𐴔𐴡𐴚𐴋𐴤𐴟𐴃 𐴓𐴝𐴌𐴥𐴝𐴘 𐴐𐴤𐴡𐴌𐴝 𐴌𐴞𐴉𐴟𐴎𐴞 𐴀𐴥𐴡𐴑𐴧𐴡𐴓𐴡𐴌𐴓𐴧𐴥𐴝 𐴊𐴝𐴁𐴝𐴘 𐴀𐴡𐴐𐴤𐴟𐴃 𐴔𐴡𐴊𐴡𐴃 𐴁𐴠𐴐𐴤𐴞 𐴊𐴡𐴌𐴈𐴝𐴌 𐴀𐴥𐴡𐴘𐴧𐴠 𐴱𐴱

𐴀𐴝𐴌𐴑𐴝𐴕 𐴱 𐴔𐴡𐴚𐴋𐴤𐴟 𐴑𐴡𐴁𐴎𐴝 𐴓𐴝𐴌𐴥𐴝𐴘𐴃 𐴰 𐴲 𐴇𐴥𐴝𐴎𐴝𐴌 𐴓𐴡𐴃𐴞 𐴌𐴟𐴇𐴝𐴙𐴚𐴒𐴙𐴝 𐴓𐴝𐴌𐴥𐴝𐴘 𐴐𐴤𐴡𐴌𐴥𐴝 𐴌𐴞𐴉𐴟𐴎𐴞 𐴀𐴥𐴡𐴘𐴧𐴠 𐴱 𐴓𐴡𐴒𐴠 𐴓𐴡𐴒𐴠 𐴉𐴝𐴕𐴥𐴞 𐴐𐴤𐴡𐴌𐴥𐴝 𐴌𐴞𐴉𐴟𐴎𐴞 𐴘𐴥𐴡 𐴀𐴥𐴡𐴘𐴧𐴠 𐴱 𐴉𐴝𐴕𐴥𐴞𐴁𐴝𐴕 𐴁𐴠𐴐𐴤𐴞 𐴋𐴡𐴣𐴀𐴡𐴌 𐴀𐴥𐴡𐴀𐴡𐴕𐴡𐴌 𐴎𐴡𐴌𐴞𐴘𐴝 𐴱 𐴈𐴥𐴝𐴘𐴁𐴡𐴓𐴧𐴥𐴝 𐴏𐴥𐴝𐴂𐴢 𐴉𐴝𐴕𐴥𐴞 𐴀𐴠𐴁𐴧𐴠𐴌𐴠 𐴘𐴥𐴡 𐴉𐴝𐴀𐴝 𐴕𐴡 𐴎𐴡𐴀𐴡𐴕𐴠 𐴱 𐴈𐴡𐴏𐴡𐴌𐴝 𐴉𐴝𐴕𐴥𐴞 𐴈𐴥𐴝𐴀𐴝 𐴉𐴡𐴌𐴡𐴕𐴡𐴌 𐴎𐴡𐴌𐴞𐴘𐴝 𐴁𐴦𐴠𐴐𐴢 𐴁𐴤𐴝𐴑 𐴔𐴝𐴙𐴕𐴐𐴤𐴡𐴌 𐴃𐴧𐴟 𐴑𐴡𐴓𐴡𐴌𐴥𐴝𐴌 𐴐𐴡𐴑𐴤𐴡𐴓𐴡𐴃 𐴉𐴠𐴄 𐴁𐴞𐴘𐴝𐴌𐴝𐴔 𐴀𐴥𐴡𐴀𐴡𐴕𐴡𐴌 𐴉𐴥𐴟𐴣𐴖𐴥𐴝𐴣𐴃𐴞 𐴱𐴱

𐴔𐴟𐴀𐴟𐴏𐴡𐴔𐴡𐴌 𐴈𐴥𐴡𐴌𐴝𐴁𐴞 𐴀𐴝𐴌 𐴈𐴥𐴝𐴕𐴥𐴝 𐴃𐴤𐴝𐴑𐴤𐴝𐴌 𐴈𐴥𐴡𐴌𐴝𐴁𐴞 𐴀𐴥𐴡𐴑𐴧𐴡𐴓𐴡𐴌 𐴎𐴡𐴌𐴞𐴘𐴝 𐴀𐴡𐴙𐴕𐴧𐴡 𐴁𐴡𐴀𐴡𐴃 𐴋𐴦𐴡𐴙𐴓𐴧𐴝 𐴁𐴞𐴘𐴝𐴌𐴝𐴔 𐴀𐴥𐴡𐴑𐴧𐴡𐴓 𐴀𐴥𐴡𐴘𐴧𐴠 𐴱 𐴉𐴠𐴄 𐴁𐴞𐴘𐴝𐴌𐴝𐴔 𐴓𐴡𐴘 𐴈𐴡𐴀𐴠𐴑 𐴊𐴞𐴕𐴡𐴌 𐴁𐴤𐴟𐴃𐴤𐴡𐴌𐴠 𐴉𐴝𐴣𐴏𐴢 𐴎𐴡𐴕 𐴓𐴡𐴃𐴞 𐴌𐴟𐴇𐴝𐴙𐴚𐴒𐴙𐴝 𐴔𐴡𐴌𐴞 𐴒𐴞𐴘𐴥𐴠 𐴒𐴤𐴡𐴘𐴊𐴠 𐴘𐴥𐴡 𐴎𐴝𐴕𐴝 𐴒𐴞𐴘𐴥𐴠 𐴱𐴱

𐴀𐴥𐴠𐴃𐴤𐴡𐴓𐴧𐴝 𐴔𐴡𐴚𐴋𐴤𐴟𐴌 𐴓𐴝𐴌𐴥𐴝𐴘 𐴐𐴤𐴡𐴌𐴝 𐴀𐴝𐴌 𐴉𐴝𐴕𐴥𐴞 𐴐𐴤𐴡𐴌𐴝 𐴌𐴞𐴉𐴟𐴎𐴞 𐴀𐴥𐴡𐴑𐴧𐴡𐴓𐴡𐴌𐴓𐴧𐴝 𐴁𐴠𐴐𐴤𐴞 𐴎𐴡𐴌𐴟𐴌𐴞 𐴀𐴝𐴁𐴡𐴏𐴃𐴤𐴝𐴃 𐴊𐴝𐴁𐴝𐴘 𐴀𐴡𐴐𐴤𐴟𐴃 𐴊𐴡𐴌𐴈𐴝𐴌 𐴀𐴥𐴡𐴘𐴧𐴠 𐴁𐴡𐴓𐴞 𐴈𐴡𐴘𐴧𐴥𐴠𐴊𐴠 𐴎𐴝𐴕𐴝 𐴒𐴞𐴘𐴥𐴠 𐴱 𐴘𐴥𐴝𐴀𐴝𐴌 𐴁𐴦𐴝𐴊𐴠 𐴒𐴤𐴡𐴌 𐴈𐴝𐴛𐴏𐴧𐴙𐴝 𐴊𐴠𐴐𐴢 𐴀𐴥𐴡𐴑𐴧𐴡𐴓 𐴱 𐴊𐴠𐴐𐴢 𐴁𐴝𐴀𐴝𐴌𐴝 𐴃𐴡𐴕𐴎𐴞𐴔 𐴀𐴥𐴡𐴑𐴧𐴡𐴓 𐴀𐴝𐴌 𐴏𐴟𐴐𐴠𐴓 𐴐𐴤𐴡𐴔𐴝𐴎 𐴀𐴥𐴡𐴑𐴧𐴡𐴓 𐴀𐴥𐴞𐴏𐴝𐴉𐴠 𐴊𐴝𐴁𐴝𐴘 𐴀𐴡𐴐𐴤𐴟𐴃𐴡𐴌 𐴏𐴥𐴝𐴀𐴝𐴌𐴝 𐴊𐴞𐴀𐴞𐴁𐴡𐴓𐴧𐴥𐴝 𐴀𐴝𐴌 𐴔𐴡𐴊𐴡𐴃 𐴒𐴡𐴌𐴥𐴞𐴁𐴤𐴡𐴓𐴧𐴝 𐴈𐴡𐴘𐴧𐴥𐴠𐴊𐴠 𐴎𐴝𐴕𐴝 𐴒𐴞𐴘𐴥𐴠 𐴱𐴱

𐴀𐴝𐴌 𐴀𐴠𐴑 𐴋𐴤𐴝𐴑𐴤𐴡𐴌 𐴃𐴧𐴟 𐴔𐴡𐴒𐴢 𐴁𐴝𐴒𐴞 𐴀𐴥𐴡𐴑𐴧𐴡𐴓𐴠 𐴓𐴝𐴌𐴥𐴝𐴘𐴃𐴧𐴟 𐴁𐴝𐴏𐴝𐴘 𐴁𐴤𐴡𐴓𐴧𐴝 𐴁𐴡𐴓𐴞 𐴈𐴡𐴀𐴡𐴘 𐴱 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴥𐴠 𐴕𐴞𐴎𐴡𐴌 𐴒𐴤𐴡𐴌𐴡𐴃𐴧𐴟𐴕 𐴕𐴦𐴠𐴓𐴝𐴘 𐴓𐴡𐴘 𐴎𐴝𐴘 𐴈𐴥𐴝𐴕𐴥𐴝 𐴉𐴝𐴕𐴥𐴞 𐴀𐴝𐴌 𐴃𐴤𐴝𐴑𐴤𐴝𐴌 𐴈𐴡𐴕𐴥𐴡 𐴑𐴞𐴏𐴥𐴞𐴔𐴧𐴝 𐴐𐴤𐴟𐴎𐴟𐴑 𐴐𐴤𐴟𐴘𐴊𐴝 𐴕𐴥𐴝𐴘𐴊𐴠 𐴀𐴥𐴠𐴕𐴋𐴞𐴓𐴧𐴝 𐴎𐴝𐴒𐴝 𐴀𐴥𐴡𐴑𐴧𐴡𐴓𐴡𐴃 𐴉𐴥𐴠𐴓𐴝𐴘 𐴌𐴝𐴑𐴤𐴞 𐴁𐴦𐴝𐴊𐴠 𐴱 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌 𐴒𐴤𐴡𐴌𐴡𐴃𐴧𐴟 𐴉𐴠𐴄𐴞 𐴔𐴡𐴒𐴢 𐴀𐴝𐴌 𐴔𐴡𐴒𐴢 𐴁𐴝𐴒𐴞 𐴀𐴥𐴡𐴑𐴧𐴡𐴓𐴠 𐴓𐴟𐴍𐴡𐴌 𐴔𐴝𐴓 𐴉𐴝𐴘𐴧𐴥𐴠 𐴉𐴥𐴝𐴀𐴝𐴕 𐴒𐴡𐴌𐴥𐴞 𐴓𐴡𐴘 𐴎𐴝𐴀𐴝𐴌 𐴒𐴤𐴡𐴘 𐴱 𐴎𐴞𐴀𐴞𐴕 𐴉𐴡𐴄𐴤𐴟𐴃 𐴔𐴝𐴎𐴤𐴠 𐴊𐴠𐴈𐴥𐴝 𐴎𐴝𐴀𐴝𐴌 𐴱𐴱

Sources : RFA burmese