𐴀𐴞𐴕𐴋𐴟 𐴕𐴞𐴆𐴤𐴝𐴙𐴝𐴌 𐴉𐴡𐴌𐴥𐴡𐴙𐴕𐴧𐴝 𐴉𐴟𐴖𐴝𐴙𐴕𐴊𐴤𐴠 𐴊𐴠𐴐𐴤𐴡𐴃𐴧𐴟 𐴊𐴦𐴟𐴣𐴌𐴝𐴘 𐴊𐴞𐴀𐴞𐴁𐴡𐴓𐴧𐴥𐴝 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴠 𐴃𐴤𐴡𐴌𐴡𐴃𐴧𐴟𐴕 𐴕𐴦𐴠𐴓𐴝𐴘 𐴊𐴞𐴘𐴠 𐴱𐴱

𐴀𐴞𐴕𐴋𐴟 𐴕𐴞𐴆𐴤𐴙𐴝𐴌 𐴉𐴡𐴏𐴥𐴞𐴔 𐴈𐴝𐴣𐴏𐴝𐴌 𐴀𐴝𐴆𐴤𐴙𐴠 𐴎𐴞𐴓𐴥𐴝𐴌 , 𐴘𐴟𐴕𐴞𐴁𐴝𐴌 𐴏𐴞𐴄𐴤𐴞𐴌 𐴐𐴤𐴡𐴃𐴝 𐴐𐴤𐴡𐴃𐴞 𐴉𐴡𐴌𐴥𐴡𐴙𐴕𐴧𐴝 𐴉𐴟𐴖𐴝𐴙𐴕𐴊𐴤𐴠 , 𐴊𐴠𐴐𐴤𐴡𐴃𐴧𐴟 𐴊𐴦𐴟𐴣𐴌𐴝𐴘 𐴊𐴠𐴀𐴠 𐴁𐴡𐴓𐴞 𐴈𐴡𐴀𐴡𐴘 , 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴠 𐴃𐴡𐴀𐴡𐴙𐴃𐴧𐴝 𐴏𐴥𐴝𐴀𐴝𐴌𐴝 𐴊𐴞𐴀𐴞 𐴌𐴝𐴙𐴑𐴧𐴤𐴙𐴠 𐴊𐴠 𐴃𐴤𐴡𐴌𐴡𐴃 𐴇𐴥𐴝𐴔𐴓𐴝 𐴒𐴡𐴙𐴅𐴧𐴤𐴙𐴠 , 𐴀𐴦𐴝𐴆𐴤𐴙𐴠 𐴎𐴞𐴓𐴥𐴝𐴌 𐴁𐴝𐴕𐴋𐴝 𐴐𐴤𐴡𐴀𐴡𐴌𐴡𐴃 𐴎𐴡𐴔𐴝 𐴒𐴡𐴌𐴥𐴞 𐴌𐴝𐴙𐴑𐴧𐴤𐴙𐴠 𐴊𐴠 𐴰 𐴰 𐴱 𐴎𐴡𐴕𐴡𐴌 𐴁𐴠𐴐𐴤𐴞 , 𐴁𐴡𐴌𐴔𐴥𐴝𐴌 𐴎𐴟𐴓𐴥𐴟𐴔 𐴈𐴥𐴝𐴘𐴧𐴝 𐴈𐴡𐴔 𐴐𐴤𐴡𐴙𐴚𐴒𐴙𐴝 𐴌𐴟𐴇𐴝𐴙𐴚𐴒𐴙𐴝 𐴌𐴠 , 𐴇𐴥𐴡𐴌𐴃𐴝𐴓𐴞 𐴀𐴥𐴡𐴑𐴧𐴡𐴓𐴠 𐴁𐴡𐴓𐴝𐴎𐴟𐴌𐴞 𐴃𐴤𐴡𐴌𐴡𐴃𐴧𐴟 𐴕𐴦𐴠𐴓𐴝𐴘 𐴊𐴞𐴘𐴠 𐴱𐴱

𐴒𐴡𐴃𐴡 𐴕𐴡𐴖𐴡𐴔𐴁𐴡𐴌 𐴔𐴝𐴐𐴤𐴡𐴃 𐴰 𐴰 𐴵 𐴱 𐴎𐴡𐴕𐴡𐴌 𐴁𐴠𐴐𐴤𐴞 𐴌𐴟𐴇𐴝𐴙𐴚𐴒𐴙𐴝 𐴀𐴦𐴝𐴆𐴤𐴙𐴠 𐴎𐴞𐴓𐴥𐴝𐴃 𐴉𐴡𐴣𐴀𐴡𐴙𐴏𐴧𐴙𐴠 , 𐴎𐴞𐴘𐴝𐴕𐴡𐴌 𐴁𐴝𐴁𐴡𐴃𐴠 𐴑𐴡𐴗𐴔𐴞 𐴏𐴥𐴡𐴔𐴡𐴒𐴤𐴝 𐴘𐴠 , 𐴀𐴝𐴣𐴐𐴄𐴡 𐴁𐴡𐴏𐴥𐴡𐴌𐴡𐴃 𐴁𐴠𐴐𐴤𐴞 𐴌𐴟𐴇𐴝𐴙𐴚𐴒𐴙𐴝 𐴀𐴝𐴙𐴐𐴧𐴤𐴙𐴠 𐴁𐴡𐴓𐴞 𐴈𐴡𐴘𐴧𐴠 , 𐴀𐴝𐴌 𐴀𐴦𐴝𐴆𐴤𐴙𐴠 𐴎𐴞𐴓𐴥𐴝𐴌 𐴊𐴠𐴐𐴤𐴡𐴙𐴃𐴧𐴝 𐴀𐴥𐴡𐴑𐴧𐴡𐴓𐴠 𐴌𐴟𐴇𐴝𐴙𐴚𐴒𐴙𐴝 𐴁𐴤𐴡𐴌𐴝 𐴁𐴡𐴀𐴡𐴃 𐴁𐴟𐴄 𐴑𐴟𐴓𐴡𐴃 𐴁𐴤𐴞𐴌𐴥𐴝𐴘𐴃𐴡 𐴕𐴡 𐴊𐴞𐴀𐴞 𐴐𐴤𐴝𐴘𐴒𐴡𐴌𐴡𐴌 𐴀𐴟𐴎𐴟 𐴊𐴦𐴟𐴣𐴌𐴝𐴘 𐴊𐴞𐴘𐴠 , 𐴁𐴞𐴋𐴞𐴘𐴟𐴃 𐴊𐴠𐴈𐴥𐴝 𐴎𐴝𐴀𐴝𐴌 𐴊𐴧𐴠 𐴔𐴡𐴎𐴞𐴕 𐴇𐴥𐴡𐴌𐴃𐴝𐴓𐴞 𐴀𐴥𐴡𐴑𐴧𐴡𐴓𐴠 𐴉𐴞𐴕𐴊𐴤𐴠 𐴊𐴠 𐴅𐴝𐴑𐴤𐴠𐴄𐴡𐴌 𐴎𐴡𐴌𐴞𐴘𐴝 𐴁𐴟𐴎𐴤𐴝 𐴒𐴞𐴘𐴠𐴊𐴠 , 𐴈𐴡𐴀𐴠𐴑𐴧𐴤𐴝𐴕 𐴘𐴟𐴕𐴞𐴁𐴝𐴌 𐴏𐴞𐴄𐴤𐴞𐴌 𐴉𐴟𐴖𐴝𐴙𐴕 𐴀𐴝𐴏𐴥𐴠 𐴱𐴱

𐴉𐴡𐴌𐴥𐴡𐴙𐴕𐴧𐴝 𐴉𐴟𐴖𐴝𐴙𐴕𐴊𐴤𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌 𐴒𐴝𐴣𐴄𐴧𐴤𐴞 𐴁𐴟𐴏𐴑𐴝 𐴎𐴞𐴕𐴥𐴞𐴐𐴢 𐴉𐴡𐴃𐴧𐴡𐴌𐴡 𐴏𐴥𐴝𐴘 𐴓𐴝𐴃𐴤𐴞 𐴔𐴝𐴌𐴠𐴌 𐴊𐴧𐴠 𐴀𐴝𐴌 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴠 𐴋𐴡𐴌𐴠 𐴈𐴝𐴣𐴊𐴠𐴌 𐴊𐴧𐴠 𐴘𐴥𐴡 𐴁𐴞𐴋𐴞𐴘𐴟𐴃 𐴊𐴠𐴈𐴥𐴝 𐴒𐴞𐴘𐴠 , 𐴁𐴦𐴝𐴊𐴠 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴀𐴥𐴟𐴀𐴟𐴕𐴡𐴌𐴠 𐴎𐴞𐴕𐴥𐴞𐴐𐴢 𐴉𐴡𐴃𐴧𐴡𐴌𐴡 𐴀𐴝𐴌 𐴒𐴝𐴣𐴄𐴧𐴤𐴞 𐴁𐴟𐴏𐴑𐴝 𐴐𐴤𐴡𐴣𐴀𐴡 𐴈𐴡𐴀𐴠𐴑𐴧𐴤𐴝𐴕 𐴄𐴠𐴌𐴝𐴑 𐴁𐴤𐴡𐴌𐴞 𐴘𐴥𐴝𐴀𐴝𐴕𐴃𐴟 𐴊𐴦𐴟𐴣𐴌𐴝𐴘 𐴊𐴞𐴘𐴠 , 𐴇𐴥𐴡𐴌𐴃𐴝𐴓𐴞 𐴀𐴥𐴡𐴑𐴧𐴡𐴓𐴠 𐴄𐴝𐴘𐴧𐴥𐴝𐴌 𐴀𐴥𐴡𐴑𐴧𐴡𐴓 𐴉𐴟𐴌𐴝 𐴊𐴞𐴘𐴠 𐴀𐴝𐴌 𐴕𐴞𐴌𐴀𐴟𐴉𐴥𐴝𐴘 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌 𐴇𐴥𐴠𐴉𐴝𐴎𐴡𐴃𐴞 𐴒𐴝𐴀𐴝𐴋 𐴉𐴟𐴓𐴞𐴐𐴢 𐴓𐴡𐴘 𐴈𐴡𐴙𐴅𐴧𐴙𐴝 𐴔𐴝𐴌𐴝 𐴔𐴝𐴌𐴞 𐴊𐴞𐴘𐴠 , 𐴐𐴤𐴠𐴐𐴢 𐴉𐴡𐴙𐴅𐴧𐴡𐴕𐴃𐴡 𐴇𐴥𐴡𐴑𐴟𐴔𐴡𐴃𐴞 𐴀𐴡𐴉𐴥𐴞𐴏𐴝𐴌 𐴀𐴥𐴡𐴑𐴧𐴡𐴓𐴠 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴀𐴥𐴡𐴑𐴧𐴡𐴓𐴡𐴌𐴠 𐴃𐴤𐴡𐴌 𐴘𐴥𐴝𐴀𐴝𐴕𐴡𐴃𐴧𐴟 𐴓𐴝𐴌𐴞 𐴉𐴥𐴝𐴓𐴥𐴝𐴘 𐴁𐴤𐴡𐴓𐴧𐴝 𐴇𐴥𐴡𐴑𐴟𐴔 𐴊𐴞𐴘𐴠 𐴱𐴱

𐴉𐴟𐴓𐴞𐴐𐴢 𐴀𐴥𐴡𐴑𐴧𐴡𐴓𐴠 𐴀𐴥𐴟𐴊𐴧𐴝 𐴔𐴡𐴊𐴡𐴊 𐴒𐴡𐴌𐴥𐴞 𐴀𐴥𐴝𐴃𐴝 𐴀𐴥𐴝𐴃𐴞 𐴒𐴡𐴌𐴥𐴞 𐴒𐴝𐴌𐴥𐴞𐴃 𐴃𐴟𐴓𐴥𐴞 𐴈𐴝𐴣𐴏𐴥𐴠 𐴈𐴝𐴣𐴙𐴏𐴧𐴥𐴙𐴝 𐴇𐴥𐴡𐴑𐴟𐴔𐴡𐴃𐴡𐴌 𐴀𐴡𐴉𐴥𐴞𐴏𐴢 𐴀𐴠𐴑𐴧𐴤𐴝𐴕𐴡𐴃 𐴓𐴡𐴘 𐴒𐴞𐴘𐴡𐴘 , 𐴁𐴦𐴠𐴐𐴢 𐴀𐴥𐴞𐴏𐴧𐴝 𐴉𐴟𐴖𐴝𐴙𐴕 𐴀𐴝𐴌 𐴁𐴠𐴍𐴞𐴀𐴝𐴙𐴕 𐴀𐴝𐴏𐴥𐴠𐴊𐴠 𐴕𐴞𐴌𐴀𐴟𐴉𐴥𐴝𐴘 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴠 , 𐴀𐴞𐴕𐴋𐴟 𐴕𐴞𐴆𐴤𐴙𐴝𐴌 𐴉𐴡𐴌𐴥𐴡𐴙𐴕𐴧𐴝 𐴉𐴟𐴖𐴝𐴙𐴕𐴊𐴤𐴠 𐴒𐴡𐴙𐴅𐴧𐴤𐴙𐴠 𐴊𐴠 𐴁𐴡𐴌𐴃𐴝𐴖 𐴌𐴥𐴠 , 𐴑𐴡𐴗𐴔𐴞 𐴏𐴥𐴡𐴔𐴡𐴒𐴤𐴝𐴌 𐴌𐴞𐴉𐴟𐴎𐴞 𐴀𐴠𐴅𐴤𐴠𐴕𐴏𐴞 ( 𐴘𐴟 𐴀𐴠𐴕 𐴀𐴠𐴙𐴆 𐴏𐴞 𐴀𐴝𐴌 ) 𐴘𐴠 𐴊𐴠𐴑𐴤𐴞 𐴘𐴡𐴌𐴠 𐴁𐴠𐴐𐴤𐴞 𐴊𐴟𐴑𐴧𐴤𐴡 𐴎𐴝𐴀𐴞𐴌 𐴒𐴡𐴙𐴅𐴧𐴤𐴙𐴠 𐴱𐴱

Sources : aljazeera.com