𐴀𐴝𐴙𐴑𐴧𐴙𐴝𐴁𐴡𐴌 𐴇𐴥𐴝𐴁𐴝𐴌 𐴔𐴝𐴍𐴡𐴃 𐴉𐴡𐴄𐴤𐴟 𐴎𐴝𐴓𐴞 𐴁𐴡𐴓𐴞 𐴈𐴡𐴀𐴡𐴘 𐴌𐴠𐴕𐴒𐴟𐴕 𐴎𐴡𐴀𐴡𐴙𐴕𐴧𐴝 𐴌𐴟𐴇𐴝𐴙𐴚𐴒𐴙𐴝 𐴳 𐴎𐴡𐴕 𐴋𐴝𐴓𐴝 𐴐𐴤𐴡𐴣𐴀𐴡 𐴁𐴡𐴕 𐴒𐴡𐴙𐴅𐴧𐴤𐴙𐴠 𐴱𐴱

𐴀𐴝𐴙𐴑𐴧𐴙𐴝𐴁𐴡𐴌 𐴇𐴥𐴝𐴁𐴝𐴌 𐴔𐴝𐴄𐴢 𐴁𐴝𐴀𐴝𐴘 𐴌𐴠𐴕𐴒𐴟𐴕 𐴐𐴤𐴡𐴣𐴀𐴡 𐴊𐴠𐴐𐴢 𐴁𐴠𐴒𐴧𐴤𐴟𐴓𐴧𐴝 𐴎𐴝𐴘 𐴉𐴝𐴌𐴠𐴊𐴠 𐴇𐴥𐴝𐴁𐴝𐴌 𐴔𐴝𐴍𐴡𐴃 , 𐴀𐴠𐴔 𐴀𐴠 𐴀𐴝𐴘 𐴇𐴥𐴝𐴁𐴝𐴌 𐴓𐴝𐴙𐴕 𐴓𐴡𐴘 𐴎𐴡𐴀𐴡𐴙𐴕𐴧𐴝 𐴉𐴝𐴐𐴤𐴞𐴕𐴊𐴤𐴝𐴌 𐴀𐴥𐴡𐴑𐴧𐴡𐴓𐴡𐴌 𐴉𐴡𐴄𐴤𐴟 ( 𐴏𐴥𐴝𐴁𐴟𐴃 ) 𐴏𐴠𐴑 𐴒𐴡𐴌𐴥𐴝𐴌 𐴑𐴝𐴌𐴖𐴝𐴘 𐴏𐴡𐴓𐴠𐴌 𐴊𐴧𐴠 𐴐𐴤𐴡𐴣𐴀𐴡𐴃 , 𐴒𐴡𐴃𐴡 𐴈𐴝𐴓𐴞𐴘𐴝 𐴀𐴥𐴝𐴣𐴎𐴡𐴙𐴕𐴧𐴝 𐴂𐴠𐴌𐴝𐴘 𐴀𐴥𐴝𐴌𐴡 𐴏𐴥𐴡 𐴁𐴝𐴎𐴠 𐴉𐴡𐴄𐴤𐴟 ( 𐴏𐴥𐴝𐴁𐴟𐴃 ) 𐴎𐴝𐴓𐴞 𐴁𐴡𐴓𐴞 𐴈𐴡𐴀𐴡𐴘 𐴀𐴠𐴓𐴎𐴝𐴔 𐴊𐴞𐴀𐴞 𐴃𐴞𐴕 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴐𐴤𐴡𐴣𐴀𐴡 𐴀𐴠𐴑 𐴎𐴡𐴕 𐴋𐴝𐴓𐴝𐴓 𐴁𐴡𐴕 𐴒𐴡𐴙𐴅𐴧𐴤𐴙𐴠 𐴱𐴱

𐴁𐴡𐴕 𐴒𐴡𐴙𐴅𐴧𐴤𐴙𐴠 𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴟𐴀𐴟𐴕 𐴀𐴥𐴡𐴙𐴓𐴊𐴠 / 𐴔𐴟𐴅𐴞𐴁𐴟𐴓 𐴇𐴥𐴝𐴏𐴡𐴕 𐴁𐴝𐴉𐴢 𐴇𐴥𐴝𐴐𐴞𐴔 ( 𐴵 𐴲 ) 𐴁𐴡𐴏𐴥𐴡𐴌 , 𐴁𐴤𐴟𐴔𐴠 𐴉𐴝𐴌𐴝 ( 𐴴 𐴱 ) 𐴓𐴡𐴔𐴁𐴤𐴡𐴌 𐴌𐴥𐴠𐴑𐴧𐴤𐴗𐴥𐴝 𐴀𐴝𐴙𐴑𐴧𐴙𐴝𐴁𐴢 , / 𐴕𐴟𐴌𐴑𐴝𐴘𐴠𐴏𐴢 𐴁𐴝𐴉𐴢 𐴇𐴥𐴝𐴏𐴡𐴕 𐴁𐴡𐴐𐴢 ( 𐴹 𐴱 ) 𐴁𐴡𐴏𐴥𐴡𐴌 , 𐴀𐴟𐴃𐴧𐴡𐴌 𐴀𐴥𐴟𐴕 𐴋𐴤𐴡 𐴒𐴞𐴌𐴥𐴞 𐴉𐴝𐴌𐴝 𐴀𐴝𐴙𐴑𐴧𐴙𐴝𐴁𐴢 / 𐴐𐴡𐴔𐴏𐴟𐴔𐴝 𐴁𐴠𐴒𐴡𐴔 𐴁𐴝𐴉𐴢 𐴀𐴝𐴓𐴞 𐴇𐴟𐴏𐴞𐴕 𐴁𐴡𐴐𐴢 ( 𐴸 𐴲 ) 𐴁𐴡𐴏𐴥𐴡𐴌 , 𐴓𐴥𐴝𐴏𐴝 𐴉𐴝𐴌𐴝 𐴔𐴡𐴚𐴋𐴤𐴟 𐴱𐴱

𐴀𐴞𐴃𐴝𐴌𐴝 𐴃𐴞𐴕𐴥𐴞 𐴎𐴡𐴕𐴡𐴌𐴠 𐴋𐴝𐴓𐴝𐴓 / 𐴏𐴥𐴟 𐴔𐴡𐴌𐴥𐴝𐴚 ( 𐴋𐴝𐴑 𐴕𐴝𐴔 ) 𐴏𐴝 𐴏𐴝 ( 𐴁𐴝𐴉𐴢 ) 𐴉𐴡𐴎𐴤𐴡𐴓 𐴀𐴝𐴇𐴔𐴡𐴊 , 𐴕𐴞𐴓𐴝 𐴌𐴟𐴀𐴟𐴋 ( 𐴹 𐴲 / 𐴀 ) 𐴌𐴥𐴠𐴑𐴧𐴤𐴗𐴥𐴝 , 𐴊𐴡𐴀𐴡𐴙𐴕 𐴕𐴟𐴖𐴝 𐴋𐴡𐴒𐴟𐴕 𐴐𐴤𐴡𐴀𐴡𐴌 𐴀𐴠𐴓𐴝𐴑𐴝 𐴌𐴠𐴕𐴒𐴟𐴕 𐴋𐴞𐴐𐴄𐴤𐴞𐴑𐴡𐴃 𐴃𐴤𐴝𐴑𐴠 𐴊𐴠 𐴔𐴝𐴕𐴥𐴟𐴙𐴐𐴢 𐴱𐴱

𐴁𐴡𐴕 𐴒𐴡𐴙𐴅𐴧𐴤𐴙𐴠 𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴟𐴀𐴟𐴕𐴡𐴌 𐴑𐴠𐴙𐴏𐴡𐴌 𐴁𐴝𐴁𐴡𐴃𐴠 𐴔𐴟𐴃𐴦𐴝𐴓𐴧𐴠𐴑𐴝 𐴀𐴝𐴐𐴤𐴝𐴔𐴞 𐴀𐴥𐴡𐴑𐴧𐴡𐴓𐴡𐴌𐴠 𐴁𐴡𐴕 𐴒𐴡𐴌𐴥𐴞𐴁𐴡𐴓𐴧𐴝 𐴓𐴝𐴒𐴝𐴃𐴝𐴌 𐴀𐴞𐴕𐴑𐴟𐴖𐴝𐴌𐴞 𐴏𐴡𐴓𐴠𐴌 𐴁𐴡𐴓𐴞 𐴈𐴥𐴡𐴁𐴡𐴌 𐴉𐴝𐴀𐴝 𐴒𐴞𐴘𐴠 , 𐴇𐴥𐴝𐴔𐴞𐴐𐴤𐴝 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴠 𐴑𐴝𐴕𐴟𐴕𐴞 𐴃𐴡𐴖𐴌𐴠 𐴀𐴝𐴀𐴝 𐴎𐴝𐴀𐴝 𐴏𐴥𐴡𐴉𐴡𐴌 𐴒𐴡𐴌𐴥𐴞𐴁𐴝𐴌 𐴐𐴤𐴡𐴣𐴀𐴡𐴃 𐴉𐴡𐴄𐴤𐴟 𐴎𐴝𐴓𐴞 𐴁𐴡𐴓𐴞 𐴈𐴡𐴀𐴡𐴘 𐴈𐴡𐴀𐴡𐴘 𐴁𐴡𐴕 𐴒𐴡𐴌𐴥𐴝𐴃 𐴀𐴝𐴏𐴥𐴠 𐴱𐴱

Sources : ရခိုင်နေ့စဉ်