𐴈𐴡𐴊𐴦𐴟𐴕 𐴌𐴟𐴇𐴝𐴙𐴚𐴒𐴙𐴝 𐴷 𐴁𐴡𐴏𐴥𐴡𐴌𐴥𐴡𐴌 𐴁𐴤𐴟𐴃𐴤𐴡𐴌𐴠 𐴑𐴠𐴀𐴠𐴔𐴡𐴃𐴧𐴤𐴟 𐴕𐴦𐴠𐴓𐴞 𐴒𐴞𐴘𐴧𐴥𐴡𐴘 ؟ 𐴱𐴱

𐴑𐴝𐴑𐴏𐴡 𐴁𐴝𐴎𐴝𐴌 𐴀𐴠𐴓𐴝𐴑𐴝𐴌 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 𐴉𐴡𐴙𐴃𐴧𐴡 𐴊𐴞𐴕 𐴓𐴡𐴒𐴢 𐴁𐴤𐴡𐴒𐴢 𐴵 𐴹 𐴎𐴡𐴕 𐴀𐴥𐴞𐴏𐴝𐴉𐴠 𐴉𐴟𐴖𐴝𐴙𐴕 𐴎𐴡𐴌𐴔𐴡 𐴀𐴥𐴡𐴀𐴡𐴌 𐴱 𐴘𐴥𐴝𐴀𐴝𐴌 𐴁𐴦𐴝𐴊𐴠 𐴘𐴥𐴡 𐴌𐴟𐴇𐴝𐴙𐴚𐴒𐴙𐴝𐴌 𐴒𐴡𐴕𐴝 𐴈𐴡𐴔𐴝𐴃 𐴀𐴝𐴏𐴥𐴠 𐴱 𐴎𐴡𐴊𐴞 𐴘𐴥𐴡 𐴑𐴠𐴙𐴏𐴧𐴥𐴟 𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔𐴡𐴃𐴧𐴟 𐴕𐴦𐴠𐴓𐴞 𐴆𐴤𐴞𐴣𐴍𐴝 𐴆𐴞𐴄𐴧𐴤𐴝 𐴀𐴥𐴡𐴘 𐴒𐴞𐴘𐴧𐴥𐴡𐴘 𐴱 𐴓𐴡𐴒𐴢 𐴁𐴤𐴡𐴒𐴢 𐴀𐴠𐴑 𐴔𐴡𐴓𐴞𐴘𐴥𐴟𐴕 𐴔𐴝𐴙𐴕𐴐𐴤𐴡𐴌 𐴁𐴤𐴟𐴃𐴤𐴡𐴌𐴠 𐴀𐴥𐴡𐴃 𐴒𐴡𐴌𐴥𐴞 𐴕𐴡 𐴉𐴝𐴌𐴥𐴠𐴊𐴠 𐴀𐴥𐴠𐴕𐴋𐴞𐴓𐴧𐴝 𐴱 𐴀𐴥𐴠𐴃𐴡𐴓𐴧𐴝 𐴷 𐴁𐴡𐴏𐴥𐴡𐴌𐴡𐴌 𐴁𐴤𐴟𐴃𐴤𐴡𐴌𐴠 𐴈𐴡𐴊𐴦𐴟𐴕 𐴔𐴝𐴕𐴥𐴟𐴙𐴐𐴢 𐴑𐴠𐴀𐴠𐴔𐴡𐴃𐴧𐴤𐴟 𐴕𐴦𐴠𐴓𐴞 𐴒𐴞𐴘𐴧𐴥𐴡𐴘𐴊𐴠 𐴘𐴥𐴝𐴀𐴝𐴕𐴡𐴌 𐴏𐴥𐴡𐴀𐴞 𐴒𐴡𐴕𐴝 𐴕𐴥𐴝𐴘 𐴱𐴱

𐴉𐴡𐴙𐴃𐴧𐴡 𐴊𐴞𐴕 𐴒𐴡𐴕𐴝 𐴎𐴡𐴀𐴡𐴕 𐴀𐴝𐴌 𐴕𐴡𐴎𐴡𐴌𐴊𐴝𐴌𐴞 𐴒𐴡𐴌𐴥𐴝 𐴎𐴡𐴀𐴡𐴕 𐴀𐴝𐴌 𐴏𐴝𐴙𐴌 𐴀𐴥𐴡 𐴋𐴤𐴝𐴑𐴡𐴃𐴧𐴟 𐴏𐴥𐴞𐴘𐴡𐴓𐴡𐴌 𐴒𐴤𐴞𐴌𐴝 𐴀𐴥𐴡𐴘 𐴁𐴦𐴝𐴊𐴠 𐴘𐴥𐴡 𐴱 𐴌𐴠𐴂𐴟𐴄 𐴔𐴡𐴎𐴞𐴕 𐴌𐴟𐴇𐴝𐴙𐴚𐴒𐴙𐴝 𐴔𐴝𐴘𐴧𐴝 𐴀𐴝𐴌 𐴔𐴡𐴌𐴡𐴊 𐴀𐴥𐴡𐴑𐴧𐴡𐴓 𐴑𐴠𐴀𐴠𐴔𐴡𐴃𐴧𐴟 𐴕𐴦𐴠𐴓𐴞 𐴱 𐴁𐴝𐴚𐴓𐴝𐴊𐴠𐴐𐴤𐴡𐴌 𐴀𐴦𐴝𐴔 𐴂𐴝𐴂𐴓𐴥𐴞𐴑 𐴓𐴡𐴘 𐴔𐴞𐴓𐴞 𐴔𐴞𐴐𐴤𐴞 𐴎𐴝𐴀𐴝𐴌 𐴒𐴤𐴡𐴘 𐴱 𐴘𐴥𐴝𐴀𐴝𐴕𐴠 𐴑𐴝𐴑𐴏𐴡 𐴁𐴝𐴎𐴝𐴌 𐴀𐴠𐴓𐴝𐴑𐴝𐴌𐴥𐴠 𐴑𐴤𐴟𐴂𐴢 𐴁𐴠𐴐𐴤𐴞 𐴈𐴡𐴌𐴝 𐴐𐴤𐴡𐴔𐴝𐴎𐴤𐴞𐴑 𐴕𐴞𐴌𐴝𐴉𐴡𐴃𐴧𐴝 𐴀𐴝𐴌 𐴔𐴦𐴇𐴡𐴗𐴓𐴡𐴌 𐴀𐴡𐴐𐴤𐴝𐴕𐴃𐴞𐴌 𐴀𐴥𐴞𐴑𐴧𐴙𐴝 𐴓𐴡𐴘 𐴎𐴝𐴀𐴝𐴌 𐴁𐴡𐴓𐴞 𐴱 𐴁𐴝𐴚𐴓𐴝𐴊𐴠𐴐𐴤𐴡𐴌 𐴇𐴥𐴡𐴑𐴧𐴡𐴌 𐴈𐴝𐴔 𐴒𐴡𐴌𐴥𐴡𐴙𐴕𐴧𐴝 𐴀𐴥𐴡𐴑𐴧𐴡𐴓𐴠 𐴈𐴡𐴘𐴧𐴠 𐴱𐴱

𐴐𐴤𐴡𐴕 𐴴 𐴲 𐴰 𐴲 𐴉𐴥𐴠𐴌𐴖𐴝𐴌𐴞 𐴔𐴝𐴐𐴤𐴡𐴌 𐴵 𐴱 𐴃𐴝𐴌𐴥𐴞𐴑𐴡𐴃 𐴁𐴝𐴚𐴓𐴝𐴊𐴠𐴐𐴤𐴡𐴌 𐴇𐴥𐴠𐴉𐴝𐴎𐴡𐴃𐴞 𐴀𐴟𐴎𐴞𐴌𐴠 𐴋𐴞𐴂𐴥𐴝𐴌𐴔𐴥𐴠𐴕𐴠 𐴱 𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔𐴡𐴌 𐴀𐴝𐴙𐴕 𐴑𐴝𐴕𐴟𐴕 𐴀𐴝𐴌 𐴏𐴠𐴇𐴥𐴠𐴃𐴡𐴌 𐴁𐴝𐴁𐴡𐴃𐴠 𐴂𐴝𐴓𐴞𐴔𐴠𐴕𐴡𐴃 𐴃𐴟𐴓𐴥𐴞 𐴊𐴞𐴀𐴞𐴓𐴊𐴠 𐴌𐴠𐴂𐴟𐴄 𐴱 𐴘𐴥𐴝𐴀𐴝𐴕𐴡𐴃 𐴓𐴠𐴙𐴑𐴧𐴤𐴙𐴠𐴊𐴠 𐴑𐴠𐴀𐴠𐴔𐴡𐴃 𐴉𐴡𐴙𐴃𐴧𐴡 𐴊𐴞𐴕 𐴓𐴡𐴒𐴢 𐴁𐴤𐴡𐴒𐴢 𐴵 𐴹 𐴎𐴡𐴕 𐴉𐴟𐴖𐴝𐴙𐴕 𐴎𐴡𐴌𐴔𐴡 𐴀𐴥𐴡𐴀𐴡𐴌 𐴱 𐴀𐴥𐴠 𐴀𐴥𐴞𐴏𐴝𐴉𐴠 𐴵 𐴲 𐴰 𐴲 𐴐𐴤𐴡𐴕𐴡𐴃 𐴌𐴟𐴇𐴝𐴙𐴚𐴒𐴙𐴝𐴌 𐴒𐴡𐴕𐴝 𐴀𐴝𐴁𐴝𐴊𐴞 𐴁𐴝𐴌𐴥𐴞 𐴲 . 𐴱 𐴔𐴡𐴓𐴞𐴘𐴥𐴟𐴕𐴡𐴃𐴧𐴟 𐴳 . 𐴱 𐴔𐴡𐴓𐴞𐴘𐴥𐴟𐴕 𐴀𐴥𐴡𐴙𐴃 𐴉𐴝𐴌𐴠 𐴁𐴡𐴓𐴞 𐴈𐴥𐴡𐴁𐴡𐴌 𐴔𐴡𐴎𐴞𐴕 𐴎𐴝𐴕𐴝 𐴒𐴞𐴘𐴥𐴠 𐴱𐴱

𐴔𐴡𐴕𐴃𐴡𐴌 𐴘𐴝𐴀𐴝𐴕𐴡𐴌 𐴀𐴟𐴓𐴋𐴝 𐴘𐴟 𐴀𐴠𐴕 𐴀𐴠𐴆 𐴏𐴞 𐴀𐴝𐴌 𐴡𐴌 𐴋𐴝𐴄𐴝 𐴔𐴡𐴎𐴞𐴕 𐴀𐴠𐴈𐴥𐴡𐴕 𐴑𐴠𐴀𐴠𐴔𐴡𐴃 𐴰 𐴰 𐴰 𐴰 𐴰 𐴲 𐴊𐴟𐴘 𐴓𐴝𐴑 𐴒𐴤𐴡𐴌𐴒𐴟𐴐𐴧𐴞 𐴶 𐴰 𐴳 𐴹 𐴷 𐴹 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴃𐴤𐴝𐴑𐴤𐴠𐴌 𐴱 𐴀𐴥𐴟𐴀𐴟𐴕𐴡𐴌 𐴁𐴤𐴟𐴃𐴤𐴡𐴌𐴠 𐴐𐴤𐴡𐴃𐴑𐴝𐴌𐴝 𐴲 𐴵 𐴎𐴡𐴕 𐴉𐴟𐴖𐴝𐴙𐴕 𐴐𐴤𐴡𐴃𐴑𐴝𐴌𐴝 𐴴 𐴴 𐴎𐴡𐴕 𐴋𐴡𐴣𐴀𐴡𐴌 𐴐𐴤𐴡𐴃𐴑𐴝𐴌𐴝 𐴴 𐴎𐴡𐴕 𐴁𐴟𐴌𐴥𐴝 𐴱 𐴔𐴡𐴕𐴃𐴡𐴌 𐴀𐴝𐴘 𐴀𐴠𐴏𐴢 𐴏𐴞 𐴅𐴞 𐴌 𐴌𐴠𐴂𐴟𐴄 𐴔𐴡𐴎𐴞𐴕 𐴷 𐴱 𐴰 𐴲 𐴐𐴤𐴡𐴕 𐴀𐴡𐴒𐴤𐴡𐴏𐴄 𐴔𐴝𐴐𐴤𐴡𐴃 𐴶 𐴷 𐴵 𐴸 𐴱 𐴱 𐴱 𐴀𐴠𐴑 𐴔𐴡𐴓𐴞𐴘𐴥𐴟𐴕 𐴀𐴝𐴣𐴍𐴥𐴝𐴌𐴥𐴡 𐴇𐴥𐴝𐴎𐴝𐴌 𐴉𐴝𐴣𐴏𐴢 𐴐𐴤𐴡𐴃 𐴀𐴥𐴡𐴙𐴃𐴧𐴡𐴌 𐴏𐴥𐴡 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴀𐴝𐴌𐴑𐴝𐴕𐴡𐴃𐴧𐴤𐴟 𐴁𐴝𐴚𐴓𐴝𐴊𐴠𐴐𐴤𐴡𐴃 𐴀𐴝𐴙𐴐𐴧𐴤𐴞𐴀𐴞𐴓 𐴁𐴡𐴓𐴞 𐴎𐴝𐴕𐴝 𐴒𐴞𐴘𐴧𐴥𐴠 𐴱𐴱

Sources : Dhakatribune