𐴔𐴡𐴚𐴋𐴤𐴟 𐴎𐴝𐴔𐴁𐴡𐴙𐴕𐴧𐴝𐴌 𐴈𐴝𐴣𐴏𐴥𐴠 𐴈𐴥𐴝𐴓𐴡𐴌 𐴔𐴟𐴑𐴤𐴡𐴃 𐴑𐴡𐴏𐴄𐴡𐴔 𐴏𐴥𐴝𐴌𐴝 𐴁𐴝𐴚𐴓𐴝𐴊𐴠𐴐𐴤𐴡𐴃 𐴉𐴡𐴣𐴀𐴡𐴏𐴝𐴌 𐴊𐴧𐴠 𐴏𐴥𐴟𐴖𐴝𐴌𐴞𐴌 𐴁𐴡𐴏𐴃𐴤𐴝 𐴐𐴤𐴡𐴣𐴀𐴡 𐴴 𐴎𐴡𐴕 𐴀𐴝𐴐𐴤𐴝𐴔𐴞 𐴒𐴠𐴌𐴠𐴉𐴃𐴝𐴌 𐴱𐴱

𐴔𐴡𐴚𐴋𐴤𐴟 𐴀𐴠𐴓𐴝𐴑𐴝𐴌 𐴎𐴝𐴔𐴁𐴡𐴙𐴕𐴧𐴝𐴌 𐴈𐴝𐴣𐴏𐴥𐴠 𐴈𐴥𐴝𐴓𐴡𐴌 𐴔𐴟𐴑𐴤𐴡𐴃 ‚ 𐴐𐴤𐴟𐴑𐴧𐴟𐴌 𐴁𐴝𐴌𐴠 𐴁𐴞𐴀𐴞𐴕𐴧𐴝 𐴑𐴡𐴏𐴄𐴡𐴔 𐴕𐴡 𐴊𐴞𐴀𐴞 𐴁𐴝𐴚𐴓𐴝𐴊𐴠𐴐𐴤𐴡𐴃 𐴉𐴝𐴌 𐴒𐴡𐴌𐴥𐴝𐴌 𐴊𐴧𐴠 ‚ 𐴏𐴥𐴟𐴖𐴝𐴌𐴞𐴌 𐴁𐴡𐴏𐴃𐴤𐴝 𐴀𐴥𐴡𐴑𐴧𐴡𐴓 𐴐𐴤𐴡𐴣𐴀𐴡 𐴏𐴝𐴙𐴌 𐴎𐴡𐴕 𐴀𐴝𐴐𐴤𐴝𐴔𐴞 𐴊𐴤𐴡𐴌𐴝 𐴉𐴡𐴙𐴅𐴧𐴤𐴙𐴠 ‚ 𐴑𐴡𐴏𐴄𐴡𐴔 𐴕𐴡 𐴊𐴞𐴀𐴞 𐴔𐴝𐴓 𐴏𐴥𐴝𐴔𐴝𐴕 𐴀𐴥𐴡𐴑𐴧𐴡𐴓‚ 𐴕𐴦𐴡 𐴏𐴥𐴝𐴔𐴧𐴡𐴕 𐴓𐴡𐴘 𐴀𐴝𐴕𐴥𐴝 𐴕𐴞𐴎𐴤𐴝 𐴒𐴡𐴌𐴥𐴠𐴌 𐴊𐴧𐴠 ‚ 𐴈𐴥𐴡𐴁𐴡𐴌 𐴔𐴡𐴎𐴞𐴕 𐴏𐴠𐴑 𐴒𐴡𐴌𐴥𐴝 𐴀𐴝𐴌 𐴊𐴤𐴡𐴌𐴝 𐴊𐴤𐴡𐴌𐴞 𐴏𐴡𐴓𐴠𐴌 𐴊𐴧𐴠 𐴀𐴡𐴑𐴃𐴤𐴡𐴃 ‚ 𐴰 𐴵 𐴱 𐴓𐴝𐴑𐴤 𐴄𐴞𐴛𐴝𐴌 𐴰 𐴰 𐴱 𐴀𐴠𐴑 𐴐𐴤𐴡𐴃 𐴁𐴡𐴏𐴃𐴤𐴝 𐴏𐴥𐴟𐴖𐴝𐴌𐴞 𐴁𐴤𐴡𐴌𐴞 𐴓𐴡𐴘 𐴎𐴝𐴀𐴝𐴌 𐴊𐴧𐴠 𐴕𐴦𐴡 𐴏𐴝𐴙 𐴒𐴤𐴝𐴕 𐴐𐴤𐴡𐴣𐴀𐴡 𐴏𐴝𐴙𐴌 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴊𐴤𐴡𐴌𐴝 𐴉𐴡𐴙𐴅𐴧𐴤𐴙𐴠 𐴱𐴱

𐴊𐴤𐴡𐴌𐴝 𐴉𐴡𐴙𐴅𐴧𐴤𐴙𐴠 𐴊𐴠 𐴔𐴝𐴕𐴥𐴟𐴙𐴐𐴢 𐴀𐴥𐴟𐴀𐴟𐴕 𐴀𐴥𐴡𐴙𐴓𐴊𐴠 ‚ 𐴔𐴡𐴚𐴋𐴤𐴟 𐴀𐴠𐴓𐴝𐴑𐴝𐴌 𐴑𐴝𐴛𐴝𐴚 𐴄𐴤𐴡 𐴉𐴝𐴌𐴝𐴌 𐴁𐴤𐴝𐴐𐴞 / 𐴔𐴟𐴇𐴝𐴔𐴧𐴡𐴊 𐴕𐴡𐴎𐴞𐴌 ( 𐴁𐴝𐴉𐴢 ) 𐴀𐴝𐴁𐴟𐴓 𐴇𐴟𐴏𐴡𐴕 𐴁𐴡𐴐𐴢 𐴸 𐴲 𐴁𐴡𐴏𐴥𐴡𐴌 / 𐴀𐴞𐴔𐴝𐴕 𐴇𐴟𐴏𐴡𐴕 ( 𐴁𐴝𐴉𐴢 ) 𐴕𐴟𐴌 𐴀𐴝𐴓𐴡𐴔 𐴁𐴡𐴐𐴢 𐴷 𐴲 𐴁𐴡𐴏𐴥𐴡𐴌 / 𐴀𐴝𐴁𐴟 𐴃𐴝𐴇𐴠𐴌 ( 𐴁𐴝𐴉𐴢 ) 𐴀𐴝𐴘𐴧𐴟𐴁 𐴀𐴝𐴓𐴞 𐴁𐴡𐴐𐴢 𐴵 𐴲 𐴁𐴡𐴏𐴥𐴡𐴌 / 𐴔𐴟𐴇𐴝𐴔𐴧𐴡𐴊 𐴎𐴟𐴁𐴝𐴙𐴌 ( 𐴁𐴝𐴉𐴢 ) 𐴀𐴝𐴁𐴟𐴓 𐴇𐴟𐴏𐴡𐴕 𐴁𐴡𐴐𐴢 𐴲 𐴲 𐴁𐴡𐴏𐴥𐴡𐴌 ‚ 𐴀𐴠 𐴏𐴝𐴙𐴌 𐴀𐴥𐴡 𐴎𐴡𐴕 𐴊𐴤𐴡𐴌𐴝 𐴉𐴡𐴙𐴅𐴧𐴤𐴙𐴠 𐴱𐴱

𐴀𐴥𐴞𐴃𐴝𐴌𐴝 𐴌𐴥𐴠 𐴀𐴝𐴐𐴤𐴝𐴔𐴞 𐴀𐴥𐴞𐴏𐴝𐴉𐴠 𐴉𐴠𐴌𐴝𐴔 𐴉𐴟𐴌𐴟 𐴕𐴠𐴔𐴠𐴌𐴠 𐴉𐴟𐴓𐴞𐴐𐴢 𐴃𐴤𐴝𐴕𐴝𐴃 ‚ 𐴔𐴝𐴓 𐴉𐴝𐴄𐴤𐴝 / 𐴔𐴝𐴓 𐴒𐴤𐴡𐴓𐴝 𐴑𐴝𐴕𐴟𐴕 𐴔𐴡𐴎𐴞𐴕 𐴑𐴠𐴙𐴏𐴢 𐴑𐴤𐴟𐴓𐴝𐴌 𐴑𐴝𐴌𐴖𐴝𐴘 𐴒𐴡𐴌𐴥𐴠𐴌 𐴁𐴡𐴓𐴞 𐴎𐴝𐴕𐴝 𐴒𐴞𐴘𐴠 ‚ 𐴘𐴥𐴝𐴌 𐴀𐴝𐴒𐴡𐴌 𐴊𐴞𐴕𐴡𐴃 𐴔𐴝𐴎𐴤𐴠 𐴘𐴥𐴡 𐴔𐴡𐴚𐴋𐴤𐴟 𐴀𐴠𐴓𐴝𐴑𐴝𐴌 𐴁𐴝𐴒𐴧𐴤𐴟𐴕𐴝 𐴉𐴝𐴌𐴝𐴌 𐴋𐴤𐴝𐴑𐴠 𐴒𐴝𐴌𐴥𐴞𐴌 𐴌𐴝𐴏𐴧𐴝𐴃 ‚ 𐴀𐴝𐴀𐴝 𐴎𐴝𐴀𐴝 𐴒𐴡𐴌𐴥𐴠𐴌 𐴊𐴧𐴠 𐴒𐴝𐴌𐴥𐴞 𐴀𐴝𐴌 𐴔𐴝𐴕𐴥𐴟𐴙𐴐𐴢 𐴏𐴠𐴑𐴡𐴃 ‚ 𐴁𐴝𐴚𐴓𐴝𐴊𐴠𐴐𐴤𐴡𐴃𐴧𐴟 𐴉𐴝𐴌𐴥𐴝𐴘 𐴒𐴞𐴘𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴠𐴑 𐴎𐴡𐴕 𐴊𐴤𐴡𐴌𐴝 𐴉𐴡𐴙𐴅𐴧𐴤𐴙𐴠 𐴱𐴱

𐴊𐴤𐴡𐴌𐴝 𐴉𐴡𐴙𐴅𐴧𐴤𐴙𐴠 𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴞𐴁𐴤𐴝 𐴀𐴥𐴡𐴙𐴓𐴊𐴠 ‚ 𐴔𐴡𐴚𐴋𐴤𐴟 𐴀𐴠𐴓𐴝𐴑𐴝𐴌 𐴑𐴠𐴕𐴁𐴤𐴠 𐴉𐴝𐴌𐴝𐴌 𐴁𐴤𐴝𐴐𐴞 / 𐴔𐴟𐴇𐴝𐴔𐴧𐴡𐴊 𐴌𐴡𐴐𐴤𐴞𐴊 ( 𐴁𐴝𐴉𐴢 ) 𐴀𐴝𐴘𐴧𐴟𐴁 𐴁𐴡𐴐𐴢 𐴲 𐴳 𐴁𐴡𐴏𐴥𐴡𐴌 ‚ 𐴀𐴥𐴞𐴁𐴤𐴝 𐴴 𐴱 𐴰 𐴲 𐴐𐴤𐴡𐴕𐴡𐴃 𐴁𐴝𐴚𐴓𐴝𐴊𐴠𐴐𐴤𐴡𐴃 𐴈𐴝𐴔 𐴒𐴡𐴌𐴥𐴞 𐴁𐴤𐴡𐴓𐴧𐴝 𐴒𐴞𐴀𐴞𐴓 𐴊𐴠 ‚ 𐴁𐴦𐴝𐴊𐴠 𐴀𐴡𐴑𐴄𐴟𐴁𐴡𐴌 𐴔𐴝𐴐𐴤𐴡𐴌 𐴶 𐴃𐴝𐴌𐴥𐴞𐴑𐴡𐴃 𐴁𐴞𐴀𐴞𐴕𐴧𐴝 𐴀𐴡𐴕𐴟𐴔𐴝𐴕𐴞𐴑 𐴴 𐴁𐴝𐴎𐴠 𐴔𐴡𐴚𐴋𐴤𐴟𐴃 𐴒𐴤𐴡𐴓𐴠𐴌 𐴒𐴤𐴝𐴘𐴊𐴠 𐴐𐴤𐴡𐴣𐴀𐴡𐴃 𐴊𐴤𐴡𐴌𐴝 𐴉𐴡𐴙𐴅𐴧𐴤𐴙𐴠 𐴱𐴱

Sources : ရခိုင်နေ့စဉ်