𐴀𐴝𐴌𐴑𐴝𐴕𐴡𐴌 𐴓𐴝𐴌𐴥𐴝𐴘𐴃 𐴰 𐴸 𐴎𐴡𐴕 𐴓𐴡𐴃𐴞 𐴌𐴟𐴇𐴝𐴙𐴚𐴒𐴙𐴝 𐴔𐴡𐴌𐴞 𐴒𐴞𐴘𐴥𐴡𐴘 𐴀𐴝𐴌 𐴰 𐴳 𐴱 𐴎𐴡𐴕 𐴓𐴡𐴃 𐴒𐴤𐴝𐴙𐴓 𐴀𐴥𐴡𐴘𐴧𐴠 𐴱𐴱

𐴀𐴝𐴌𐴑𐴝𐴕𐴡𐴃 𐴔𐴠𐴓𐴠𐴄𐴠𐴌𐴞𐴌 𐴇𐴥𐴝𐴁𐴝𐴀𐴞 𐴇𐴥𐴝𐴔𐴓𐴝𐴌 𐴎𐴡𐴌𐴞𐴘𐴝 𐴋𐴝𐴀𐴝𐴘 𐴋𐴝𐴀𐴝𐴘 𐴌𐴟𐴇𐴝𐴙𐴚𐴒𐴙𐴝 𐴔𐴡𐴙𐴅𐴧𐴤𐴙𐴠𐴊𐴠 𐴒𐴤𐴝𐴙𐴓𐴢 𐴀𐴥𐴡𐴘𐴧𐴠𐴊𐴠 𐴓𐴦𐴡𐴃 𐴉𐴝𐴀𐴝 𐴒𐴞𐴘𐴥𐴠 , 𐴀𐴠𐴈𐴥𐴡𐴕 𐴇𐴥𐴝𐴁𐴝𐴌 𐴎𐴝𐴀𐴝𐴣𐴏𐴡𐴌 𐴔𐴝𐴃 𐴉𐴥𐴟𐴕𐴞𐴓𐴠 𐴀𐴥𐴟𐴊𐴧𐴝 𐴋𐴡𐴌 𐴓𐴝𐴒𐴠 𐴁𐴡𐴓𐴞 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴠 𐴈𐴡𐴘𐴧𐴠 , ( 𐴀𐴝𐴌 𐴀𐴠𐴉𐴢 𐴀𐴠 ) 𐴘𐴠 𐴎𐴡𐴔𐴝 𐴒𐴡𐴙𐴅𐴧𐴤𐴙𐴠𐴊𐴠 𐴓𐴞𐴐𐴄𐴤𐴞 𐴔𐴡𐴎𐴞𐴕 𐴀𐴝𐴌𐴑𐴝𐴕𐴡𐴃 𐴳 𐴲 𐴰 𐴲 𐴐𐴤𐴡𐴕 𐴕𐴡𐴖𐴡𐴔𐴁𐴡𐴌 𐴔𐴝𐴐𐴤𐴡𐴌 𐴳 𐴱 𐴃𐴝𐴌𐴥𐴞𐴑𐴡𐴃 𐴓𐴝𐴌𐴥𐴝𐴘 𐴐𐴤𐴟𐴌𐴟 𐴀𐴥𐴡𐴘𐴧𐴠 𐴓𐴡𐴃𐴞 , 𐴴 𐴲 𐴰 𐴲 𐴐𐴡𐴕 𐴀𐴠𐴂𐴌𐴞𐴓 𐴔𐴝𐴐𐴤𐴡𐴌 𐴀𐴠𐴑 𐴃𐴝𐴌𐴥𐴞𐴑 𐴉𐴡𐴙𐴅𐴧𐴡𐴕𐴃𐴡 , 𐴔𐴠𐴓𐴠𐴄𐴠𐴌𐴞𐴌 𐴋𐴡𐴣𐴀𐴡𐴌 𐴀𐴥𐴝𐴣𐴃𐴞𐴘𐴝𐴌 𐴀𐴝𐴌 𐴇𐴥𐴝𐴁𐴝𐴀𐴞 𐴁𐴟𐴔𐴡𐴌 𐴎𐴡𐴌𐴞𐴘𐴝 , 𐴰 𐴸 𐴎𐴡𐴕 𐴓𐴡𐴃𐴞 𐴌𐴟𐴇𐴝𐴙𐴚𐴒𐴙𐴝 𐴔𐴡𐴌𐴞 𐴒𐴞𐴘𐴥𐴡𐴘 𐴀𐴝𐴌 𐴰 𐴳 𐴱 𐴎𐴡𐴕 𐴓𐴡𐴃𐴞 𐴒𐴤𐴝𐴙𐴓 𐴀𐴥𐴡𐴘𐴧𐴠 𐴱𐴱

𐴔𐴥𐴝𐴔 𐴁𐴡𐴌𐴥𐴝 𐴐𐴤𐴡𐴀𐴡𐴌 𐴀𐴠𐴓𐴝𐴑𐴝𐴃 𐴔𐴡𐴙𐴅𐴧𐴤𐴙𐴠𐴊𐴠 𐴷 𐴲 𐴎𐴡𐴕 𐴀𐴝𐴌 𐴒𐴤𐴝𐴙𐴓 𐴀𐴥𐴡𐴘𐴧𐴠𐴊𐴠 𐴳 𐴴 𐴎𐴡𐴕 , 𐴁𐴤𐴟𐴏𐴞𐴊𐴡𐴚 𐴐𐴤𐴡𐴀𐴡𐴌 𐴀𐴠𐴓𐴝𐴑𐴝𐴃 𐴔𐴡𐴙𐴅𐴧𐴤𐴙𐴠𐴊𐴠 𐴴 𐴲 𐴎𐴡𐴕 𐴀𐴝𐴌 𐴒𐴤𐴝𐴙𐴓 𐴀𐴥𐴡𐴘𐴧𐴠𐴊𐴠 𐴵 𐴴 𐴎𐴡𐴕 , 𐴑𐴙𐴡𐴑𐴄𐴡 𐴐𐴤𐴡𐴀𐴡𐴌 𐴀𐴠𐴓𐴝𐴑𐴝𐴃 𐴔𐴡𐴙𐴅𐴧𐴤𐴙𐴠𐴊𐴠 𐴷 𐴱 𐴎𐴡𐴕 𐴒𐴤𐴝𐴙𐴓 𐴀𐴥𐴡𐴘𐴧𐴠𐴊𐴠 𐴷 𐴱 𐴎𐴡𐴕 , 𐴔𐴡𐴌𐴥𐴡𐴑 𐴀𐴥𐴟 𐴐𐴤𐴡𐴀𐴡𐴌 𐴀𐴠𐴓𐴝𐴑𐴝𐴃 𐴔𐴡𐴙𐴅𐴧𐴤𐴙𐴠𐴊𐴠 𐴏𐴝𐴙𐴌 𐴎𐴡𐴕 𐴀𐴝𐴌 𐴒𐴤𐴝𐴙𐴓 𐴀𐴥𐴡𐴘𐴧𐴠𐴊𐴠 𐴷 𐴱 𐴎𐴡𐴕 , 𐴀𐴝𐴙𐴑𐴧𐴙𐴝𐴁𐴢 𐴐𐴤𐴡𐴀𐴡𐴌𐴡𐴃 𐴔𐴡𐴙𐴅𐴧𐴤𐴙𐴠𐴊𐴠 𐴇𐴥𐴝𐴣𐴃𐴢 𐴎𐴡𐴕 𐴀𐴝𐴌 𐴒𐴤𐴝𐴙𐴓 𐴀𐴥𐴡𐴘𐴧𐴠𐴊𐴠 𐴉𐴝𐴣𐴏𐴢 𐴎𐴡𐴕 , 𐴁𐴠𐴒𐴧𐴤𐴟𐴕𐴠 𐴔𐴞𐴓𐴝𐴘 𐴔𐴟𐴄𐴢 𐴔𐴡𐴙𐴅𐴧𐴤𐴙𐴠𐴊𐴠 𐴹 𐴷 𐴎𐴡𐴕 𐴀𐴝𐴌 𐴒𐴤𐴝𐴙𐴓 𐴀𐴥𐴡𐴘𐴧𐴠𐴊𐴠 𐴷 𐴲 𐴱 𐴎𐴡𐴕 𐴱𐴱

𐴀𐴞𐴀𐴞𐴕𐴡𐴌 𐴁𐴤𐴟𐴃𐴡𐴌𐴠 𐴎𐴤𐴝𐴑𐴧𐴗𐴝 𐴔𐴡𐴌𐴝 𐴀𐴝𐴌 𐴒𐴤𐴝𐴙𐴓 𐴀𐴥𐴡𐴘𐴧𐴠𐴊𐴠 𐴒𐴤𐴡𐴄𐴡𐴕𐴝 𐴊𐴟𐴘𐴧𐴥𐴝𐴕 𐴀𐴝𐴏𐴥𐴠 , 𐴒𐴠𐴓𐴊𐴠 𐴔𐴝𐴌𐴠𐴆𐴡𐴌 𐴸 𐴱 𐴃𐴝𐴌𐴥𐴞𐴑𐴡𐴃 𐴔𐴥𐴝𐴔 𐴁𐴡𐴌𐴥𐴝 𐴐𐴤𐴡𐴀𐴡𐴌 𐴀𐴠𐴓𐴝𐴑𐴝𐴌 𐴏𐴝𐴋𐴝 𐴉𐴝𐴌𐴝𐴃 , 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴓𐴝𐴌𐴥𐴝𐴘𐴌 𐴎𐴝𐴣𐴀𐴝𐴏𐴢 𐴓𐴡𐴘 𐴁𐴟𐴔 𐴔𐴝𐴌𐴡𐴕𐴡𐴌 𐴎𐴡𐴌𐴞𐴘𐴝 , 𐴌𐴟𐴇𐴝𐴙𐴚𐴒𐴙𐴝 𐴲 𐴲 𐴎𐴡𐴕 𐴉𐴥𐴟𐴣𐴖𐴥𐴝𐴣𐴃𐴞 𐴔𐴡𐴌𐴞 𐴒𐴞𐴘𐴥𐴡𐴘 𐴹 𐴲 𐴎𐴡𐴕 𐴒𐴤𐴝𐴙𐴓𐴢 𐴀𐴥𐴡𐴘𐴧𐴠 , 𐴀𐴥𐴞𐴀𐴞𐴕 𐴁𐴦𐴝𐴊𐴠 𐴘𐴥𐴡 𐴒𐴠𐴓𐴊𐴠 𐴅𐴝𐴕𐴖𐴝𐴌𐴞 𐴔𐴝𐴐𐴤𐴡𐴃 𐴔𐴝𐴎𐴤𐴠 , 𐴁𐴤𐴟𐴏𐴞𐴊𐴡𐴚 𐴐𐴤𐴡𐴀𐴡𐴌 𐴀𐴠𐴓𐴝𐴑𐴝𐴌 𐴉𐴟𐴛𐴔𐴝𐴓𐴞 𐴉𐴝𐴌𐴝𐴃 𐴔𐴠𐴓𐴠𐴄𐴞𐴌𐴞𐴌 𐴋𐴡𐴣𐴀𐴡𐴌 𐴀𐴥𐴝𐴣𐴃𐴞𐴘𐴝𐴌𐴡𐴌 𐴎𐴡𐴌𐴞𐴘𐴝 𐴲 𐴱 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴔𐴡𐴌𐴞 𐴒𐴞𐴘𐴥𐴡𐴘 𐴲 𐴳 𐴎𐴡𐴕 𐴒𐴤𐴝𐴙𐴓 𐴀𐴥𐴡𐴘𐴧𐴠 𐴱𐴱

𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴈𐴡𐴏𐴥𐴟𐴌𐴞 𐴏𐴥𐴝𐴌𐴝 𐴀𐴥𐴡𐴘 𐴁𐴦𐴝𐴊𐴠 𐴘𐴥𐴡 𐴀𐴠𐴕𐴋𐴞𐴓𐴧𐴝 𐴒𐴡𐴌𐴥𐴞 𐴎𐴤𐴝𐴑 𐴎𐴤𐴝𐴑 𐴔𐴡𐴌𐴠𐴌𐴊𐴧𐴠 𐴘𐴥𐴝𐴀𐴝𐴕𐴡𐴌𐴓𐴧𐴝 , 𐴀𐴡𐴐𐴤𐴡𐴙𐴅𐴧𐴡 𐴀𐴡𐴐𐴤𐴝𐴕𐴃𐴞 𐴁𐴤𐴟𐴒𐴢 𐴒𐴡𐴌𐴥𐴝 𐴉𐴡𐴌𐴠𐴌 𐴁𐴡𐴓𐴞 𐴔𐴥𐴝𐴔 𐴁𐴡𐴌𐴥𐴝 𐴐𐴤𐴡𐴀𐴡𐴌 𐴀𐴠𐴓𐴝𐴑𐴝𐴌 𐴏𐴝𐴋𐴝 𐴉𐴝𐴙𐴅𐴧𐴙𐴝 𐴌𐴟𐴇𐴝𐴙𐴚𐴒𐴙𐴝 𐴀𐴠𐴑 𐴎𐴡𐴕𐴠 𐴈𐴡𐴘𐴧𐴥𐴠 , 𐴀𐴝𐴙𐴑𐴧𐴙𐴝𐴁𐴢 , 𐴔𐴡𐴌𐴥𐴡𐴑 𐴀𐴥𐴟 , 𐴁𐴤𐴟𐴏𐴞𐴊𐴡𐴚 , 𐴑𐴙𐴡𐴑𐴄𐴡 𐴀𐴠𐴕𐴋𐴞𐴓𐴧𐴝 𐴀𐴝𐴌𐴀𐴥𐴡 𐴀𐴡𐴙𐴕𐴧𐴡 𐴐𐴤𐴡𐴀𐴡𐴌 𐴀𐴥𐴡𐴑𐴧𐴡𐴓𐴡𐴃 , 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴉𐴝𐴌𐴝𐴌 𐴁𐴤𐴟𐴃𐴡𐴌𐴠 𐴋𐴡𐴣𐴀𐴡𐴌 𐴀𐴥𐴝𐴣𐴃𐴞𐴘𐴝𐴌 𐴀𐴝𐴌 𐴓𐴝𐴌𐴥𐴝𐴘𐴌 𐴎𐴝𐴣𐴀𐴝𐴏𐴢 𐴓𐴡𐴘 𐴁𐴟𐴔 𐴔𐴝𐴌𐴡𐴕𐴡𐴌 𐴎𐴡𐴌𐴞𐴘𐴝 , 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴔𐴡𐴙𐴅𐴧𐴤𐴙𐴠𐴊𐴠 𐴀𐴝𐴌 𐴒𐴤𐴝𐴙𐴓𐴢 𐴀𐴥𐴡𐴘𐴧𐴥𐴠𐴊𐴠 𐴁𐴡𐴓𐴞 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴠 𐴈𐴡𐴘𐴧𐴥𐴠 𐴱𐴱

Sources : RFAburmese