𐴌𐴟𐴇𐴝𐴙𐴚𐴒𐴙𐴝 𐴏𐴥𐴡𐴚𐴑𐴡𐴄𐴡𐴌 𐴀𐴟𐴉𐴥𐴝𐴘 𐴃𐴟𐴖𐴝𐴘 𐴁𐴝𐴀𐴞𐴌 𐴒𐴡𐴌𐴥𐴝 , 𐴉𐴟𐴌𐴝 𐴊𐴟𐴕𐴞𐴘𐴝𐴘𐴌 𐴎𐴞𐴔𐴧𐴝 𐴁𐴡𐴓𐴞 𐴈𐴡𐴘𐴧𐴠 : 𐴁𐴡𐴌 𐴀𐴟𐴎𐴞𐴌 𐴱𐴱

𐴅𐴝𐴕𐴖𐴝𐴌𐴞 𐴔𐴝𐴐𐴤𐴡𐴌 𐴸 𐴲 𐴃𐴝𐴌𐴥𐴞𐴑 𐴌𐴦𐴡𐴘 𐴁𐴝𐴌𐴠 , 𐴁𐴞𐴌𐴞𐴄𐴤𐴞𐴐𐴢 𐴑𐴡𐴌𐴡𐴏𐴢 𐴉𐴝𐴄𐴞𐴌 𐴂𐴝𐴌𐴓𐴞𐴔𐴠𐴕 𐴔𐴞𐴔𐴁𐴤𐴡𐴌 𐴀𐴥𐴡𐴑𐴧𐴡𐴓𐴡𐴌 𐴋𐴠𐴓𐴞𐴒𐴠𐴐𐴤𐴠𐴕 𐴀𐴟𐴒𐴧𐴤𐴗𐴝 𐴁𐴞𐴌𐴞𐴕𐴋𐴠𐴌𐴝 𐴆𐴝𐴌𐴔𐴥𐴝𐴌 𐴏𐴥𐴡𐴊𐴧𐴝𐴌𐴞𐴃 , 𐴒𐴡𐴕𐴡𐴁𐴤𐴡𐴁𐴡𐴕𐴡𐴃 𐴁𐴡𐴌 𐴀𐴟𐴎𐴞𐴌 𐴓𐴡𐴘 𐴊𐴡𐴓𐴝 𐴀𐴥𐴡𐴘𐴧𐴠𐴊𐴠

𐴀𐴡𐴑𐴃𐴤𐴡𐴃 , 𐴁𐴝𐴚𐴓𐴝𐴊𐴠𐴐𐴤𐴞 𐴁𐴡𐴌 𐴀𐴟𐴎𐴞𐴌 / 𐴐𐴠𐴙𐴑 𐴇𐴥𐴝𐴏𐴞𐴕𐴝 𐴘𐴠 𐴈𐴡𐴘𐴧𐴠𐴊𐴠 ! 𐴁𐴡𐴓𐴡𐴌 𐴎𐴟𐴌𐴠 𐴊𐴠𐴐𐴤𐴡𐴃𐴧𐴟 𐴕𐴠𐴓𐴝𐴘 𐴊𐴞𐴘𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 , 𐴁𐴝𐴚𐴓𐴝𐴊𐴠𐴐𐴤𐴡𐴌 𐴔𐴡𐴃𐴡 𐴀𐴠𐴑𐴧𐴤𐴝𐴕 𐴐𐴤𐴡𐴣𐴍𐴡 𐴊𐴠𐴐𐴤𐴡𐴌 𐴓𐴧𐴝 𐴋𐴡𐴣𐴀𐴡𐴌 𐴁𐴤𐴝𐴌𐴞 𐴉𐴟𐴣𐴎𐴤𐴝 𐴀𐴥𐴡𐴘𐴧𐴠 𐴱𐴱

𐴁𐴡𐴌𐴔𐴥𐴝𐴃𐴧𐴟𐴕 𐴁𐴡𐴓𐴝𐴎𐴟𐴌𐴞 𐴕𐴠𐴓𐴝𐴘 𐴊𐴞𐴘𐴠𐴊𐴠 𐴁𐴡𐴌𐴔𐴥𐴝𐴌 𐴊𐴠𐴐𐴤𐴡𐴙𐴃𐴧𐴝 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 , 𐴕𐴞𐴎𐴡𐴌 𐴊𐴠𐴐𐴤𐴡𐴃 𐴖𐴝𐴉𐴠𐴏𐴢 𐴎𐴝𐴘 𐴐𐴤𐴟𐴕𐴊𐴡𐴌 𐴁𐴤𐴝𐴉𐴠 𐴀𐴞𐴎𐴧𐴡𐴃𐴡𐴌 𐴏𐴥𐴝𐴣𐴃𐴠 𐴎𐴞𐴕𐴊𐴞𐴒𐴞 𐴒𐴡𐴌𐴥𐴞 𐴉𐴝𐴌𐴠 𐴉𐴥𐴝𐴀𐴝𐴕 , 𐴌𐴟𐴇𐴝𐴙𐴚𐴒𐴙𐴝 𐴏𐴥𐴡𐴚𐴑𐴡𐴄𐴡𐴌 𐴀𐴟𐴉𐴥𐴝𐴘 𐴃𐴟𐴖𐴝𐴘 𐴕𐴠𐴓𐴝𐴘 𐴁𐴤𐴡𐴓𐴧𐴝 , 𐴀𐴥𐴠 𐴋𐴠𐴓𐴞𐴒𐴠𐴐𐴤𐴠𐴕𐴡𐴌 𐴏𐴥𐴝𐴔𐴧𐴠 𐴁𐴡𐴌 𐴀𐴟𐴎𐴞𐴌/𐴐𐴠𐴙𐴑 𐴇𐴥𐴝𐴏𐴞𐴕𐴝 𐴘𐴠 𐴉𐴟𐴌𐴝 𐴊𐴟𐴕𐴞𐴘𐴝𐴘𐴌 𐴈𐴝𐴣𐴏𐴥𐴠 𐴀𐴝𐴉𐴞𐴓 𐴒𐴡𐴙𐴅𐴧𐴤𐴙𐴠 𐴱𐴱

𐴁𐴡𐴌 𐴀𐴟𐴎𐴞𐴌𐴠 𐴀𐴝𐴌𐴀𐴥𐴡 𐴈𐴡𐴘𐴧𐴠 𐴊𐴠 ! 𐴉𐴟𐴌𐴝 𐴊𐴟𐴕𐴞𐴘𐴝𐴘 𐴔𐴞𐴓𐴞 𐴘𐴥𐴡𐴌𐴠 𐴈𐴥𐴝𐴔𐴝𐴈𐴥𐴝 𐴌𐴟𐴇𐴝𐴙𐴚𐴒𐴙𐴝 𐴏𐴥𐴡𐴚𐴑𐴡𐴄𐴡𐴌 𐴀𐴟𐴉𐴥𐴝𐴘 𐴕𐴞𐴘𐴝𐴓𐴡𐴕 𐴏𐴝𐴀𐴝 , 𐴃𐴝𐴑𐴤𐴞 𐴁𐴡𐴌𐴔𐴥𐴝𐴌 𐴊𐴠𐴐𐴤𐴡𐴙𐴃𐴧𐴝 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴕𐴞𐴎𐴡𐴌 𐴊𐴠𐴐𐴤𐴡𐴃 𐴖𐴝𐴉𐴠𐴏𐴢 𐴎𐴝𐴘 𐴁𐴤𐴝𐴓𐴝 𐴎𐴞𐴕𐴊𐴞𐴒𐴞 𐴈𐴝𐴍𐴝𐴘 𐴉𐴝𐴌𐴠 𐴉𐴥𐴝𐴀𐴝𐴕 , 𐴔𐴞𐴄𐴤𐴞𐴚 𐴉𐴥𐴟𐴌𐴝𐴘 𐴁𐴦𐴝𐴊𐴠 𐴁𐴡𐴌 𐴀𐴟𐴎𐴞𐴌𐴡𐴌 𐴃𐴡𐴑𐴌𐴞𐴌 𐴓𐴠𐴑𐴤𐴡𐴙𐴕𐴧𐴝 / 𐴕𐴡𐴎𐴌𐴟𐴓 𐴀𐴞𐴏𐴓𐴝𐴔𐴠 𐴌𐴠𐴂𐴟𐴄𐴝𐴌 𐴀𐴥𐴡𐴑𐴧𐴡𐴓𐴡 𐴌𐴠 𐴈𐴡𐴃𐴤𐴝 𐴀𐴞𐴀𐴞𐴕 𐴈𐴡𐴘𐴧𐴠𐴊𐴠 𐴱𐴱

𐴀𐴡𐴒𐴤𐴡𐴏𐴄 𐴔𐴝𐴐𐴡𐴌 𐴵 𐴲 𐴃𐴝𐴌𐴥𐴞𐴑 𐴷 𐴱 𐴰 𐴲 𐴐𐴤𐴡𐴕𐴡𐴃 𐴁𐴡𐴌𐴔𐴥𐴝𐴌 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴌𐴟𐴇𐴝𐴙𐴚𐴒𐴙𐴝𐴌 𐴕𐴡𐴏𐴥𐴡𐴓 𐴉𐴥𐴟𐴌𐴥𐴝 𐴑𐴝𐴌𐴖𐴝𐴘 (𐴅𐴠𐴕𐴟𐴏𐴥𐴝𐴙𐴋 ) 𐴒𐴡𐴙𐴅𐴧𐴤𐴙𐴠𐴊𐴠 𐴀𐴥𐴠𐴃𐴧𐴟 𐴉𐴡𐴌𐴝𐴕 𐴁𐴝𐴏𐴝𐴘 , 𐴷 𐴱 𐴰 𐴲 𐴐𐴤𐴡𐴕 𐴋𐴞𐴏𐴡𐴔𐴁𐴡𐴌 𐴔𐴝𐴐𐴡𐴌 𐴒𐴡𐴕𐴝 𐴔𐴡𐴎𐴞𐴕 𐴰 𐴰 𐴰 𐴵 𐴵 𐴶 – 𐴰 𐴰 𐴰 𐴰 𐴰 𐴷 𐴎𐴡𐴕 𐴓𐴡𐴃𐴞 𐴌𐴟𐴇𐴝𐴙𐴚𐴒𐴙𐴝 𐴁𐴝𐴚𐴓𐴝𐴊𐴠𐴐𐴤𐴡𐴃 𐴏𐴥𐴝𐴀𐴝𐴌𐴝 𐴓𐴡𐴘𐴧𐴠 , 𐴒𐴡𐴃𐴡 𐴃𐴞𐴌𐴥𐴞𐴐𐴢 𐴁𐴡𐴏𐴥𐴡𐴌 𐴀𐴥𐴡𐴘𐴃𐴠 𐴁𐴡𐴌𐴔𐴥𐴝 𐴇𐴥𐴡𐴑𐴟𐴔𐴡𐴃𐴡𐴌 𐴎𐴟𐴓𐴥𐴟𐴔 𐴐𐴤𐴡𐴀𐴡𐴘 𐴕𐴡 𐴉𐴝𐴌𐴥𐴞 , 𐴁𐴡𐴌𐴔𐴥𐴝𐴃𐴧𐴟 𐴊𐴤𐴝𐴘 𐴁𐴝𐴚𐴓𐴝𐴊𐴠𐴐𐴤𐴡𐴃 𐴉𐴝𐴕𐴥𐴝 𐴓𐴡𐴘𐴧𐴠𐴊𐴠 𐴰 𐴰 𐴰 𐴰 𐴰 𐴳 𐴓𐴝𐴑𐴤𐴡𐴌 𐴁𐴠𐴐𐴤𐴞 𐴌𐴟𐴇𐴝𐴙𐴚𐴒𐴙𐴝 𐴀𐴝𐴏𐴥𐴠 , 𐴀𐴠𐴈𐴥𐴡𐴕 𐴁𐴠𐴒𐴧𐴤𐴟𐴕𐴠 𐴔𐴞𐴓𐴝𐴘 𐴲 𐴔𐴡𐴓𐴞𐴘𐴟𐴕 𐴊𐴟𐴘 𐴓𐴝𐴑 𐴓𐴡𐴃𐴞 𐴌𐴟𐴇𐴝𐴙𐴚𐴒𐴙𐴝 𐴑𐴝𐴑𐴏𐴡 𐴁𐴝𐴎𐴝𐴌 𐴀𐴠𐴓𐴝𐴑𐴝𐴃 𐴏𐴥𐴝𐴀𐴝𐴌𐴝 𐴓𐴡𐴘 𐴃𐴤𐴝𐴙𐴑𐴧𐴙𐴠 𐴱𐴱

Sources : Ukhiyanews.com