𐴀𐴟𐴑𐴤𐴞𐴘𐴝𐴃 𐴀𐴥𐴝𐴣𐴃𐴞𐴘𐴝𐴌 𐴐𐴤𐴡𐴣𐴀𐴡 𐴵 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴁𐴡𐴕 𐴱𐴱

𐴑𐴝𐴑𐴏𐴡 𐴁𐴝𐴎𐴝𐴌 𐴀𐴠𐴓𐴝𐴑𐴝𐴌 𐴀𐴟𐴑𐴤𐴞𐴘𐴝 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 , 𐴀𐴠 𐴂𐴞 𐴁𐴞 𐴀𐴠𐴕 𐴉𐴟𐴓𐴞𐴐𐴠 𐴑𐴝𐴌𐴖𐴝𐴘 𐴏𐴝𐴓𐴝𐴘 𐴊𐴠𐴐𐴤𐴞 𐴁𐴞𐴊𐴠𐴐𐴤𐴞 𐴀𐴥𐴝𐴣𐴃𐴞𐴘𐴝𐴌 𐴀𐴝𐴌 𐴒𐴟𐴓𐴞 𐴐𐴤𐴡𐴣𐴀𐴡 𐴉𐴝𐴣𐴏𐴢 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴀𐴝𐴃𐴡𐴚𐴁𐴝𐴊𐴞 𐴁𐴡𐴕 𐴒𐴡𐴙𐴅𐴧𐴤𐴙𐴠 , 𐴀𐴠𐴂𐴌𐴞𐴓 𐴔𐴝𐴐𐴤𐴡𐴌 𐴸 𐴲 𐴃𐴝𐴌𐴥𐴞𐴑 𐴌𐴦𐴡𐴘 𐴁𐴝𐴌𐴠 𐴌𐴝𐴃𐴞𐴘𐴝 𐴀𐴟𐴑𐴤𐴞𐴘𐴝 𐴀𐴟𐴉𐴡𐴎𐴞𐴓𐴥𐴝𐴌 , 𐴑𐴟𐴃𐴤𐴟𐴉𐴝𐴓𐴡𐴚 𐴲 – 𐴉𐴡𐴏𐴥𐴞𐴔 𐴓𐴡𐴔𐴁𐴤𐴡𐴌 𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔𐴡𐴌 𐴋𐴞- 𐴹 𐴁𐴡𐴓𐴡𐴑𐴡𐴃 𐴑𐴝𐴌𐴖𐴝𐴘 𐴀𐴞𐴁𐴤𐴝 𐴒𐴡𐴌𐴥𐴝 𐴒𐴞𐴘𐴥𐴠 𐴱𐴱

𐴎𐴟𐴣𐴖𐴝𐴙𐴓𐴧𐴝 𐴊𐴟𐴘𐴀𐴡𐴔 𐴅𐴡𐴕𐴡𐴌𐴡𐴓 𐴀𐴞𐴕𐴏𐴂𐴝𐴑𐴄𐴡𐴌 ( 𐴀𐴠 𐴋𐴞 𐴀𐴝𐴘 𐴅𐴞 ) 𐴴 𐴱 𐴓𐴡𐴔𐴁𐴤𐴡𐴌 𐴀𐴥𐴝𐴣𐴃𐴞𐴘𐴝𐴌𐴞 𐴉𐴟𐴓𐴞𐴐𐴢 𐴁𐴠𐴄𐴤𐴠𐴓𐴞𐴘𐴠𐴕𐴡𐴌 𐴑𐴡𐴔𐴦𐴝𐴕𐴋𐴝𐴌 / 𐴔𐴟𐴇𐴝𐴔𐴧𐴡𐴊 𐴀𐴠𐴑𐴁𐴝𐴓𐴠 , 𐴔𐴦𐴝𐴔𐴠𐴓𐴝 𐴘𐴝𐴀𐴝𐴕 𐴏𐴥𐴡𐴀𐴞 𐴈𐴥𐴝𐴄𐴤𐴞 𐴁𐴡𐴓𐴞 𐴈𐴡𐴘𐴧𐴥𐴠 , 𐴊𐴤𐴡𐴌𐴝 𐴈𐴥𐴝𐴘𐴧𐴠𐴊𐴠 𐴀𐴥𐴞𐴃𐴤𐴝𐴌𐴥𐴝 𐴀𐴥𐴡𐴙𐴓𐴊𐴠 , 𐴀𐴟𐴑𐴤𐴞𐴘𐴝 𐴀𐴟𐴉𐴡𐴎𐴞𐴓𐴥𐴝𐴌 𐴑𐴟𐴃𐴤𐴟𐴉𐴝𐴓𐴡𐴚 𐴲 – 𐴉𐴡𐴏𐴥𐴞𐴔 𐴓𐴡𐴔𐴁𐴤𐴡𐴌 𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔𐴡𐴌 𐴋𐴞- 𐴹 𐴁𐴡𐴓𐴡𐴑𐴡𐴌 / 𐴔𐴡𐴌𐴇𐴦𐴟𐴔 𐴑𐴡𐴁𐴞𐴌 𐴀𐴥𐴝𐴇𐴔𐴡𐴊𐴡𐴌 𐴉𐴟𐴖𐴝 / 𐴔𐴟𐴇𐴝𐴔𐴧𐴡𐴊 𐴎𐴟𐴁𐴝𐴙𐴌 𐴁𐴡𐴐𐴢 ( 𐴲 𐴲 ) 𐴁𐴡𐴏𐴥𐴡𐴌 , 𐴀𐴠𐴑𐴤𐴟𐴀𐴞 𐴑𐴠𐴀𐴠𐴔𐴡𐴌 𐴏𐴞 – 𐴲 𐴁𐴡𐴓𐴡𐴑𐴡𐴌 / 𐴔𐴡𐴌𐴇𐴦𐴟𐴔 𐴀𐴝𐴁𐴊𐴟𐴓 𐴅𐴡𐴓𐴞𐴓𐴡𐴌 𐴉𐴟𐴖𐴝 / 𐴊𐴞𐴓𐴢 𐴔𐴟𐴇𐴝𐴔𐴦𐴡𐴊 𐴁𐴡𐴐𐴢 ( 𐴵 𐴳 ) 𐴁𐴡𐴏𐴥𐴡𐴌 𐴱𐴱

𐴏𐴞 – 𐴷 𐴁𐴡𐴓𐴡𐴑𐴡𐴌 𐴀𐴝𐴁𐴊𐴟𐴏𐴢 𐴏𐴡𐴓𐴝𐴔𐴡𐴌 𐴉𐴟𐴖𐴝 / 𐴔𐴟𐴇𐴝𐴔𐴧𐴡𐴊 𐴈𐴡𐴓𐴞𐴓𐴢 𐴁𐴡𐴐𐴢 ( 𐴴 𐴳 ) 𐴁𐴡𐴏𐴥𐴡𐴌 , 𐴏𐴞 – 𐴲 𐴁𐴡𐴓𐴡𐴑𐴡𐴌 𐴔𐴡𐴃𐴞𐴀𐴟𐴌 𐴌𐴝𐴇𐴔𐴝𐴕𐴡𐴌 𐴉𐴟𐴖𐴝 / 𐴔𐴟𐴇𐴝𐴔𐴧𐴡𐴊 𐴀𐴞𐴊𐴌𐴞𐴏𐴢 𐴁𐴡𐴐𐴢 ( 𐴸 𐴲 ) 𐴁𐴡𐴏𐴥𐴡𐴌 𐴱 𐴀𐴝𐴌 𐴀𐴠 – 𐴋𐴞 𐴁𐴡𐴓𐴡𐴑𐴡𐴌 𐴔𐴡𐴌𐴇𐴦𐴟𐴔 𐴐𐴤𐴡𐴁𐴧𐴞𐴌 𐴀𐴥𐴝𐴇𐴔𐴡𐴊𐴡𐴌 𐴉𐴟𐴖𐴝 / 𐴔𐴝𐴇𐴔𐴟𐴊𐴟𐴓𐴧𐴝𐴇𐴢 𐴁𐴡𐴐𐴢 ( 𐴵 𐴲 ) 𐴁𐴡𐴏𐴥𐴡𐴌 , 𐴀𐴠 𐴂𐴞 𐴁𐴞 𐴀𐴠𐴕 𐴉𐴟𐴓𐴞𐴐𐴡𐴌 𐴎𐴝𐴕𐴑𐴝𐴌𐴞 𐴔𐴡𐴎𐴞𐴕 ! 𐴊𐴤𐴡𐴌𐴝 𐴉𐴡𐴙𐴅𐴧𐴤𐴙𐴠𐴊𐴠 𐴀𐴥𐴞𐴃𐴤𐴝𐴌𐴥𐴝 , 𐴀𐴝𐴌𐴑𐴝𐴕𐴡𐴌 𐴀𐴥𐴝𐴣𐴃𐴞𐴘𐴝𐴌𐴞 𐴀𐴝𐴃𐴡𐴚𐴁𐴝𐴊𐴞 𐴋𐴝𐴀𐴝𐴘 ( 𐴀𐴝𐴌𐴑𐴝𐴕 𐴌𐴟𐴇𐴝𐴙𐴚𐴒𐴙𐴝 𐴀𐴝𐴌𐴔𐴥𐴞 ) 𐴃𐴡𐴕𐴎𐴞𐴔𐴡𐴌 𐴔𐴞𐴔𐴁𐴤𐴡𐴌 𐴀𐴥𐴡𐴑𐴧𐴡𐴓 / 𐴎𐴟𐴁𐴝𐴙𐴌 𐴀𐴝𐴃𐴡𐴚𐴁𐴝𐴊𐴞 𐴒𐴟𐴌𐴥𐴟𐴂𐴢 𐴀𐴥𐴞𐴁𐴤𐴝𐴌 𐴀𐴠𐴑 𐴎𐴡𐴕 𐴑𐴡𐴔𐴦𐴝𐴕𐴋𐴝𐴌 𐴱𐴱

𐴀𐴠 𐴋𐴞 𐴀𐴝𐴘 𐴅𐴞/ 𐴀𐴠𐴑𐴁𐴝𐴓𐴠 𐴈𐴡𐴘𐴧𐴥𐴠𐴊𐴠 , 𐴌𐴦𐴡𐴘 𐴁𐴝𐴌𐴠 𐴌𐴝𐴃𐴞𐴘𐴝 𐴀𐴟𐴑𐴤𐴞𐴘𐴝 𐴀𐴟𐴉𐴡𐴎𐴞𐴓𐴥𐴝𐴌 𐴑𐴟𐴃𐴤𐴟𐴉𐴝𐴓𐴡𐴚 𐴲 – 𐴉𐴡𐴏𐴥𐴞𐴔 𐴓𐴡𐴔𐴁𐴤𐴡𐴌 𐴋𐴞- 𐴹 𐴓𐴡𐴔𐴁𐴤𐴡𐴌 𐴁𐴡𐴓𐴡𐴑𐴡𐴌 𐴁𐴤𐴝𐴐𐴞 𐴀𐴠𐴑 𐴎𐴡𐴕𐴡𐴌 𐴒𐴤𐴡𐴌𐴡𐴃 𐴀𐴡𐴉𐴥𐴡𐴌𐴥𐴝𐴊 𐴒𐴡𐴌𐴥𐴞𐴁𐴤𐴝𐴌 𐴕𐴞𐴘𐴡𐴃𐴠 𐴀𐴥𐴝𐴣𐴃 𐴀𐴥𐴝𐴣𐴃𐴞𐴘𐴝𐴌 𐴓𐴡𐴘 𐴀𐴝𐴙𐴐𐴧𐴤𐴙𐴠𐴊𐴠 𐴈𐴥𐴡𐴁𐴡𐴌 𐴉𐴝𐴘 , 𐴀𐴠 𐴂𐴞 𐴁𐴞 𐴀𐴠𐴕 𐴉𐴟𐴓𐴞𐴐𐴡𐴌 𐴎𐴞𐴔𐴧𐴝𐴊𐴝𐴌 / 𐴖𐴡𐴇𐴞𐴊𐴟𐴌 𐴌𐴝𐴇𐴔𐴝𐴕𐴡𐴌 𐴏𐴥𐴡𐴊𐴧𐴝𐴌𐴞𐴃 𐴀𐴟𐴒𐴧𐴤𐴗𐴝 𐴄𐴞𐴀𐴞𐴔𐴠 𐴑𐴝𐴌𐴖𐴝𐴘 𐴏𐴝𐴓𐴝𐴘𐴧𐴥𐴠 , 𐴉𐴟𐴓𐴞𐴐𐴠 𐴒𐴤𐴡𐴌 𐴒𐴤𐴠𐴌𐴖𐴝 𐴒𐴡𐴙𐴅𐴧𐴤𐴙𐴠𐴊𐴠 𐴄𐴤𐴝𐴀𐴝𐴌 𐴉𐴝𐴘 𐴰 𐴱 – 𐴲 𐴱 𐴎𐴡𐴕 𐴔𐴝𐴕𐴥𐴟𐴙𐴐𐴢 𐴊𐴤𐴝𐴘 𐴎𐴝𐴀𐴝𐴌 𐴒𐴤𐴡𐴘𐴊𐴠 𐴐𐴤𐴡𐴣𐴀𐴡𐴃 𐴉𐴝𐴣𐴏𐴢 𐴎𐴡𐴕 𐴊𐴤𐴡𐴌𐴝 𐴉𐴡𐴙𐴅𐴧𐴤𐴙𐴠𐴊𐴠 𐴱𐴱

Sources : Ukhiyanews.com