𐴔𐴡𐴓𐴠𐴆𐴤𐴙𐴝𐴌 𐴁𐴡𐴕 𐴈𐴥𐴝𐴕𐴝𐴃𐴧𐴟 𐴰 𐴰 𐴱 𐴎𐴡𐴕𐴡𐴌 𐴁𐴠𐴐𐴤𐴞 𐴌𐴟𐴇𐴝𐴙𐴚𐴒𐴙𐴝 𐴊𐴤𐴝𐴘 𐴒𐴞𐴘𐴥𐴡𐴘 , 𐴒𐴝𐴌𐴥𐴞𐴃 𐴋𐴤𐴟𐴐𐴢 𐴈𐴥𐴝𐴘 𐴱 𐴎𐴡𐴕 𐴔𐴡𐴌𐴞 𐴒𐴞𐴘𐴥𐴡𐴘 𐴱𐴱

𐴔𐴡𐴓𐴠𐴆𐴤𐴙𐴝𐴌 𐴂𐴞𐴌𐴝𐴃 𐴋𐴞𐴐𐴄𐴤𐴞𐴑𐴡𐴃 𐴀𐴝𐴏𐴥𐴠𐴊𐴠 𐴀𐴞𐴔𐴞𐴒𐴞𐴌𐴞𐴐𐴤𐴠𐴕𐴡𐴌 𐴁𐴡𐴕𐴈𐴥𐴝𐴕𐴥𐴝 𐴀𐴠𐴑𐴧𐴤𐴝𐴕𐴡𐴃𐴧𐴟 , 𐴁𐴡𐴌𐴔𐴥𐴝𐴌 𐴊𐴠𐴐𐴤𐴡𐴙𐴃𐴧𐴝 𐴌𐴟𐴇𐴝𐴙𐴚𐴒𐴙𐴝 𐴵 𐴱 𐴱 𐴎𐴡𐴕 𐴀𐴝𐴌 𐴀𐴡𐴙𐴕𐴧𐴡 𐴎𐴝𐴃 𐴶 𐴱 𐴎𐴡𐴕 𐴊𐴤𐴝𐴘 𐴒𐴞𐴘𐴠 𐴒𐴤𐴡𐴘 , 𐴊𐴤𐴝𐴘 𐴎𐴝𐴘𐴁𐴝𐴌 𐴐𐴤𐴡𐴣𐴀𐴡𐴃 𐴒𐴝𐴌𐴥𐴞𐴃 𐴋𐴤𐴟𐴐𐴢 𐴈𐴥𐴝𐴘 𐴀𐴠𐴑 𐴎𐴡𐴕 𐴔𐴡𐴌𐴞 𐴒𐴞𐴘𐴥𐴡𐴘 𐴁𐴡𐴓𐴞 𐴔𐴡𐴓𐴠𐴆𐴤𐴙𐴝𐴌 𐴀𐴞𐴔𐴞𐴒𐴞𐴌𐴞𐴐𐴤𐴠𐴕𐴠 𐴈𐴡𐴘𐴧𐴠 , 𐴂𐴞𐴌𐴝𐴃 𐴋𐴞𐴐𐴄𐴤𐴞𐴑𐴡𐴃 𐴒𐴝𐴙𐴌 𐴑𐴝𐴕𐴟𐴕𐴞 𐴁𐴡𐴘𐴊𐴠𐴐𐴤𐴡𐴙𐴃𐴧𐴝 𐴀𐴥𐴡𐴑𐴧𐴡𐴓𐴡𐴌𐴠 𐴁𐴡𐴕 𐴒𐴡𐴌𐴥𐴞 𐴌𐴝𐴙𐴑𐴧𐴤𐴙𐴠𐴊𐴠 , 𐴁𐴟𐴋𐴤𐴡 𐴀𐴞𐴔𐴞𐴒𐴞𐴌𐴞𐴐𐴤𐴠𐴕𐴡𐴌 𐴁𐴡𐴕𐴈𐴥𐴝𐴕𐴥𐴝 𐴀𐴠𐴑𐴧𐴤𐴝𐴕𐴡𐴃𐴧𐴟 , 𐴁𐴡𐴌𐴔𐴥𐴝𐴌 𐴊𐴠𐴐𐴤𐴡𐴙𐴃𐴧𐴝 𐴌𐴟𐴇𐴝𐴙𐴚𐴒𐴙𐴝 𐴵 𐴱 𐴱 𐴎𐴡𐴕 𐴀𐴝𐴌 𐴀𐴡𐴙𐴕𐴧𐴡 𐴎𐴝𐴃 𐴶 𐴱 𐴎𐴡𐴕 , 𐴉𐴥𐴠𐴌𐴖𐴝𐴌𐴞 𐴔𐴝𐴐𐴤𐴡𐴌 𐴀𐴠𐴑 𐴃𐴝𐴌𐴥𐴞𐴑 𐴌𐴝𐴃𐴞𐴘𐴝 𐴂𐴠𐴌𐴝𐴘 𐴰 𐴱 𐴁𐴝𐴎𐴠 𐴊𐴤𐴝𐴘 𐴎𐴝𐴁𐴝𐴌 𐴐𐴤𐴡𐴣𐴀𐴡𐴃 𐴒𐴝𐴌𐴥𐴞𐴃 𐴋𐴤𐴟𐴐𐴢 𐴈𐴥𐴝𐴘 𐴀𐴠𐴑 𐴎𐴡𐴕 𐴔𐴡𐴌𐴞 𐴒𐴞𐴘𐴥𐴡𐴘 𐴱𐴱

𐴄𐴝𐴂𐴝 𐴀𐴟𐴉𐴡𐴎𐴞𐴓𐴥𐴝𐴌 𐴉𐴟𐴓𐴞𐴐𐴡𐴌 𐴁𐴡𐴌𐴡 / 𐴔𐴟𐴇𐴝𐴔𐴧𐴡𐴊 𐴀𐴝𐴏𐴕𐴝 𐴖𐴞 𐴘𐴠 𐴈𐴡𐴘𐴧𐴠𐴊𐴠 ! 𐴈𐴡𐴊𐴞 𐴀𐴥𐴡𐴑𐴧𐴡𐴓 𐴁𐴠𐴒𐴧𐴤𐴟𐴕 𐴊𐴤𐴝𐴘 𐴒𐴞𐴘𐴥𐴡𐴘 𐴁𐴡𐴓𐴞 , 𐴀𐴝𐴣𐴀𐴝𐴌𐴝 𐴌𐴥𐴠 𐴊𐴠𐴐𐴤𐴡𐴙𐴃𐴧𐴝 𐴀𐴠𐴑 𐴎𐴡𐴕𐴠 𐴈𐴥𐴡𐴁𐴡𐴌 𐴈𐴡𐴘𐴧𐴠𐴊𐴠 , 𐴑𐴠 𐴀𐴠𐴔 𐴵 𐴳 𐴳 𐴀𐴟𐴃𐴧𐴡𐴌 – 𐴊𐴡𐴀𐴡𐴙𐴕 𐴃𐴠𐴎 𐴔𐴠𐴀𐴠𐴕 𐴌𐴟𐴀𐴟𐴍𐴡𐴃 𐴒𐴝𐴌𐴥𐴞𐴃 𐴋𐴤𐴟𐴐𐴢 𐴈𐴥𐴝𐴘 𐴔𐴡𐴌𐴞 𐴒𐴞𐴘𐴥𐴡𐴘 𐴊𐴠 𐴔𐴝𐴕𐴥𐴟𐴙𐴐𐴢 𐴀𐴥𐴞𐴁𐴤𐴝 , 𐴁𐴡𐴕𐴈𐴥𐴝𐴕𐴝𐴃𐴧𐴟 𐴊𐴤𐴝𐴘 𐴒𐴞𐴘𐴠 𐴒𐴤𐴡𐴘𐴊𐴠 𐴈𐴡𐴊𐴞 𐴁𐴡𐴓𐴞 𐴐𐴤𐴡𐴕𐴊𐴡 𐴒𐴡𐴌𐴥𐴝 𐴎𐴝𐴀𐴝𐴌 , 𐴊𐴤𐴝𐴘 𐴒𐴞𐴘𐴠 𐴒𐴤𐴡𐴘𐴊𐴠 𐴈𐴡𐴊𐴞 𐴀𐴥𐴡𐴑𐴧𐴡𐴓𐴡𐴌 𐴁𐴝𐴁𐴡𐴃𐴠 𐴈𐴡𐴕𐴥𐴡 𐴈𐴥𐴡𐴁𐴡𐴌 𐴉𐴝𐴘𐴓𐴠 , 𐴉𐴟𐴓𐴞𐴐𐴡𐴌𐴥𐴠 𐴎𐴝𐴕𐴝𐴘 𐴊𐴞𐴀𐴞 𐴁𐴡𐴓𐴧𐴥𐴝 𐴊𐴠𐴐𐴤𐴡𐴙𐴃𐴧𐴝 𐴀𐴥𐴡𐴑𐴧𐴡𐴓𐴡𐴌𐴠 𐴈𐴡𐴘𐴧𐴠 𐴱𐴱

𐴁𐴡𐴕𐴈𐴥𐴝𐴕𐴝𐴃𐴧𐴟 𐴊𐴤𐴝𐴘 𐴒𐴞𐴘𐴠 𐴒𐴤𐴡𐴘𐴊𐴠 𐴁𐴡𐴌𐴔𐴥𐴝𐴌 𐴊𐴠𐴐𐴤𐴡𐴙𐴃𐴧𐴝 𐴌𐴟𐴇𐴝𐴙𐴚𐴒𐴙𐴝 𐴵 𐴱 𐴱 𐴎𐴡𐴕 𐴀𐴡𐴙𐴕𐴧𐴡 𐴎𐴝𐴃 𐴶 𐴱 𐴎𐴡𐴕 , 𐴀𐴞𐴃𐴝𐴌𐴥𐴝𐴌 𐴃𐴧𐴟 𐴈𐴡𐴕𐴥𐴡 𐴑𐴞𐴏𐴥𐴞𐴔𐴧𐴝 𐴔𐴡𐴓𐴠𐴆𐴤𐴙𐴌 𐴑𐴝𐴕𐴟𐴕𐴞 𐴏𐴥𐴝𐴁𐴟𐴃 𐴕𐴥𐴝𐴘 𐴊𐴠 𐴀𐴥𐴠𐴃𐴡𐴓𐴧𐴝 𐴊𐴤𐴡𐴌𐴞 𐴁𐴡𐴕 𐴒𐴡𐴌𐴥𐴞 𐴌𐴝𐴙𐴑𐴧𐴤𐴙𐴠𐴊𐴠 , 𐴀𐴥𐴞𐴃𐴝𐴌𐴝 𐴌𐴥𐴠 𐴊𐴤𐴡𐴌𐴞𐴁𐴤𐴡𐴓𐴧𐴝 𐴁𐴞𐴋𐴤𐴡 𐴉𐴟𐴓𐴞𐴐𐴡𐴌 𐴄𐴞𐴀𐴞𐴔 𐴀𐴝𐴌 𐴀𐴞𐴔𐴞𐴒𐴞𐴌𐴞𐴐𐴤𐴠𐴕 , 𐴂𐴞𐴌𐴝𐴃 𐴉𐴟𐴓𐴞𐴐𐴡𐴌 𐴄𐴞𐴀𐴞𐴔 𐴀𐴝𐴌 𐴁𐴟𐴑𐴝𐴏𐴢 𐴀𐴝𐴔𐴝𐴕 𐴉𐴟𐴓𐴞𐴐𐴡𐴌 𐴄𐴞𐴀𐴞𐴔 , 𐴀𐴞𐴃𐴝𐴌𐴥𐴝 𐴁𐴠𐴒𐴧𐴤𐴟𐴕𐴠 𐴔𐴞𐴓𐴞 𐴑𐴝𐴌𐴖𐴝𐴘 𐴒𐴡𐴌𐴥𐴞 𐴊𐴤𐴡𐴙𐴅𐴧𐴙𐴠 𐴁𐴡𐴓𐴞 , 𐴔𐴡𐴓𐴠𐴆𐴤𐴙𐴝𐴌 𐴀𐴞𐴔𐴞𐴒𐴞𐴌𐴞𐴐𐴤𐴠𐴕𐴠 𐴈𐴡𐴘𐴧𐴠 𐴱𐴱

𐴒𐴡𐴃𐴡 𐴲 𐴲 𐴰 𐴲 𐴐𐴤𐴡𐴕 𐴉𐴥𐴠𐴌𐴖𐴝𐴌𐴞 𐴔𐴝𐴐𐴤𐴡𐴃 𐴔𐴝𐴎𐴤𐴠 𐴘𐴥𐴡 , 𐴔𐴡𐴓𐴠𐴆𐴤𐴙𐴝𐴌 𐴀𐴟𐴃𐴧𐴡𐴌 𐴀𐴥𐴞𐴏𐴧𐴝𐴃 𐴀𐴝𐴏𐴥𐴠𐴊𐴠 𐴑𐴡𐴋𐴤𐴝 𐴀𐴞𐴔𐴞𐴒𐴞𐴌𐴞𐴐𐴤𐴠𐴕𐴡𐴌 𐴁𐴡𐴕𐴈𐴥𐴝𐴕𐴝𐴃𐴧𐴟 𐴲 𐴸 𐴵 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴊𐴤𐴝𐴘 𐴒𐴞𐴀𐴞𐴓 𐴒𐴤𐴡𐴘 , 𐴊𐴤𐴝𐴘 𐴎𐴝𐴘𐴁𐴝𐴌 𐴐𐴤𐴡𐴣𐴀𐴡𐴃 𐴔𐴠𐴀𐴠𐴕 𐴌𐴟𐴀𐴟𐴍𐴡𐴌 𐴀𐴟𐴖𐴡𐴌𐴠 , 𐴒𐴝𐴌𐴥𐴞𐴃 𐴋𐴤𐴟𐴐𐴢 𐴈𐴥𐴝𐴘 𐴶 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴔𐴡𐴌𐴞 𐴒𐴞𐴀𐴞𐴓 𐴒𐴤𐴡𐴘𐴊𐴠 𐴀𐴝𐴏𐴥𐴠 𐴱𐴱

Sources : DVBburmese