𐴐𐴤𐴝𐴘𐴒𐴡𐴌 𐴉𐴡𐴣𐴃𐴤𐴠 𐴀𐴝𐴌𐴀𐴥𐴡 𐴰 𐴰 𐴴 𐴌𐴟𐴇𐴝𐴙𐴚𐴒𐴙𐴝 𐴀𐴞𐴕𐴋𐴟𐴕𐴞𐴆𐴤𐴙𐴝𐴃 𐴱𐴱

𐴐𐴤𐴝𐴘𐴒𐴡𐴌 𐴉𐴡𐴣𐴃𐴤𐴠 𐴀𐴝𐴌𐴀𐴥𐴡 𐴰 𐴰 𐴴 𐴌𐴟𐴇𐴝𐴣𐴚𐴒𐴙𐴝 𐴎𐴝𐴃𐴞 𐴌𐴞𐴉𐴟𐴎𐴞 𐴀𐴞𐴕𐴋𐴟𐴕𐴞𐴆𐴤𐴙𐴝𐴃 𐴉𐴡𐴣𐴀𐴡𐴙𐴏𐴧𐴙𐴠 , 𐴋𐴞𐴏𐴡𐴔𐴁𐴡𐴌 𐴔𐴝𐴐𐴤𐴡𐴌 𐴰 𐴱 𐴃𐴝𐴌𐴥𐴞𐴑 𐴌𐴦𐴡𐴘 𐴁𐴝𐴌𐴠 , 𐴀𐴠 𐴁𐴠𐴐𐴤𐴞 𐴇𐴥𐴞𐴕 𐴇𐴥𐴝𐴓𐴡𐴃𐴡𐴃 𐴀𐴝𐴌 𐴈𐴥𐴡𐴏𐴃𐴤𐴝 𐴇𐴥𐴝𐴓𐴡𐴃𐴡𐴃 𐴌𐴟𐴇𐴝𐴙𐴚𐴒𐴙𐴝𐴌 𐴋𐴝𐴀𐴝𐴘 𐴀𐴞𐴁𐴤𐴝 𐴁𐴤𐴡𐴌𐴝 𐴁𐴟𐴄 𐴊𐴟𐴘𐴧𐴥𐴝𐴕 , 𐴊𐴡𐴀𐴡𐴙𐴕-𐴉𐴟𐴑 𐴀𐴞𐴆𐴤𐴞𐴘𐴝𐴌 𐴊𐴠𐴐𐴢 𐴀𐴞𐴕𐴋𐴟𐴕𐴞𐴆𐴤𐴙𐴝𐴌 𐴀𐴦𐴝𐴆𐴤𐴙𐴠 𐴋𐴞𐴐𐴄𐴤𐴞𐴑𐴡𐴃 𐴉𐴡𐴣𐴀𐴡𐴙𐴏𐴧𐴙𐴠 𐴱𐴱

𐴁𐴡𐴌𐴔𐴥𐴝𐴌 𐴈𐴡𐴔 𐴐𐴤𐴡𐴙𐴚𐴒𐴡 𐴑𐴡𐴗𐴔 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴏𐴡𐴓𐴠𐴌𐴊𐴧𐴠 𐴀𐴡𐴑𐴃𐴤𐴡𐴃 , 𐴀𐴞𐴕𐴋𐴟𐴕𐴞𐴆𐴤𐴙𐴝𐴃 𐴀𐴝𐴘𐴧𐴡𐴕𐴡𐴃 𐴁𐴠𐴐𐴤𐴞 𐴁𐴝𐴌𐴥𐴞 𐴒𐴞𐴘𐴠 𐴁𐴡𐴓𐴞 , 𐴌𐴦𐴡𐴘 𐴁𐴝𐴌𐴠 𐴌𐴗𐴠𐴄𐴝𐴌 𐴈𐴥𐴡𐴁𐴡𐴌𐴡𐴃 𐴓𐴠𐴙𐴑𐴧𐴤𐴙𐴠 , 𐴌𐴠𐴂𐴟𐴄𐴡𐴃 𐴈𐴡𐴘𐴧𐴥𐴠𐴊𐴠 ! 𐴀𐴡𐴕𐴟 𐴔𐴝𐴕𐴞𐴑 𐴰 𐴰 𐴴 𐴎𐴡𐴕 𐴇𐴥𐴞𐴕 𐴇𐴥𐴝𐴓𐴡𐴙𐴃𐴧𐴤𐴝 𐴀𐴝𐴌 𐴀𐴝𐴊𐴡𐴌𐴡𐴌 𐴎𐴡𐴙𐴒𐴧𐴡 𐴌𐴟𐴇𐴝𐴙𐴚𐴒𐴙𐴝 𐴎𐴝𐴃𐴞 𐴌𐴞𐴉𐴟𐴎𐴞 𐴁𐴤𐴡𐴌𐴝𐴘𐴧𐴝 𐴁𐴟𐴄 𐴊𐴟𐴘𐴧𐴥𐴝𐴕 , 𐴀𐴞𐴕𐴋𐴟𐴕𐴞𐴆𐴤𐴙𐴝𐴌 𐴀𐴦𐴝𐴆𐴤𐴙𐴠 𐴋𐴞𐴐𐴄𐴤𐴞𐴑𐴡𐴃 𐴌𐴦𐴡𐴘 𐴁𐴝𐴌𐴠 𐴉𐴡𐴣𐴀𐴡𐴙𐴏𐴧𐴥𐴙𐴠 𐴁𐴡𐴓𐴞 𐴱𐴱

𐴊𐴡𐴀𐴡𐴙𐴕-𐴉𐴟𐴑 𐴀𐴞𐴆𐴤𐴞𐴘𐴝 𐴊𐴠𐴐𐴤𐴡𐴌 𐴀𐴦𐴝𐴆𐴤𐴙𐴠 𐴋𐴞𐴐𐴄𐴤𐴞𐴑𐴡𐴌 𐴎𐴝𐴙𐴓𐴧𐴝 𐴐𐴤𐴡𐴔𐴝𐴎𐴡𐴌 𐴕𐴠𐴃𐴝 𐴘𐴠 𐴈𐴥𐴝𐴄𐴞 𐴏𐴥𐴡𐴀𐴞 𐴁𐴡𐴓𐴞 𐴈𐴡𐴘𐴧𐴠 , 𐴀𐴥𐴡𐴘 , 𐴌𐴦𐴡𐴘 𐴁𐴝𐴌𐴠 𐴀𐴠 𐴁𐴡𐴌𐴡 𐴋𐴝𐴀𐴝𐴘 𐴀𐴞𐴁𐴤𐴝 𐴉𐴡𐴣𐴀𐴡𐴏𐴡𐴕𐴡𐴌 𐴀𐴝𐴒𐴠 , 𐴑𐴡𐴗𐴔𐴞 𐴏𐴥𐴡𐴔𐴡𐴒𐴤𐴝𐴌 𐴌𐴞𐴉𐴟𐴎𐴞𐴌 𐴁𐴝𐴁𐴡𐴃𐴠 𐴃𐴡𐴕𐴎𐴞𐴔 ( 𐴘𐴟 𐴀𐴠𐴕 𐴀𐴠𐴆 𐴏𐴞 𐴀𐴝𐴌 ) 𐴌𐴠 𐴈𐴡𐴘𐴧𐴠𐴊𐴠 ! 𐴒𐴡𐴃𐴡 𐴕𐴡𐴖𐴡𐴔𐴁𐴡𐴌 𐴔𐴝𐴐𐴢 𐴀𐴥𐴡𐴘𐴃𐴠 𐴰 𐴰 𐴲 𐴱 𐴎𐴡𐴕 𐴓𐴡𐴃𐴞 𐴌𐴟𐴇𐴝𐴙𐴚𐴒𐴙𐴝 𐴁𐴡𐴌𐴔𐴥𐴝𐴌𐴃𐴧𐴟 𐴀𐴞𐴕𐴋𐴟𐴕𐴞𐴆𐴤𐴙𐴝𐴃 𐴉𐴡𐴣𐴀𐴡𐴙𐴏𐴧𐴙𐴠 𐴱𐴱

𐴀𐴦𐴝𐴆𐴤𐴙𐴠 𐴋𐴞𐴐𐴄𐴤𐴞𐴑𐴡𐴌 𐴎𐴝𐴙𐴓𐴧𐴝 𐴐𐴤𐴡𐴔𐴝𐴎𐴡𐴌 𐴕𐴠𐴃𐴝 / 𐴔𐴞𐴉𐴃𐴝𐴇𐴢 𐴑𐴝𐴄𐴢 𐴀𐴝𐴊𐴠 𐴘𐴠 𐴈𐴡𐴘𐴧𐴠 𐴊𐴠 ! 𐴌𐴦𐴡𐴘 𐴁𐴝𐴌𐴠 𐴁𐴞𐴀𐴞𐴕𐴧𐴝 𐴏𐴥𐴡𐴀𐴡𐴌𐴠 𐴊𐴟𐴘𐴧𐴥𐴝𐴕 𐴁𐴟𐴄𐴢 𐴀𐴦𐴝𐴆𐴤𐴙𐴠 𐴋𐴖𐴐𐴄𐴤𐴞𐴑𐴡𐴃 𐴉𐴡𐴣𐴀𐴡𐴙𐴏𐴧𐴥𐴙𐴠 , 𐴀𐴠𐴑𐴧𐴤𐴝𐴕 𐴉𐴞 𐴋𐴞 𐴎𐴞𐴓𐴥𐴝𐴃 𐴀𐴝𐴌 𐴀𐴠𐴑𐴧𐴤𐴝𐴕 𐴀𐴦𐴝𐴆𐴤𐴙𐴠𐴌 𐴁𐴠𐴐𐴝𐴌 𐴎𐴞𐴓𐴥𐴝𐴃 , 𐴉𐴡𐴃𐴧𐴞 𐴘𐴥𐴝𐴕𐴡𐴃 𐴰 𐴰 𐴲 𐴎𐴡𐴕 𐴒𐴡𐴌𐴥𐴞 𐴌𐴟𐴇𐴝𐴙𐴚𐴒𐴙𐴝 𐴀𐴝𐴏𐴥𐴠 𐴁𐴡𐴓𐴞 𐴀𐴥𐴞𐴁𐴤𐴝 𐴘𐴠 𐴈𐴡𐴘𐴧𐴠 𐴱𐴱

Sources : Ukhiyanews.com