𐴀𐴝𐴃𐴡𐴚𐴁𐴝𐴊𐴞 𐴔𐴡𐴒𐴢 𐴁𐴝𐴒𐴞 𐴀𐴥𐴡𐴑𐴧𐴡𐴓𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌 𐴉𐴝𐴌𐴝 𐴉𐴟𐴌𐴝 𐴊𐴠𐴀𐴠𐴌 𐴱𐴱

𐴀𐴝𐴌𐴑𐴝𐴕 𐴔𐴡𐴚𐴋𐴤𐴟𐴃 𐴀𐴝𐴃𐴡𐴚𐴁𐴝𐴊𐴞 𐴔𐴡𐴒𐴢 𐴁𐴝𐴒𐴞 𐴀𐴥𐴡𐴑𐴧𐴡𐴓𐴠 , 𐴌𐴟𐴇𐴝𐴙𐴚𐴒𐴙𐴝𐴌 𐴕𐴡𐴏𐴥𐴡𐴓 𐴈𐴥𐴡𐴃𐴡𐴔 𐴒𐴡𐴌𐴥𐴝 𐴑𐴝𐴌𐴖𐴝𐴘 𐴀𐴥𐴞𐴏𐴝𐴉𐴠 , 𐴋𐴡𐴣𐴀𐴡𐴌 𐴀𐴥𐴝𐴣𐴃𐴞𐴘𐴝𐴌 𐴀𐴥𐴡𐴑𐴧𐴡𐴓 𐴔𐴝𐴌𐴞 𐴀𐴝𐴌 𐴋𐴡𐴌𐴟𐴕 𐴓𐴡𐴘 𐴁𐴟𐴔 𐴀𐴥𐴡𐴑𐴧𐴡𐴓 𐴔𐴝𐴌𐴞 𐴉𐴡𐴙𐴃𐴧𐴡 𐴊𐴞𐴕 , 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴥𐴠 𐴐𐴤𐴡𐴇𐴞𐴊 𐴀𐴝𐴌 𐴒𐴤𐴝𐴙𐴓 𐴒𐴡𐴌𐴥𐴝𐴃 𐴀𐴝𐴏𐴥𐴠𐴊𐴠 𐴀𐴥𐴞𐴀𐴞𐴕 𐴁𐴦𐴝𐴊𐴠 , 𐴔𐴡𐴚𐴋𐴤𐴟 𐴀𐴠𐴓𐴝𐴑𐴝𐴃 𐴅𐴟𐴓𐴝𐴘 𐴔𐴝𐴐𐴤𐴡𐴌 𐴴 𐴱 𐴃𐴝𐴌𐴥𐴞𐴑𐴡𐴃 𐴓𐴡𐴒𐴢 𐴁𐴤𐴡𐴒𐴢 𐴰 𐴳 : 𐴵 𐴀𐴥𐴝𐴌𐴡 𐴉𐴝𐴣𐴏𐴢 𐴁𐴝𐴎𐴠 , 𐴒𐴤𐴟𐴕𐴝 𐴉𐴝𐴌𐴝 , 𐴈𐴝𐴘𐴧𐴡𐴚 𐴈𐴥𐴝𐴓𐴞 ,𐴑𐴞𐴛𐴧𐴥𐴟𐴌 𐴉𐴝𐴌𐴝 ,𐴒𐴡𐴙𐴕𐴧𐴝 𐴉𐴝𐴌𐴝 𐴀𐴝𐴌 𐴐𐴗𐴠 𐴎𐴤𐴝𐴌 𐴊𐴡𐴓𐴞𐴘𐴝 𐴉𐴝𐴌𐴝 , 𐴀𐴞𐴀𐴞𐴕 𐴁𐴠𐴒𐴧𐴤𐴞𐴕𐴡𐴃 𐴀𐴦𐴡𐴙𐴕 𐴊𐴤𐴡𐴌𐴝𐴘 𐴊𐴞𐴀𐴞 𐴉𐴥𐴠𐴓𐴥𐴝𐴘𐴧𐴠 𐴊𐴠 𐴈𐴥𐴡𐴁𐴡𐴌 𐴔𐴡𐴎𐴞𐴕 𐴎𐴝𐴕𐴝 𐴒𐴞𐴘𐴥𐴠 𐴱𐴱

𐴈𐴥𐴡𐴁𐴡𐴌 𐴔𐴡𐴎𐴞𐴕 𐴀𐴞𐴘𐴝𐴌 𐴊𐴟𐴘 𐴊𐴞𐴕 𐴀𐴝𐴒𐴠 𐴔𐴡𐴒𐴢 𐴁𐴝𐴒𐴞 𐴀𐴥𐴡𐴑𐴧𐴡𐴓𐴠 𐴉𐴝𐴌𐴝 𐴀𐴞𐴀𐴞𐴕𐴡 𐴃𐴧𐴤𐴟 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴥𐴠 𐴕𐴦𐴠𐴓𐴞 𐴎𐴝𐴘𐴁𐴡 𐴒𐴤𐴡𐴙𐴓𐴧𐴝 𐴈𐴡𐴀𐴡𐴙𐴓 𐴁𐴡𐴓𐴞 𐴎𐴝𐴕𐴝 𐴒𐴞𐴘𐴥𐴠 , 𐴁𐴦𐴝𐴊𐴠 𐴑𐴠𐴙𐴏𐴧𐴥𐴟 𐴔𐴝𐴕𐴥𐴟𐴙𐴐𐴢 𐴉𐴝𐴌𐴝 𐴏𐴥𐴝𐴌𐴥𐴞 𐴒𐴞𐴘𐴥𐴡𐴘 𐴀𐴝𐴌 𐴑𐴠𐴙𐴏𐴧𐴥𐴟 𐴃𐴤𐴝𐴑𐴧𐴤𐴞𐴀𐴞𐴓 𐴊𐴠 𐴀𐴥𐴟𐴀𐴟𐴕𐴡𐴌𐴥𐴠 𐴘𐴥𐴡 𐴉𐴝𐴌𐴝 𐴎𐴝𐴓𐴞 𐴊𐴞𐴀𐴞 𐴁𐴦𐴝𐴊𐴠 𐴕𐴦𐴠𐴓𐴝𐴘 𐴊𐴞𐴀𐴞 𐴉𐴥𐴠𐴓𐴥𐴝𐴘𐴧𐴠𐴊𐴠 𐴁𐴡𐴓𐴞 𐴎𐴝𐴕𐴝 𐴒𐴞𐴘𐴥𐴠 𐴱𐴱

𐴅𐴟𐴓𐴝𐴘 𐴔𐴝𐴐𐴤𐴡𐴌 𐴴 𐴱 𐴃𐴝𐴌𐴥𐴞𐴑𐴡𐴃 𐴔𐴡𐴒𐴢 𐴁𐴝𐴒𐴞 𐴘𐴠 𐴔𐴝𐴙𐴅𐴧𐴤𐴙𐴠𐴊𐴠 𐴋𐴡𐴣𐴀𐴡𐴌 𐴀𐴥𐴝𐴣𐴃𐴞𐴘𐴝𐴌 𐴀𐴟𐴒𐴧𐴤𐴗𐴝 𐴐𐴗𐴠 𐴎𐴤𐴝 𐴉𐴝𐴌𐴝𐴃 𐴉𐴡𐴌𐴞 𐴉𐴥𐴟𐴍𐴞𐴘𐴡𐴌𐴥𐴠 / 𐴎𐴡𐴑𐴡𐴌𐴞𐴘𐴝 𐴁𐴝𐴉𐴢 𐴑𐴝𐴏𐴥𐴞𐴔 𐴁𐴡𐴐𐴢 𐴵 𐴵 𐴁𐴡𐴏𐴥𐴡𐴌 , 𐴀𐴞𐴁𐴤𐴝 𐴁𐴠𐴐𐴤𐴞 𐴒𐴤𐴝𐴙𐴓 𐴀𐴥𐴡𐴘𐴧𐴠 𐴀𐴝𐴌 𐴀𐴠𐴓𐴝𐴅𐴡𐴌 𐴈𐴡𐴕𐴥𐴡 𐴑𐴞𐴏𐴥𐴞𐴔𐴡𐴌 𐴏𐴦𐴟𐴌𐴡𐴃 𐴌𐴝𐴏𐴧𐴝 𐴕𐴥𐴝𐴘𐴊𐴠 𐴀𐴥𐴠𐴃𐴡𐴓𐴧𐴝 𐴒𐴤𐴡𐴌𐴒𐴟𐴐𐴧𐴞 𐴁𐴠𐴐𐴤𐴞 𐴏𐴞𐴕𐴃𐴝𐴃 𐴊𐴠 𐴘𐴥𐴝𐴀𐴝𐴕 𐴎𐴝𐴕𐴝 𐴒𐴞𐴘𐴥𐴠 𐴱𐴱

𐴀𐴝𐴌𐴑𐴝𐴕𐴡𐴌 𐴄𐴡𐴀𐴡𐴕 𐴏𐴠𐴕𐴋𐴤𐴘𐴠 𐴀𐴝𐴌 𐴔𐴡𐴚𐴋𐴤𐴟𐴃 𐴔𐴠𐴓𐴠𐴄𐴠𐴌𐴞 𐴑𐴡𐴗𐴕𐴏𐴞 𐴘𐴠 𐴀𐴠𐴌𐴞 𐴊𐴞𐴀𐴞 𐴒𐴞𐴘𐴧𐴡𐴥𐴘𐴊𐴠 𐴒𐴤𐴝𐴣𐴄𐴞 𐴀𐴥𐴡𐴑𐴧𐴡𐴓𐴡𐴌 𐴀𐴝𐴃𐴠 𐴈𐴝𐴣𐴏𐴥𐴡𐴌 𐴎𐴝𐴒𐴝 𐴀𐴥𐴡𐴑𐴧𐴡𐴓𐴡𐴃𐴢 𐴔𐴝𐴀𐴝𐴙𐴕 𐴁𐴟𐴔 𐴉𐴥𐴟𐴍𐴞𐴁𐴤𐴝𐴌 𐴔𐴡𐴏𐴞𐴁𐴡𐴃𐴢 𐴊𐴠𐴑𐴤𐴡𐴕𐴡𐴌 𐴎𐴡𐴌𐴞𐴘𐴝 𐴀𐴝𐴀𐴝 𐴎𐴝𐴀𐴝 𐴀𐴝𐴌 𐴓𐴡𐴌𐴝 𐴏𐴡𐴌𐴝 𐴕𐴡 𐴒𐴡𐴌𐴥𐴞 𐴁𐴤𐴡𐴓𐴧𐴝 𐴅𐴟𐴓𐴝𐴘 𐴔𐴝𐴐𐴤𐴡𐴌 𐴱𐴳 𐴃𐴝𐴌𐴥𐴞𐴑𐴡𐴃 𐴇𐴥𐴟𐴣𐴐𐴞𐴘𐴝𐴌𐴞 𐴊𐴞𐴘𐴥𐴠𐴊𐴠 𐴎𐴝𐴕𐴝 𐴒𐴞𐴘𐴥𐴠 ,
𐴓𐴝𐴌𐴥𐴝𐴘 𐴏𐴡𐴑𐴃𐴤𐴡 𐴀𐴥𐴡𐴘 𐴏𐴠𐴕𐴋𐴤𐴗𐴥𐴠 𐴀𐴝𐴌 𐴔𐴡𐴚𐴋𐴤𐴟 𐴓𐴝𐴌𐴥𐴝𐴘𐴌 𐴔𐴡𐴘𐴊𐴝𐴕 𐴁𐴡𐴕𐴞 𐴄𐴡𐴀𐴡𐴕 𐴀𐴥𐴡𐴑𐴧𐴡𐴓𐴡𐴃𐴢 𐴒𐴤𐴡𐴓𐴞 𐴉𐴝𐴌𐴠𐴊𐴠 𐴎𐴝𐴒𐴝 𐴀𐴥𐴡𐴑𐴧𐴡𐴓𐴡𐴃𐴢 𐴉𐴟𐴓𐴢 𐴀𐴥𐴡𐴑𐴧𐴡𐴓𐴡𐴃𐴢 𐴀𐴝𐴌 𐴔𐴠𐴓𐴠𐴄𐴠𐴌𐴞 𐴘𐴠 𐴀𐴠𐴌𐴞 𐴊𐴞𐴀𐴞 𐴒𐴞𐴘𐴧𐴡𐴥𐴘𐴊𐴠 𐴎𐴝𐴒𐴝 𐴀𐴥𐴡𐴑𐴧𐴡𐴓𐴡𐴃𐴢 𐴔𐴝𐴀𐴝𐴙𐴕 𐴁𐴟𐴔 𐴁𐴟𐴖𐴥𐴝𐴘 𐴌𐴝𐴙𐴑𐴧𐴙𐴠𐴤 𐴁𐴡𐴓𐴞 𐴔𐴡𐴒𐴢 𐴁𐴝𐴒𐴞 𐴘𐴥𐴠 𐴈𐴡𐴘𐴧𐴠𐴥.𐴊𐴠 𐴎𐴝𐴕𐴝 𐴒𐴞𐴘𐴥𐴠 𐴱𐴱