𐴔𐴡𐴚𐴋𐴤𐴟 𐴑𐴝𐴛𐴝𐴚 𐴆𐴤𐴙𐴡𐴚𐴡𐴃 𐴔𐴠𐴓𐴠𐴌𐴠𐴌𐴞 𐴀𐴝𐴌 𐴔𐴡𐴒𐴢 𐴁𐴝𐴒𐴞𐴌 𐴔𐴝𐴎𐴤𐴠 𐴑𐴤𐴟𐴁𐴢 𐴊𐴡𐴌𐴥𐴡 𐴔𐴡𐴌𐴥𐴡 𐴓𐴝𐴌𐴥𐴝𐴘 𐴀𐴥𐴡𐴘𐴧𐴠 𐴱

𐴀𐴝𐴌𐴑𐴝𐴕 , 𐴔𐴡𐴚𐴋𐴤𐴟 𐴄𐴡𐴀𐴡𐴕 𐴓𐴡𐴘 𐴋𐴤𐴝𐴑𐴠 𐴀𐴝𐴏𐴥𐴠𐴊𐴠 𐴑𐴝𐴛𐴝𐴚 𐴆𐴤𐴙𐴡𐴚 𐴐𐴤𐴡𐴊𐴡𐴌𐴞 𐴎𐴟𐴕𐴡𐴌 𐴈𐴝𐴣𐴏𐴥𐴠 𐴈𐴝𐴛𐴏𐴧𐴥𐴝 , 𐴔𐴠 𐴔𐴝𐴐𐴤𐴡𐴌 𐴸 𐴃𐴝𐴌𐴥𐴞𐴑 𐴁𐴞𐴀𐴞𐴕𐴧𐴝 𐴓𐴡𐴃𐴞 𐴔𐴠𐴓𐴠𐴄𐴠𐴌𐴞 𐴀𐴝𐴌 𐴔𐴡𐴒𐴢 𐴁𐴝𐴒𐴞𐴌 𐴔𐴝𐴎𐴤𐴠 , 𐴊𐴡𐴌𐴥𐴡 𐴔𐴡𐴌𐴥𐴡 𐴓𐴝𐴌𐴥𐴝𐴘 𐴏𐴡𐴙𐴓𐴧𐴥𐴙𐴠 𐴊𐴠 𐴎𐴝𐴕𐴝 𐴒𐴞𐴘𐴥𐴠 , 𐴊𐴟𐴕𐴞 𐴋𐴝𐴀𐴝𐴘𐴌 𐴔𐴝𐴎𐴤𐴠 𐴎𐴟𐴌𐴠 𐴐𐴤𐴟𐴌𐴠 𐴓𐴝𐴌𐴥𐴝𐴘 𐴏𐴡𐴓𐴠𐴌 𐴊𐴠 𐴀𐴡𐴑𐴃𐴤𐴡𐴃 , 𐴔𐴥𐴟𐴌𐴟 𐴏𐴟𐴒𐴞𐴌𐴥𐴞 ( 𐴕𐴥𐴝 𐴑𐴤𐴝 𐴑𐴤𐴝 𐴵 ) 𐴓𐴡𐴔𐴁𐴤𐴡𐴌 𐴒𐴤𐴝𐴣𐴄𐴤𐴞𐴃𐴧𐴟 𐴀𐴝𐴌 𐴕𐴝𐴉𐴢 𐴊𐴡𐴙𐴅𐴧𐴙𐴝𐴌 𐴔𐴟𐴑𐴤𐴡𐴃 𐴀𐴝𐴏𐴥𐴠𐴊𐴠 𐴉𐴝𐴕𐴥𐴞𐴌 𐴉𐴥𐴡𐴗𐴏𐴡𐴌 𐴕𐴠𐴁𐴤𐴞𐴃𐴧𐴟 , 𐴀𐴡𐴎𐴞𐴌𐴝𐴕𐴞 𐴋𐴡𐴣𐴀𐴡𐴌 𐴀𐴥𐴝𐴣𐴃𐴞𐴘𐴝𐴌 𐴔𐴝𐴌𐴝𐴃 𐴃𐴤𐴝𐴙𐴑𐴧𐴤𐴙𐴠 𐴱𐴱

𐴀𐴝𐴌𐴑𐴝𐴕𐴡𐴃 𐴌𐴟𐴇𐴝𐴙𐴚𐴒𐴙𐴝𐴌 𐴕𐴡𐴏𐴥𐴡𐴓 𐴉𐴥𐴟𐴌𐴥𐴝 𐴑𐴝𐴌𐴖𐴝𐴘 𐴊𐴟𐴘𐴀𐴡𐴔 𐴁𐴝𐴌 𐴐𐴤𐴟𐴌𐴟 𐴱𐴱

𐴀𐴝𐴌𐴑𐴝𐴕𐴡𐴃 𐴀𐴝𐴃𐴡𐴚𐴁𐴝𐴊𐴞 𐴔𐴡𐴒𐴢 𐴁𐴝𐴒𐴞𐴌 𐴀𐴥𐴝𐴣𐴃𐴞𐴘𐴝𐴌𐴞 𐴒𐴟𐴌𐴥𐴟𐴉𐴢 𐴀𐴝𐴌 𐴏𐴥𐴞𐴏𐴞𐴘𐴝𐴏𐴞 𐴒𐴟𐴌𐴥𐴟𐴉𐴢 , 𐴊𐴟𐴕𐴥𐴞 𐴒𐴟𐴌𐴥𐴟𐴉𐴠 𐴔𐴞𐴓𐴞 , 𐴀𐴝𐴌𐴑𐴝𐴕𐴡𐴌 𐴈𐴥𐴝𐴄𐴤𐴞 𐴁𐴤𐴝𐴐𐴞𐴕𐴊𐴝 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴠 𐴎𐴤𐴝𐴑𐴧𐴗𐴝 𐴔𐴝𐴌𐴝 𐴈𐴝𐴍𐴝 𐴀𐴝𐴌 𐴁𐴡𐴓𐴡𐴃𐴑𐴝𐴌 𐴒𐴡𐴌𐴥𐴝 𐴐𐴤𐴟𐴌𐴟 𐴒𐴡𐴙𐴅𐴧𐴤𐴙𐴠 , 𐴀𐴞𐴕𐴏𐴦𐴝𐴕𐴞𐴘𐴡𐴃𐴞 𐴈𐴥𐴡𐴃𐴡𐴔 𐴒𐴡𐴌𐴥𐴝𐴌 𐴊𐴠𐴐𐴁𐴞𐴊𐴠𐴐𐴤𐴞 𐴑𐴝𐴕𐴟𐴕𐴡𐴌 𐴁𐴠𐴌𐴟𐴊𐴧𐴤𐴞𐴃𐴝 𐴒𐴡𐴌𐴥𐴞 , 𐴱 𐴱 / 𐴴 / 𐴴 𐴲 𐴰 𐴲 // 𐴲 / 𐴵 / 𐴴 𐴲 𐴰 𐴲 ” 𐴃𐴝𐴌𐴥𐴞𐴑 𐴀𐴞𐴀𐴞𐴕𐴡𐴃 , 𐴁𐴤𐴟𐴏𐴞𐴊𐴡𐴚 𐴀𐴠𐴓𐴑𐴝𐴌 𐴊𐴡𐴀𐴡𐴙𐴕𐴡𐴌 𐴌𐴥𐴡𐴙𐴚𐴒𐴙𐴝 𐴊𐴡𐴚 𐴀𐴝𐴌 𐴈𐴡𐴛𐴧𐴝 𐴏𐴥𐴡𐴌𐴥𐴞𐴃 𐴎𐴤𐴝𐴑𐴧𐴗𐴝 𐴈𐴝𐴙𐴄𐴧𐴤𐴙𐴠 𐴀𐴝𐴌 𐴎𐴤𐴝𐴑𐴧𐴗𐴝 𐴁𐴡𐴓𐴡𐴃𐴑𐴝𐴌 𐴒𐴡𐴙𐴅𐴧𐴤𐴙𐴠 , 𐴎𐴞𐴘𐴥𐴝𐴕𐴡𐴌 𐴁𐴝𐴁𐴡𐴃𐴠 𐴌𐴟𐴇𐴝𐴙𐴚𐴒𐴙𐴝𐴌 𐴈𐴝𐴔 𐴒𐴡𐴌𐴥𐴡𐴙𐴕𐴧𐴝 𐴀𐴥𐴡𐴑𐴧𐴡𐴓𐴠 𐴊𐴟𐴕𐴞𐴘𐴝𐴘 𐴌𐴥𐴠 𐴎𐴝𐴕𐴝𐴘𐴧𐴠 𐴱𐴱

𐴔𐴡𐴚𐴋𐴤𐴟 𐴀𐴠𐴓𐴝𐴑𐴝𐴃 𐴎𐴡𐴌𐴟𐴌𐴞 𐴉𐴟𐴓 𐴑𐴠𐴙𐴏𐴧𐴥𐴟 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴠 𐴁𐴤𐴝𐴚𐴞 𐴉𐴥𐴠𐴓𐴥𐴝𐴘𐴧𐴠 𐴱𐴱

𐴁𐴝𐴚𐴓𐴝𐴊𐴠𐴐𐴢 – 𐴁𐴡𐴌𐴔𐴥𐴝 𐴐𐴤𐴞𐴔𐴝 𐴔𐴡𐴚𐴋𐴤𐴟𐴌 𐴀𐴟𐴃𐴧𐴡𐴌𐴠 𐴁𐴠𐴐𐴤𐴞 𐴎𐴡𐴌𐴟𐴌𐴞 𐴉𐴟𐴓 𐴑𐴠𐴙𐴏𐴧𐴥𐴟 , 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴠 𐴁𐴤𐴝𐴚𐴞 𐴉𐴥𐴠𐴓𐴥𐴝𐴘𐴧𐴠 , 𐴔𐴡𐴚𐴋𐴤𐴟𐴌 𐴀𐴟𐴃𐴧𐴡𐴌𐴠 𐴀𐴝𐴀𐴝 𐴎𐴝𐴀𐴝 𐴒𐴡𐴌𐴥𐴡𐴕𐴡𐴌 𐴓𐴧𐴝 𐴁𐴠𐴐𐴤𐴞 𐴎𐴡𐴌𐴟𐴌𐴞𐴊𐴠 , 𐴃𐴞𐴕 𐴔𐴝𐴙𐴓𐴡𐴌 𐴉𐴟𐴓 , 𐴓𐴥𐴝𐴂𐴥𐴟 𐴑𐴡𐴚 𐴉𐴝𐴌𐴝𐴌 𐴋𐴤𐴝𐴑𐴡𐴌 𐴓𐴥𐴝𐴁𐴡 𐴎𐴤𐴝 𐴉𐴟𐴓 , 𐴀𐴥𐴠𐴃𐴝𐴓𐴞𐴘𐴝 𐴉𐴟𐴓 , 𐴁𐴝𐴏𐴟 𐴉𐴝𐴌𐴝 𐴀𐴝𐴌 𐴎𐴝𐴔𐴃𐴡𐴓𐴞𐴌 𐴔𐴝𐴎𐴤𐴡𐴌 𐴉𐴟𐴓 𐴀𐴝𐴌 𐴎𐴟𐴓𐴥𐴝 𐴉𐴝𐴌𐴝𐴌𐴌 𐴉𐴟𐴓 , 𐴔𐴡𐴒𐴢 𐴁𐴝𐴒𐴞 𐴄𐴡𐴀𐴡𐴕𐴡𐴌 𐴁𐴤𐴟𐴃𐴡𐴌𐴠 𐴒𐴤𐴡𐴓𐴞 𐴕𐴡 𐴉𐴝𐴌𐴥𐴠 𐴉𐴥𐴝𐴀𐴝𐴕 , 𐴔𐴠𐴓𐴠𐴄𐴠𐴌𐴞 𐴘𐴠 𐴉𐴟𐴓 𐴀𐴟𐴀𐴟𐴕 𐴁𐴠𐴒𐴧𐴤𐴟𐴕 𐴁𐴤𐴝𐴚𐴞 𐴉𐴥𐴠𐴓𐴥𐴝𐴘𐴧𐴠𐴊𐴠 𐴁𐴡𐴓𐴞 , 𐴔𐴡𐴚𐴋𐴤𐴟𐴌 𐴊𐴠𐴐𐴤𐴡𐴙𐴃𐴧𐴝 𐴔𐴝𐴙𐴕𐴐𐴤𐴡𐴌 𐴃𐴟𐴌𐴥𐴟 𐴎𐴝𐴕𐴝 𐴒𐴞𐴘𐴥𐴠 𐴱𐴱

𐴁𐴡𐴘𐴊𐴠𐴐𐴤𐴡𐴌 𐴈𐴥𐴡𐴁𐴡𐴌

𐴑𐴟𐴓𐴝𐴓𐴝𐴔𐴂𐴟𐴌𐴡𐴃 𐴌𐴝𐴏𐴧𐴝𐴌 𐴖𐴡𐴌𐴠 𐴔𐴝𐴕𐴥𐴟𐴙𐴐𐴢 𐴎𐴡𐴔𐴝 𐴀𐴥𐴡𐴘𐴧𐴠𐴊𐴠 𐴎𐴝𐴒𐴝𐴃 𐴒𐴝𐴏𐴢 𐴁𐴤𐴝𐴚𐴞 𐴉𐴡𐴌𐴞 𐴀𐴠𐴑 𐴎𐴡𐴕𐴡𐴌 𐴔𐴡𐴗𐴃 𐴊𐴟𐴘 𐴎𐴡𐴕 𐴒𐴤𐴝𐴙𐴓 𐴱𐴱

𐴔𐴡𐴓𐴠𐴆𐴤𐴙𐴝 𐴊𐴠𐴐𐴤𐴡𐴌 𐴌𐴝𐴎𐴊𐴤𐴝𐴕𐴞 𐴑𐴟𐴓𐴝𐴓𐴝𐴔𐴂𐴟𐴌𐴡𐴃 𐴔𐴝𐴕𐴥𐴟𐴙𐴐𐴢 𐴁𐴠𐴐𐴤𐴞 𐴎𐴡𐴔𐴝 𐴀𐴥𐴡𐴀𐴡𐴊𐴠 𐴌𐴝𐴏𐴧𐴝 𐴀𐴥𐴡𐴑𐴧𐴡𐴓𐴡𐴌 𐴁𐴤𐴟𐴃𐴡𐴌𐴠 , 𐴀𐴟𐴒𐴧𐴤𐴗𐴝 𐴌𐴝𐴏𐴧𐴝𐴃 𐴔𐴠 𐴔𐴝𐴐𐴤𐴡𐴌 𐴷 𐴃𐴝𐴌𐴥𐴞𐴑𐴡𐴃 𐴒𐴝𐴏𐴢 𐴀𐴟𐴒𐴧𐴤𐴗𐴝 𐴁𐴤𐴝𐴚𐴞 𐴉𐴡𐴌𐴞 , 𐴔𐴝𐴕𐴥𐴟𐴙𐴐𐴢 𐴀𐴠𐴑 𐴎𐴡𐴕 𐴔𐴡𐴌𐴞 𐴒𐴞𐴘𐴥𐴡𐴘 𐴀𐴝𐴌 𐴊𐴟𐴘 𐴎𐴡𐴕 𐴒𐴤𐴝𐴙𐴓 𐴀𐴥𐴡𐴘𐴧𐴠 , 𐴀𐴝𐴌 𐴀𐴠𐴑 𐴊𐴡𐴌𐴎𐴤𐴡𐴕𐴡𐴌 𐴁𐴠𐴐𐴤𐴞 𐴒𐴝𐴌𐴥𐴞 𐴓𐴟𐴏𐴧𐴝𐴕 𐴀𐴥𐴡𐴘𐴧𐴠 𐴱𐴱

𐴊𐴡𐴀𐴡𐴙𐴕 𐴒𐴤𐴡𐴎𐴧𐴝𐴌 𐴇𐴥𐴝𐴐𐴉𐴝𐴃𐴝𐴓𐴡𐴃 𐴃𐴠𐴓 𐴉𐴥𐴟𐴌𐴝𐴘 𐴒𐴞𐴘𐴥𐴡𐴘 𐴁𐴡𐴓𐴞 𐴎𐴝𐴕𐴝 𐴒𐴞𐴘𐴥𐴠 𐴱𐴱

𐴀𐴞𐴏𐴌𐴦𐴝𐴙𐴓𐴠 𐴌𐴡𐴉𐴥𐴝 𐴁𐴡𐴖𐴋𐴝𐴌 𐴑𐴡𐴁𐴎𐴝 𐴒𐴡𐴌𐴥𐴡𐴕𐴡𐴌 𐴁𐴦𐴝𐴊𐴠 , 𐴊𐴡𐴀𐴡𐴙𐴕 𐴒𐴤𐴡𐴎𐴧𐴝 𐴀𐴠𐴓𐴝𐴑𐴝𐴃 𐴐𐴤𐴟𐴊𐴠 𐴔𐴟𐴀𐴟𐴔𐴧𐴞𐴑𐴧𐴙𐴝 𐴀𐴝𐴌 𐴃𐴞𐴕 𐴊𐴞𐴕 𐴇𐴥𐴝𐴐𐴉𐴝𐴃𐴝𐴓 𐴏𐴝𐴓𐴟 𐴌𐴝𐴑𐴤𐴞 𐴉𐴝𐴌𐴠𐴊𐴠 𐴀𐴥𐴠𐴊𐴧𐴟𐴌 𐴃𐴠𐴓 𐴀𐴝𐴏𐴥𐴠𐴊𐴠 𐴁𐴡𐴓𐴞 𐴈𐴡𐴘𐴧𐴥𐴠 𐴀𐴦𐴝𐴓𐴡𐴔𐴞 𐴏𐴠𐴇𐴥𐴠𐴃𐴡𐴌 𐴃𐴡𐴕𐴎𐴞𐴔𐴠 , 𐴔𐴡𐴚𐴒𐴡𐴓 𐴁𐴝𐴌𐴠 𐴀𐴞𐴏𐴌𐴦𐴝𐴙𐴠𐴓𐴠 𐴔𐴠𐴍𐴞𐴌 𐴓𐴝𐴙𐴕𐴡𐴌 𐴉𐴥𐴡𐴖𐴏𐴢 𐴀𐴝𐴌 𐴓𐴝𐴌𐴥𐴝𐴘𐴌 𐴄𐴤𐴠𐴕𐴑 𐴌𐴡𐴉𐴥𐴝 𐴐𐴤𐴡𐴀𐴡𐴌𐴡𐴃 𐴉𐴡𐴣𐴀𐴡𐴏𐴝𐴘 𐴊𐴞𐴀𐴞 , 𐴔𐴞𐴏𐴥𐴞𐴌- 𐴌𐴡𐴉𐴥𐴝 𐴁𐴡𐴖𐴋𐴝𐴌 𐴑𐴡𐴁𐴎𐴝 𐴒𐴡𐴌𐴥𐴡𐴕𐴡𐴌 𐴁𐴦𐴝𐴊𐴠 , 𐴔𐴞𐴏𐴥𐴞𐴌𐴥𐴡𐴌 𐴀𐴥𐴠 𐴋𐴤𐴝𐴑𐴡𐴃𐴧𐴟 𐴒𐴤𐴡𐴎𐴧𐴝𐴃 𐴔𐴡𐴊𐴡𐴊 𐴀𐴝𐴌 𐴃𐴠𐴓 𐴒𐴤𐴡𐴓𐴞 𐴉𐴝𐴌𐴞𐴃𐴤𐴡𐴊𐴠 𐴌𐴝𐴏𐴧𐴝 𐴏𐴥𐴝𐴉𐴢 𐴒𐴡𐴌𐴞 𐴁𐴡𐴕 𐴀𐴥𐴡𐴘 𐴒𐴞𐴘𐴥𐴠 𐴒𐴤𐴡𐴘𐴊𐴠 𐴁𐴡𐴓𐴞 𐴎𐴝𐴕𐴝 𐴒𐴞𐴘𐴠 𐴱𐴱