𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔 𐴔𐴝𐴎𐴤𐴞 𐴌𐴥𐴠 𐴒𐴤𐴡𐴌𐴡𐴃𐴧𐴟 𐴊𐴤𐴡𐴌𐴞 𐴀𐴝𐴕𐴥𐴞 𐴔𐴝𐴌𐴞 𐴉𐴥𐴠𐴓𐴥𐴝𐴘𐴧𐴠 𐴱𐴱

𐴑𐴝𐴑𐴏𐴡 𐴁𐴝𐴎𐴝𐴌 𐴀𐴟𐴑𐴤𐴞𐴘𐴝 𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔𐴡𐴃 , 𐴀𐴝𐴃𐴡𐴚𐴁𐴝𐴊𐴞 𐴈𐴡𐴊𐴤𐴟𐴒𐴧𐴤𐴟𐴕𐴠 𐴑𐴡𐴌𐴞𐴔𐴟𐴓𐴧𐴝𐴇𐴢 𐴁𐴡𐴐𐴢 ( 𐴷 𐴳 ) 𐴁𐴡𐴏𐴥𐴡𐴌 , 𐴕𐴝𐴔𐴡𐴌 𐴐𐴤𐴡𐴔𐴝𐴎𐴤𐴞𐴑 𐴕𐴠𐴃𐴝 ( 𐴔𐴝𐴎𐴤𐴞 ) 𐴀𐴠𐴑 𐴎𐴡𐴕𐴡𐴌𐴥𐴠 , 𐴒𐴤𐴡𐴌𐴡𐴌 𐴁𐴤𐴟𐴃𐴡𐴌 𐴃𐴧𐴟 𐴊𐴤𐴡𐴌𐴞 𐴀𐴝𐴕𐴥𐴞 𐴌𐴝𐴏𐴧𐴝𐴌 𐴀𐴟𐴖𐴡𐴌𐴠 𐴒𐴡𐴓𐴝 𐴈𐴝𐴍𐴞 𐴎𐴡𐴀𐴡𐴌 𐴒𐴡𐴌𐴥𐴝𐴘 𐴊𐴞𐴀𐴞 𐴉𐴥𐴠𐴓𐴥𐴝𐴘𐴧𐴠 𐴱𐴱

𐴅𐴝𐴕𐴖𐴝𐴌𐴞 𐴔𐴝𐴐𐴤𐴡𐴌 𐴲 𐴱 𐴃𐴝𐴌𐴥𐴞𐴑 𐴐𐴤𐴟𐴑𐴧𐴟𐴌 𐴁𐴝𐴌𐴠 𐴌𐴝𐴙𐴃𐴧𐴝 𐴂𐴠𐴌𐴝𐴘 𐴰 𐴳 : 𐴸 𐴰 𐴐𐴤𐴝𐴀𐴝𐴌𐴡 𐴀𐴝𐴣𐴐𐴄𐴡 𐴁𐴝𐴎𐴠 , 𐴰 𐴲 𐴑𐴟𐴌𐴞 𐴓𐴡𐴔𐴁𐴤𐴡𐴌 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴌 𐴀𐴠𐴔/𐴷 𐴲 𐴓𐴡𐴔𐴁𐴤𐴡𐴌 𐴁𐴡𐴓𐴡𐴑𐴡𐴃 𐴑𐴤𐴟𐴕𐴞 𐴒𐴤𐴡𐴄𐴡𐴕𐴝 𐴘𐴝𐴀𐴝𐴕 𐴀𐴥𐴡𐴘𐴧𐴠𐴊𐴠 , 𐴎𐴡𐴀𐴡𐴌 𐴒𐴡𐴌𐴥𐴝𐴘 𐴊𐴞𐴘𐴧𐴠𐴊𐴠 𐴀𐴥𐴞𐴁𐴤𐴝 𐴀𐴥𐴡𐴙𐴓𐴊𐴠 𐴰 𐴲 𐴑𐴟𐴌𐴞 𐴓𐴡𐴔𐴁𐴤𐴡𐴌 𐴑𐴠𐴀𐴠𐴔𐴡𐴌 𐴁𐴤𐴝𐴐𐴞𐴕𐴊𐴝 𐴔𐴡𐴌𐴇𐴦𐴟𐴔 / 𐴒𐴡𐴕𐴟 𐴔𐴞𐴛𐴝𐴌 𐴉𐴟𐴖𐴝 / 𐴑𐴡𐴌𐴞𐴔𐴟𐴓𐴧𐴝𐴇𐴢 𐴁𐴡𐴐𐴢 𐴷 𐴳 𐴁𐴡𐴏𐴥𐴡𐴌 , 𐴔𐴝𐴕𐴥𐴟𐴙𐴐𐴢 𐴀𐴥𐴞𐴁𐴤𐴝 𐴀𐴠𐴔 / 𐴷 𐴲 𐴓𐴡𐴔𐴁𐴤𐴡𐴌 𐴁𐴡𐴓𐴡𐴑𐴡𐴌 𐴐𐴤𐴡𐴔𐴝𐴎𐴤𐴞𐴑 𐴕𐴠𐴃𐴝 ( 𐴁𐴡𐴓𐴡𐴑 𐴔𐴝𐴎𐴤𐴞 ) 𐴱𐴱

𐴑𐴤𐴟𐴕𐴞 𐴒𐴤𐴡𐴄𐴡𐴕𐴝 𐴘𐴝𐴀𐴝𐴕 𐴏𐴥𐴡𐴀𐴞 𐴁𐴡𐴓𐴞 , 𐴀𐴟𐴑𐴤𐴞𐴘𐴝 𐴃𐴤𐴝𐴕𐴝𐴌 𐴎𐴞𐴔𐴧𐴝𐴊𐴝𐴌 𐴀𐴡𐴉𐴥𐴞𐴏𐴝𐴌 ( 𐴀𐴡 𐴏𐴞 ) / 𐴔𐴟𐴇𐴝𐴔𐴧𐴡𐴊 𐴐𐴡𐴔𐴞𐴔 𐴇𐴥𐴟𐴏𐴝𐴙𐴕𐴠 𐴈𐴡𐴘𐴧𐴠 , 𐴀𐴥𐴠𐴏𐴃𐴝𐴕𐴞𐴘𐴡 𐴔𐴝𐴙𐴕𐴐𐴤𐴡𐴌 𐴌𐴠𐴂𐴟𐴄 𐴔𐴡𐴎𐴞𐴕 (𐴀𐴡 𐴏𐴞) 𐴐𐴡𐴔𐴞𐴔 𐴇𐴥𐴟𐴏𐴝𐴙𐴕𐴠 𐴈𐴡𐴘𐴧𐴠𐴊𐴠 !𐴅𐴝𐴕𐴖𐴝𐴌 𐴔𐴝𐴐𐴤𐴡𐴌 𐴲 𐴱 𐴃𐴝𐴌𐴥𐴞𐴑 𐴐𐴤𐴟𐴑𐴧𐴟𐴌 𐴁𐴝𐴌𐴠 , 𐴌𐴝𐴙𐴃𐴧𐴝 𐴂𐴠𐴌𐴝𐴘 𐴰 𐴳 : 𐴸 𐴰 𐴐𐴤𐴝𐴀𐴝𐴌𐴡 𐴀𐴝𐴣𐴐𐴄𐴡 𐴁𐴝𐴎𐴠 , 𐴀𐴟𐴑𐴤𐴞𐴘𐴝 𐴀𐴟𐴉𐴡𐴎𐴞𐴓𐴥𐴝𐴌 𐴰 𐴲 𐴑𐴟𐴌𐴞 𐴓𐴡𐴔𐴁𐴤𐴡𐴌 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴌 , 𐴀𐴠𐴔 / 𐴷 𐴲 𐴓𐴡𐴔𐴁𐴤𐴡𐴌 𐴁𐴡𐴓𐴡𐴑𐴡𐴌 𐴁𐴤𐴝𐴐𐴞𐴕𐴊𐴝 / 𐴑𐴡𐴌𐴞𐴔𐴟𐴓𐴧𐴝𐴇𐴢 𐴁𐴝𐴉𐴢 𐴒𐴡𐴕𐴟 𐴔𐴞𐴛𐴝 𐴁𐴡𐴐𐴢 𐴷 𐴳 𐴁𐴡𐴏𐴥𐴡𐴌 𐴱𐴱

𐴀𐴞𐴁𐴤𐴝𐴌𐴠 𐴈𐴡𐴊𐴤𐴟𐴒𐴧𐴤𐴟𐴕 𐴈𐴥𐴡𐴌𐴝𐴁𐴢 𐴔𐴝𐴙𐴕𐴐𐴤𐴙𐴠 𐴒𐴤𐴡𐴌𐴡𐴌 𐴁𐴤𐴟𐴃𐴡𐴌 𐴃𐴧𐴟 𐴊𐴤𐴡𐴌𐴞 𐴕𐴞𐴎𐴝𐴘 , 𐴌𐴝𐴏𐴧𐴝𐴌 𐴀𐴟𐴖𐴡𐴌𐴠 𐴒𐴡𐴓𐴝 𐴈𐴝𐴍𐴞 𐴎𐴡𐴀𐴡𐴌 𐴒𐴤𐴡𐴌𐴝𐴘 𐴊𐴞𐴀𐴞 , 𐴌𐴝𐴏𐴧𐴝𐴌 𐴀𐴟𐴖𐴡𐴌𐴠 𐴉𐴥𐴠𐴓𐴥𐴝𐴘 𐴀𐴠𐴌𐴞 𐴊𐴤𐴝𐴘 𐴒𐴞𐴘𐴥𐴡𐴘 , 𐴁𐴦𐴝𐴊𐴠 𐴀𐴥𐴠𐴏𐴃𐴝𐴕𐴞𐴘𐴡 𐴔𐴝𐴙𐴕𐴐𐴤𐴙𐴠 𐴒𐴡𐴓𐴝 𐴈𐴝𐴙𐴄𐴧𐴙𐴝 𐴑𐴡𐴌𐴞𐴔𐴟𐴓𐴧𐴝𐴇𐴢 𐴌𐴥𐴠 𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔𐴡𐴌 𐴇𐴥𐴝𐴐𐴉𐴝𐴃𐴝𐴓𐴡𐴃 𐴓𐴡𐴘 𐴒𐴞𐴘𐴠 , 𐴃𐴡𐴀𐴡𐴘 𐴋𐴝𐴑𐴄𐴡𐴌 𐴀𐴥𐴡𐴑𐴧𐴡𐴓𐴠 𐴏𐴠𐴑 𐴒𐴡𐴌𐴥𐴞 𐴏𐴝𐴀𐴝𐴘 𐴁𐴦𐴝𐴊𐴠 𐴔𐴡𐴌𐴞 𐴒𐴞𐴘𐴥𐴡𐴘 𐴁𐴡𐴓𐴞 𐴈𐴡𐴘𐴧𐴠 , 𐴁𐴦𐴝𐴊𐴠 𐴔𐴡𐴌𐴝 𐴓𐴝𐴐𐴢 𐴀𐴥𐴞𐴁𐴤𐴝 , 𐴔𐴟𐴀𐴝𐴘𐴕𐴝 𐴒𐴡𐴌𐴥𐴞𐴁𐴤𐴡𐴓𐴧𐴝 𐴑𐴝𐴑𐴏𐴡 𐴁𐴝𐴎𐴝𐴌 𐴎𐴞𐴓𐴥𐴝 𐴏𐴥𐴡𐴊𐴡𐴌 𐴇𐴥𐴝𐴐𐴉𐴝𐴃𐴝𐴓𐴡𐴃 𐴉𐴡𐴣𐴀𐴡𐴏𐴝𐴘 𐴊𐴞𐴘𐴠 𐴁𐴡𐴓𐴞 / 𐴀𐴡 𐴏𐴞 𐴐𐴡𐴔𐴞𐴔𐴠 𐴈𐴡𐴘𐴧𐴠 𐴱𐴱

Sources : Ukhiyanews.com