𐴌𐴟𐴇𐴝𐴙𐴚𐴒𐴙𐴝 𐴀𐴥𐴑𐴧𐴡𐴓𐴡𐴌 𐴖𐴡𐴌𐴠 𐴇𐴥𐴟𐴁𐴟𐴇𐴥𐴟 𐴷 𐴱 𐴰 𐴲 𐴐𐴤𐴡𐴕𐴡𐴌 𐴒𐴤𐴡𐴄𐴡𐴕𐴝 𐴉𐴥𐴞𐴃𐴤𐴞𐴕 𐴀𐴥𐴡𐴘𐴁𐴡𐴊𐴠 𐴘𐴥𐴝𐴀𐴝𐴕𐴡𐴃 𐴑𐴡𐴗𐴔𐴞 𐴏𐴥𐴡𐴔𐴡𐴒𐴤𐴝 𐴘𐴠 𐴉𐴠𐴌𐴠𐴐𐴝𐴕𐴞 𐴎𐴝𐴀𐴞𐴌 𐴒𐴡𐴙𐴅𐴧𐴤𐴙𐴠 𐴱𐴱

𐴀𐴝𐴌𐴑𐴝𐴕𐴡𐴃 𐴈𐴡𐴔 𐴐𐴤𐴡𐴙𐴚𐴒𐴙𐴝 𐴌𐴟𐴇𐴝𐴙𐴚𐴒𐴙𐴝 𐴑𐴡𐴗𐴔𐴡𐴌 𐴖𐴡𐴌𐴠 𐴷 𐴱 𐴰 𐴲 𐴐𐴤𐴡𐴕𐴡𐴃 𐴀𐴥𐴡𐴀𐴡𐴙𐴓𐴊𐴠 𐴎𐴟𐴓𐴥𐴟𐴔 𐴀𐴡𐴃𐴧𐴞𐴏𐴝𐴌 𐴱 𐴀𐴠𐴈𐴥𐴡𐴕 𐴀𐴥𐴡 𐴇𐴥𐴟𐴁𐴟𐴇𐴥𐴟 𐴉𐴥𐴞𐴃𐴤𐴞𐴕 𐴀𐴥𐴡𐴘 𐴀𐴝𐴘𐴁𐴤𐴡𐴊𐴠 𐴘𐴥𐴝𐴀𐴝𐴕𐴡𐴌 𐴖𐴡𐴌𐴠 𐴱 𐴑𐴡𐴗𐴔𐴞 𐴏𐴥𐴡𐴔𐴡𐴒𐴤𐴝𐴌 𐴀𐴞𐴕𐴏𐴦𐴝𐴕𐴞 𐴇𐴥𐴡𐴑𐴧𐴡𐴌 𐴔𐴡𐴇𐴝 𐴑𐴡𐴔𐴞𐴐𐴕𐴝𐴌 𐴁𐴟𐴓𐴑𐴝𐴌 𐴃𐴟𐴌𐴥𐴟𐴑𐴠 𐴐𐴤𐴑𐴧𐴟𐴌 𐴁𐴝𐴌𐴠 𐴈𐴡𐴘𐴧𐴥𐴠𐴊𐴠 𐴎𐴝𐴕𐴝 𐴒𐴞𐴘𐴥𐴠 𐴱 𐴁𐴡𐴌𐴔𐴥𐴝 𐴒𐴟𐴣𐴍𐴝 𐴊𐴠𐴐𐴤𐴡𐴃 𐴇𐴥𐴝𐴓𐴡𐴃 𐴁𐴠𐴐𐴤𐴞 𐴈𐴥𐴡𐴌𐴝𐴁𐴢 𐴀𐴥𐴟𐴀𐴝𐴃 𐴀𐴝𐴏𐴥𐴠 𐴱 𐴈𐴥𐴝𐴏𐴢 𐴒𐴡𐴌𐴥𐴞 𐴀𐴟𐴃𐴧𐴡𐴌 𐴀𐴝𐴌𐴑𐴝𐴕𐴡𐴃 𐴏𐴡𐴓𐴠𐴌 𐴊𐴧𐴠 𐴓𐴝𐴌𐴥𐴝𐴘 𐴃𐴧𐴟 𐴁𐴝𐴏𐴞 𐴕𐴞𐴌𐴝𐴉𐴡𐴃𐴧𐴝 𐴎𐴝𐴒𐴝𐴌 𐴀𐴥𐴞𐴑𐴧𐴙𐴝 𐴏𐴥𐴝𐴀𐴝𐴌𐴝 𐴓𐴡𐴘𐴁𐴝𐴌 𐴀𐴝𐴐𐴤𐴝 𐴘𐴠 𐴎𐴝𐴘𐴁𐴝𐴌 𐴐𐴤𐴡𐴣𐴀𐴡𐴃 𐴐𐴤𐴡𐴃𐴝 𐴐𐴤𐴡𐴃𐴞 𐴌𐴟𐴇𐴝𐴙𐴚𐴒𐴙𐴝 𐴔𐴡𐴌𐴞 𐴎𐴝𐴀𐴝𐴌 𐴒𐴤𐴡𐴘𐴊𐴠 𐴱 𐴈𐴥𐴡𐴁𐴡𐴌 𐴀𐴥𐴡𐴑𐴧𐴡𐴓 𐴉𐴡𐴙𐴃𐴧𐴡 𐴊𐴞𐴕 𐴉𐴝𐴀𐴝 𐴎𐴝𐴀𐴝𐴌 𐴊𐴧𐴠 𐴘𐴥𐴝𐴀𐴝𐴕𐴡𐴌 𐴖𐴡𐴌𐴠 𐴁𐴠𐴐𐴤𐴞 𐴉𐴠𐴌𐴠𐴐𐴝𐴕 𐴀𐴥𐴡𐴘𐴧𐴠 𐴁𐴡𐴓𐴞 𐴈𐴡𐴘𐴧𐴥𐴠 𐴱𐴱

𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴱 𐴲 𐴰 𐴲 𐴐𐴤𐴡𐴕𐴡𐴃 𐴇𐴥𐴡𐴑𐴟𐴔𐴡𐴃 𐴑𐴟𐴀𐴟𐴂𐴢 𐴒𐴡𐴌𐴥𐴞 𐴁𐴦𐴝𐴊𐴠 𐴓𐴡𐴃𐴞 𐴓𐴝𐴌𐴥𐴝𐴘 𐴁𐴡𐴕 𐴀𐴝𐴐𐴧𐴤𐴞𐴀𐴞𐴓 𐴊𐴠 𐴀𐴝𐴌𐴑𐴝𐴕𐴡𐴃 𐴱 𐴕𐴡𐴖𐴡𐴔𐴁𐴡𐴌 𐴳 𐴲 𐴰 𐴲 𐴐𐴤𐴡𐴕 𐴀𐴥𐴡𐴘𐴃𐴠 𐴔𐴠𐴓𐴠𐴄𐴠𐴌𐴞 𐴀𐴝𐴌 𐴔𐴡𐴒𐴢 𐴁𐴝𐴒𐴞𐴌 𐴔𐴝𐴎𐴤𐴠 𐴉𐴥𐴞𐴃𐴤𐴞𐴕 𐴓𐴝𐴌𐴥𐴝𐴘 𐴐𐴤𐴟𐴌𐴟 𐴀𐴥𐴡𐴘𐴧𐴠 𐴱 𐴁𐴡𐴌𐴔𐴥𐴝𐴌 𐴔𐴠𐴓𐴠𐴄𐴠𐴌𐴞 𐴘𐴠 𐴷 𐴱 𐴰 𐴲 𐴐𐴤𐴡𐴕𐴡𐴃 𐴊𐴠𐴐𐴢 𐴏𐴥𐴡𐴉𐴝𐴘 𐴑𐴝𐴌𐴖𐴝𐴘 𐴒𐴡𐴌𐴥𐴠𐴌 𐴁𐴡𐴓𐴞 𐴈𐴡𐴀𐴡𐴘 𐴕𐴝𐴔 𐴊𐴞𐴀𐴞 𐴱 𐴌𐴟𐴇𐴝𐴙𐴚𐴒𐴙𐴝𐴌𐴥𐴠 𐴅𐴠𐴕𐴟𐴏𐴥𐴝𐴙𐴋 𐴒𐴡𐴙𐴅𐴧𐴤𐴙𐴠𐴊𐴠 𐴘𐴥𐴝𐴀𐴝𐴕𐴡𐴌𐴓𐴧𐴥𐴝 𐴱 𐴑𐴡𐴗𐴔𐴞 𐴏𐴥𐴡𐴔𐴡𐴒𐴤𐴝𐴌 𐴀𐴝𐴊𐴝𐴓𐴡𐴃𐴡𐴃 𐴁𐴡𐴌𐴔𐴥𐴝𐴌 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴡𐴃𐴧𐴟 𐴑𐴠𐴙𐴏𐴢 𐴁𐴝𐴀𐴝 𐴉𐴡𐴌𐴠𐴌 𐴱 𐴇𐴥𐴟𐴁𐴟𐴇𐴥𐴟 𐴷 𐴱 𐴰 𐴲 𐴐𐴤𐴡𐴕𐴡𐴃 𐴔𐴠𐴓𐴠𐴄𐴠𐴌𐴞 𐴘𐴠 𐴊𐴠𐴐𐴢 𐴏𐴥𐴡𐴉𐴝𐴘 𐴑𐴝𐴌𐴖𐴝𐴘 𐴒𐴡𐴙𐴅𐴧𐴤𐴞𐴀𐴞𐴓𐴊𐴠 𐴀𐴥𐴠 𐴕𐴡𐴔𐴟𐴕𐴝 𐴓𐴡𐴘 𐴱 𐴔𐴡𐴒𐴢 𐴁𐴝𐴒𐴞 𐴘𐴠 𐴘𐴥𐴡 𐴊𐴠𐴐𐴤𐴡𐴌 𐴁𐴤𐴟𐴃𐴤𐴡𐴌𐴠 𐴓𐴝𐴌𐴥𐴝𐴘 𐴒𐴡𐴌𐴥𐴞 𐴱 𐴌𐴟𐴇𐴝𐴙𐴚𐴒𐴙𐴝𐴌 𐴕𐴡𐴏𐴥𐴡𐴓 𐴉𐴥𐴟𐴌𐴥𐴝 𐴑𐴝𐴌𐴖𐴝𐴘 𐴉𐴥𐴞𐴃𐴤𐴞𐴕 𐴉𐴥𐴞𐴌𐴥𐴝𐴘 𐴀𐴝𐴕𐴥𐴠𐴌 𐴊𐴧𐴠 𐴘𐴥𐴝𐴀𐴝𐴕𐴡𐴌 𐴖𐴡𐴌𐴠 𐴱 𐴑𐴡𐴗𐴔𐴞 𐴏𐴥𐴡𐴔𐴡𐴒𐴤𐴝𐴌 𐴀𐴞𐴕𐴏𐴦𐴝𐴕𐴞 𐴇𐴥𐴡𐴑𐴧𐴡𐴌 𐴔𐴡𐴇𐴝 𐴑𐴡𐴔𐴞𐴐𐴕𐴝𐴌𐴠 𐴀𐴠𐴓𐴝𐴕 𐴕𐴝𐴔𐴝 𐴕𐴦𐴠𐴓𐴝𐴘 𐴈𐴡𐴘𐴧𐴥𐴠𐴊𐴠 𐴎𐴝𐴕𐴝 𐴒𐴞𐴘𐴧𐴥𐴠 𐴱𐴱

𐴁𐴝𐴚𐴓𐴝𐴊𐴠𐴐𐴤𐴡𐴃 𐴎𐴝𐴘 𐴕𐴡 𐴉𐴝𐴌𐴥𐴠 𐴉𐴥𐴝𐴀𐴝𐴕 𐴁𐴡𐴖𐴋𐴝𐴌 𐴁𐴡𐴕 𐴒𐴡𐴌𐴥𐴞 𐴌𐴝𐴑𐴤𐴡𐴕𐴡𐴌 𐴎𐴡𐴌𐴞𐴘𐴝 𐴱 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴀𐴝𐴒𐴡𐴌 𐴋𐴦𐴡𐴙𐴓𐴧𐴝 𐴁𐴝𐴚𐴓𐴝𐴊𐴠𐴐𐴤𐴡𐴃 𐴎𐴝𐴘 𐴕𐴡 𐴉𐴝𐴌𐴥𐴞 𐴱 𐴔𐴡𐴒𐴢 𐴁𐴝𐴒𐴞 𐴀𐴝𐴌 𐴔𐴠𐴓𐴠𐴄𐴠𐴌𐴞𐴌 𐴓𐴝𐴌𐴥𐴝𐴘𐴌 𐴔𐴝𐴎𐴤𐴠 𐴉𐴥𐴝𐴣𐴏𐴞 𐴒𐴞𐴘𐴥𐴠 𐴒𐴤𐴡𐴘 𐴊𐴠 𐴓𐴦𐴡𐴃 𐴉𐴝𐴀𐴝 𐴒𐴞𐴘𐴧𐴥𐴠 𐴱 𐴀𐴝𐴌 𐴀𐴠𐴑 𐴔𐴡𐴓𐴞𐴘𐴥𐴟𐴕 𐴓𐴡𐴃𐴞 𐴌𐴟𐴇𐴝𐴙𐴚𐴒𐴙𐴝 𐴕𐴞𐴎𐴡𐴌 𐴊𐴠𐴐𐴢 𐴀𐴝𐴌𐴑𐴝𐴕𐴡𐴃𐴧𐴤𐴟 𐴊𐴤𐴝𐴘 𐴎𐴝𐴘 𐴱 𐴁𐴝𐴚𐴓𐴝𐴊𐴠𐴐𐴤𐴡𐴃 𐴏𐴥𐴝𐴀𐴝𐴌𐴝 𐴓𐴡𐴘 𐴃𐴤𐴝𐴑𐴠𐴌 𐴊𐴧𐴠 𐴀𐴝𐴙𐴅𐴧𐴙𐴝 𐴵 𐴲 𐴀𐴡𐴒𐴤𐴡𐴏𐴄 𐴴 𐴲 𐴰 𐴲 𐴐𐴤𐴡𐴕𐴡𐴃 𐴀𐴝𐴣𐴐𐴄𐴡 𐴁𐴡𐴏𐴥𐴡𐴌 𐴉𐴟𐴌𐴝𐴘 𐴒𐴞𐴘𐴥𐴡𐴘 𐴱 𐴑𐴡𐴗𐴔𐴞 𐴏𐴥𐴡𐴔𐴡𐴒𐴤𐴝𐴌 𐴀𐴞𐴕𐴏𐴦𐴝𐴕𐴞 𐴇𐴥𐴡𐴑𐴧𐴡𐴌 𐴀𐴡𐴉𐴥𐴞𐴏𐴠 𐴉𐴝𐴘𐴧𐴥𐴠𐴊𐴠 𐴐𐴡𐴌𐴥𐴡𐴃𐴢 𐴔𐴡𐴎𐴞𐴕 𐴱 𐴔𐴠𐴓𐴠𐴄𐴠𐴌𐴞 𐴀𐴝𐴌 𐴔𐴡𐴒𐴢 𐴁𐴝𐴒𐴞 𐴊𐴟𐴕𐴥𐴞 𐴋𐴝𐴀𐴝𐴘 𐴘𐴥𐴠 𐴌𐴟𐴇𐴝𐴙𐴚𐴒𐴙𐴝𐴌 𐴕𐴡𐴏𐴥𐴡𐴓 𐴉𐴥𐴟𐴌𐴥𐴝𐴘 𐴉𐴥𐴠𐴓𐴥𐴝𐴌 𐴊𐴧𐴠 𐴘𐴥𐴝𐴀𐴝𐴕𐴡𐴌 𐴓𐴧𐴥𐴝 𐴱 𐴓𐴝𐴌𐴥𐴝𐴘 𐴒𐴡𐴌𐴥𐴠𐴌 𐴊𐴧𐴠 𐴀𐴥𐴝𐴣𐴃𐴞𐴘𐴝𐴌𐴞 𐴉𐴝𐴄𐴞 𐴀𐴥𐴡𐴑𐴧𐴡𐴓𐴠 𐴊𐴠𐴐𐴤𐴡𐴙𐴃𐴧𐴝 𐴀𐴥𐴡𐴑𐴧𐴡𐴓 𐴕𐴡 𐴔𐴡𐴌𐴠 𐴉𐴥𐴝𐴀𐴝𐴕 𐴀𐴝𐴌 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴥𐴠 𐴇𐴥𐴠𐴉𐴝𐴎𐴡𐴃 𐴒𐴡𐴌𐴥𐴞𐴁𐴤𐴡𐴓𐴧𐴝 𐴱 𐴀𐴝𐴏𐴞𐴘𐴠𐴕 𐴐𐴤𐴡𐴣𐴀𐴡 𐴊𐴟𐴕𐴞𐴘𐴝𐴘𐴌𐴥𐴠 𐴑𐴡𐴗𐴔𐴞 𐴏𐴥𐴡𐴔𐴡𐴒𐴤𐴠 𐴘𐴠 𐴀𐴝𐴌𐴡𐴎 𐴒𐴡𐴙𐴅𐴧𐴤𐴙𐴠𐴊𐴠 𐴎𐴝𐴕𐴝 𐴒𐴞𐴘𐴥𐴠

𐴱𐴱

𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴥𐴠 𐴁𐴡𐴌𐴔𐴥𐴝𐴌 𐴊𐴠𐴐𐴤𐴡𐴃 𐴕𐴡𐴏𐴥𐴡𐴓 𐴉𐴥𐴟𐴌𐴥𐴝𐴘 𐴉𐴥𐴠𐴓𐴥𐴝𐴘 𐴁𐴤𐴡𐴓𐴧𐴝 𐴊𐴟𐴘 𐴋𐴦𐴡𐴙𐴓𐴧𐴝 𐴒𐴡𐴌𐴥𐴞 𐴑𐴝𐴌𐴖𐴝𐴘 𐴒𐴡𐴙𐴅𐴧𐴤𐴙𐴠 𐴱 𐴈𐴝𐴘𐴧𐴝 ( 𐴈𐴝𐴍𐴝 𐴔𐴝𐴌𐴝 ) 𐴀𐴠𐴃𐴠𐴁𐴝𐴌𐴠 𐴀𐴝𐴌 𐴏𐴥𐴞𐴘𐴝𐴏𐴞 𐴀𐴠𐴃𐴠𐴁𐴝𐴌𐴠 𐴱 𐴇𐴥𐴞𐴏𐴄𐴟𐴌𐴞 𐴔𐴡𐴎𐴞𐴕 𐴏𐴡𐴓𐴠𐴌𐴊𐴧𐴠 𐴀𐴞𐴚𐴌𐴝𐴎𐴞 𐴐𐴤𐴡𐴕 𐴀𐴞𐴁𐴤𐴝𐴌 𐴶 𐴶 𐴶 𐴲 𐴁𐴡𐴏𐴥𐴡𐴌 𐴀𐴝𐴒𐴠 𐴓𐴡𐴃𐴞 𐴀𐴝𐴌𐴑𐴝𐴕𐴡𐴃 𐴔𐴝𐴕𐴥𐴟𐴙𐴐𐴢 𐴉𐴝𐴀𐴝 𐴎𐴝𐴀𐴝𐴌 𐴱 𐴎𐴞𐴃𐴝𐴌𐴥𐴝 𐴀𐴞𐴕𐴋𐴤𐴞𐴘𐴥𐴝𐴃𐴧𐴟 𐴒𐴞𐴘𐴥𐴠 𐴷 𐴵 𐴹 𐴀𐴞𐴚𐴌𐴝𐴎𐴞 𐴐𐴤𐴡𐴕 𐴓𐴦𐴡𐴃 𐴀𐴝𐴌𐴑𐴝𐴕𐴡𐴃 𐴀𐴥𐴞𐴃𐴤𐴝𐴌𐴥𐴝𐴌 𐴇𐴥𐴡𐴑𐴟𐴔𐴡𐴃 𐴀𐴝𐴐𐴧𐴤𐴞𐴀𐴞𐴓 𐴱 𐴔𐴡𐴓𐴠𐴆𐴤𐴙𐴝 𐴱 𐴀𐴞𐴕𐴋𐴟𐴕𐴞𐴆𐴤𐴙 𐴱 𐴀𐴞𐴕𐴋𐴤𐴞𐴘𐴥𐴝 𐴱 𐴊𐴠𐴐𐴢 𐴀𐴞𐴀𐴞𐴕𐴃 𐴎𐴠 𐴃𐴡𐴌𐴞𐴑𐴝 𐴓𐴡𐴘 𐴀𐴞𐴏𐴓𐴝𐴔 𐴊𐴤𐴡𐴌𐴔𐴡 𐴉𐴡𐴣𐴀𐴡𐴙𐴏𐴧𐴥𐴙𐴠 𐴱 𐴀𐴥𐴠 𐴃𐴡𐴌𐴞𐴑𐴝 𐴓𐴡𐴘 𐴸 𐴸 𐴷 𐴀𐴞𐴚𐴌𐴝𐴎𐴞 𐴐𐴤𐴡𐴕𐴡𐴃 𐴀𐴝𐴌𐴑𐴝𐴕𐴡𐴃 𐴀𐴥𐴡 𐴀𐴞𐴏𐴓𐴝𐴔 𐴉𐴡𐴣𐴀𐴡𐴙𐴏𐴧𐴥𐴙𐴠 𐴱𐴱 𐴀𐴥𐴠 𐴀𐴡𐴑𐴃𐴤𐴡𐴃 𐴀𐴝𐴌𐴑𐴝𐴕𐴡𐴌 𐴇𐴥𐴡𐴑𐴟𐴔𐴡𐴃 𐴀𐴞𐴕𐴋𐴤𐴞𐴘𐴝𐴌 𐴆𐴡𐴕𐴊𐴡𐴌𐴝 𐴈𐴦𐴝𐴕𐴊𐴝𐴕𐴡𐴌 𐴇𐴥𐴝𐴃𐴡𐴃 𐴱 𐴇𐴥𐴝𐴎𐴝𐴌 𐴇𐴥𐴝𐴎𐴝𐴌 𐴁𐴡𐴏𐴥𐴡𐴌 𐴀𐴝𐴒𐴠 𐴓𐴡𐴃𐴞 𐴀𐴝𐴌𐴑𐴝𐴕𐴡𐴃 𐴃𐴤𐴝𐴑𐴤𐴠𐴌 𐴊𐴧𐴠 𐴔𐴝𐴙𐴕𐴐𐴤𐴙𐴠 𐴀𐴞𐴏𐴓𐴝𐴔 𐴊𐴤𐴡𐴌𐴔𐴡 𐴑𐴡𐴁𐴟𐴓 𐴒𐴡𐴙𐴅𐴧𐴤𐴙𐴠𐴊𐴠 ( 𐴎𐴞𐴃𐴝𐴌𐴥𐴝 𐴌𐴟𐴇𐴝𐴙𐴚𐴒𐴙𐴝 ) 𐴱 𐴏𐴥𐴡𐴀𐴞 𐴃𐴦𐴝𐴌𐴞𐴑 𐴔𐴡𐴎𐴞𐴕 𐴰 𐴱 𐴏𐴥𐴡𐴊𐴞𐴌 𐴐𐴤𐴟𐴌𐴟𐴃 𐴀𐴝𐴌𐴑𐴝𐴕 𐴘𐴥𐴟𐴔𐴝 𐴉𐴝𐴀𐴝𐴌𐴡𐴌 𐴀𐴡𐴑𐴟𐴓𐴡𐴌 𐴂𐴝𐴒𐴝𐴕 𐴐𐴤𐴡𐴀𐴡𐴌𐴡𐴃𐴧𐴟 𐴔𐴡𐴒𐴢 𐴑𐴡𐴗𐴔 𐴀𐴝𐴌𐴑𐴝𐴕𐴡𐴃 𐴀𐴝𐴙𐴐𐴧𐴤𐴙𐴠𐴊𐴠 𐴱 𐴁𐴦𐴝𐴊𐴠 𐴷 𐴵 𐴹 𐴀𐴞𐴚𐴌𐴝𐴎𐴞 𐴐𐴤𐴡𐴕𐴡𐴃 𐴔𐴡𐴕𐴒𐴟𐴓𐴞𐴘𐴠𐴕 𐴑𐴡𐴗𐴔𐴡𐴌 𐴔𐴡𐴊𐴡𐴃 𐴓𐴡𐴘 𐴀𐴝𐴌𐴑𐴝𐴕𐴡𐴌 𐴇𐴥𐴡𐴑𐴟𐴔𐴡𐴃 𐴆𐴡𐴕𐴊𐴡𐴌𐴝 𐴈𐴦𐴝𐴕𐴊𐴝𐴕𐴡𐴌 𐴇𐴥𐴝𐴃𐴡𐴃𐴧𐴤𐴟 𐴔𐴡𐴒𐴤𐴠 𐴈𐴝𐴌𐴥𐴞 𐴓𐴡𐴘 𐴉𐴥𐴠𐴓𐴝𐴘 𐴁𐴦𐴝𐴊𐴠 𐴓𐴡𐴃𐴞 𐴲 𐴴 𐴹 𐴱 𐴐𐴤𐴡𐴕 𐴉𐴡𐴙𐴅𐴧𐴡𐴕𐴃𐴡 𐴀𐴝𐴌𐴑𐴝𐴕𐴡𐴃𐴧𐴤𐴟 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌 𐴕𐴡𐴏𐴥𐴡𐴓 𐴉𐴥𐴟𐴌𐴥𐴝𐴘 𐴉𐴥𐴠𐴓𐴥𐴝𐴘 𐴁𐴤𐴡𐴓𐴧𐴝 𐴈𐴝𐴍𐴝 𐴔𐴝𐴌𐴝𐴌 𐴑𐴝𐴌𐴖𐴝𐴘 𐴐𐴤𐴟𐴌𐴟 𐴀𐴥𐴡𐴘𐴧𐴄𐴠𐴊𐴠 𐴱𐴱

𐴁𐴡𐴌𐴔𐴥𐴝 𐴀𐴝𐴎𐴝𐴊 𐴀𐴥𐴡𐴘 𐴁𐴦𐴝𐴊𐴠 𐴹 𐴴 𐴹 𐴱 𐴀𐴞𐴚𐴌𐴝𐴎𐴞 𐴐𐴤𐴡𐴕 𐴀𐴥𐴡𐴘𐴃𐴠 𐴲 𐴹 𐴹 𐴱 𐴀𐴞𐴚𐴌𐴝𐴎𐴞 𐴐𐴤𐴡𐴕 𐴉𐴡𐴙𐴅𐴧𐴡𐴕𐴃𐴡 𐴁𐴡𐴌𐴔𐴥𐴝 𐴀𐴝𐴌 𐴔𐴡𐴒𐴢 𐴔𐴞𐴓𐴞 𐴋𐴦𐴡𐴙𐴓𐴧𐴝 𐴋𐴦𐴡𐴙𐴓𐴧𐴝 𐴕𐴝𐴔 𐴊𐴞𐴀𐴞 𐴱 𐴀𐴝𐴌𐴑𐴝𐴕𐴡𐴃𐴧𐴤𐴟 𐴌𐴟𐴇𐴝𐴙𐴚𐴒𐴙𐴝 𐴉𐴥𐴟𐴌𐴥𐴝𐴘 𐴉𐴥𐴠𐴓𐴥𐴝𐴘𐴁𐴤𐴡𐴓𐴧𐴝 𐴰 𐴲 𐴁𐴝𐴌 𐴀𐴞𐴕𐴑𐴟𐴖𐴝𐴌𐴞 𐴒𐴡𐴙𐴅𐴧𐴤𐴙𐴠 𐴱 𐴎𐴞𐴀𐴞𐴕𐴡𐴌𐴥𐴠 𐴏𐴥𐴞𐴘𐴝𐴏𐴞 𐴅𐴠𐴕𐴟𐴏𐴥𐴝𐴙𐴋 𐴈𐴟𐴀𐴝 𐴎𐴝𐴀𐴝 𐴱 𐴀𐴥𐴠 𐴏𐴥𐴞𐴓𐴏𐴥𐴞𐴓𐴝𐴃 𐴲 𐴹 𐴹 𐴱 𐴐𐴤𐴡𐴕 𐴀𐴥𐴡𐴙𐴃𐴠 𐴶 𐴱 𐴰 𐴲 𐴀𐴞𐴚𐴌𐴝𐴎𐴞 𐴐𐴤𐴡𐴕𐴡𐴌 𐴁𐴤𐴟𐴃𐴤𐴡𐴌𐴠 𐴃𐴤𐴞𐴕 𐴏𐴞𐴕 𐴇𐴥𐴡𐴑𐴟𐴔𐴡𐴃𐴠 𐴌𐴟𐴇𐴥𐴝𐴙𐴚𐴒𐴙𐴝 𐴌𐴥𐴠 𐴀𐴝𐴈𐴥𐴠𐴌𐴞 𐴏𐴥𐴞𐴘𐴝𐴏𐴞 𐴅𐴠𐴕𐴟𐴏𐴥𐴝𐴙𐴋 𐴒𐴡𐴌𐴥𐴞 𐴌𐴟𐴇𐴝𐴙𐴚𐴒𐴙𐴝𐴌 𐴊𐴠𐴐𐴤𐴡𐴙𐴃𐴧𐴝𐴃𐴝 𐴀𐴥𐴟𐴊𐴧𐴝 𐴈𐴝𐴌𐴥𐴞 𐴓𐴡𐴘 𐴉𐴥𐴠𐴓𐴥𐴝𐴘 𐴁𐴝𐴚𐴒𐴝𐴓𐴞 𐴁𐴝𐴕𐴝𐴘 𐴉𐴥𐴠𐴓𐴥𐴝𐴘𐴧𐴠 𐴱 𐴀𐴠𐴈𐴥𐴡𐴕 𐴎𐴠𐴕𐴋𐴞𐴓𐴧𐴝 𐴀𐴝𐴣𐴀𐴝𐴌𐴝 𐴷 𐴱 𐴰 𐴲 𐴐𐴤𐴡𐴕 𐴀𐴡𐴒𐴤𐴡𐴏𐴄 𐴔𐴝𐴐𐴤𐴡𐴌 𐴵 𐴲 𐴃𐴝𐴌𐴥𐴞𐴑 𐴕𐴡 𐴉𐴡𐴀𐴡𐴌𐴝𐴘𐴧𐴥𐴟𐴔 𐴀𐴥𐴠𐴕𐴋𐴞𐴓𐴧𐴝 𐴖𐴡𐴌𐴠 𐴈𐴟𐴀𐴥𐴝 𐴒𐴞𐴘𐴧𐴥𐴠𐴊𐴠 𐴀𐴥𐴞𐴀𐴞𐴕 𐴐𐴤𐴡𐴣𐴀𐴡 𐴲 𐴴 𐴹 𐴱 𐴔𐴝𐴌𐴠𐴆 𐴔𐴝𐴐𐴤𐴡𐴌 𐴸 𐴲 𐴃𐴝𐴌𐴥𐴞𐴑 𐴲 𐴱 𐴰 𐴲 𐴅𐴟𐴕 𐴔𐴝𐴐𐴤𐴡𐴌 𐴳 𐴃𐴝𐴌𐴥𐴞𐴑 𐴱 𐴀𐴞𐴀𐴞𐴕𐴡𐴌𐴥𐴠 𐴘𐴥𐴡 𐴕𐴡 𐴉𐴡𐴀𐴡𐴌𐴡𐴕 𐴏𐴝𐴀𐴝 𐴱𐴱

Sources : VOA burmese