𐴑𐴙𐴑𐴄𐴡 𐴀𐴝𐴂𐴧𐴥𐴡𐴑 𐴖𐴥𐴝 𐴉𐴝𐴌𐴝 𐴔𐴟𐴏𐴥𐴡𐴓𐴔𐴝𐴕 𐴌𐴥𐴠𐴑𐴧𐴤𐴗𐴝𐴃 𐴀𐴦𐴡𐴙𐴕 𐴊𐴤𐴡𐴌𐴞 𐴰 𐴲 𐴘𐴥𐴝𐴕 𐴓𐴡𐴃𐴞 𐴒𐴤𐴡𐴌 𐴎𐴡𐴓𐴞 𐴰 𐴰 𐴱 𐴓𐴡𐴃𐴞 𐴔𐴝𐴕𐴥𐴟𐴙𐴐𐴢 𐴃𐴤𐴡𐴌 𐴒𐴤𐴡𐴌 𐴏𐴥𐴝𐴌𐴝 𐴀𐴥𐴡𐴘𐴧𐴠 𐴱𐴱

𐴀𐴝𐴌𐴑𐴝𐴕 𐴑𐴙𐴡𐴑𐴄𐴡 𐴀𐴠𐴓𐴝𐴑𐴝𐴌 𐴀𐴝𐴂𐴧𐴥𐴡𐴑 𐴖𐴥𐴝 𐴉𐴝𐴌𐴝𐴌 𐴔𐴟𐴏𐴥𐴡𐴓𐴔𐴝𐴕 𐴌𐴥𐴠𐴑𐴧𐴤𐴗𐴝𐴃 , 𐴅𐴝𐴕𐴖𐴝𐴌𐴞 𐴔𐴝𐴐𐴤𐴡𐴌 𐴹 𐴃𐴝𐴌𐴥𐴞𐴑𐴡𐴃 𐴊𐴦𐴟𐴛𐴅𐴧𐴙𐴝 𐴂𐴠𐴌𐴝𐴘 𐴰 𐴰 : 𐴱 𐴁𐴝𐴎𐴠 𐴀𐴦𐴡𐴙𐴕 𐴊𐴤𐴡𐴌𐴞 𐴰 𐴲 𐴘𐴥𐴝𐴕 𐴓𐴡𐴃𐴞 𐴒𐴤𐴡𐴌 𐴎𐴡𐴓𐴞 𐴉𐴟𐴌𐴞 𐴏𐴥𐴝𐴘 𐴀𐴥𐴡𐴘 𐴒𐴞𐴘𐴡𐴘 , 𐴀𐴝𐴌 𐴰 𐴰 𐴱 𐴎𐴡𐴕 𐴓𐴡𐴃𐴞 𐴔𐴝𐴕𐴥𐴟𐴙𐴐𐴢 𐴃𐴤𐴡𐴌 𐴀𐴝𐴌 𐴒𐴤𐴡𐴌 𐴏𐴥𐴝𐴌𐴝 𐴀𐴥𐴡𐴘 𐴒𐴞𐴘𐴡𐴘 𐴁𐴡𐴓𐴞 , 𐴀𐴝𐴂𐴧𐴥𐴡𐴑 𐴖𐴥𐴝 𐴉𐴝𐴌𐴝𐴌 𐴔𐴝𐴕𐴥𐴟𐴙𐴐𐴢 𐴀𐴠𐴑 𐴎𐴡𐴕𐴡𐴌 𐴃𐴡𐴌𐴉𐴥𐴡𐴌 𐴃𐴧𐴟 𐴈𐴥𐴡𐴁𐴡𐴌 𐴉𐴝𐴀𐴝 𐴒𐴞𐴘𐴠 𐴱𐴱

𐴉𐴝𐴙𐴅𐴧𐴙𐴝 𐴔𐴝𐴕𐴥𐴟𐴙𐴐𐴢 𐴀𐴥𐴞𐴁𐴝 𐴘𐴠 𐴈𐴡𐴘𐴧𐴥𐴠𐴊𐴠 ! 𐴀𐴝𐴎𐴞𐴘𐴝 𐴹 𐴃𐴝𐴌𐴥𐴞𐴑 𐴅𐴝𐴕𐴖𐴝𐴌𐴞 𐴔𐴡𐴚𐴒𐴡𐴓 𐴁𐴝𐴌𐴠 𐴂𐴠𐴌𐴝𐴘 𐴀𐴠𐴑 𐴁𐴝𐴎𐴠 , 𐴒𐴤𐴡𐴌𐴡𐴌 𐴔𐴝𐴙𐴕𐴐𐴤𐴡𐴌 𐴀𐴡𐴁𐴡𐴇𐴥𐴠𐴓𐴝𐴌 𐴎𐴡𐴌𐴞𐴘𐴝 𐴀𐴦𐴡𐴙𐴕 𐴊𐴤𐴡𐴙𐴅𐴧𐴙𐴠 𐴊𐴠 , 𐴀𐴝𐴌 𐴉𐴝𐴌𐴝𐴃 𐴒𐴤𐴡𐴌 𐴀𐴥𐴡𐴑𐴧𐴡𐴓 𐴁𐴠𐴐𐴤𐴞 𐴈𐴝𐴣𐴏𐴥𐴝 𐴈𐴝𐴛𐴏𐴧𐴥𐴙𐴝 𐴀𐴥𐴡𐴀𐴡𐴕𐴡𐴌 𐴎𐴡𐴌𐴞𐴘𐴝 , 𐴈𐴥𐴝𐴌𐴝 𐴀𐴠𐴑 𐴒𐴤𐴡𐴌𐴡𐴃𐴧𐴟 𐴀𐴝𐴌 𐴀𐴠𐴑 𐴒𐴤𐴡𐴌𐴡𐴃 𐴉𐴝𐴌𐴥𐴝𐴘 𐴒𐴞𐴘𐴥𐴡𐴘 , 𐴰 𐴲 𐴘𐴥𐴝𐴕 𐴓𐴡𐴃𐴞 𐴒𐴤𐴡𐴌 𐴎𐴡𐴓𐴞 𐴉𐴟𐴌𐴞 𐴏𐴥𐴝𐴘 𐴀𐴥𐴡𐴘 𐴒𐴞𐴘𐴥𐴡𐴘 𐴁𐴡𐴓𐴞 𐴔𐴝𐴕𐴥𐴟𐴙𐴐𐴢 𐴀𐴥𐴞𐴁𐴤𐴝 𐴘𐴠 𐴈𐴡𐴘𐴧𐴥𐴠 𐴱𐴱

𐴉𐴝𐴌𐴝𐴙𐴓𐴧𐴝 𐴔𐴝𐴕𐴥𐴟𐴙𐴐𐴢 𐴀𐴥𐴡𐴑𐴧𐴡𐴓𐴠 𐴀𐴥𐴝𐴃𐴝 𐴀𐴥𐴝𐴃𐴞 𐴁𐴡𐴓𐴝 𐴁𐴡𐴓𐴞 𐴒𐴡𐴌𐴥𐴞 𐴀𐴦𐴡𐴙𐴕 𐴕𐴞𐴉𐴥𐴝𐴘 𐴉𐴥𐴠𐴓𐴝𐴘 𐴉𐴝𐴙𐴅𐴧𐴤𐴙𐴠 𐴁𐴡𐴓𐴞 𐴎𐴝𐴕𐴝 𐴒𐴞𐴘𐴠 , 𐴀𐴦𐴡𐴙𐴕 𐴕𐴞𐴉𐴥𐴝 𐴉𐴟𐴓𐴞𐴐𐴡𐴌 𐴒𐴝𐴌𐴥𐴞 𐴉𐴝𐴌𐴝𐴌 𐴒𐴤𐴡𐴄𐴡𐴕𐴝𐴌 𐴎𐴝𐴒𐴝𐴃 𐴉𐴡𐴣𐴀𐴡𐴏𐴞𐴁𐴝𐴌 𐴀𐴝𐴒𐴠 𐴀𐴦𐴡𐴣𐴕 𐴕𐴞𐴉𐴥𐴝𐴘 𐴉𐴥𐴠𐴓𐴝𐴘 𐴉𐴝𐴙𐴅𐴧𐴤𐴙𐴠 , 𐴀𐴦𐴡𐴙𐴕 𐴕𐴞𐴉𐴥𐴝𐴘 𐴉𐴥𐴠𐴓𐴝𐴘 𐴉𐴝𐴙𐴓𐴧𐴠 𐴑𐴞 𐴀𐴥𐴡𐴘𐴁𐴡 𐴰 𐴰 𐴱 𐴎𐴡𐴕 𐴓𐴡𐴃𐴞 𐴔𐴝𐴕𐴥𐴟𐴙𐴐𐴢 𐴃𐴤𐴡𐴌 𐴒𐴤𐴡𐴌 𐴏𐴥𐴝𐴌𐴝 𐴀𐴥𐴡𐴘 𐴒𐴞𐴘𐴡𐴘 , 𐴉𐴡𐴙𐴃𐴧𐴡 𐴔𐴝𐴙𐴕𐴐𐴤𐴡𐴌 𐴃𐴧𐴟 𐴀𐴥𐴟𐴣𐴐𐴞𐴘𐴝𐴌𐴞𐴌 𐴏𐴥𐴝𐴣𐴀𐴝𐴃𐴠 𐴀𐴦𐴡𐴙𐴕 𐴀𐴠𐴏𐴃𐴠𐴔𐴝𐴓 𐴒𐴡𐴌𐴥𐴡𐴕 𐴏𐴝𐴀𐴝 𐴁𐴡𐴓𐴞 𐴘𐴥𐴡 𐴔𐴝𐴕𐴥𐴟𐴙𐴐𐴢 𐴀𐴥𐴝𐴁𐴤𐴝 𐴘𐴠 𐴈𐴡𐴘𐴧𐴠 𐴱𐴱

𐴀𐴝𐴂𐴧𐴥𐴡𐴑 𐴖𐴥𐴝 𐴉𐴝𐴌𐴝𐴃 𐴔𐴟𐴏𐴥𐴡𐴓𐴔𐴝𐴕𐴡𐴌 𐴌𐴥𐴠𐴑𐴧𐴤𐴗𐴝 𐴊𐴟𐴖𐴧𐴝 𐴀𐴝𐴏𐴥𐴠 𐴀𐴝𐴌 𐴔𐴡𐴒𐴤𐴡𐴌 𐴌𐴥𐴠𐴑𐴧𐴤𐴗𐴝 𐴉𐴝𐴣𐴏𐴧𐴥𐴗𐴝 𐴀𐴝𐴏𐴥𐴠 , 𐴲 𐴲 𐴰 𐴲 𐴐𐴤𐴡𐴕 𐴓𐴦𐴡𐴃 𐴰 𐴰 𐴸 𐴱 𐴃𐴤𐴝𐴕 𐴓𐴡𐴃𐴞 𐴒𐴤𐴡𐴌 𐴀𐴝𐴏𐴥𐴠 , 𐴀𐴝𐴌 𐴰 𐴰 𐴰 𐴹 𐴕𐴡 𐴇𐴥𐴝𐴎𐴝𐴌𐴡𐴌 𐴁𐴦𐴠𐴐𐴢 𐴔𐴝𐴕𐴥𐴟𐴙𐴐𐴢 𐴀𐴝𐴏𐴥𐴠 𐴁𐴡𐴓𐴞 𐴎𐴝𐴕𐴝 𐴒𐴞𐴘𐴠 𐴱𐴱

Sources : burmese.narinjara.com