 𐴀𐴥𐴞𐴏𐴝𐴉𐴠 𐴎𐴝𐴕𐴝 𐴒𐴞𐴘𐴧𐴥𐴠 𐴱𐴱

𐴑𐴤𐴞𐴌𐴞𐴏𐴃𐴝𐴕 𐴑𐴡𐴗𐴔𐴡𐴌 𐴃𐴡𐴌𐴉𐴥𐴡𐴌 𐴔𐴞𐴔𐴁𐴤𐴡𐴌 𐴀𐴥𐴟 𐴖𐴥𐴝𐴚 𐴓𐴝𐴙𐴚 𐴀𐴥𐴟 𐴀𐴞𐴁𐴤𐴝 𐴆𐴤𐴙𐴝𐴚 𐴋𐴞𐴐𐴄𐴤𐴞𐴑𐴡𐴌 𐴑𐴡𐴗𐴔𐴞 𐴃𐴡𐴌𐴑𐴞 𐴀𐴠𐴅𐴤𐴠𐴕𐴏𐴞𐴌 𐴔𐴞𐴔𐴁𐴡𐴌 𐴀𐴥𐴡 𐴁𐴡𐴓𐴞 𐴱 𐴆𐴤𐴙𐴝𐴚 𐴋𐴞𐴐𐴄𐴤𐴞𐴑𐴡𐴌 𐴈𐴥𐴡𐴁𐴡𐴌 𐴔𐴡𐴎𐴞𐴕 𐴎𐴝𐴕𐴝 𐴒𐴞𐴘𐴧𐴥𐴠 𐴱 𐴊𐴠𐴐𐴤𐴡𐴙𐴃𐴧𐴝 𐴋𐴞𐴔𐴟 𐴑𐴠𐴌𐴠 𐴏𐴞 𐴉𐴝𐴄𐴞 (𐴀𐴠𐴕 𐴀𐴠𐴓 𐴋𐴞) 𐴇𐴥𐴡𐴑𐴟𐴔𐴡𐴃𐴠 𐴁𐴡𐴌𐴔𐴥𐴝𐴌 𐴊𐴠𐴐𐴤𐴡𐴙𐴃𐴧𐴝 𐴀𐴞𐴕𐴏𐴦𐴝𐴕𐴞 𐴇𐴥𐴡𐴑𐴧𐴡𐴌 𐴑𐴡𐴔𐴞𐴐𐴠𐴕𐴡𐴌𐴥𐴠 𐴱 𐴱 𐴎𐴡𐴕 𐴔𐴞𐴔𐴁𐴤𐴡𐴌 𐴓𐴡𐴘 𐴱 𐴅𐴝𐴕𐴖𐴝𐴌𐴞 𐴔𐴝𐴐𐴤𐴡𐴌 𐴴 𐴱 𐴃𐴝𐴌𐴥𐴞𐴑 𐴰 𐴲 𐴰 𐴲 𐴐𐴤𐴡𐴕𐴡𐴃 𐴊𐴟𐴖𐴝𐴌𐴝 𐴒𐴡𐴌𐴥𐴞 𐴁𐴝𐴕𐴝𐴀𐴝𐴙𐴓 𐴱𐴱

Sources : RFAburmese