𐴸 𐴱 𐴎𐴡𐴕𐴡𐴌 𐴁𐴠𐴐𐴤𐴞 𐴁𐴡𐴌𐴔𐴥𐴝𐴌 𐴁𐴞 𐴅𐴞 𐴂𐴞 𐴁𐴝𐴚𐴓𐴝𐴊𐴠𐴐𐴤𐴡𐴃 𐴉𐴝𐴕𐴥𐴝 𐴓𐴡𐴘𐴧𐴥𐴠 𐴱𐴱

𐴁𐴡𐴌𐴔𐴥𐴝𐴌 𐴀𐴝𐴌𐴑𐴝𐴕 𐴋𐴞𐴐𐴄𐴤𐴞𐴑𐴡𐴃 𐴔𐴡𐴒𐴢 𐴁𐴝𐴒𐴢 ( 𐴀𐴠 𐴀𐴠 ) 𐴀𐴝𐴌 𐴇𐴥𐴡𐴑𐴟𐴔𐴡𐴃𐴡𐴌 𐴔𐴠𐴓𐴠𐴄𐴠𐴌𐴞𐴌 𐴔𐴝𐴎𐴤𐴠 𐴀𐴠𐴈𐴥𐴡𐴕 𐴏𐴡𐴓𐴠𐴌𐴊𐴧𐴠 𐴓𐴝𐴌𐴥𐴝𐴘𐴃 , 𐴁𐴡𐴌𐴔𐴥𐴝𐴌 𐴐𐴤𐴞𐴔𐴝 𐴏𐴦𐴡𐴛 𐴉𐴟𐴓𐴞𐴐𐴢 ( 𐴁𐴞 𐴅𐴞 𐴂𐴞 ) 𐴀𐴝𐴌 𐴔𐴠𐴓𐴠𐴄𐴠𐴌𐴞 𐴔𐴞𐴓𐴝𐴘 𐴔𐴟𐴄 𐴸 𐴱 𐴎𐴡𐴕𐴡𐴌 𐴁𐴠𐴐𐴤𐴞 𐴉𐴥𐴡𐴗𐴏𐴢 , 𐴶 𐴱 𐴀𐴠𐴂𐴌𐴞𐴓 𐴔𐴡𐴚𐴒𐴡𐴓 𐴁𐴝𐴌𐴠 𐴁𐴝𐴚𐴓𐴝𐴊𐴠𐴐𐴤𐴡𐴃 𐴉𐴝𐴕𐴥𐴝 𐴓𐴡𐴘𐴧𐴥𐴠 𐴱𐴱

𐴊𐴠𐴐𐴤𐴡𐴙𐴃𐴧𐴝𐴌 𐴔𐴟𐴃𐴦𐴝𐴓𐴧𐴞𐴑𐴝 𐴀𐴡𐴉𐴥𐴞𐴏𐴝𐴌 ( 𐴂𐴞 𐴀𐴝𐴌 𐴀𐴡 ) / 𐴐𐴡𐴌𐴞𐴉𐴟𐴓 𐴀𐴞𐴏𐴓𐴥𐴝𐴔𐴠 𐴁𐴝𐴚𐴓𐴝𐴊𐴠𐴐𐴢 𐴐𐴤𐴞𐴔𐴝 𐴏𐴦𐴡𐴛 𐴉𐴟𐴓𐴞𐴐𐴡𐴌 𐴇𐴥𐴠𐴋𐴑𐴟𐴖𐴝𐴄𐴤𐴝𐴌𐴡𐴃 𐴈𐴡𐴘𐴧𐴥𐴠𐴊𐴠 ! 𐴐𐴤𐴟𐴌𐴟𐴃 𐴌𐴠𐴅𐴝𐴂𐴟𐴌𐴝 𐴁𐴡𐴖𐴋𐴝𐴌 𐴁𐴝𐴀𐴝𐴘 𐴊𐴟𐴘 𐴎𐴡𐴕 𐴁𐴞𐴀𐴞𐴕𐴧𐴝 𐴉𐴝𐴌𐴝𐴘𐴧𐴠 , 𐴉𐴞𐴏𐴥𐴝 𐴉𐴞𐴏𐴧𐴥𐴝 𐴅𐴝𐴔𐴏𐴥𐴡𐴌𐴞𐴌 𐴁𐴡𐴖𐴋𐴝𐴌 𐴁𐴝𐴀𐴝𐴘 𐴊𐴡𐴐𐴢 𐴎𐴡𐴕 𐴉𐴝𐴌𐴥𐴝𐴘𐴧𐴠 𐴱𐴱

𐴁𐴦𐴝𐴊𐴠 𐴊𐴦𐴟𐴛𐴅𐴧𐴙𐴝 𐴁𐴝𐴙𐴐𐴢 𐴉𐴝𐴌𐴥𐴞 𐴁𐴡𐴖𐴋𐴝𐴌 𐴁𐴝𐴀𐴝𐴘 𐴀𐴠𐴑 𐴎𐴡𐴕 𐴉𐴝𐴌𐴥𐴝𐴘𐴧𐴠 , 𐴁𐴦𐴝𐴊𐴠 𐴅𐴝𐴔𐴐𐴤𐴡𐴌𐴞 𐴁𐴡𐴖𐴋𐴝𐴌 𐴁𐴝𐴀𐴝𐴘 𐴀𐴥𐴝𐴣𐴎𐴡𐴙𐴕𐴧𐴝 𐴰 𐴳 : 𐴴 𐴁𐴝𐴎𐴠 𐴀𐴝𐴌𐴀𐴥𐴡 𐴉𐴝𐴣𐴏𐴢 𐴎𐴡𐴕 𐴉𐴝𐴌𐴥𐴝𐴘𐴧𐴠 𐴱 𐴀𐴥𐴞𐴁𐴤𐴝 𐴘𐴠 𐴀𐴝𐴌𐴀𐴥𐴡 𐴈𐴡𐴘𐴧𐴥𐴠𐴊𐴠 ! 𐴐𐴤𐴞𐴣𐴍𐴝 𐴐𐴞𐴣𐴄𐴧𐴤𐴙𐴝 𐴀𐴥𐴡𐴘 𐴒𐴞𐴘𐴥𐴠 𐴒𐴤𐴡𐴘𐴊𐴠 𐴔𐴠𐴓𐴠𐴄𐴠𐴌𐴞 𐴀𐴝𐴌 𐴐𐴤𐴞𐴔𐴝 𐴏𐴦𐴡𐴛 𐴉𐴟𐴓𐴞𐴐𐴡𐴌 𐴋𐴝𐴀𐴝𐴘 , 𐴀𐴥𐴠 𐴀𐴝𐴁𐴡𐴏𐴃𐴤𐴝𐴃 𐴀𐴝𐴘𐴅𐴤𐴡 𐴃𐴤𐴝𐴑𐴤𐴞𐴃 𐴉𐴝𐴌𐴠 , 𐴔𐴟𐴄 𐴸 𐴱 𐴎𐴡𐴕 𐴉𐴥𐴡𐴗𐴏𐴢 𐴀𐴥𐴟𐴀𐴟𐴕𐴡𐴌𐴥𐴠 𐴕𐴥𐴝𐴙𐴑𐴧𐴡𐴚 𐴏𐴥𐴡𐴌𐴞 𐴁𐴝𐴚𐴓𐴝𐴊𐴠𐴐𐴢 ( 𐴁𐴞 𐴅𐴞 𐴁𐴞 ) 𐴉𐴥𐴡𐴗𐴏𐴡𐴌 𐴇𐴥𐴠𐴉𐴝𐴎𐴡𐴃𐴡𐴃 𐴇𐴥𐴠𐴋𐴑𐴟𐴖𐴝𐴄𐴤𐴝𐴌𐴡𐴃 𐴌𐴝𐴙𐴑𐴧𐴤𐴙𐴠 𐴱𐴱

𐴀𐴟𐴀𐴟𐴕 𐴐𐴤𐴡𐴣𐴀𐴡 𐴔𐴞𐴓𐴝𐴘 𐴒𐴡𐴃𐴡 𐴃𐴞𐴕 𐴊𐴞𐴕𐴡𐴌 𐴁𐴤𐴟𐴃𐴡𐴌𐴠 𐴔𐴟𐴄 𐴴 𐴳 𐴎𐴡𐴕 𐴁𐴝𐴚𐴓𐴝𐴊𐴠𐴐𐴤𐴡𐴃 𐴉𐴝𐴌𐴥𐴝𐴘 𐴉𐴝𐴕𐴥𐴝 𐴓𐴡𐴘𐴧𐴥𐴠 , 𐴔𐴝𐴌𐴠𐴆 𐴔𐴝𐴐𐴤𐴡𐴌 𐴰 𐴳 𐴃𐴝𐴌𐴥𐴞𐴑𐴡𐴃 𐴔𐴝𐴎𐴤𐴠 𐴘𐴥𐴡 , 𐴕𐴥𐴝𐴙𐴑𐴧𐴡𐴚 𐴏𐴥𐴡𐴌𐴞 𐴁𐴡𐴖𐴋𐴝𐴌 𐴁𐴝𐴀𐴝𐴘 𐴁𐴡𐴌𐴔𐴥𐴝𐴌 𐴔𐴠𐴓𐴠𐴄𐴠𐴌𐴞 𐴃𐴞𐴕 𐴎𐴡𐴕 𐴁𐴝𐴚𐴓𐴝𐴊𐴠𐴐𐴤𐴡𐴃 𐴉𐴝𐴕𐴥𐴝 𐴓𐴡𐴀𐴡𐴙𐴓 𐴱𐴱

𐴘𐴝𐴀𐴝𐴌 𐴀𐴝𐴒𐴠 𐴘𐴥𐴡 𐴔𐴝𐴌𐴠𐴆 𐴔𐴝𐴐𐴤𐴡𐴌 𐴱 𐴱 𐴃𐴝𐴌𐴥𐴞𐴑𐴡𐴃 𐴔𐴝𐴎𐴤𐴠 𐴘𐴥𐴡 𐴔𐴠𐴓𐴠𐴄𐴠𐴌𐴞 𐴀𐴝𐴌 𐴐𐴤𐴞𐴔𐴝 𐴏𐴦𐴡𐴛 𐴉𐴟𐴓𐴞𐴐𐴢 𐴔𐴞𐴓𐴝𐴘 𐴔𐴟𐴄 𐴷 𐴷 𐴱 𐴎𐴡𐴕 𐴁𐴝𐴚𐴓𐴝𐴊𐴠𐴐𐴤𐴡𐴃 𐴉𐴝𐴌𐴥𐴝𐴘 𐴉𐴝𐴕𐴥𐴝 𐴓𐴡𐴘𐴧𐴥𐴠 , 𐴘𐴥𐴝𐴀𐴝𐴌 𐴀𐴥𐴡 𐴀𐴝𐴒𐴠 𐴰 𐴳 𐴳 𐴎𐴡𐴕 𐴀𐴝𐴌𐴑𐴝𐴕𐴡𐴃𐴧𐴤𐴟 𐴊𐴤𐴝𐴘 𐴈𐴡𐴀𐴠𐴑 𐴁𐴝𐴌 𐴒𐴡𐴌𐴥𐴞 𐴁𐴝𐴚𐴓𐴝𐴊𐴠𐴐𐴤𐴡𐴃 𐴉𐴝𐴕𐴥𐴝 𐴓𐴡𐴀𐴡𐴙𐴓 , 𐴰 𐴳 𐴳 𐴎𐴡𐴕 𐴀𐴥𐴟𐴀𐴟𐴕𐴡𐴌𐴥𐴠 𐴒𐴡𐴃𐴡 𐴉𐴥𐴠𐴌𐴖𐴝𐴌𐴞 𐴔𐴝𐴐𐴤𐴡𐴌 𐴵 𐴱 𐴃𐴝𐴌𐴥𐴞𐴑𐴡𐴃 𐴁𐴡𐴌𐴔𐴥𐴝𐴃 𐴖𐴝𐴉𐴠𐴏𐴢 𐴉𐴡𐴣𐴀𐴡𐴏𐴝𐴘 𐴊𐴞𐴘𐴝 𐴒𐴞𐴘𐴥𐴠 𐴱𐴱

Sources : bangladeshpost