𐴉𐴝𐴄𐴢 𐴒𐴠𐴌𐴝𐴔 𐴁𐴡𐴖𐴋𐴝𐴌𐴡𐴃 𐴒𐴟𐴌𐴝 𐴉𐴟𐴖𐴝 𐴐𐴤𐴡𐴣𐴀𐴡 𐴴 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴒𐴠𐴌𐴠𐴉𐴃𐴝𐴌 𐴱𐴱

𐴓𐴝𐴓 𐴔𐴡𐴕𐴞𐴌 𐴇𐴥𐴝𐴣𐴄 𐴋𐴞𐴐𐴄𐴤𐴞𐴑𐴡𐴌 𐴉𐴝𐴄𐴢 𐴒𐴠𐴌𐴝𐴔 𐴀𐴟𐴉𐴡𐴎𐴞𐴓𐴥𐴝𐴌 𐴁𐴡𐴖𐴋𐴝𐴌 𐴁𐴝𐴀𐴝𐴘 , 𐴀𐴞𐴕𐴋𐴤𐴞𐴘𐴝 𐴉𐴝𐴌𐴥𐴝𐴘 𐴎𐴝𐴘 𐴁𐴡𐴓𐴧𐴥𐴝 𐴏𐴠𐴐𐴃𐴝 𐴒𐴡𐴌𐴥𐴠𐴌 𐴊𐴧𐴠 𐴐𐴤𐴡𐴣𐴀𐴡𐴃 , 𐴒𐴟𐴌𐴝 𐴉𐴟𐴖𐴝 𐴐𐴤𐴡𐴣𐴀𐴡 𐴴 𐴏𐴝𐴙𐴌 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴌𐴠 ( 𐴁𐴞 𐴅𐴞 𐴁𐴞 ) 𐴁𐴝𐴚𐴓𐴝𐴊𐴠𐴐𐴤𐴡𐴌 𐴐𐴤𐴞𐴔𐴝 𐴏𐴦𐴡𐴛 𐴉𐴟𐴓𐴞𐴐𐴠 𐴁𐴡𐴕 𐴒𐴡𐴌𐴥𐴞 𐴁𐴦𐴝𐴊𐴠 , 𐴀𐴥𐴞𐴃𐴝𐴌𐴝 𐴌𐴥𐴠 𐴉𐴝𐴄𐴢 𐴒𐴠𐴌𐴝𐴔 𐴉𐴟𐴓𐴞𐴐𐴢 𐴃𐴤𐴝𐴕𐴝𐴃 𐴒𐴡𐴏𐴥𐴝𐴘 𐴊𐴞𐴘𐴠 𐴱𐴱

𐴉𐴥𐴠𐴌𐴖𐴝𐴌𐴞 𐴔𐴝𐴐𐴤𐴡𐴌 𐴹 𐴃𐴝𐴌𐴥𐴞𐴑 𐴐𐴤𐴟𐴑𐴧𐴟𐴌 𐴁𐴝𐴌𐴠 𐴊𐴦𐴟𐴛𐴅𐴧𐴙𐴝 𐴉𐴝𐴄𐴢 𐴒𐴠𐴌𐴝𐴔 𐴀𐴟𐴉𐴡𐴎𐴞𐴓𐴥𐴝𐴌 , 𐴊𐴡𐴇𐴥𐴡 𐴒𐴠𐴌𐴝𐴔 𐴘𐴟𐴕𐴞𐴀𐴥𐴡𐴕𐴡𐴌 𐴑𐴡𐴌𐴞𐴋𐴟𐴌 𐴉𐴝𐴌𐴝𐴌 𐴐𐴤𐴞𐴔𐴝 𐴁𐴝𐴀𐴝𐴘 , 𐴀𐴞𐴕𐴋𐴤𐴞𐴘𐴝 𐴉𐴝𐴌𐴥𐴝𐴘 𐴎𐴝𐴘𐴁𐴝𐴌 𐴏𐴠𐴐𐴃𐴝 𐴒𐴡𐴌𐴥𐴠𐴌 𐴊𐴧𐴠 𐴐𐴤𐴣𐴀𐴡𐴃 𐴀𐴥𐴞𐴃𐴝𐴌𐴝 𐴌𐴥𐴠 𐴉𐴟𐴓𐴞𐴐𐴠 𐴁𐴡𐴕 𐴒𐴡𐴙𐴅𐴧𐴤𐴙𐴠𐴊𐴠 , 𐴊𐴤𐴡𐴌𐴝 𐴉𐴡𐴙𐴅𐴧𐴤𐴙𐴠𐴊𐴠 𐴀𐴥𐴞𐴃𐴝𐴌𐴝 𐴀𐴥𐴡𐴙𐴓𐴊𐴠 ! / 𐴀𐴝𐴁𐴊𐴟𐴓𐴧𐴝𐴇𐴢 ( 𐴁𐴝𐴉𐴢 ) 𐴘𐴟𐴕𐴟𐴏𐴢 𐴔𐴡𐴌𐴇𐴦𐴟𐴔 𐴁𐴡𐴐𐴢 𐴴 𐴲 𐴁𐴡𐴏𐴥𐴡𐴌 , 𐴀𐴝𐴁𐴊𐴟𐴓𐴧𐴝𐴇𐴌 𐴁𐴡𐴖 / 𐴐𐴤𐴡𐴌𐴞𐴉𐴝 𐴁𐴡𐴐𐴢 ( 𐴹 𐴱 ) 𐴁𐴡𐴏𐴥𐴡𐴌 , / 𐴀𐴝𐴔𐴞𐴕𐴝 𐴁𐴝𐴉𐴢 𐴐𐴤𐴡𐴔𐴏𐴟𐴓 𐴀𐴝𐴓𐴡𐴔 ( 𐴁𐴡𐴐𐴢 ) 𐴵 𐴲 𐴁𐴡𐴏𐴥𐴡𐴌 / 𐴌𐴞𐴕𐴝𐴏𐴢 𐴁𐴞𐴁𐴞 𐴁𐴝𐴉𐴢 𐴀𐴝𐴁𐴊𐴟𐴓𐴧𐴝𐴇𐴢 ( 𐴁𐴡𐴐𐴢 ) 𐴷 𐴲 𐴔𐴝𐴐𐴢 𐴱𐴱

𐴊𐴤𐴡𐴌𐴝 𐴉𐴡𐴙𐴅𐴧𐴤𐴙𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴟𐴀𐴟𐴕 , 𐴑𐴝𐴑𐴏𐴡 𐴁𐴝𐴎𐴝𐴌 𐴋𐴞𐴐𐴄𐴤𐴞𐴑 𐴄𐴠𐴑𐴕𐴝𐴉𐴡𐴌 𐴏𐴝𐴑𐴔𐴥𐴝𐴌 𐴑𐴟𐴓 𐴱 𐴲 𐴓𐴡𐴔𐴁𐴤𐴡𐴌 𐴑𐴠𐴀𐴠𐴔 𐴀𐴝𐴌 𐴀𐴟𐴑𐴤𐴞𐴘𐴝 𐴑𐴟𐴃𐴤𐴟𐴉𐴝𐴓𐴡𐴚 𐴀𐴠𐴑 𐴓𐴡𐴔𐴁𐴤𐴡𐴌 𐴑𐴠𐴀𐴠𐴔𐴡𐴃 𐴃𐴤𐴝𐴑𐴤𐴞𐴃𐴤𐴡𐴊𐴠 𐴔𐴝𐴕𐴥𐴟𐴙𐴐𐴢 , 𐴉𐴟𐴓𐴞𐴐𐴡𐴌 𐴃𐴡𐴉𐴥𐴡𐴌 𐴅𐴝𐴕𐴑𐴝𐴌𐴞 𐴔𐴡𐴎𐴞𐴕 , 𐴉𐴝𐴄𐴢 𐴒𐴠𐴌𐴝𐴔 𐴀𐴟𐴉𐴡𐴎𐴞𐴓𐴥𐴝𐴌 𐴊𐴡𐴇𐴥𐴡 𐴒𐴠𐴌𐴝𐴔 𐴘𐴟𐴕𐴞𐴀𐴥𐴡𐴕𐴡𐴌 𐴑𐴡𐴌𐴞𐴋𐴟𐴌 𐴉𐴝𐴌𐴝𐴌 𐴁𐴡𐴖𐴋𐴝𐴌𐴡𐴌 𐴔𐴠𐴀𐴞𐴕 𐴈𐴥𐴝𐴔𐴁𐴤𐴝 𐴓𐴡𐴔𐴁𐴤𐴡𐴌 – 𐴋𐴞 𐴀𐴠 𐴀𐴠𐴔 𐴂𐴞 – 𐴷 / 𐴰 𐴳 𐴀𐴠𐴏𐴢 , 𐴎𐴝𐴒𐴝 𐴘𐴝𐴀𐴝𐴕𐴡𐴃 𐴰 𐴳 𐴒𐴡𐴎 𐴓𐴡𐴃𐴞 𐴁𐴝𐴚𐴓𐴝𐴊𐴠𐴐𐴤𐴡𐴌 𐴁𐴤𐴟𐴃𐴡𐴌𐴠 𐴒𐴤𐴟𐴌𐴥𐴝 𐴉𐴞𐴌𐴥𐴝 𐴒𐴡𐴌𐴥𐴝𐴌 𐴀𐴝𐴁𐴡𐴏𐴃𐴤𐴝𐴃 𐴱𐴱

𐴁𐴞 𐴅𐴞 𐴁𐴞 𐴓𐴡𐴔𐴁𐴤𐴡𐴌 𐴱 𐴵 𐴊𐴡𐴇𐴥𐴡 𐴒𐴠𐴌𐴝𐴔 𐴁𐴞 𐴀𐴡 𐴂𐴞 𐴑𐴠𐴀𐴠𐴔 𐴑𐴡𐴔𐴦𐴝𐴕𐴋𐴝𐴌 𐴕𐴝𐴀𐴠𐴁 𐴏𐴥𐴟𐴁𐴠𐴊𐴝𐴌 / 𐴀𐴝𐴁𐴊𐴟𐴓 𐴔𐴡𐴕𐴧𐴝𐴕 𐴔𐴟𐴓𐴧𐴝𐴌 𐴄𐴞𐴀𐴞𐴔 𐴀𐴟𐴒𐴧𐴤𐴗𐴝 𐴘𐴠 𐴏𐴝𐴙𐴌 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴌𐴠 𐴁𐴡𐴕 𐴒𐴡𐴌𐴥𐴞 𐴉𐴝𐴄𐴢 𐴒𐴠𐴌𐴝𐴔 𐴃𐴤𐴝𐴕𐴝𐴃 𐴒𐴡𐴏𐴥𐴝𐴘 𐴊𐴞𐴘𐴠 , 𐴉𐴝𐴄𐴢 𐴒𐴠𐴌𐴝𐴔 𐴃𐴤𐴝𐴕𐴝𐴌 𐴀𐴡𐴉𐴥𐴞𐴏𐴝𐴌 ( 𐴀𐴡 𐴏𐴞 ) 𐴉𐴥𐴠𐴌𐴊𐴡𐴗𐴏𐴢 𐴖𐴡𐴇𐴥𐴞𐴊𐴠 𐴒𐴤𐴡𐴄𐴡𐴕𐴝 𐴘𐴝𐴀𐴝𐴕 𐴏𐴥𐴡𐴀𐴞 𐴈𐴥𐴝𐴄𐴞 𐴁𐴡𐴓𐴞 𐴎𐴝𐴒𐴡 𐴈𐴥𐴡𐴁𐴡𐴌 𐴀𐴝𐴓𐴝 𐴌𐴥𐴠 𐴈𐴡𐴘𐴧𐴠 , 𐴊𐴤𐴡𐴌𐴝 𐴉𐴡𐴙𐴅𐴧𐴤𐴙𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴟𐴀𐴟𐴕𐴡𐴌𐴠 𐴐𐴤𐴡𐴕𐴞 𐴁𐴝𐴌𐴠 𐴑𐴠𐴀𐴠𐴔𐴡𐴃 𐴖𐴝𐴉𐴠𐴏𐴢 𐴉𐴡𐴣𐴀𐴡𐴏𐴝𐴘 𐴊𐴞𐴀𐴞𐴁𐴝𐴌 𐴑𐴝𐴌𐴖𐴝𐴘 𐴏𐴡𐴓𐴠𐴌 𐴁𐴡𐴓𐴞 𐴘𐴥𐴡 𐴈𐴡𐴘𐴧𐴠 𐴱𐴱

Sources : Ukhiyanews.com