𐴀𐴥𐴠𐴌𐴝𐴖𐴡𐴋𐴧𐴞 𐴋𐴞𐴐𐴄𐴤𐴞𐴑𐴡𐴃 𐴏𐴥𐴡 𐴔𐴝𐴐𐴤𐴡𐴌 𐴁𐴤𐴟𐴃𐴤𐴡𐴌𐴠 𐴉𐴟𐴖𐴝𐴙𐴕 𐴐𐴤𐴡𐴣𐴀𐴡 𐴰 𐴵 𐴳 𐴎𐴡𐴕𐴡𐴌 𐴁𐴦𐴠𐴐𐴢 𐴌𐴟𐴇𐴝𐴙𐴚𐴒𐴙𐴝 𐴁𐴡𐴕 𐴀𐴥𐴡𐴘𐴧𐴧𐴠 𐴱𐴱

𐴀𐴥𐴠𐴌𐴝𐴖𐴡𐴋𐴧𐴞 𐴋𐴞𐴐𐴄𐴤𐴞𐴑𐴡𐴃 𐴒𐴡𐴃𐴡 𐴏𐴥𐴡 𐴔𐴝𐴐𐴤𐴡𐴌 𐴁𐴤𐴟𐴃𐴤𐴡𐴌𐴠 𐴉𐴟𐴖𐴝𐴙𐴕 𐴐𐴤𐴡𐴣𐴀𐴡 𐴰 𐴵 𐴳 𐴎𐴡𐴕𐴡𐴌 𐴁𐴦𐴠𐴐𐴢 𐴌𐴟𐴇𐴝𐴙𐴚𐴒𐴙𐴝 𐴱 𐴔𐴠𐴓𐴠𐴄𐴠𐴌𐴞 𐴀𐴝𐴌 𐴉𐴟𐴓𐴞𐴐𐴡𐴌 𐴇𐴥𐴝𐴃𐴡𐴃 𐴁𐴡𐴕 𐴀𐴥𐴡𐴘𐴧𐴠 𐴁𐴡𐴓𐴞 𐴱 𐴔𐴠𐴓𐴠𐴄𐴠𐴟𐴌𐴞 𐴑𐴡𐴗𐴕𐴏𐴞𐴌 𐴈𐴝𐴣𐴏𐴥𐴡𐴌 𐴔𐴝𐴕𐴥𐴟𐴙𐴐𐴢 𐴀𐴠𐴑 𐴎𐴡𐴕𐴡𐴌 𐴃𐴟𐴌𐴥𐴟 𐴎𐴝𐴕𐴝 𐴒𐴞𐴘𐴠 𐴱𐴱

𐴀𐴠 𐴁𐴡𐴏𐴥𐴡𐴌 𐴅𐴝𐴕𐴖𐴝𐴌𐴞 𐴔𐴝𐴐𐴢 𐴀𐴥𐴡𐴘𐴃𐴠 𐴅𐴟𐴕 𐴔𐴝𐴐𐴤𐴡𐴌 𐴰 𐴳 𐴃𐴝𐴌𐴥𐴞𐴑 𐴓𐴡𐴃𐴞 𐴏𐴥𐴡 𐴔𐴝𐴐𐴤𐴡𐴌 𐴁𐴤𐴟𐴃𐴤𐴡𐴌𐴠 𐴱 𐴉𐴥𐴟𐴖𐴥𐴝𐴕𐴝𐴌 𐴌𐴝𐴏𐴧𐴝 𐴀𐴝𐴌 𐴉𐴝𐴕𐴥𐴞𐴌 𐴌𐴝𐴏𐴧𐴝 𐴁𐴝𐴀𐴝𐴘 𐴀𐴥𐴠𐴌𐴝𐴖𐴡𐴋𐴧𐴞 𐴋𐴞𐴐𐴄𐴤𐴞𐴑𐴡𐴃 𐴒𐴤𐴡𐴓𐴠𐴌 𐴒𐴤𐴝𐴘𐴊𐴠 𐴱 𐴌𐴟𐴇𐴝𐴙𐴚𐴒𐴙𐴝 𐴁𐴠𐴍𐴝𐴀𐴝𐴙𐴕 𐴱 𐴰 𐴲 𐴎𐴡𐴕 𐴀𐴝𐴌 𐴁𐴠𐴍𐴞𐴀𐴝𐴙𐴕 𐴶 𐴰 𐴱 𐴎𐴡𐴕 𐴀𐴝𐴌 𐴸 𐴱 𐴁𐴡𐴏𐴥𐴡𐴌𐴡𐴌 𐴈𐴡𐴔 𐴁𐴡𐴐𐴢 𐴀𐴡𐴓𐴝 𐴉𐴟𐴖𐴝𐴙𐴕 𐴹 𐴴 𐴎𐴡𐴕 𐴔𐴟𐴄𐴢 𐴶 𐴵 𐴳 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴁𐴡𐴕 𐴀𐴥𐴡𐴘𐴧𐴠 𐴁𐴡𐴓𐴞 𐴈𐴡𐴘𐴧𐴠 𐴱𐴱

𐴀𐴥𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴟𐴀𐴟𐴕𐴡𐴌𐴥𐴠 𐴱 𐴔𐴠𐴌𐴠𐴕 𐴀𐴡𐴗𐴚 𐴱 𐴀𐴥𐴞𐴔 𐴔𐴥𐴠 𐴱 𐴏𐴝 𐴂𐴥𐴡𐴚 𐴐𐴤𐴡𐴀𐴡𐴌 𐴀𐴠𐴓𐴝𐴑𐴝 𐴱 𐴖𐴥𐴝 𐴑𐴠 𐴔𐴥𐴝 𐴐𐴤𐴡𐴀𐴡𐴌 𐴀𐴠𐴓𐴝𐴑𐴝 𐴱 𐴐𐴗𐴠 𐴏𐴡𐴚 𐴘𐴠𐴕 𐴐𐴤𐴡𐴀𐴡𐴌 𐴱 𐴑𐴠𐴌𐴠𐴕 𐴑𐴤𐴝𐴚 𐴐𐴤𐴡𐴀𐴡𐴌 𐴀𐴠𐴓𐴝𐴑𐴝 𐴱 𐴁𐴟 𐴑𐴠𐴓𐴥𐴠 𐴱 𐴚𐴥𐴝 𐴏𐴥𐴝𐴙𐴚 𐴆𐴤𐴙𐴚 𐴱 𐴇𐴝𐴚 𐴏𐴝𐴋𐴝 𐴱 𐴇𐴥𐴝𐴙𐴚 𐴒𐴞𐴌𐴥𐴞 𐴋𐴞𐴘𐴝 𐴱 𐴎𐴝𐴒𐴝 𐴀𐴞𐴀𐴞𐴕𐴡𐴌𐴃𐴧𐴟 𐴔𐴠𐴓𐴠𐴄𐴠𐴌𐴞 𐴑𐴡𐴗𐴕𐴏𐴞 𐴀𐴝𐴌 𐴉𐴟𐴓𐴞𐴐𐴠 𐴁𐴡𐴕 𐴒𐴡𐴙𐴅𐴧𐴤𐴙𐴠𐴊𐴠 𐴁𐴡𐴓𐴞 𐴘𐴥𐴡 𐴈𐴡𐴘𐴧𐴥𐴠𐴊𐴠 𐴎𐴝𐴕𐴝 𐴒𐴞𐴘𐴥𐴠 𐴱𐴱

𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴡𐴓𐴡𐴌𐴠 𐴔𐴡𐴊𐴡𐴃𐴢 𐴒𐴡𐴌𐴥𐴠𐴊𐴠 𐴔𐴝𐴕𐴥𐴟𐴙𐴐𐴢 𐴀𐴠𐴑 𐴎𐴡𐴕𐴠 𐴈𐴡𐴘𐴧𐴥𐴠𐴊𐴠 𐴱 𐴔𐴠𐴓𐴠𐴄𐴠𐴌𐴞 𐴑𐴡𐴗𐴕𐴏𐴞𐴌 𐴇𐴥𐴝𐴃𐴡𐴃 𐴁𐴡𐴕 𐴈𐴥𐴝𐴘𐴧𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴥𐴠 𐴱 𐴀𐴞𐴔𐴞𐴒𐴞𐴌𐴞𐴐𐴤𐴠𐴕𐴡𐴌 𐴑𐴝𐴕𐴟𐴕𐴡𐴌 𐴊𐴤𐴝𐴌𐴝 𐴓𐴡𐴘 𐴔𐴦𐴡𐴊𐴧𐴔𐴝 𐴑𐴤𐴟𐴓𐴥𐴠 𐴎𐴞𐴘𐴡𐴓𐴥𐴡𐴌 𐴇𐴥𐴡𐴑𐴟𐴔 𐴒𐴡𐴌𐴥𐴞 𐴎𐴞𐴘𐴡𐴓𐴥𐴡𐴃 𐴉𐴥𐴠𐴓𐴥𐴝𐴘𐴢 𐴌𐴝𐴙𐴑𐴧𐴤𐴠𐴊𐴠 𐴀𐴥𐴠𐴕𐴋𐴞𐴓𐴧𐴝 𐴱 𐴈𐴡𐴕𐴥𐴡 𐴑𐴞𐴏𐴥𐴞𐴔𐴧𐴝 𐴊𐴤𐴝𐴌𐴝 𐴓𐴡𐴘 𐴔𐴦𐴡𐴊𐴧𐴞𐴔𐴝 𐴕𐴡 𐴑𐴤𐴟𐴓𐴥𐴞 𐴀𐴥𐴠𐴣𐴃𐴤𐴠 𐴎𐴞𐴘𐴡𐴓𐴥𐴡𐴃 𐴉𐴥𐴠𐴓𐴥𐴝𐴘𐴢 𐴌𐴝𐴙𐴑𐴧𐴤𐴙𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴀𐴥𐴡 𐴀𐴝𐴏𐴥𐴠 𐴁𐴡𐴓𐴞 𐴈𐴡𐴘𐴧𐴠 𐴊𐴠 𐴎𐴝𐴕𐴝 𐴒𐴞𐴘𐴥𐴠 𐴱𐴱

𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴔𐴡𐴏𐴥𐴡𐴙𐴃𐴡𐴃 𐴕𐴟𐴖𐴥𐴝𐴏𐴢 𐴉𐴡𐴌𐴥𐴠𐴌𐴊𐴧𐴠 𐴀𐴡𐴑𐴃𐴤𐴡𐴃 𐴔𐴡𐴒𐴢 𐴁𐴝𐴒𐴞 𐴘𐴠 𐴏𐴝𐴀𐴝𐴘 𐴏𐴞𐴃𐴞 𐴋𐴡𐴌𐴟𐴕 𐴓𐴡𐴘 𐴁𐴟𐴔 𐴔𐴝𐴙𐴅𐴧𐴤𐴙𐴠 𐴱𐴱

𐴀𐴝𐴌𐴑𐴝𐴕 𐴱 𐴔𐴡𐴚𐴋𐴤𐴟𐴌 𐴔𐴡𐴚𐴕𐴞 𐴉𐴝𐴌𐴝𐴌 𐴈𐴡𐴁𐴡𐴌𐴡𐴏𐴃𐴤𐴝𐴕𐴡𐴌 𐴔𐴡𐴏𐴥𐴡𐴙𐴃 𐴱 𐴑𐴝 𐴛𐴝𐴚 𐴋𐴤𐴠𐴕 𐴉𐴡𐴏𐴥𐴞𐴔 𐴉𐴝𐴌𐴝𐴌 𐴔𐴡𐴏𐴥𐴡𐴙𐴃 𐴱 𐴀𐴝𐴌 𐴔𐴡𐴚𐴕𐴞 𐴉𐴝𐴌𐴝𐴌 𐴓𐴝𐴔𐴝𐴌 𐴉𐴝𐴌𐴝𐴌 𐴔𐴡𐴏𐴥𐴡𐴙𐴃 𐴱 𐴔𐴡𐴏𐴥𐴡𐴙𐴃 𐴀𐴞𐴀𐴞𐴕𐴡𐴃 𐴔𐴝𐴎𐴤𐴠 𐴱 𐴅𐴟𐴓𐴝𐴘 𐴔𐴝𐴐𐴤𐴡𐴌 𐴶 𐴲 𐴃𐴝𐴌𐴥𐴞𐴑 𐴐𐴤𐴟𐴑𐴧𐴟𐴌 𐴁𐴝𐴌𐴠 𐴌𐴟𐴇𐴝𐴙𐴚𐴒𐴙𐴝 𐴔𐴟𐴏𐴥𐴡𐴓𐴔𐴝𐴕 𐴀𐴥𐴡𐴑𐴧𐴡𐴓𐴠 𐴱 𐴊𐴞𐴕𐴡𐴌 𐴲 𐴁𐴝𐴎𐴠 𐴅𐴟𐴔𐴥𐴝𐴌 𐴕𐴟𐴖𐴥𐴝𐴏𐴢 𐴉𐴡𐴌𐴥𐴠𐴌 𐴊𐴧𐴠 𐴀𐴡𐴑𐴃𐴤𐴡𐴃 𐴱 𐴔𐴡𐴒𐴢 𐴁𐴝𐴒𐴞 𐴘𐴠 𐴏𐴝𐴀𐴝𐴘 𐴏𐴞𐴃𐴞 𐴋𐴡𐴌𐴟𐴕 𐴓𐴡𐴘 𐴶 𐴖𐴥𐴝 𐴁𐴟𐴔 𐴔𐴝𐴌𐴡𐴕𐴡𐴌 𐴎𐴡𐴌𐴞𐴘𐴝 𐴁𐴠𐴈𐴡𐴏𐴥𐴟𐴌 𐴵 𐴱 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴊𐴡𐴌 𐴁𐴝𐴀𐴝𐴌𐴠 𐴎𐴡𐴈𐴥𐴡𐴔 𐴉𐴝𐴘𐴧𐴥𐴠𐴊𐴠 𐴎𐴝𐴕𐴝 𐴒𐴞𐴘𐴥𐴠 𐴱 𐴀𐴥𐴟𐴀𐴟𐴕𐴡𐴌 𐴁𐴤𐴟𐴃𐴤𐴡𐴌𐴃𐴟 𐴈𐴡𐴊𐴦𐴟𐴕𐴡𐴌 𐴇𐴥𐴝𐴓𐴡𐴃 𐴁𐴠𐴐𐴤𐴞 𐴈𐴥𐴡𐴌𐴝𐴁 𐴁𐴡𐴓𐴞 𐴘𐴥𐴡 𐴈𐴡𐴘𐴧𐴥𐴠𐴊𐴠 𐴎𐴝𐴕𐴝 𐴒𐴞𐴘𐴥𐴠 𐴱𐴱

Sources : Burmese.DVB