𐴀𐴝𐴘 𐴏𐴞 𐴅𐴠 𐴀𐴝𐴊𐴝𐴓𐴡𐴃𐴡𐴌 𐴇𐴥𐴡𐴑𐴟𐴔 𐴔𐴡𐴎𐴞𐴕 𐴁𐴡𐴌𐴔𐴥𐴝 𐴘𐴠 𐴅𐴠𐴕𐴡𐴏𐴥𐴝𐴙𐴋 𐴒𐴡𐴌𐴥𐴝𐴌 𐴁𐴦𐴝𐴊𐴠 𐴁𐴝𐴏𐴞 𐴀𐴝𐴏𐴥𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴥𐴠 𐴉𐴥𐴞𐴃𐴤𐴞𐴕 𐴕𐴡 𐴔𐴝𐴌𐴡𐴕 𐴎𐴡𐴌𐴟𐴌𐴞 𐴱𐴱

𐴁𐴡𐴌𐴔𐴥𐴝 𐴈𐴡𐴀𐴡𐴊𐴠 𐴘𐴥𐴝𐴀𐴝𐴕 𐴁𐴡𐴀𐴡𐴃 𐴎𐴝𐴃𐴡𐴌 𐴑𐴡𐴗𐴔 𐴔𐴞𐴓𐴞 𐴃𐴤𐴝𐴑𐴤𐴠𐴊𐴠 𐴀𐴠𐴑𐴧𐴤𐴝𐴕 𐴊𐴠𐴐𐴢 𐴱 𐴎𐴝𐴃 𐴁𐴠𐴒𐴧𐴤𐴟𐴕 𐴕𐴞𐴎𐴡𐴌 𐴀𐴝𐴎𐴝𐴊𐴞 𐴓𐴡𐴘 𐴕𐴞𐴎𐴠 𐴃𐴤𐴝𐴑𐴤𐴞𐴓𐴥𐴠 𐴘𐴥𐴡 𐴱 𐴎𐴟𐴑𐴠 𐴎𐴟𐴑𐴠 𐴔𐴠𐴓𐴠𐴄𐴠𐴌𐴞𐴌 𐴎𐴟𐴓𐴥𐴟𐴔 𐴀𐴡𐴃𐴧𐴞𐴏𐴝𐴌 𐴈𐴝𐴍𐴝 𐴔𐴝𐴌𐴝 𐴁𐴡𐴊𐴧𐴝𐴐𐴢 𐴒𐴡𐴌𐴥𐴝𐴃 𐴀𐴝𐴏𐴥𐴠 𐴱 𐴔𐴡𐴕𐴃𐴡𐴌 𐴁𐴡𐴌𐴔𐴥𐴝𐴌 𐴊𐴠𐴐𐴤𐴡𐴙𐴃𐴧𐴝 𐴏𐴥𐴡𐴇𐴟𐴓𐴡𐴃 𐴀𐴝𐴏𐴥𐴠𐴊𐴠 𐴀𐴠𐴃𐴠𐴁𐴝𐴌𐴠 𐴊𐴠𐴐𐴤𐴡𐴌 𐴁𐴤𐴟𐴃𐴤𐴡𐴌𐴠 𐴱 𐴊𐴠𐴐𐴤𐴡𐴌 𐴁𐴝𐴀𐴝𐴌𐴠 𐴀𐴝𐴀𐴝 𐴎𐴝𐴀𐴝 𐴒𐴡𐴌𐴥𐴞 𐴉𐴝𐴌𐴞𐴁𐴤𐴝𐴌 𐴀𐴠𐴅𐴝𐴎𐴡𐴃 𐴱 𐴃𐴤𐴝𐴑𐴧𐴞 𐴉𐴝𐴌𐴞𐴁𐴤𐴝𐴌 𐴀𐴠𐴅𐴝𐴎𐴡𐴃 𐴱 𐴉𐴡𐴕𐴧𐴥𐴝 𐴉𐴡𐴌𐴥𐴞 𐴉𐴝𐴌𐴞𐴁𐴤𐴝𐴌 𐴀𐴠𐴅𐴝𐴎𐴡𐴃 𐴱 𐴇𐴥𐴡𐴑𐴟𐴔𐴡𐴃𐴞 𐴈𐴝𐴔 𐴒𐴡𐴌𐴥𐴞 𐴉𐴝𐴌𐴞𐴁𐴤𐴝𐴌 𐴀𐴠𐴅𐴝𐴎𐴡𐴃 𐴱 𐴁𐴠𐴒𐴧𐴤𐴞𐴕 𐴀𐴝𐴏𐴥𐴠 𐴱𐴱

𐴔𐴡𐴕𐴃𐴡𐴌 𐴌𐴟𐴇𐴝𐴙𐴚𐴒𐴙𐴝 𐴁𐴡𐴌𐴔𐴥𐴝𐴌 𐴊𐴠𐴐𐴤𐴡𐴙𐴃𐴧𐴝 𐴀𐴥𐴡𐴘 𐴁𐴦𐴝𐴊𐴠 𐴘𐴥𐴡 𐴀𐴥𐴞𐴃𐴤𐴝𐴌𐴥𐴝𐴌 𐴇𐴥𐴝𐴓𐴡𐴃 𐴊𐴠𐴐𐴤𐴡𐴙𐴃𐴧𐴝 𐴀𐴡𐴙𐴕𐴧𐴡 𐴑𐴡𐴗𐴔𐴡𐴌 𐴋𐴦𐴡𐴙𐴓𐴧𐴝 𐴕𐴡𐴀𐴡 𐴱 𐴎𐴟𐴑𐴠 𐴎𐴟𐴑𐴠 𐴀𐴟𐴍𐴥𐴞 𐴀𐴝𐴘𐴧𐴥𐴠𐴊𐴠 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴌𐴟𐴇𐴝𐴙𐴚𐴒𐴙𐴝𐴌 𐴓𐴡𐴘 𐴊𐴟𐴐𐴔𐴡𐴕 𐴀𐴥𐴞𐴏𐴝𐴉𐴠 𐴁𐴡𐴌𐴃𐴝𐴖 𐴒𐴡𐴌𐴥𐴠 𐴱 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴁𐴡𐴌𐴔𐴥𐴝 𐴊𐴠𐴐𐴤𐴡𐴌 𐴁𐴤𐴟𐴃𐴤𐴡𐴌𐴠 𐴉𐴡𐴌𐴝𐴕𐴠 𐴁𐴝𐴏𐴞 𐴃𐴤𐴝𐴑𐴡𐴕𐴡𐴌 𐴁𐴝𐴁𐴡𐴃𐴠 𐴑𐴝𐴕𐴟𐴕 𐴁𐴝𐴕𐴝𐴘 𐴁𐴝𐴊𐴤𐴝 𐴊𐴞𐴀𐴞 𐴌𐴝𐴑𐴤𐴡𐴕𐴡𐴌 𐴎𐴡𐴌𐴞𐴘𐴝 𐴱 𐴀𐴠𐴑 𐴉𐴝𐴌𐴝𐴃𐴧𐴤𐴟 𐴀𐴡𐴙𐴕𐴧𐴡 𐴉𐴝𐴌𐴝𐴃 𐴎𐴝𐴘𐴁𐴝𐴌 𐴀𐴠𐴅𐴝𐴎𐴡𐴃 𐴱 𐴏𐴠𐴇𐴥𐴠𐴃𐴡𐴌 𐴔𐴟𐴃𐴦𐴝𐴓𐴧𐴠𐴑 𐴀𐴠𐴓𐴝𐴅 𐴒𐴡𐴌𐴥𐴞 𐴉𐴝𐴌𐴞𐴁𐴤𐴝𐴌 𐴀𐴠𐴅𐴝𐴎𐴡𐴃 𐴱 𐴖𐴡𐴌𐴡𐴌 𐴃𐴡𐴑𐴧𐴝𐴌 𐴉𐴡𐴕𐴧𐴥𐴝 𐴉𐴡𐴌𐴥𐴞 𐴉𐴝𐴌𐴞𐴁𐴤𐴝𐴌 𐴀𐴠𐴅𐴝𐴎𐴡𐴃 𐴱 𐴀𐴞𐴀𐴞𐴕 𐴑𐴠𐴙𐴏𐴧𐴥𐴟 𐴌𐴟𐴇𐴝𐴙𐴚𐴒𐴙𐴝𐴌 𐴓𐴧𐴥𐴝 𐴕𐴥𐴝𐴘 𐴱𐴱

𐴀𐴞𐴀𐴞𐴕 𐴁𐴦𐴝𐴊𐴠 𐴘𐴥𐴡 𐴀𐴡𐴙𐴕𐴧𐴡 𐴀𐴞𐴕𐴏𐴦𐴝𐴕𐴞 𐴇𐴥𐴡𐴑 𐴀𐴥𐴡𐴑𐴧𐴡𐴓 𐴁𐴠𐴒𐴧𐴤𐴞𐴕 𐴁𐴡𐴕 𐴒𐴡𐴌𐴥𐴞 𐴌𐴝𐴙𐴑𐴤𐴞 𐴁𐴦𐴝𐴊𐴠 𐴱 𐴒𐴤𐴡𐴌𐴡𐴃 𐴉𐴝𐴓𐴠𐴊𐴠 𐴱 𐴒𐴡𐴌𐴟 𐴔𐴟𐴙𐴆 𐴱 𐴏𐴥𐴡𐴀𐴡𐴓 𐴑𐴟𐴌𐴥𐴝 𐴱 𐴉𐴝𐴙𐴑 𐴉𐴡𐴐𐴤𐴟 𐴀𐴞𐴀𐴞𐴕𐴡𐴌 𐴀𐴥𐴟𐴊𐴧𐴤𐴝 𐴓𐴞𐴐𐴄𐴤𐴞 𐴇𐴥𐴡𐴑𐴟𐴔𐴡𐴃𐴡𐴌 𐴈𐴝𐴣𐴏𐴥𐴠 𐴎𐴡𐴔𐴝 𐴒𐴡𐴌𐴥𐴝 𐴉𐴡𐴌𐴠 𐴱 𐴃𐴦𐴝𐴑𐴤𐴠 𐴇𐴥𐴡𐴑𐴟𐴔𐴡𐴃𐴡𐴌 𐴃𐴧𐴤𐴟 𐴔𐴡𐴕𐴠 𐴈𐴡𐴀𐴡𐴊𐴠 𐴀𐴥𐴠𐴃𐴤𐴡𐴑𐴧𐴡𐴕𐴡𐴃 𐴈𐴝𐴌𐴥𐴞 𐴓𐴡𐴘 𐴉𐴥𐴠𐴓𐴥𐴝𐴘 𐴉𐴝𐴌𐴠 𐴉𐴥𐴝𐴀𐴝𐴕 𐴌𐴝𐴏𐴃𐴝 𐴁𐴝𐴕𐴝𐴘 𐴌𐴝𐴙𐴑𐴧𐴤𐴙𐴠 𐴱𐴱

𐴀𐴥𐴠𐴕𐴋𐴞𐴓𐴧𐴝 𐴕𐴡𐴑𐴐𐴤𐴡𐴌 𐴀𐴝𐴕𐴋𐴤𐴝𐴌𐴠 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴠 𐴁𐴡𐴌𐴔𐴥𐴝 𐴀𐴝𐴎𐴝𐴊 𐴀𐴥𐴡𐴘𐴧𐴠 𐴓𐴡𐴃𐴞 𐴀𐴝𐴙𐴅𐴧𐴙𐴝 𐴉𐴡𐴙𐴅𐴧𐴡𐴕𐴃𐴡 𐴓𐴝𐴒𐴝𐴃𐴝𐴌 𐴶 𐴷 𐴁𐴡𐴏𐴥𐴡𐴌 𐴱 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴥𐴠 𐴕𐴞𐴘𐴡𐴔𐴞 𐴃𐴡𐴖𐴌𐴠 𐴎𐴟𐴓𐴥𐴟𐴔 𐴒𐴡𐴌𐴥𐴞 𐴀𐴝𐴘𐴧𐴥𐴡𐴕𐴡𐴌 𐴎𐴡𐴌𐴞𐴘𐴝 𐴱 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌 𐴏𐴡𐴓𐴝𐴏𐴡𐴓 𐴀𐴝𐴌 𐴌𐴡𐴏𐴥𐴡𐴔 𐴌𐴡𐴖𐴝𐴅 𐴀𐴝𐴌 𐴕𐴟𐴖𐴝 𐴕𐴡𐴏𐴥𐴡𐴓𐴡𐴌 𐴀𐴞𐴕𐴏𐴦𐴝𐴕 𐴀𐴥𐴞𐴏𐴝𐴉𐴠 𐴃𐴤𐴝𐴑𐴝 𐴀𐴝𐴌 𐴏𐴡𐴓𐴝 𐴉𐴥𐴞𐴌𐴥𐴝𐴌 𐴕𐴞𐴘𐴡𐴔 𐴀𐴝𐴌 𐴃𐴡𐴌𐴃𐴞𐴁𐴢 𐴁𐴠𐴒𐴧𐴤𐴞𐴕 𐴁𐴡𐴌𐴔𐴥𐴝𐴌 𐴔𐴠𐴓𐴠𐴄𐴠𐴌𐴞 𐴘𐴠 𐴁𐴡𐴌𐴁𐴝𐴊 𐴒𐴡𐴌𐴥𐴞 𐴉𐴥𐴠𐴓𐴝𐴘𐴧𐴠 𐴱 𐴀𐴞𐴀𐴞𐴕 𐴁𐴠𐴒𐴧𐴤𐴞𐴕 𐴔𐴟𐴀𐴟𐴕𐴃𐴟 𐴌𐴝𐴑𐴤𐴞 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴠 𐴕𐴞𐴎𐴡𐴌 𐴔𐴟𐴀𐴟𐴔 𐴈𐴝𐴓𐴡𐴌 𐴁𐴝𐴁𐴡𐴃𐴠 𐴀𐴟𐴉𐴥𐴝𐴘 𐴕𐴦𐴠𐴓𐴝𐴘𐴁𐴤𐴡𐴓𐴧𐴝 𐴱 𐴉𐴟𐴌𐴝 𐴊𐴟𐴕𐴞𐴘𐴝𐴘𐴌 𐴈𐴝𐴣𐴏𐴥𐴠 𐴀𐴝𐴌𐴡𐴎 𐴒𐴡𐴌𐴥𐴠𐴌 𐴊𐴧𐴠 𐴎𐴝𐴕𐴝 𐴒𐴞𐴘𐴧𐴥𐴠 𐴱𐴱

Sources : ANP