𐴑𐴝𐴑𐴏𐴡 𐴁𐴝𐴎𐴝𐴌 𐴑𐴠𐴀𐴠𐴔 𐴉𐴟𐴌𐴡𐴕𐴡𐴌 𐴁𐴦𐴝𐴊𐴠 𐴇𐴥𐴝𐴎𐴝𐴌 𐴇𐴥𐴝𐴎𐴝𐴌 𐴌𐴟𐴇𐴝𐴙𐴚𐴒𐴙𐴝 𐴐𐴤𐴞𐴃𐴠 𐴁𐴠𐴐𐴤𐴞 𐴊𐴟𐴑 𐴉𐴝𐴀𐴝𐴌 𐴱𐴱

𐴀𐴠 𐴔𐴝𐴐𐴤𐴡𐴌 𐴐𐴤𐴟𐴌𐴟𐴃 𐴑𐴝𐴑𐴏𐴡 𐴁𐴝𐴎𐴝𐴌 𐴋𐴞𐴐𐴄𐴤𐴞𐴑 𐴀𐴟𐴑𐴤𐴞𐴘𐴝 𐴀𐴟𐴉𐴟𐴎𐴞𐴓𐴥𐴝𐴃 𐴀𐴝𐴏𐴥𐴠𐴊𐴠 , 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔 𐴀𐴥𐴡𐴑𐴧𐴡𐴓𐴡𐴌 𐴁𐴤𐴟𐴃𐴡𐴌𐴠 , 𐴵 𐴓𐴡𐴔𐴁𐴤𐴡𐴌 𐴑𐴠𐴀𐴠𐴔 𐴀𐴦𐴡𐴙𐴕𐴠 𐴉𐴟𐴌𐴞 𐴎𐴡𐴀𐴡𐴕𐴡𐴌 𐴎𐴡𐴌𐴞𐴘𐴝 , 𐴰 𐴰 𐴰 𐴵 𐴉𐴝𐴣𐴏𐴢 𐴇𐴥𐴝𐴎𐴝𐴌𐴡𐴌 𐴁𐴠𐴐𐴤𐴞 𐴌𐴟𐴇𐴝𐴙𐴚𐴒𐴙𐴝 , 𐴐𐴤𐴞𐴃𐴠 𐴁𐴠𐴐𐴤𐴞 𐴊𐴟𐴑 𐴉𐴝𐴀𐴝𐴌 𐴱𐴱

𐴂𐴠𐴌𐴝𐴘 𐴰 𐴰 𐴰 𐴱 𐴀𐴠𐴑 𐴇𐴥𐴝𐴎𐴝𐴌 𐴒𐴤𐴝𐴕 𐴓𐴡𐴃𐴞 𐴒𐴤𐴡𐴌 𐴉𐴟𐴌𐴞 𐴎𐴡𐴀𐴡𐴕𐴠 , 𐴀𐴥𐴠 𐴊𐴟𐴑𐴧𐴤𐴞𐴃𐴝 𐴌𐴟𐴇𐴝𐴙𐴚𐴒𐴙𐴝 𐴀𐴥𐴟𐴀𐴟𐴕 𐴑𐴤𐴟𐴓𐴝 𐴀𐴝𐴏𐴧𐴝𐴕𐴡𐴌 𐴕𐴞𐴏𐴠 𐴕𐴞𐴎𐴡𐴌 𐴉𐴟𐴃 𐴎𐴤𐴞𐴀𐴞 𐴀𐴝𐴌 𐴁𐴡𐴖 𐴓𐴡𐴘 𐴎𐴞𐴕𐴊𐴞𐴒𐴞 𐴈𐴝𐴍𐴠𐴌 , 𐴀𐴥𐴞𐴃𐴝𐴌𐴝𐴌 𐴁𐴦𐴠𐴐𐴢 𐴁𐴤𐴝𐴒𐴢 𐴐𐴤𐴞𐴃𐴈𐴝𐴙𐴓𐴧𐴝 𐴁𐴞𐴘𐴝𐴌𐴝𐴔 𐴓𐴡𐴘 𐴊𐴟𐴑 𐴉𐴝𐴀𐴝𐴌 , 𐴀𐴝𐴌 𐴀𐴥𐴞𐴃𐴝𐴌 𐴈𐴡𐴀𐴡𐴌 𐴊𐴧𐴠 𐴀𐴝𐴣𐴀𐴝𐴌𐴝𐴌 𐴃𐴧𐴟 , 𐴒𐴤𐴡𐴌 𐴀𐴝𐴌 𐴐𐴤𐴞𐴃𐴡𐴌 𐴈𐴦𐴡𐴌 𐴁𐴠𐴐𐴤𐴞 𐴎𐴡𐴌𐴟𐴌𐴡𐴃 𐴀𐴥𐴡𐴘𐴧𐴠 , 𐴀𐴥𐴞𐴃𐴝𐴌𐴝 𐴀𐴠𐴈𐴥𐴡𐴕 𐴃𐴦𐴡𐴙𐴃𐴧𐴝 𐴃𐴠𐴌𐴉𐴝𐴓𐴡𐴌 𐴏𐴥𐴝𐴕𐴞𐴌 𐴃𐴡𐴓𐴠 𐴀𐴥𐴡𐴘𐴓𐴠 𐴘𐴥𐴡 , 𐴏𐴝𐴙𐴌𐴀𐴥𐴡 𐴋𐴤𐴝𐴑𐴡𐴃𐴧𐴟 𐴁𐴠𐴌𐴥𐴝 𐴕𐴡 𐴃𐴤𐴝𐴑𐴤𐴡𐴕𐴠 𐴐𐴤𐴞𐴃𐴠 𐴁𐴠𐴐𐴤𐴞 𐴊𐴟𐴑 𐴉𐴝𐴀𐴝𐴌 𐴁𐴡𐴓𐴞 𐴘𐴥𐴡 𐴈𐴡𐴘𐴧𐴠 𐴱𐴱

𐴏𐴥𐴟𐴀𐴝 𐴁𐴝𐴕𐴟 𐴕𐴝𐴔𐴡𐴌 𐴁𐴟𐴌𐴥𐴝 𐴁𐴠𐴍𐴞 𐴀𐴠𐴑 𐴎𐴡𐴕𐴠 𐴈𐴡𐴘𐴧𐴠 𐴊𐴠 ! 𐴀𐴝𐴣𐴀𐴝𐴌 𐴃𐴧𐴟 𐴈𐴡𐴕𐴥𐴡 𐴀𐴠𐴒𐴠𐴕𐴝 𐴒𐴟𐴐𐴧𐴤𐴞 𐴕𐴥𐴝𐴘 , 𐴀𐴝𐴣𐴀𐴝𐴌 𐴃𐴧𐴟 𐴐𐴤𐴡𐴔𐴁𐴡𐴃𐴧𐴞 𐴀𐴥𐴞𐴏𐴝𐴉𐴠 𐴐𐴤𐴟𐴊𐴠 𐴀𐴥𐴠 𐴒𐴤𐴡𐴌 𐴒𐴤𐴝𐴕 𐴀𐴝𐴐𐴧𐴤𐴞𐴓 𐴊𐴠 , 𐴀𐴠𐴈𐴥𐴡𐴕 𐴀𐴦𐴝𐴛 𐴌𐴝𐴃𐴞𐴘𐴝 𐴒𐴤𐴟𐴔 𐴀𐴥𐴟𐴊𐴧𐴤𐴝 𐴎𐴝𐴘 𐴕𐴡 𐴉𐴝𐴌𐴥𐴞𐴌 , 𐴕𐴟𐴌 𐴕𐴝𐴇𐴝𐴌 𐴕𐴝𐴔𐴡𐴌 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴀𐴠𐴑 𐴎𐴡𐴕𐴠 𐴈𐴡𐴘𐴧𐴠 𐴊𐴠 ! 𐴌𐴝𐴃𐴞𐴘𐴝 𐴑𐴤𐴟𐴖𐴝 𐴉𐴡𐴌𐴞 𐴄𐴝𐴔𐴁𐴟𐴌 𐴀𐴟𐴖𐴡𐴌𐴠 𐴎𐴤𐴡𐴌𐴡𐴌 𐴉𐴝𐴕𐴥𐴞𐴌 𐴋𐴦𐴡𐴙𐴓𐴧𐴝 𐴎𐴡𐴔𐴞 𐴎𐴝𐴀𐴝 𐴒𐴤𐴡𐴘 , 𐴑𐴤𐴟𐴖𐴝𐴌 𐴉𐴝𐴕𐴥𐴞𐴌 𐴏𐴥𐴡𐴌𐴡𐴃𐴠 𐴁𐴠𐴐𐴤𐴞 𐴐𐴤𐴞𐴃 𐴒𐴡𐴌𐴥𐴠 𐴱𐴱

𐴇𐴝𐴔𐴞𐴊 𐴇𐴥𐴟𐴏𐴡𐴕 𐴕𐴝𐴔𐴡𐴌 𐴀𐴠𐴑 𐴎𐴡𐴕 𐴑𐴠𐴀𐴠𐴔 𐴔𐴝𐴎𐴤𐴞 𐴘𐴠 𐴈𐴡𐴘𐴧𐴠𐴊𐴠 ! 𐴑𐴤𐴟𐴁 𐴁𐴠𐴐𐴤𐴞 𐴐𐴤𐴞𐴃 𐴀𐴥𐴡𐴀𐴡𐴕𐴡𐴌 𐴎𐴡𐴌𐴞𐴘𐴝 , 𐴀𐴠 𐴃𐴤𐴡𐴌 𐴏𐴥𐴝𐴌𐴝 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴁𐴠𐴐𐴤𐴞 𐴀𐴡𐴐𐴤𐴝𐴕𐴃𐴞𐴌 𐴎𐴞𐴕𐴊𐴞𐴒𐴞 𐴈𐴝𐴍𐴠𐴌 , 𐴀𐴝𐴣𐴀𐴝𐴌 𐴑𐴠𐴀𐴠𐴔𐴡𐴃 𐴀𐴡𐴕𐴃𐴡𐴃𐴡 𐴰 𐴰 𐴱 𐴱 𐴀𐴠𐴒𐴝𐴌𐴡 𐴐𐴤𐴡𐴃 𐴓𐴡𐴃𐴞 𐴒𐴤𐴡𐴌 𐴉𐴟𐴌𐴞 𐴒𐴞𐴘𐴡𐴘 , 𐴀𐴝𐴘𐴅𐴤𐴡 𐴉𐴡𐴙𐴅𐴧𐴡𐴕𐴃𐴡 𐴈𐴡𐴕𐴥𐴞𐴑𐴧𐴤𐴙𐴝 𐴐𐴤𐴞𐴃𐴡𐴌 𐴃𐴧𐴟 𐴁𐴝𐴏𐴞 𐴉𐴝𐴌𐴠 𐴉𐴥𐴝𐴀𐴝𐴕 𐴀𐴠𐴑𐴧𐴤𐴝𐴕 𐴀𐴥𐴟𐴊𐴧𐴤𐴝 𐴃𐴤𐴡𐴌 𐴕𐴥𐴡 𐴉𐴝𐴀𐴝 , ( 𐴀𐴝𐴌 𐴀𐴝𐴌 𐴀𐴝𐴌 𐴏𐴞 ) 𐴌𐴟𐴇𐴝𐴙𐴚𐴒𐴙𐴝𐴌 𐴑𐴤𐴟𐴌𐴝𐴉𐴢 𐴀𐴡 𐴖𐴝𐴉𐴠𐴏𐴞𐴌 𐴑𐴡𐴔𐴞𐴐𐴕𐴝𐴌𐴠 , 𐴒𐴤𐴡𐴌 𐴀𐴞𐴀𐴞𐴕 𐴁𐴝𐴣𐴊𐴤𐴞 𐴊𐴞𐴀𐴞 𐴁𐴡𐴓𐴧𐴥𐴝 𐴃𐴞𐴕𐴧𐴥𐴗𐴝 𐴀𐴠𐴕 𐴅𐴞 𐴀𐴡 𐴌𐴥𐴠 𐴎𐴞𐴔𐴧𐴝 𐴊𐴞𐴘𐴥𐴠 , 𐴔𐴡𐴕𐴃𐴡𐴌 𐴐𐴤𐴟𐴊𐴠 𐴀𐴟𐴒𐴧𐴤𐴗𐴝 𐴀𐴠𐴕 𐴅𐴞 𐴀𐴡 𐴘𐴠 𐴈𐴝𐴔 𐴐𐴤𐴟𐴌𐴟 𐴒𐴡𐴙𐴅𐴧𐴤𐴙𐴠 𐴊𐴠 𐴁𐴡𐴓𐴞 / 𐴇𐴥𐴝𐴔𐴞𐴊 𐴇𐴥𐴟𐴏𐴡𐴕𐴠 𐴈𐴡𐴘𐴧𐴠 𐴱𐴱

Sources : Dhakatribune