𐴑𐴠𐴀𐴠𐴔𐴡𐴃 𐴒𐴟𐴓𐴞 𐴔𐴝𐴌𐴝 𐴔𐴝𐴌𐴞 , 𐴀𐴥𐴝𐴣𐴃𐴞𐴘𐴝𐴌 𐴐𐴤𐴡𐴣𐴀𐴡 𐴵 𐴎𐴡𐴕 𐴀𐴝𐴃𐴡𐴚𐴁𐴝𐴊𐴞 𐴌𐴦𐴠𐴁𐴡𐴌 𐴑𐴡𐴁𐴎𐴝𐴃 𐴱𐴱

𐴑𐴝𐴑𐴏𐴡 𐴁𐴝𐴎𐴝𐴌 𐴀𐴠𐴓𐴝𐴑𐴝 𐴀𐴟𐴑𐴤𐴞𐴘𐴝 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 , 𐴌𐴦𐴠𐴁𐴢 𐴀𐴝𐴌 𐴌𐴟𐴇𐴝𐴙𐴚𐴒𐴙𐴝 𐴀𐴝𐴃𐴡𐴚𐴁𐴝𐴊𐴞𐴌 𐴔𐴝𐴎𐴤𐴠 𐴒𐴟𐴓𐴞 𐴔𐴝𐴌𐴝 𐴔𐴝𐴌𐴞𐴌 𐴒𐴤𐴡𐴄𐴡𐴕𐴝 𐴒𐴤𐴡𐴙𐴄𐴧𐴤𐴙𐴠 , 𐴀𐴟𐴑𐴤𐴞𐴘𐴝𐴌 𐴎𐴝𐴔𐴃𐴡𐴓𐴞 𐴵 𐴱 𐴓𐴡𐴔𐴁𐴤𐴡𐴌 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 𐴀𐴠 𐴒𐴤𐴡𐴄𐴡𐴕𐴝 𐴒𐴤𐴡𐴙𐴄𐴧𐴤𐴙𐴠 𐴊𐴠 , 𐴀𐴥𐴠 𐴀𐴡𐴑𐴃𐴤𐴡𐴃 𐴌𐴦𐴠𐴁𐴢 𐴉𐴥𐴡𐴗𐴏𐴠 𐴀𐴠𐴑𐴧𐴤𐴝𐴕 𐴒𐴤𐴡𐴌 𐴒𐴤𐴠𐴌𐴖𐴝 𐴒𐴤𐴡𐴌𐴞 𐴌𐴝𐴙𐴑𐴧𐴤𐴙𐴠 , 𐴁𐴦𐴝𐴊𐴠 𐴒𐴤𐴡𐴌 𐴘𐴥𐴝𐴀𐴝𐴕𐴡𐴌 𐴁𐴤𐴟𐴃𐴡𐴌 𐴃𐴧𐴟 𐴀𐴥𐴝𐴣𐴃𐴞𐴘𐴝𐴌 𐴐𐴤𐴡𐴣𐴀𐴡 𐴏𐴝𐴙𐴌 𐴎𐴡𐴕 𐴀𐴝𐴃𐴡𐴚𐴁𐴝𐴊𐴞 𐴒𐴠𐴌𐴠𐴉𐴃𐴝𐴌 𐴒𐴡𐴙𐴅𐴧𐴤𐴙𐴠 𐴱𐴱

𐴌𐴦𐴠𐴁𐴡𐴌 𐴑𐴝𐴑𐴏𐴡 𐴁𐴝𐴎𐴝𐴌 𐴀𐴡𐴉𐴥𐴞𐴏𐴡𐴌 𐴎𐴞𐴔𐴧𐴝𐴊𐴝𐴌 𐴓𐴠𐴉𐴄𐴤𐴠𐴕 𐴑𐴡𐴌𐴕𐴝𐴓 𐴀𐴠𐴏𐴢 𐴀𐴠𐴔 / 𐴏𐴥𐴡𐴅𐴧𐴝𐴊 𐴇𐴥𐴟𐴏𐴠𐴙𐴕𐴠 𐴎𐴝𐴕𐴝𐴘𐴧𐴥𐴠 𐴊𐴠 ! 𐴒𐴟𐴉𐴡𐴕 𐴈𐴥𐴡𐴁𐴡𐴌𐴡𐴌 𐴁𐴟𐴕𐴘𐴝𐴊𐴡𐴌 𐴖𐴡𐴌𐴠 𐴀𐴥𐴞𐴃𐴝𐴌𐴝 𐴑𐴠𐴀𐴠𐴔𐴡𐴃 𐴑𐴝𐴌𐴖𐴝𐴘 𐴏𐴝𐴓𐴝𐴘 𐴁𐴤𐴡𐴓𐴧𐴝 𐴒𐴞𐴘𐴠 , 𐴃𐴡𐴀𐴡𐴘 𐴎𐴞𐴔𐴧𐴝𐴊𐴝𐴌 𐴐𐴦𐴝𐴉𐴠 𐴈𐴡𐴘𐴧𐴠𐴊𐴠 , 𐴑𐴠𐴀𐴠𐴔𐴡𐴃 𐴇𐴥𐴡𐴘 𐴏𐴡𐴘 𐴀𐴝𐴌 𐴃𐴟𐴍 𐴂𐴥𐴟𐴍 𐴒𐴡𐴌𐴥𐴞𐴁𐴤𐴡𐴓𐴧𐴝 𐴀𐴝𐴃𐴡𐴚𐴁𐴝𐴊𐴞 𐴀𐴥𐴡𐴑𐴧𐴡𐴓𐴠 𐴒𐴤𐴡𐴌 𐴀𐴠𐴑𐴧𐴤𐴝𐴕𐴡𐴃 𐴁𐴡𐴀𐴡𐴘 𐴒𐴟𐴉𐴡𐴕 𐴁𐴤𐴝𐴉𐴠 𐴁𐴡𐴘𐴍𐴥𐴡𐴑 𐴒𐴡𐴙𐴅𐴧𐴤𐴙𐴠 , 𐴀𐴥𐴠𐴃𐴤𐴡𐴑𐴧𐴡𐴕𐴡𐴃 𐴌𐴦𐴠𐴁𐴢 𐴉𐴡𐴣𐴀𐴡𐴙𐴏𐴧𐴥𐴙𐴠 𐴊𐴠 𐴄𐴤𐴝𐴀𐴝𐴌 𐴉𐴝𐴘 𐴀𐴝𐴃𐴡𐴚𐴁𐴝𐴊𐴞 𐴀𐴥𐴡𐴑𐴧𐴡𐴓𐴠 𐴌𐴦𐴠𐴁𐴡𐴌 𐴒𐴝𐴀𐴝 𐴀𐴟𐴎𐴟 𐴒𐴟𐴓𐴞 𐴏𐴝𐴓𐴝𐴘𐴧𐴠 𐴱𐴱

𐴌𐴦𐴠𐴁𐴠 𐴘𐴥𐴡 𐴕𐴞𐴎𐴡𐴌𐴥𐴠 𐴁𐴝𐴏𐴝𐴘 𐴁𐴤𐴡𐴓𐴧𐴝 𐴉𐴝𐴓𐴄𐴝 𐴒𐴟𐴓𐴞 𐴏𐴝𐴓𐴝𐴘𐴧𐴥𐴠 , 𐴒𐴤𐴡𐴕𐴄𐴝 𐴉𐴡𐴙𐴅𐴧𐴡𐴕𐴃𐴡 𐴒𐴟𐴓𐴞 𐴏𐴝𐴓𐴝 𐴏𐴝𐴓𐴞𐴌 𐴁𐴦𐴝𐴊𐴠 𐴀𐴝𐴃𐴡𐴚𐴁𐴝𐴊𐴞 𐴏𐴝𐴙𐴌 𐴎𐴡𐴕 𐴊𐴤𐴝𐴘 𐴒𐴞𐴘𐴡𐴘 , 𐴁𐴝𐴑𐴞 𐴊𐴤𐴝𐴘 𐴕𐴥𐴡 𐴉𐴝𐴌𐴠𐴊𐴠 𐴏𐴝𐴙𐴌 𐴎𐴡𐴕𐴡𐴌𐴥𐴠 𐴒𐴤𐴡𐴌 𐴘𐴥𐴝𐴀𐴝𐴕𐴡𐴃𐴧𐴤𐴟 𐴌𐴦𐴠𐴁𐴠 𐴁𐴡𐴕 𐴒𐴡𐴙𐴅𐴧𐴤𐴙𐴠 , 𐴃𐴡𐴀𐴡𐴘 𐴀𐴥𐴞𐴃𐴝𐴌𐴝𐴌 𐴃𐴧𐴤𐴟 𐴉𐴝𐴣𐴏𐴧𐴥𐴗𐴝 𐴀𐴥𐴝𐴣𐴃𐴞𐴘𐴝𐴌 , 𐴁𐴟𐴔 𐴀𐴝𐴌 𐴈𐴝𐴃𐴧𐴟𐴙𐴆𐴢 𐴉𐴝𐴀𐴝 𐴒𐴞𐴘𐴠 , 𐴑𐴝𐴌𐴖𐴝𐴘𐴌 𐴁𐴝𐴁𐴡𐴃𐴠 𐴃𐴡𐴉𐴏𐴞𐴓𐴞 𐴅𐴝𐴕𐴑𐴝𐴌𐴞 𐴓𐴡𐴘 𐴁𐴡𐴓𐴧𐴥𐴝 𐴌𐴦𐴠𐴁𐴡𐴌 𐴏𐴥𐴡𐴊𐴡𐴌 𐴊𐴡𐴉𐴃𐴤𐴡𐴌𐴡𐴃 , 𐴐𐴤𐴡𐴔 𐴁𐴝𐴌𐴠 𐴱 𐴱 𐴁𐴝𐴎𐴠 𐴈𐴥𐴡𐴁𐴡𐴌𐴞 𐴔𐴡𐴅𐴓𐴥𐴞𐴏𐴢 𐴒𐴡𐴌𐴥𐴞 𐴎𐴝𐴕𐴝𐴘 𐴊𐴞𐴘𐴝 𐴎𐴝𐴁𐴡 𐴁𐴡𐴓𐴞 / 𐴏𐴥𐴡𐴅𐴧𐴝𐴊 𐴇𐴥𐴟𐴏𐴠𐴙𐴕 𐴐𐴦𐴝𐴉𐴠 𐴈𐴡𐴘𐴧𐴠 𐴱𐴱

𐴘𐴝𐴀𐴝𐴌 𐴀𐴝𐴒𐴠 𐴕𐴡𐴖𐴡𐴔𐴁𐴡𐴌𐴡𐴌 𐴀𐴟𐴕𐴧𐴥𐴞𐴐𐴢 ( 𐴹 𐴱 ) 𐴃𐴝𐴌𐴥𐴞𐴑𐴡𐴃 𐴔𐴝𐴎𐴤𐴠 𐴘𐴥𐴡 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 𐴑𐴝𐴌𐴖𐴝𐴘 𐴏𐴝𐴓𐴝𐴘 𐴁𐴡𐴌𐴔𐴥𐴝𐴌 𐴌𐴟𐴇𐴝𐴙𐴚𐴒𐴙𐴝 𐴀𐴝𐴃𐴡𐴚𐴁𐴝𐴊𐴞 𐴒𐴟𐴌𐴥𐴟𐴉𐴢 𐴀𐴟𐴒𐴧𐴤𐴗𐴝𐴌 𐴀𐴟𐴖𐴡𐴌𐴡𐴌 𐴃𐴡𐴑𐴧𐴝𐴌 𐴑𐴡𐴔𐴦𐴝𐴕𐴋𐴝𐴌 𐴀𐴠𐴑 𐴎𐴡𐴕 𐴌𐴦𐴠𐴁𐴠 𐴁𐴡𐴕 𐴒𐴡𐴙𐴅𐴧𐴤𐴞𐴀𐴞𐴓 , 𐴀𐴥𐴠 𐴀𐴡𐴑𐴃𐴤𐴡𐴃 𐴀𐴥𐴞𐴃𐴝𐴌 𐴑𐴡𐴁𐴎𐴝𐴌 𐴃𐴧𐴤𐴟 𐴀𐴦𐴡𐴙𐴕𐴞 𐴀𐴥𐴝𐴣𐴃𐴞𐴘𐴝𐴌 𐴃𐴞𐴕𐴧𐴥𐴗𐴝 𐴉𐴝𐴀𐴝 𐴒𐴞𐴀𐴞𐴓 𐴱𐴱

Sources : Ukhiyanews.com