𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴉𐴟𐴌𐴝𐴘𐴧𐴝 𐴁𐴟𐴄 𐴊𐴟𐴘𐴧𐴥𐴝𐴕𐴡𐴃 𐴐𐴤𐴝𐴘𐴒𐴡𐴌𐴡𐴌 𐴔𐴝𐴎𐴤𐴠 𐴉𐴥𐴡𐴖𐴌𐴥𐴞 𐴔𐴡𐴊𐴡𐴊 𐴓𐴝𐴒𐴠𐴌 𐴱𐴱

𐴀𐴝𐴕𐴋𐴞𐴔𐴝𐴕 𐴑𐴤𐴠𐴂𐴡𐴓𐴞 𐴐𐴤𐴝𐴘𐴒𐴡𐴌𐴡𐴃 𐴁𐴤𐴝𐴐𐴠𐴌 𐴊𐴧𐴠 𐴰 𐴰 𐴴 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴁𐴟𐴎𐴤𐴝𐴘 𐴀𐴡𐴓𐴝 𐴁𐴟𐴄 𐴊𐴟𐴘𐴧𐴥𐴝𐴕, 𐴁𐴝𐴏𐴝𐴘 𐴓𐴡𐴀𐴡𐴕 𐴁𐴠𐴐𐴤𐴞 𐴎𐴡𐴌𐴟𐴌𐴞 𐴀𐴥𐴡𐴘𐴧𐴠 𐴁𐴡𐴓𐴞 , 𐴑𐴡𐴗𐴔𐴞 𐴏𐴥𐴡𐴔𐴡𐴒𐴤𐴝𐴌 𐴎𐴞𐴔𐴧𐴝𐴊𐴝𐴌 𐴀𐴥𐴡𐴑𐴧𐴡𐴓 𐴀𐴝𐴌 𐴔𐴡𐴊𐴡𐴊 𐴒𐴡𐴌𐴥𐴡𐴙𐴕𐴧𐴝 𐴉𐴦𐴝𐴄𐴞 𐴀𐴥𐴡𐴑𐴧𐴡𐴓𐴠 𐴋𐴞𐴏𐴡𐴔𐴁𐴡𐴌 𐴔𐴝𐴐𐴤𐴡𐴌 𐴵 𐴃𐴝𐴌𐴥𐴞𐴑𐴡𐴃 𐴈𐴡𐴘𐴧𐴠 , 𐴀𐴥𐴞𐴃𐴝𐴌𐴝𐴌 𐴃𐴧𐴟 𐴑𐴟𐴓𐴝 𐴉𐴥𐴝𐴀𐴝𐴕 𐴈𐴥𐴝𐴕𐴝 𐴉𐴝𐴕𐴥𐴞 𐴕𐴥𐴝𐴘𐴊𐴠 𐴀𐴥𐴠𐴃𐴡𐴓𐴧𐴝 𐴀𐴡𐴑𐴃𐴤𐴡 𐴔𐴡𐴎𐴞𐴕 𐴁𐴝𐴏𐴝𐴘 𐴓𐴡𐴘 𐴕𐴡 𐴉𐴝𐴌𐴥𐴞𐴓𐴠 𐴔𐴡𐴌𐴞 𐴎𐴝𐴘𐴒𐴤𐴡𐴙𐴃 𐴉𐴝𐴌𐴠 𐴁𐴡𐴓𐴞 , 𐴄𐴤𐴝𐴘𐴓𐴠𐴕𐴡𐴃 𐴃𐴤𐴝𐴑𐴤𐴠𐴊𐴠 𐴑𐴡𐴗𐴔𐴞 𐴏𐴥𐴡𐴔𐴡𐴒𐴤𐴝𐴌 𐴈𐴡𐴃𐴤𐴝 𐴈𐴡𐴘𐴁𐴤𐴝𐴌 𐴀𐴠𐴅𐴝𐴎𐴡𐴃 𐴀𐴝𐴏𐴥𐴠𐴊𐴠 𐴀𐴥𐴞𐴁𐴝𐴌 𐴇𐴥𐴡𐴓𐴝 𐴊𐴞𐴀𐴞 𐴀𐴠 𐴂𐴞 𐴈𐴥𐴡𐴁𐴡𐴌𐴡𐴃 𐴓𐴠𐴙𐴑𐴧𐴤𐴙𐴠 𐴱𐴱

𐴉𐴟𐴖𐴝𐴙𐴕 𐴀𐴝𐴌 𐴁𐴠𐴍𐴞𐴀𐴝𐴙𐴕 𐴁𐴦𐴠𐴐𐴢 𐴀𐴝𐴏𐴥𐴠𐴊𐴠 𐴁𐴟𐴄 𐴊𐴟𐴕𐴥𐴞𐴘𐴝𐴕 𐴁𐴝𐴚𐴓𐴝𐴊𐴠𐴐𐴢 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃𐴧𐴟 𐴕𐴠𐴀𐴠𐴓𐴠 𐴀𐴝𐴀𐴝𐴘 𐴑𐴤𐴠𐴂𐴡𐴓𐴞 𐴀𐴝𐴕𐴋𐴞𐴔𐴝𐴕 𐴐𐴤𐴝𐴘𐴒𐴡𐴌𐴃 𐴁𐴤𐴝𐴐𐴠𐴌 𐴊𐴧𐴠 𐴊𐴟𐴘 𐴇𐴥𐴝𐴉𐴃𐴝 𐴀𐴥𐴡𐴘𐴧𐴠 , 𐴁𐴤𐴝𐴐𐴠𐴌 𐴊𐴧𐴠 𐴁𐴟𐴄 𐴀𐴠𐴑𐴧𐴤𐴝𐴕 𐴓𐴡𐴘 𐴀𐴠 𐴂𐴞 𐴈𐴥𐴡𐴁𐴡𐴌 𐴀𐴠𐴅𐴤𐴠𐴕𐴏𐴞 𐴘𐴠 𐴄𐴤𐴠𐴓𐴞𐴉𐴥𐴟𐴕𐴠 𐴎𐴟𐴑𐴝𐴎𐴟𐴑 𐴒𐴡𐴌𐴥𐴞 𐴎𐴝𐴕𐴞 𐴉𐴝𐴙𐴅𐴧𐴤𐴙𐴠 𐴊𐴠 𐴑𐴠𐴀𐴠𐴕 𐴁𐴡𐴓𐴞 𐴈𐴡𐴘𐴓𐴥𐴠!𐴁𐴟𐴄 𐴘𐴥𐴝𐴀𐴝𐴕 𐴄𐴤𐴝𐴘𐴓𐴠𐴕𐴡𐴌 𐴉𐴡𐴏𐴥𐴞𐴔 𐴋𐴤𐴝𐴑𐴡𐴌 𐴑𐴟𐴓 𐴓𐴡𐴘 𐴂𐴠𐴌𐴦𐴝𐴘 𐴰 𐴰 𐴲 𐴔𐴝𐴙𐴓 𐴓𐴡𐴃𐴞 𐴃𐴡𐴁𐴦𐴡𐴃𐴡𐴃 𐴐𐴤𐴝𐴘𐴒𐴡𐴌𐴡𐴃 𐴁𐴤𐴝𐴐𐴠𐴌 𐴁𐴡𐴓𐴞 𐴈𐴡𐴘𐴧𐴠 𐴱𐴱

𐴀𐴥𐴞𐴃𐴝𐴌𐴝𐴌 𐴁𐴟𐴄 𐴘𐴥𐴝𐴀𐴝𐴕𐴡𐴃 𐴰 𐴹 𐴱 𐴎𐴡𐴕 𐴓𐴡𐴃𐴞 𐴔𐴝𐴕𐴥𐴟𐴙𐴐𐴢 𐴀𐴝𐴏𐴥𐴠 𐴀𐴝𐴌 𐴈𐴥𐴝𐴕𐴝 𐴉𐴝𐴕𐴥𐴞 𐴉𐴥𐴟𐴌𐴝𐴘 𐴒𐴞𐴘𐴥𐴡𐴘 , 𐴁𐴟𐴍𐴡𐴌 𐴀𐴞𐴕𐴅𐴞𐴓𐴠 𐴘𐴥𐴡 𐴈𐴝𐴔 𐴕𐴡 𐴒𐴡𐴌𐴥𐴠𐴌 𐴀𐴥𐴠𐴃𐴡𐴓𐴧𐴝 𐴄𐴝𐴙𐴔 𐴔𐴡𐴃𐴠 𐴁𐴝𐴏𐴝𐴘 𐴕𐴡 𐴓𐴡𐴘𐴓𐴥𐴠 𐴔𐴝𐴕𐴥𐴟𐴙𐴐𐴢 𐴔𐴡𐴌𐴞 𐴎𐴝𐴘𐴁𐴡 𐴒𐴤𐴡𐴘 𐴁𐴡𐴓𐴞 𐴁𐴟𐴄𐴡𐴌 𐴔𐴝𐴎𐴤𐴞 𐴘𐴠 𐴈𐴡𐴘𐴧𐴠 , 𐴊𐴟𐴘𐴀𐴡𐴔 𐴁𐴟𐴄 𐴈𐴡𐴊𐴧𐴤𐴟𐴌𐴡𐴃 𐴀𐴝𐴏𐴥𐴠𐴊𐴠 𐴘𐴥𐴝𐴀𐴝𐴕𐴡𐴌 𐴁𐴝𐴁𐴡𐴃𐴠 𐴈𐴥𐴝𐴄𐴞 𐴈𐴥𐴡𐴁𐴡𐴌 𐴕𐴡 𐴎𐴝𐴕𐴥𐴞 , 𐴄𐴤𐴝𐴘𐴓𐴠𐴕𐴡𐴌 𐴊𐴡𐴙𐴅𐴧𐴙𐴝𐴌 𐴉𐴥𐴡𐴗𐴏𐴡𐴌 𐴃𐴡𐴌𐴉𐴥𐴡𐴌 𐴃𐴧𐴟 𐴈𐴡𐴃𐴤𐴝 𐴈𐴡𐴘𐴁𐴤𐴝𐴌 𐴀𐴠𐴅𐴝𐴎𐴡𐴃 𐴀𐴝𐴏𐴥𐴠𐴊𐴠 𐴀𐴥𐴞𐴁𐴤𐴝 𐴘𐴠 𐴈𐴡𐴘𐴧𐴥𐴠𐴊𐴠 ! 𐴁𐴟𐴄 𐴀𐴥𐴠 𐴊𐴟𐴕𐴥𐴞𐴘𐴝𐴕𐴡𐴌 𐴁𐴝𐴁𐴡𐴃𐴠 𐴀𐴝𐴣𐴀𐴝𐴌𐴝𐴌 𐴃𐴧𐴟 𐴈𐴡𐴕𐴥𐴡 𐴈𐴥𐴡𐴁𐴡𐴌 𐴕𐴥𐴝𐴘 𐴱𐴱

𐴁𐴡𐴌𐴔𐴥𐴝𐴌 𐴔𐴠𐴓𐴠𐴄𐴠𐴌𐴞𐴌 𐴕𐴡𐴏𐴥𐴡𐴓 𐴉𐴥𐴟𐴌𐴝 𐴑𐴝𐴌𐴖𐴝𐴘𐴌 𐴎𐴡𐴌𐴞𐴘𐴝 𐴁𐴝𐴚𐴓𐴝𐴊𐴠𐴐𐴤𐴡𐴃 𐴏𐴥𐴝𐴀𐴝𐴌𐴝 𐴓𐴡𐴘𐴧𐴥𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 , 𐴁𐴝𐴚𐴓𐴝𐴊𐴠𐴐𐴢 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 𐴉𐴡𐴌𐴝𐴕𐴠 𐴁𐴝𐴏𐴞 𐴃𐴤𐴝𐴑𐴤𐴡𐴕 𐴔𐴡𐴐𐴑𐴞𐴓 𐴀𐴥𐴡𐴀𐴡𐴕𐴠 , 𐴊𐴡𐴙𐴅𐴧𐴙𐴝𐴌 𐴉𐴡𐴣𐴃𐴤𐴠 𐴃𐴞𐴕𐴀𐴡𐴔 𐴊𐴠𐴐𐴤𐴡𐴃 𐴎𐴝𐴘𐴁𐴡𐴓𐴧𐴥𐴝 𐴑𐴟𐴐𐴤𐴞𐴐𐴢 𐴒𐴡𐴌𐴥𐴠𐴌 𐴊𐴧𐴠 𐴱𐴱

Sources : RFAburmese