𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔𐴡𐴃 𐴊𐴟𐴘 𐴋𐴝𐴀𐴝𐴘𐴌 𐴔𐴝𐴎𐴤𐴠 𐴒𐴟𐴓𐴞 𐴔𐴝𐴌𐴝 𐴀𐴠𐴑 𐴎𐴡𐴕𐴡𐴌 𐴔𐴡𐴗𐴃 𐴱𐴱

𐴑𐴝𐴑𐴏𐴡 𐴁𐴝𐴎𐴝𐴌 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 , 𐴌𐴟𐴇𐴝𐴙𐴚𐴒𐴙𐴝 𐴀𐴝𐴃𐴡𐴚𐴁𐴝𐴊𐴞 𐴊𐴟𐴘 𐴋𐴝𐴀𐴝𐴘𐴌 𐴔𐴝𐴎𐴤𐴠 𐴒𐴟𐴓𐴞 𐴔𐴝𐴌𐴝 𐴔𐴝𐴌𐴞𐴃 𐴀𐴠𐴑 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝𐴌 𐴔𐴡𐴗𐴃 𐴀𐴥𐴡𐴘𐴧𐴠 𐴀𐴝𐴌 𐴉𐴝𐴣𐴏𐴢 𐴎𐴡𐴕 𐴒𐴤𐴝𐴙𐴓 𐴀𐴥𐴡𐴘𐴧𐴠 , 𐴔𐴡𐴌𐴞 𐴒𐴞𐴘𐴡𐴘 𐴊𐴠 𐴀𐴥𐴞𐴃𐴝𐴌 𐴕𐴝𐴔 / 𐴔𐴟𐴇𐴝𐴔𐴧𐴡𐴊 𐴘𐴟𐴕𐴟𐴏𐴢 (𐴁𐴝𐴉𐴢) 𐴕𐴟𐴌 𐴔𐴟𐴇𐴝𐴔𐴧𐴡𐴊 𐴑𐴟𐴃𐴤𐴟𐴉𐴝𐴓𐴡𐴚 𐴸 𐴓𐴡𐴔𐴁𐴤𐴡𐴌 𐴑𐴠𐴀𐴠𐴔𐴡𐴌 𐴀𐴞/𐴵 𐴱 𐴁𐴡𐴓𐴡𐴑𐴡𐴌 𐴁𐴤𐴝𐴐𐴞𐴕𐴊𐴝 𐴱𐴱

𐴀𐴥𐴠 𐴒𐴤𐴡𐴄𐴡𐴕𐴝𐴃 𐴒𐴤𐴝𐴙𐴓 𐴀𐴥𐴡𐴘𐴧𐴠𐴊𐴠 𐴀𐴥𐴞𐴃𐴝𐴌𐴝 𐴀𐴥𐴡𐴙𐴓 𐴊𐴠 , 𐴳 𐴓𐴡𐴔𐴁𐴤𐴡𐴌 𐴑𐴠𐴀𐴠𐴔𐴡𐴌 𐴋𐴞/𐴸 𐴴 𐴁𐴡𐴓𐴡𐴑𐴡𐴌 𐴎𐴡𐴘𐴕𐴝𐴓𐴡𐴌 𐴉𐴟𐴖𐴝 / 𐴏𐴡𐴀𐴞 𐴊𐴟𐴓𐴧𐴝𐴇𐴢 𐴁𐴡𐴐𐴢 𐴵 𐴱 𐴁𐴡𐴏𐴥𐴡𐴌 , 𐴀𐴝𐴌 𐴀𐴠𐴑𐴧𐴤𐴟𐴘 𐴑𐴠𐴀𐴠𐴔𐴡𐴌 𐴀𐴠𐴑𐴧𐴤𐴟𐴘 𐴁𐴡𐴓𐴡𐴑𐴡𐴌 𐴕𐴟𐴌𐴟𐴓 𐴀𐴝𐴔𐴞𐴕𐴡𐴌 𐴔𐴝𐴘𐴧𐴝 / 𐴕𐴟𐴌 𐴏𐴥𐴠𐴃𐴝𐴌𐴝 , 𐴇𐴥𐴡𐴄𐴝𐴃 𐴒𐴡𐴌𐴥𐴞 𐴁𐴝𐴑𐴞 𐴀𐴡𐴙𐴕𐴧𐴡 𐴒𐴤𐴟𐴕𐴡𐴌 𐴕𐴝𐴔 𐴎𐴝𐴕𐴝 𐴕𐴥𐴡 𐴎𐴝𐴀𐴝 , 𐴕𐴡𐴖𐴡𐴔𐴁𐴡𐴌 𐴔𐴝𐴐𐴤𐴡𐴌 𐴷 𐴲 𐴃𐴝𐴌𐴥𐴞𐴑 𐴐𐴤𐴡𐴔𐴁𐴝𐴌𐴠 𐴊𐴦𐴟𐴛𐴅𐴧𐴙𐴝 𐴑𐴟𐴃𐴤𐴟𐴉𐴝𐴓𐴡𐴚 𐴳 𐴓𐴡𐴔𐴁𐴤𐴡𐴌 𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔𐴡𐴌 𐴋𐴞 𐴁𐴡𐴓𐴡𐴑𐴡𐴃 𐴀𐴠 𐴒𐴤𐴡𐴄𐴡𐴕𐴝 𐴒𐴤𐴡𐴙𐴄𐴧𐴙𐴠 𐴁𐴡𐴓𐴞 , 𐴀𐴟𐴑𐴤𐴞𐴘𐴝 𐴃𐴤𐴝𐴕𐴝𐴌 𐴎𐴞𐴔𐴧𐴝𐴊𐴝𐴌 𐴀𐴡 𐴏𐴞 / 𐴔𐴟𐴇𐴝𐴔𐴧𐴡𐴊 𐴐𐴤𐴡𐴔𐴞𐴔𐴠 𐴎𐴝𐴕𐴝𐴘 𐴊𐴞𐴘𐴠 𐴱𐴱

𐴀𐴥𐴞𐴁𐴝 𐴘𐴠 𐴈𐴡𐴘𐴧𐴠 𐴊𐴠 ! 𐴌𐴝𐴃𐴞𐴘𐴝 𐴀𐴟𐴑𐴤𐴞𐴘𐴝 𐴌𐴝𐴎𐴝 𐴉𐴝𐴓𐴡𐴚 𐴘𐴟𐴕𐴞𐴀𐴡𐴕𐴡𐴌 𐴑𐴟𐴃𐴤𐴟𐴉𐴝𐴓𐴡𐴚 𐴳 𐴓𐴡𐴔𐴁𐴤𐴡𐴌 𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔𐴡𐴌 𐴋𐴞 𐴁𐴡𐴓𐴡𐴑𐴡𐴃 , 𐴌𐴟𐴇𐴝𐴙𐴚𐴒𐴙𐴝 𐴀𐴝𐴃𐴡𐴚𐴁𐴝𐴊𐴞 𐴊𐴟𐴘 𐴋𐴝𐴀𐴝𐴘𐴌 𐴔𐴝𐴕𐴥𐴟𐴙𐴐𐴢 𐴒𐴤𐴡𐴓𐴞 𐴎𐴝𐴒𐴝 𐴓𐴡𐴘𐴧𐴠 , 𐴁𐴦𐴝𐴊𐴠 𐴊𐴟𐴕𐴥𐴞 𐴋𐴝𐴀𐴝𐴘𐴌 𐴔𐴝𐴎𐴤𐴠 𐴒𐴟𐴓𐴞 𐴔𐴝𐴌𐴝 𐴔𐴝𐴌𐴞 𐴓𐴝𐴌𐴥𐴝𐴘 𐴐𐴤𐴟𐴌𐴟 𐴀𐴥𐴡𐴘𐴧𐴠 , 𐴀𐴥𐴠 𐴒𐴟𐴓𐴞 𐴔𐴝𐴌𐴝 𐴔𐴝𐴌𐴞𐴃 / 𐴔𐴟𐴇𐴝𐴔𐴧𐴡𐴊 𐴘𐴟𐴕𐴟𐴏𐴢 𐴕𐴝𐴔𐴡𐴌 𐴌𐴟𐴇𐴝𐴙𐴚𐴒𐴙𐴝 𐴈𐴡𐴙𐴆𐴧𐴙𐴝𐴌 𐴒𐴝𐴀𐴝𐴃 𐴒𐴟𐴓𐴞 𐴉𐴡𐴌𐴡𐴕𐴠 𐴇𐴥𐴡𐴄𐴝𐴃 𐴀𐴥𐴞𐴛𐴧𐴡𐴃 𐴔𐴡𐴌𐴞 𐴒𐴞𐴘𐴡𐴘 𐴱𐴱

𐴀𐴥𐴠 𐴒𐴤𐴡𐴄𐴡𐴕𐴝𐴃 𐴀𐴝𐴌𐴀𐴥𐴡 𐴴 / 𐴵 𐴎𐴡𐴕 𐴒𐴤𐴝𐴙𐴓 𐴀𐴥𐴡𐴘𐴧𐴠 , 𐴒𐴤𐴝𐴙𐴓 𐴀𐴥𐴡𐴘𐴧𐴠𐴊𐴠 𐴀𐴥𐴞𐴃𐴝𐴌𐴝 𐴌𐴠 𐴀𐴝𐴘 𐴀𐴠𐴔 𐴀𐴡 𐴃𐴡𐴕𐴎𐴞𐴔𐴡𐴌 𐴇𐴥𐴝𐴐𐴉𐴝𐴃𐴝𐴓𐴡𐴃 𐴀𐴠𐴓𐴝𐴅 𐴒𐴡𐴌𐴥𐴞 𐴉𐴝𐴌𐴠 𐴉𐴥𐴝𐴀𐴝𐴕 𐴉𐴡𐴣𐴀𐴡𐴏𐴝𐴘 𐴊𐴞𐴘𐴝 𐴒𐴞𐴘𐴠 , 𐴀𐴠𐴈𐴥𐴡𐴕 𐴒𐴤𐴡𐴄𐴡𐴕𐴝𐴌 𐴁𐴝𐴁𐴡𐴃𐴠 𐴃𐴝𐴊𐴝𐴌𐴟𐴑𐴞 𐴑𐴝𐴌𐴖𐴝𐴘 𐴏𐴡𐴓𐴠𐴌 𐴀𐴝𐴌 𐴓𐴝𐴐𐴢 𐴔𐴟𐴀𐴝𐴘𐴕𐴝 𐴒𐴡𐴌𐴥𐴞𐴁𐴤𐴡𐴌 𐴓𐴧𐴝 𐴑𐴝𐴑𐴏𐴡 𐴁𐴝𐴎𐴝𐴌 𐴏𐴥𐴡𐴊𐴡𐴌 𐴇𐴥𐴝𐴐𐴉𐴝𐴃𐴝𐴓𐴡𐴃 𐴉𐴡𐴣𐴀𐴡𐴏𐴝𐴘 𐴊𐴞𐴘𐴝 𐴒𐴞𐴘𐴠 𐴱𐴱

Sources : Ukhiyanews.com