𐴑𐴠𐴀𐴠𐴔𐴡𐴃 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴥𐴠 𐴁𐴠𐴐𐴤𐴞 𐴏𐴡𐴑𐴃𐴤𐴡 𐴁𐴞𐴘𐴝𐴌𐴝𐴔𐴠 𐴉𐴝𐴘𐴧𐴥𐴠 𐴁𐴡𐴓𐴞 𐴈𐴡𐴘𐴧𐴠 ( 𐴀𐴠𐴔 𐴀𐴠𐴉𐴢 𐴀𐴠𐴉𐴢 )

𐴁𐴝𐴚𐴓𐴝𐴊𐴠𐴐𐴢 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 , 𐴇𐴠𐴂𐴝𐴄𐴝𐴘𐴄𐴤𐴠𐴏𐴢 𐴏𐴞 𐴁𐴞𐴘𐴝𐴌𐴝𐴔𐴡𐴌 𐴊𐴝𐴁𐴝𐴘 𐴕𐴝 𐴑𐴝𐴉𐴥𐴞 , 𐴀𐴠𐴕𐴋𐴞𐴓𐴧𐴝 𐴈𐴥𐴡𐴃𐴤𐴡𐴌 𐴕𐴝𐴑 𐴁𐴞𐴘𐴝𐴌𐴝𐴔 𐴉𐴝𐴀𐴝 𐴎𐴡𐴀𐴡𐴕𐴡𐴌 𐴁𐴦𐴝𐴊𐴠 𐴘𐴥𐴡 𐴁𐴦𐴠𐴐𐴢 𐴁𐴤𐴝𐴒𐴢 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴃𐴧𐴟 , 𐴁𐴞𐴘𐴝𐴌𐴝𐴔 𐴘𐴝𐴀𐴝𐴕 𐴉𐴥𐴡𐴘𐴓𐴝𐴘 𐴎𐴝𐴀𐴝𐴌 𐴒𐴤𐴡𐴘 𐴊𐴠 𐴘𐴥𐴝𐴀𐴝𐴕𐴡𐴃𐴧𐴟 𐴊𐴝𐴁𐴝𐴘 𐴒𐴡𐴌𐴥𐴞 𐴌𐴟𐴑𐴤𐴞 𐴉𐴝𐴌𐴝 𐴕𐴡 𐴎𐴝𐴀𐴝𐴌 𐴁𐴡𐴓𐴞 𐴈𐴡𐴘𐴧𐴠𐴊𐴠 , 𐴀𐴠𐴔 𐴀𐴠𐴉𐴢 𐴀𐴠𐴉𐴥𐴡𐴌 𐴌𐴠𐴂𐴟𐴄 𐴔𐴡𐴎𐴞𐴕 𐴎𐴝𐴕𐴝 𐴒𐴞𐴘𐴥𐴠 , 𐴔𐴠𐴋𐴞𐴏𐴠𐴕 𐴏𐴥𐴝𐴕𐴏𐴢 𐴉𐴡𐴌𐴡𐴕𐴄𐴤𐴝𐴙𐴌𐴏𐴢 ( 𐴀𐴠𐴔 𐴀𐴠𐴏𐴢 𐴀𐴠𐴉𐴢 ) 𐴡𐴌 𐴃𐴡𐴌𐴉𐴥𐴡𐴃𐴧𐴟 𐴃𐴤𐴝𐴑𐴞𐴑 𐴒𐴡𐴌𐴥𐴝 𐴒𐴞𐴘𐴥𐴠𐴊𐴠 𐴌𐴠𐴂𐴟𐴄 𐴔𐴡𐴎𐴞𐴕 𐴎𐴝𐴕𐴞 𐴉𐴝𐴌𐴝 𐴒𐴞𐴘𐴥𐴠𐴊𐴠 , 𐴑𐴝𐴑𐴏𐴡 𐴁𐴝𐴎𐴝𐴌 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 𐴐𐴤𐴡𐴃𐴑𐴝𐴌𐴝 ٪ 𐴰 𐴲 𐴉𐴡𐴙𐴅𐴧𐴡𐴕𐴃𐴡 𐴌𐴞𐴉𐴟𐴎𐴞𐴃𐴧𐴟 𐴇𐴠𐴂𐴝𐴄𐴝𐴘𐴄𐴤𐴠𐴏𐴢 𐴏𐴞 𐴁𐴞𐴘𐴝𐴌𐴝𐴔 𐴀𐴝𐴏𐴥𐴠 , 𐴓𐴡𐴖𐴧𐴡 𐴃𐴧𐴟 𐴉𐴡𐴘𐴊𐴝 𐴀𐴥𐴡𐴀𐴡𐴊𐴠 𐴇𐴠𐴂𐴝𐴄𐴝𐴘𐴄𐴤𐴠𐴏𐴢 𐴏𐴞 𐴁𐴞𐴘𐴝𐴌𐴝𐴔 𐴀𐴞𐴁𐴤𐴝 𐴀𐴥𐴡𐴀𐴡𐴊𐴠 𐴔𐴝𐴙𐴕𐴐𐴤𐴡𐴌 𐴃𐴟 𐴈𐴡𐴕𐴥𐴡 𐴀𐴝𐴓𐴝𐴔𐴡𐴃 𐴉𐴝𐴀𐴝 𐴎𐴡𐴀𐴡𐴕 𐴏𐴥𐴝𐴌𐴥𐴝 𐴁𐴡𐴀𐴡𐴃 𐴓𐴝𐴔𐴁𐴝 𐴀𐴡𐴑𐴃𐴤𐴡 𐴉𐴡𐴙𐴅𐴧𐴕𐴃𐴡 𐴕𐴞𐴎𐴤𐴝𐴔 𐴀𐴝𐴌 𐴓𐴟𐴖𐴝𐴘𐴧𐴝 𐴃𐴤𐴝𐴑𐴤𐴞 𐴎𐴝𐴘 𐴒𐴤𐴡𐴘 𐴉𐴝𐴌𐴠 , 𐴃𐴡𐴀𐴡𐴘 𐴎𐴡𐴊𐴞 𐴀𐴠𐴓𐴝𐴅 𐴒𐴡𐴌𐴥𐴝 𐴕𐴡 𐴎𐴝𐴀𐴝 , 𐴈𐴡𐴙𐴓𐴧𐴝𐴌 𐴖𐴡𐴌𐴠 𐴀𐴠𐴄𐴤𐴠𐴑 𐴒𐴡𐴌𐴥𐴞 𐴁𐴠𐴐𐴤𐴞 𐴀𐴡𐴐𐴤𐴟𐴘𐴊𐴝 𐴁𐴞𐴘𐴝𐴌𐴝𐴔 , 𐴈𐴡𐴙𐴓𐴧𐴝𐴌 𐴑𐴠𐴕𐴏𐴝𐴌 , 𐴋𐴝𐴘𐴁𐴠𐴄𐴤𐴞𐴏𐴢 𐴀𐴝𐴌 𐴋𐴠𐴂𐴌𐴠𐴐𐴤𐴠𐴕 𐴐𐴤𐴡𐴣𐴀𐴡 𐴀𐴡𐴙𐴕𐴧𐴡 𐴁𐴞𐴘𐴝𐴌𐴝𐴔 𐴀𐴥𐴡𐴑𐴧𐴡𐴓 𐴀𐴥𐴡𐴙𐴃 𐴉𐴝𐴌𐴠 𐴁𐴡𐴓𐴞 𐴌𐴠𐴂𐴟𐴄 𐴔𐴡𐴎𐴞𐴕 𐴎𐴝𐴕𐴝 𐴒𐴞𐴘𐴥𐴠 𐴱𐴱

𐴔𐴠𐴓𐴠𐴄𐴠𐴌𐴞 𐴘𐴠 𐴀𐴝𐴙𐴑𐴧𐴙𐴝𐴁 , 𐴑𐴠𐴂𐴧𐴟𐴌𐴟 𐴄𐴡𐴀𐴡𐴕𐴡𐴌 𐴏𐴝𐴙𐴌𐴀𐴥𐴡 𐴋𐴤𐴝𐴑𐴤𐴡 𐴃𐴧𐴟 𐴔𐴝𐴀𐴝𐴙𐴕 𐴁𐴟𐴔 𐴉𐴥𐴞𐴄 𐴒𐴡𐴌𐴥𐴡𐴕𐴠 𐴔𐴝𐴕𐴥𐴟𐴙𐴐𐴢 𐴕𐴦𐴠𐴓𐴞 𐴕𐴡 𐴉𐴝𐴌𐴥𐴠𐴌 𐴱𐴱

𐴀𐴝𐴌𐴑𐴝𐴕𐴡𐴃 𐴓𐴝𐴌𐴥𐴝𐴘 𐴉𐴥𐴟𐴌𐴥𐴝𐴘 𐴉𐴥𐴠𐴓𐴥𐴝𐴘𐴁𐴤𐴡 𐴀𐴝𐴌 𐴁𐴝𐴑𐴞 𐴀𐴝𐴏𐴥𐴠𐴊𐴠 𐴄𐴡𐴀𐴡𐴕 𐴀𐴥𐴡𐴑𐴧𐴡𐴓𐴡𐴌𐴥𐴠 𐴀𐴡𐴓𐴉𐴡 𐴄𐴝𐴙𐴔𐴡𐴃 𐴑𐴡𐴁𐴎𐴝 𐴒𐴡𐴌𐴥𐴞 𐴉𐴥𐴠𐴓𐴥𐴝𐴁𐴤𐴡 𐴈𐴡𐴀𐴡𐴘 𐴔𐴡𐴒𐴢 𐴁𐴝𐴒𐴞 𐴘𐴠 𐴀𐴠𐴓𐴝𐴕 𐴒𐴡𐴌𐴥𐴡𐴕𐴡𐴌 𐴁𐴦𐴝𐴊𐴠 , 𐴄𐴡𐴀𐴡𐴕𐴡𐴌 𐴁𐴤𐴟𐴃𐴡𐴌𐴠 𐴃𐴤𐴝𐴑𐴤𐴠𐴊𐴠 𐴔𐴝𐴕𐴥𐴟𐴙𐴐𐴢 𐴀𐴥𐴡𐴑𐴧𐴡𐴓 𐴋𐴡𐴌 𐴏𐴥𐴝𐴌𐴥𐴝 𐴎𐴝𐴒𐴝 𐴀𐴥𐴡𐴑𐴧𐴡𐴓𐴡𐴌 𐴀𐴥𐴞𐴑𐴧𐴤𐴙𐴝 𐴎𐴝𐴀𐴝𐴌 𐴒𐴤𐴡𐴘 , 𐴔𐴠𐴓𐴠𐴄𐴠𐴌𐴞 𐴘𐴠 𐴄𐴡𐴀𐴡𐴕𐴡𐴌 𐴏𐴝𐴙𐴌𐴀𐴥𐴡 𐴋𐴤𐴝𐴑𐴤𐴡 𐴃𐴧𐴟 𐴔𐴝𐴀𐴝𐴙𐴕 𐴁𐴟𐴔 𐴁𐴟𐴖𐴥𐴝 𐴒𐴤𐴝𐴌𐴡𐴕𐴡𐴌 𐴎𐴡𐴞𐴘𐴝 , 𐴀𐴝𐴙𐴑𐴧𐴙𐴝𐴁 𐴀𐴝𐴌 𐴑𐴠𐴂𐴧𐴟𐴌𐴟 𐴀𐴠 𐴊𐴟𐴕𐴥𐴞 𐴄𐴡𐴀𐴡𐴕𐴡 𐴃𐴧𐴟 𐴔𐴝𐴕𐴥𐴟𐴙𐴐𐴢 𐴀𐴥𐴡𐴑𐴧𐴡𐴓 𐴁𐴝𐴀𐴝𐴌 𐴔𐴞𐴑𐴧𐴤𐴙𐴝 𐴕𐴦𐴠𐴓𐴞 𐴎𐴝𐴘 𐴒𐴤𐴡𐴘 𐴕𐴡 𐴉𐴝𐴌𐴥𐴠𐴌 𐴁𐴡𐴓𐴞 𐴈𐴥𐴡𐴁𐴡𐴌 𐴔𐴡𐴎𐴞𐴕 𐴎𐴝𐴕𐴝 𐴒𐴞𐴘𐴥𐴠 , 𐴀𐴝𐴌𐴑𐴝𐴕𐴡𐴃 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴡𐴌 𐴑𐴡𐴁𐴎𐴝𐴃 𐴀𐴠𐴈𐴥𐴡𐴕 𐴀𐴝𐴏𐴥𐴠𐴊𐴠 , 𐴀𐴝𐴙𐴑𐴧𐴙𐴝𐴁 , 𐴑𐴠𐴂𐴧𐴟𐴌𐴟 , 𐴀𐴥𐴠𐴔 , 𐴏𐴠𐴕𐴋𐴤𐴗𐴠 , 𐴄𐴡𐴚𐴒𐴤𐴟 𐴀𐴝𐴌 𐴔𐴠𐴚 𐴀𐴡𐴚 , 𐴐𐴤𐴡𐴀𐴡𐴌 𐴀𐴞𐴀𐴞𐴕𐴡𐴌𐴥𐴠 𐴁𐴠𐴐𐴤𐴞 𐴊𐴠𐴌𐴞 𐴕𐴥𐴡 𐴀𐴥𐴡𐴘𐴃𐴠 𐴔𐴡𐴒𐴢 𐴁𐴝𐴒𐴞 𐴘𐴠 𐴑𐴡𐴁𐴎𐴝 𐴒𐴡𐴌𐴥𐴞 𐴉𐴥𐴠𐴓𐴥𐴝𐴘𐴁𐴤𐴡 𐴈𐴡𐴀𐴡𐴘 𐴀𐴠𐴓𐴝𐴕 𐴒𐴡𐴙𐴅𐴧𐴤𐴙𐴠𐴊𐴠 𐴈𐴥𐴡𐴁𐴡𐴌 𐴔𐴡𐴎𐴞𐴕 𐴎𐴝𐴕𐴝 𐴒𐴞𐴘𐴥𐴠 𐴱𐴱

𐴃𐴦𐴝𐴓𐴞𐴔 𐴀𐴝𐴌 𐴀𐴞𐴐𐴑𐴟𐴓 𐴁𐴡𐴌𐴁𐴝𐴊 𐴒𐴡𐴌𐴥𐴝 𐴁𐴡𐴕 𐴒𐴡𐴌𐴥𐴡 , 𐴀𐴥𐴝𐴣𐴃𐴞𐴘𐴝𐴌𐴞 𐴒𐴟𐴌𐴥𐴟𐴉𐴡𐴌 𐴈𐴝𐴣𐴏𐴥𐴠 𐴊𐴠𐴐𐴤𐴡𐴙𐴃𐴧𐴝𐴌 𐴋𐴝𐴑 𐴱𐴱

𐴵 𐴲 𐴰 𐴲 – 𐴴 𐴲 𐴰 𐴲 𐴃𐴦𐴝𐴓𐴞𐴔𐴞 𐴁𐴡𐴏𐴥𐴡𐴌 𐴅𐴟𐴕 𐴔𐴝𐴐𐴤𐴡𐴌 𐴳 𐴃𐴝𐴌𐴥𐴞𐴑 𐴀𐴥𐴡𐴘𐴃𐴠 𐴐𐴤𐴟𐴌𐴟 𐴀𐴥𐴡𐴘𐴧𐴠 , 𐴀𐴝𐴌 𐴌𐴠𐴂𐴟𐴄 𐴔𐴡𐴎𐴞𐴕 𐴒𐴟𐴣𐴍𐴝 𐴁𐴡𐴌𐴔𐴥𐴝𐴃 𐴀𐴝𐴊𐴤𐴝 𐴑𐴠𐴓𐴥𐴝𐴏𐴢 𐴀𐴥𐴡𐴘𐴃𐴠 𐴖𐴡𐴌𐴡𐴌 𐴑𐴠𐴓𐴥𐴝𐴏𐴢 𐴓𐴡𐴃𐴞 𐴏𐴥𐴡 𐴔𐴡𐴓𐴞𐴘𐴥𐴟𐴕 𐴏𐴥𐴡 𐴓𐴝𐴑𐴡𐴌 𐴁𐴠𐴐𐴤𐴞 𐴉𐴟𐴖𐴝𐴙𐴕 𐴀𐴞𐴐𐴑𐴟𐴓𐴡𐴃 𐴒𐴤𐴡𐴙𐴓𐴧𐴙𐴠 𐴊𐴠 𐴎𐴝𐴕𐴝 𐴒𐴞𐴘𐴥𐴠 , 𐴇𐴥𐴡𐴑𐴟𐴔𐴡𐴃𐴞 𐴌𐴠𐴂𐴟𐴄 𐴔𐴡𐴎𐴞𐴕 𐴹 𐴲 𐴳 𐴲 𐴷 𐴶 𐴶 𐴎𐴡𐴕 𐴉𐴟𐴖𐴝𐴙𐴕 𐴌𐴠𐴅𐴞𐴏𐴄𐴝𐴌 𐴀𐴥𐴡𐴘𐴧𐴠 𐴀𐴥𐴞𐴕𐴃𐴟 𐴹 𐴹 𐴷 𐴴 𐴱 𐴴 𐴶 𐴎𐴡𐴕 𐴉𐴟𐴖𐴝𐴙𐴕 𐴃𐴡𐴌𐴃𐴞𐴁𐴡𐴌 𐴏𐴥𐴝𐴣𐴀𐴝𐴃𐴠 𐴀𐴞𐴐𐴑𐴟𐴓𐴡𐴃 𐴀𐴟𐴍𐴥𐴠𐴌 𐴊𐴠 𐴎𐴝𐴕𐴝 𐴒𐴞𐴘𐴥𐴠 𐴱𐴱

𐴔𐴡𐴚𐴋𐴤𐴟 𐴀𐴠𐴓𐴝𐴑𐴝𐴌 𐴐𐴤𐴞𐴔𐴝 𐴏𐴦𐴡𐴛 𐴉𐴟𐴓𐴞𐴐𐴢 𐴀𐴥𐴡𐴑𐴧𐴡𐴓 𐴑𐴞𐴘𐴥𐴡𐴓𐴧𐴝 𐴒𐴤𐴝𐴣𐴄𐴞 𐴉𐴥𐴠𐴓𐴥𐴝𐴘 𐴊𐴤𐴝𐴌 𐴒𐴤𐴡𐴘 𐴱𐴱

𐴀𐴝𐴌𐴑𐴝𐴕𐴡𐴃 𐴔𐴡𐴚𐴋𐴤𐴟 𐴀𐴠𐴓𐴝𐴑𐴝𐴃 𐴐𐴤𐴞𐴔𐴝 𐴏𐴦𐴡𐴛 𐴉𐴟𐴓𐴞𐴐𐴢 𐴀𐴥𐴡𐴑𐴧𐴡𐴓𐴡𐴃𐴧𐴟 𐴃𐴡𐴕𐴈𐴥𐴝 𐴏𐴥𐴝𐴌𐴥𐴝 𐴔𐴟𐴀𐴟𐴔 𐴓𐴝𐴙𐴕𐴡𐴃 𐴎𐴝𐴘 𐴓𐴝𐴌𐴥𐴝𐴘 𐴒𐴡𐴌𐴥𐴝 𐴉𐴡𐴌𐴠𐴌 𐴁𐴡𐴓𐴞 , 𐴀𐴥𐴞𐴃𐴤𐴝𐴌𐴝𐴌 𐴒𐴤𐴡𐴌𐴒𐴟𐴐𐴧𐴤𐴞 𐴀𐴥𐴡𐴑𐴧𐴡𐴓𐴠 𐴈𐴡𐴘𐴧𐴥𐴠𐴊𐴠 𐴎𐴝𐴕𐴝 𐴒𐴞𐴘𐴥𐴠 , 𐴔𐴡𐴚𐴋𐴤𐴟 𐴀𐴠𐴓𐴝𐴑𐴝𐴃 𐴇𐴥𐴡𐴑𐴟𐴔𐴡𐴃𐴠 𐴒𐴟𐴓𐴝 𐴁𐴝𐴌𐴟𐴊 , 𐴁𐴟𐴔 𐴀𐴝𐴌 𐴋𐴡𐴣𐴀𐴡𐴌 𐴀𐴥𐴝𐴣𐴃𐴞𐴘𐴝𐴌 𐴀𐴥𐴡𐴑𐴧𐴡𐴓 𐴉𐴡𐴣𐴀𐴡𐴏𐴝𐴌 , 𐴃𐴡𐴓𐴡𐴁𐴡𐴌 𐴈𐴡𐴃𐴤𐴝 𐴈𐴡𐴘𐴓𐴥𐴠 𐴋𐴡𐴣𐴀𐴡𐴌 𐴎𐴞𐴔𐴧𐴝𐴊𐴝𐴌 𐴀𐴥𐴡𐴑𐴧𐴡𐴓𐴠 𐴋𐴦𐴡𐴙𐴓𐴧𐴝 𐴋𐴦𐴡𐴙𐴓𐴧𐴝 𐴇𐴥𐴝𐴓𐴡𐴃 𐴀𐴥𐴡𐴑𐴧𐴡𐴓 𐴊𐴠𐴈𐴥𐴝𐴌 𐴁𐴡𐴓𐴞 , 𐴉𐴟𐴓𐴞𐴐𐴢 𐴀𐴥𐴡𐴑𐴧𐴡𐴓𐴡𐴌 𐴒𐴤𐴡𐴌𐴒𐴟𐴐𐴧𐴞 𐴃𐴧𐴟 𐴀𐴠𐴑 𐴎𐴡𐴕𐴠 𐴈𐴡𐴘𐴧𐴥𐴠𐴊𐴠 𐴈𐴥𐴡𐴁𐴡𐴌 𐴉𐴝𐴀𐴝 𐴒𐴞𐴘𐴥𐴠 , 𐴕𐴥𐴝 𐴑𐴤𐴝 𐴑𐴤𐴝 𐴲 𐴀𐴝𐴌 𐴵 𐴏𐴡𐴌𐴥𐴠 𐴃𐴡𐴓𐴡𐴁𐴢 𐴊𐴞𐴘𐴥𐴠 , 𐴕𐴥𐴝 𐴑𐴤𐴝 𐴑𐴤𐴝 𐴱 , 𐴳 , 𐴴 , 𐴀𐴝𐴌 𐴶 𐴌𐴥𐴠 𐴃𐴡𐴓𐴡𐴁𐴢 𐴕𐴥𐴡 𐴊𐴠𐴀𐴠 , 𐴰 𐴰 𐴶 𐴓𐴡𐴃𐴞 𐴐𐴤𐴞𐴔𐴝 𐴏𐴦𐴡𐴛 𐴉𐴟𐴓𐴞𐴐𐴢 𐴀𐴥𐴡𐴑𐴧𐴡𐴓𐴠 𐴃𐴞𐴕 𐴔𐴝𐴐𐴢 𐴀𐴥𐴡𐴙𐴃𐴠 𐴃𐴡𐴓𐴡𐴁𐴢 𐴕𐴡 𐴉𐴝𐴀𐴝𐴌 , 𐴀𐴥𐴠𐴃𐴡𐴓𐴧𐴝 𐴔𐴡𐴒𐴢 𐴁𐴝𐴒𐴞𐴌 𐴓𐴡𐴘 𐴓𐴝𐴌𐴥𐴝𐴘 𐴕𐴡 𐴒𐴡𐴌𐴥𐴞 𐴀𐴝𐴣𐴀𐴝𐴌𐴝𐴌 𐴁𐴠𐴍𐴝𐴀𐴝𐴙𐴕 𐴊𐴤𐴝𐴌 𐴒𐴤𐴡𐴘 𐴊𐴠 𐴁𐴡𐴓𐴞 𐴐𐴤𐴞𐴔𐴝 𐴏𐴦𐴡𐴛 𐴉𐴟𐴓𐴞𐴐𐴢 𐴀𐴥𐴡𐴑𐴧𐴡𐴓𐴡𐴌 𐴁𐴠𐴍𐴞𐴀𐴝𐴙𐴕 𐴊𐴠 𐴈𐴡𐴘𐴧𐴠 𐴊𐴠 𐴎𐴝𐴕𐴝 𐴒𐴞𐴘𐴥𐴠 , 𐴈𐴝𐴖𐴧𐴝𐴌 𐴁𐴞𐴓𐴡𐴌 𐴃𐴝𐴕𐴥𐴝 𐴆𐴤𐴙𐴟𐴑𐴡𐴃 𐴀𐴝𐴐𐴧𐴤𐴞𐴀𐴞𐴓 𐴊𐴠 𐴐𐴤𐴞𐴔𐴝 𐴏𐴦𐴡𐴛 𐴉𐴟𐴓𐴞𐴐𐴢 𐴀𐴥𐴡𐴑𐴧𐴡𐴓 𐴀𐴥𐴡 𐴃𐴡𐴓𐴡𐴁 𐴕𐴡 𐴉𐴝𐴀𐴝𐴌 𐴊𐴠 𐴊𐴟𐴘 𐴔𐴝𐴐𐴢 𐴀𐴥𐴡𐴘𐴧𐴠 𐴊𐴠 𐴀𐴥𐴠𐴃𐴡𐴓𐴧𐴝 𐴃𐴝𐴕𐴥𐴝 𐴆𐴤𐴙𐴟𐴑 𐴏𐴥𐴝𐴌𐴥𐴞 𐴄𐴡𐴀𐴡𐴕𐴡𐴃 𐴒𐴤𐴡𐴙𐴓𐴧𐴠 𐴒𐴤𐴡𐴘 𐴊𐴠 𐴁𐴡𐴓𐴞 𐴈𐴡𐴘𐴧𐴠𐴊𐴠 𐴎𐴝𐴕𐴝 𐴒𐴞𐴘𐴥𐴠 𐴱𐴱

𐴁𐴡𐴘𐴊𐴠𐴐𐴤𐴡𐴌 𐴈𐴥𐴡𐴁𐴡𐴌

𐴑𐴟𐴖𐴥𐴝𐴙𐴃𐴡𐴃 𐴉𐴟𐴌𐴝 𐴉𐴟𐴌𐴞 𐴒𐴤𐴡𐴄𐴡𐴕𐴝𐴃 𐴔𐴡𐴌𐴝𐴌 𐴒𐴡𐴕𐴝 𐴹 𐴴 𐴎𐴡𐴕 𐴀𐴥𐴡𐴘𐴧𐴠 , 𐴒𐴤𐴡𐴄𐴡𐴕𐴝𐴌 𐴃𐴝𐴊𐴝𐴌𐴟𐴑𐴡𐴌 𐴇𐴥𐴡𐴑𐴟𐴔 𐴱𐴱

𐴑𐴟𐴖𐴝𐴙𐴃𐴡𐴌 𐴒𐴤𐴡𐴌 𐴀𐴟𐴎𐴞𐴌𐴞 𐴀𐴡𐴉𐴥𐴞𐴏𐴡𐴌 𐴌𐴠𐴂𐴟𐴄 𐴔𐴡𐴎𐴞𐴕 , 𐴀𐴝𐴓 𐴔𐴡𐴕𐴑𐴡𐴉𐴢 𐴀𐴠𐴓𐴝𐴑𐴝𐴃 𐴔𐴝𐴕𐴥𐴟𐴙𐴐𐴢 𐴃𐴤𐴝𐴑𐴤𐴠𐴊𐴠 𐴁𐴞𐴓𐴋𐴤𐴞𐴚 𐴀𐴠𐴑𐴧𐴤𐴝𐴕𐴡𐴃 𐴀𐴦𐴡𐴙𐴕 𐴊𐴤𐴡𐴌𐴡𐴕𐴡𐴌 𐴎𐴡𐴌𐴞𐴘𐴝 𐴹 𐴴 𐴎𐴡𐴕 𐴓𐴡𐴃𐴞 𐴔𐴝𐴕𐴥𐴟𐴙𐴐𐴢 𐴔𐴡𐴌𐴞 𐴒𐴞𐴘𐴥𐴡𐴘𐴊𐴠 𐴎𐴝𐴕𐴝 𐴒𐴞𐴘𐴥𐴠 , 𐴑𐴟𐴕𐴝 𐴈𐴥𐴡𐴁𐴡𐴌 𐴀𐴠𐴅𐴤𐴠𐴕𐴏𐴞𐴌 𐴌𐴠𐴂𐴟𐴄 𐴔𐴡𐴎𐴞𐴕 𐴈𐴡𐴔𐴡𐴃 𐴳 𐴴 𐴎𐴡𐴕 𐴓𐴡𐴃𐴞 𐴀𐴥𐴡𐴙𐴕 𐴊𐴤𐴡𐴌𐴝 𐴒𐴤𐴡𐴄𐴡𐴕𐴝𐴃 𐴒𐴤𐴝𐴙𐴓 𐴀𐴥𐴡𐴘𐴧𐴝 𐴔𐴝𐴙𐴕𐴐𐴤𐴡𐴌𐴠 𐴇𐴥𐴝𐴐𐴉𐴝𐴃𐴝𐴓𐴡𐴃 𐴊𐴝𐴁𐴝𐴘 𐴒𐴡𐴌𐴥𐴝 𐴎𐴝𐴀𐴝𐴌 𐴊𐴠 𐴎𐴝𐴕𐴝 𐴒𐴞𐴘𐴥𐴠 , 𐴑𐴟𐴖𐴝𐴙𐴃𐴡𐴌 𐴀𐴝𐴔𐴞𐴌𐴠 𐴔𐴦𐴝𐴔𐴠𐴓𐴝𐴌 𐴃𐴤𐴝𐴑𐴞𐴑 𐴃𐴝𐴊𐴝𐴌𐴟𐴑 𐴒𐴡𐴌𐴥𐴞 𐴁𐴤𐴡𐴓𐴧𐴝 𐴉𐴥𐴡𐴌𐴔𐴝𐴕 𐴎𐴝𐴌𐴞 𐴒𐴡𐴙𐴅𐴧𐴤𐴙𐴠 𐴀𐴝𐴌 𐴈𐴡𐴏𐴟𐴌𐴁𐴤𐴡𐴕𐴡𐴌𐴥𐴠 𐴀𐴝𐴊𐴝𐴓𐴡𐴃𐴡𐴃 𐴃𐴟𐴓𐴥𐴞𐴁𐴤𐴝𐴌 𐴕𐴞𐴘𐴡𐴃 𐴒𐴡𐴙𐴅𐴧𐴤𐴙𐴠 𐴁𐴡𐴓𐴞 𐴈𐴥𐴡𐴁𐴡𐴌 𐴔𐴡𐴎𐴞𐴕 𐴎𐴝𐴕𐴝 𐴒𐴞𐴘𐴥𐴠 𐴱𐴱

𐴑𐴡𐴕𐴒𐴟 𐴊𐴠𐴐𐴤𐴡𐴃 𐴁𐴟𐴄 𐴋𐴟𐴉𐴥𐴞 𐴰 𐴸 𐴎𐴡𐴕𐴡𐴌 𐴁𐴠𐴐𐴤𐴞 𐴔𐴝𐴕𐴥𐴟𐴙𐴐𐴢 𐴔𐴡𐴌𐴞 𐴒𐴞𐴘𐴥𐴡𐴘 𐴱𐴱

𐴋𐴞𐴔𐴟𐴑𐴠𐴌𐴠𐴄𐴤𐴞𐴑 𐴌𐴞𐴂𐴝𐴂𐴓𐴥𐴞𐴑 𐴑𐴡𐴕𐴒𐴟 𐴊𐴠𐴐𐴤𐴡𐴃 𐴁𐴟𐴄 𐴋𐴟𐴉𐴥𐴞 𐴰 𐴸 𐴎𐴡𐴕𐴡𐴌 𐴁𐴦𐴠𐴐𐴢 𐴔𐴝𐴕𐴥𐴟𐴙𐴐𐴢 𐴔𐴡𐴌𐴞 𐴒𐴞𐴘𐴥𐴡𐴘 𐴁𐴡𐴓𐴞 , 𐴑𐴡𐴕𐴒𐴟 𐴊𐴠𐴐𐴤𐴡𐴌 𐴌𐴝𐴎𐴝 / 𐴉𐴠𐴓𐴄𐴤𐴞𐴑𐴏𐴢 𐴐𐴞𐴏𐴞𐴋𐴞𐴑𐴞 𐴘𐴠 𐴈𐴡𐴘𐴧𐴠𐴊𐴠 𐴘𐴥𐴝𐴀𐴝𐴕 𐴈𐴥𐴡𐴁𐴡𐴌 𐴔𐴡𐴎𐴞𐴕 𐴎𐴝𐴕𐴝 𐴒𐴞𐴘𐴥𐴠 , 𐴅𐴟𐴕 𐴔𐴝𐴐𐴤𐴡𐴌 𐴲 𐴱 𐴃𐴝𐴌𐴥𐴞𐴑 𐴁𐴟𐴙𐴃 𐴁𐴝𐴌𐴠 𐴔𐴝𐴘𐴋𐴡𐴔𐴁𐴞 𐴀𐴠𐴓𐴝𐴑𐴝𐴃 𐴔𐴟𐴐𐴞 𐴐𐴤𐴡𐴀𐴡𐴌𐴡𐴃𐴧𐴟 𐴰 𐴷 𐴑𐴞𐴓𐴟𐴔𐴞𐴄𐴤𐴝𐴌 𐴊𐴟𐴌𐴥𐴠 𐴀𐴝𐴏𐴥𐴠𐴊𐴠 𐴑𐴡𐴖𐴝 𐴈𐴥𐴝𐴓𐴡𐴃 𐴒𐴤𐴡𐴄𐴡𐴕𐴝𐴀𐴞𐴘𐴥𐴝𐴕 𐴀𐴥𐴡𐴘𐴧𐴠 𐴁𐴡𐴓𐴞 𐴎𐴝𐴕𐴝 𐴒𐴞𐴘𐴥𐴠 , 𐴑𐴡𐴕𐴒𐴟 𐴊𐴠𐴐𐴤𐴡𐴌 𐴌𐴝𐴎𐴝 𐴘𐴠 𐴔𐴡𐴌𐴞 𐴒𐴞𐴘𐴥𐴡𐴘𐴊𐴠 𐴀𐴥𐴞𐴃𐴝𐴌𐴥𐴝𐴌 𐴓𐴝 𐴐𐴤𐴟𐴒𐴢 𐴉𐴝𐴓𐴡𐴕 𐴒𐴡𐴌𐴥𐴞 𐴁𐴦𐴝𐴊𐴠 , 𐴔𐴟𐴀𐴟𐴔 𐴔𐴞𐴑𐴧𐴤𐴙𐴝 𐴀𐴠𐴕𐴋𐴞𐴓𐴧𐴝 𐴒𐴤𐴡𐴄𐴡𐴕𐴝 𐴀𐴝𐴌 𐴕𐴡 𐴒𐴤𐴡𐴄𐴠 𐴉𐴥𐴝𐴀𐴝𐴕 ,

𐴁𐴟𐴄 𐴋𐴟𐴉𐴥𐴡𐴕𐴡𐴌 𐴏𐴥𐴡𐴁𐴡𐴁 𐴑𐴞𐴊𐴠 𐴘𐴥𐴝𐴀𐴝𐴕 𐴃𐴤𐴝𐴑𐴞𐴑 𐴃𐴝𐴊𐴝𐴌𐴟𐴑 𐴒𐴡𐴌𐴥𐴞𐴁𐴤𐴡𐴓𐴧𐴝 𐴇𐴥𐴡𐴑𐴟𐴔 𐴊𐴞𐴘𐴥𐴠 𐴁𐴡𐴓𐴞 𐴈𐴥𐴡𐴁𐴡𐴌 𐴔𐴡𐴎𐴞𐴕 𐴎𐴝𐴕𐴝 𐴒𐴞𐴘𐴥𐴠 𐴱𐴱