𐴁𐴡𐴌𐴔𐴥𐴝𐴌 𐴕𐴡𐴔𐴝𐴙𐴕𐴊𐴝 𐴋𐴝𐴀𐴝𐴘𐴧𐴠 𐴀𐴝𐴘 𐴏𐴞 𐴅𐴠𐴌 𐴑𐴠𐴙𐴏𐴡𐴌 𐴏𐴥𐴝𐴔𐴧𐴡𐴌 𐴂𐴡𐴌𐴟𐴒𐴠𐴌𐴝𐴔𐴡𐴌 𐴀𐴝𐴓𐴟𐴏𐴝𐴕𐴝 𐴒𐴡𐴙𐴅𐴧𐴤𐴙𐴠 𐴱𐴱

( 𐴀𐴠𐴏𐴢 𐴀𐴠 𐴏𐴞 ) 𐴊𐴠𐴐𐴢 𐴐𐴤𐴝𐴐𐴡𐴕 𐴒𐴡𐴌𐴥𐴝 𐴑𐴡𐴕𐴏𐴥𐴞𐴓𐴠 𐴌𐴠𐴂𐴟𐴄 𐴕𐴠𐴀𐴠𐴓𐴝𐴘𐴧𐴠 𐴊𐴠 , 𐴑𐴞 𐴁𐴡𐴓𐴞 𐴈𐴡𐴘𐴓𐴥𐴠 ! 𐴀𐴝𐴘 𐴏𐴞 𐴅𐴠 𐴊𐴠𐴐𐴁𐴞𐴊𐴠𐴐𐴤𐴞 𐴀𐴝𐴊𐴝𐴓𐴡𐴃𐴡𐴃 𐴏𐴡𐴓𐴠𐴌 𐴊𐴠 𐴑𐴠𐴙𐴏𐴡𐴌 𐴏𐴥𐴝𐴔𐴧𐴡𐴌 𐴃𐴝𐴌𐴥𐴞𐴑𐴡𐴌 𐴁𐴝𐴁𐴡𐴃𐴠 , 𐴊𐴠𐴐𐴁𐴞𐴊𐴠𐴐𐴤𐴞 𐴀𐴝𐴊𐴝𐴓𐴡𐴃 ( 𐴀𐴝𐴘 𐴏𐴞 𐴅𐴠 ) 𐴑𐴟𐴀𐴟𐴍𐴡𐴌 𐴐𐴤𐴡𐴁𐴝𐴉𐴡𐴃𐴤𐴞 / 𐴅𐴡𐴕 𐴋𐴡𐴕𐴥𐴟𐴒𐴢 𐴓𐴡𐴘 , 𐴁𐴡𐴌𐴔𐴥𐴝𐴌 𐴕𐴡𐴔𐴝𐴙𐴕𐴊𐴝 𐴋𐴝𐴀𐴝𐴘 𐴘𐴠 𐴀𐴝𐴓𐴟𐴏𐴝𐴕𐴝 𐴒𐴡𐴙𐴅𐴧𐴤𐴙𐴠 𐴱𐴱

𐴘𐴟𐴕𐴞𐴀𐴥𐴡𐴕 𐴑𐴠𐴁𐴞𐴕𐴥𐴠𐴄 𐴀𐴡𐴉𐴥𐴞𐴏𐴡𐴌 𐴀𐴟𐴎𐴞𐴌 / 𐴑𐴟 𐴑𐴟 𐴓𐴝𐴙𐴚 𐴀𐴝𐴌 𐴑𐴝𐴕𐴟𐴕𐴞 𐴔𐴦𐴝𐴔𐴠𐴓𐴝𐴌 𐴀𐴟𐴎𐴞𐴌 /𐴃𐴞𐴋𐴝𐴀𐴥𐴟 𐴌 𐴏𐴥𐴡𐴊𐴧𐴝𐴌𐴞𐴃 , 𐴁𐴡𐴌𐴔𐴥𐴝𐴌 𐴕𐴡𐴔𐴝𐴙𐴕𐴊𐴝 𐴋𐴝𐴀𐴝𐴘 𐴏𐴥𐴠𐴃𐴡𐴔𐴁𐴡𐴌 𐴔𐴝𐴐𐴡𐴌 𐴴 𐴲 𐴃𐴝𐴌𐴥𐴞𐴑𐴡𐴃 , 𐴊𐴞 𐴇𐴥𐴠𐴒𐴢 𐴐𐴤𐴡𐴀𐴡𐴌𐴡𐴌 𐴏𐴥𐴡𐴉𐴡𐴌𐴡𐴃 𐴕𐴠𐴀𐴞𐴓𐴧𐴥𐴙𐴠 , 𐴁𐴡𐴌𐴔𐴥𐴝𐴌 𐴕𐴡𐴔𐴝𐴙𐴕𐴊𐴝 𐴋𐴝𐴀𐴝𐴘 𐴀𐴥𐴞𐴁𐴤𐴝 𐴏𐴥𐴠𐴃𐴡𐴔𐴁𐴡𐴌 𐴔𐴝𐴐𐴡𐴌 𐴶 𐴲 𐴃𐴝𐴌𐴥𐴞𐴑𐴡𐴃 , 𐴊𐴞 𐴇𐴥𐴠𐴒𐴢 𐴐𐴤𐴡𐴀𐴡𐴌𐴡𐴌 𐴀𐴝𐴘 𐴏𐴞 𐴅𐴠 𐴑𐴟𐴀𐴟𐴍𐴡𐴃 , 𐴀𐴝𐴘 𐴏𐴞 𐴅𐴠𐴌 𐴐𐴤𐴡𐴁𐴝𐴉𐴡𐴃𐴞 𐴐𐴤𐴡𐴣𐴀𐴡 𐴒𐴠𐴔𐴁𐴞𐴘𐴝𐴌 𐴕𐴡𐴔𐴝𐴙𐴕𐴊𐴝 𐴋𐴝𐴀𐴝𐴘 𐴓𐴡𐴘 𐴊𐴡𐴓𐴝 𐴀𐴥𐴡𐴘𐴧𐴠 𐴱𐴱

𐴀𐴥𐴠 𐴔𐴞𐴄𐴤𐴞𐴚𐴡𐴃 , 𐴒𐴝𐴔𐴁𐴞𐴘𐴝 𐴘𐴠 𐴒𐴡𐴙𐴅𐴧𐴤𐴙𐴠𐴊𐴠 𐴁𐴡𐴌𐴔𐴥𐴝𐴌 𐴁𐴠𐴌𐴟𐴊𐴧𐴤𐴠 𐴑𐴠𐴙𐴏𐴡𐴌 𐴏𐴥𐴝𐴔𐴧𐴡𐴌 𐴃𐴝𐴌𐴥𐴞𐴑𐴡𐴌 𐴁𐴝𐴁𐴡𐴃𐴠 𐴀𐴝𐴓𐴟𐴏𐴝𐴕𐴝 𐴒𐴡𐴙𐴅𐴧𐴤𐴙𐴠 𐴁𐴡𐴓𐴞 , ( 𐴀𐴠𐴏𐴢 𐴀𐴠 𐴏𐴞 ) 𐴘𐴠 𐴌𐴠𐴂𐴟𐴄 𐴕𐴠𐴀𐴠𐴓𐴝𐴘𐴧𐴠 , 𐴌𐴟𐴑𐴤𐴡𐴕 𐴀𐴝𐴌 𐴐𐴤𐴝𐴎𐴝

𐴊𐴡𐴀𐴡𐴕𐴡𐴌 𐴁𐴝𐴁𐴡𐴃𐴠 𐴸 𐴴 𐴹 𐴱 𐴐𐴤𐴡𐴕𐴡𐴃 𐴁𐴡𐴙𐴕𐴧𐴥𐴙𐴠 𐴊𐴠 𐴊𐴠𐴐𐴁𐴞𐴊𐴠𐴐𐴤𐴞 𐴅𐴠𐴕𐴟𐴏𐴥𐴝𐴙𐴋 𐴑𐴡𐴗𐴕𐴁𐴤𐴠𐴕𐴐𐴤𐴠𐴕𐴡𐴌 , 𐴁𐴡𐴌𐴔𐴥𐴝 𐴘𐴠 𐴁𐴠𐴌𐴟𐴊𐴧𐴤𐴞𐴃𐴤𐴝 𐴒𐴡𐴙𐴅𐴧𐴤𐴙𐴠 𐴁𐴡𐴓𐴞 𐴈𐴡𐴀𐴡𐴘 ( 𐴀𐴝 𐴏𐴞 𐴅𐴠 ) 𐴀𐴝𐴊𐴝𐴓𐴡𐴃𐴡𐴃 , 𐴒𐴝𐴔𐴁𐴞𐴘𐴝 𐴘𐴠 𐴁𐴡𐴌𐴔𐴥𐴝𐴌 𐴁𐴠𐴌𐴟𐴊𐴧𐴤𐴠 𐴑𐴠𐴙𐴏𐴢 𐴑𐴤𐴟𐴙𐴓𐴧𐴙𐴠 , 𐴰 𐴲 𐴰 𐴲 𐴐𐴤𐴡𐴕 𐴀𐴡𐴑𐴃𐴟𐴁𐴡𐴌 𐴔𐴝𐴐𐴡𐴌 𐴳 𐴲 𐴃𐴝𐴌𐴥𐴞𐴑𐴡𐴃 , 𐴀𐴥𐴠 𐴑𐴠𐴙𐴏𐴡𐴌 𐴁𐴝𐴁𐴡𐴃𐴠 𐴒𐴝𐴔𐴁𐴞𐴘𐴝 𐴘𐴠 𐴀𐴝𐴊𐴝𐴓𐴡𐴃𐴡𐴃 𐴊𐴡𐴌𐴈𐴥𐴝𐴏𐴢 𐴒𐴤𐴡𐴓𐴝𐴘 𐴌𐴝𐴙𐴑𐴧𐴤𐴙𐴠 𐴱𐴱

𐴀𐴠𐴏𐴢 𐴀𐴠 𐴏𐴞 𐴌 𐴌𐴠𐴂𐴟𐴄 𐴔𐴡𐴎𐴞𐴕 , 𐴀𐴥𐴠 𐴊𐴡𐴌𐴈𐴥𐴝𐴏𐴡𐴌 𐴔𐴟𐴑𐴝𐴁𐴞𐴓𐴝 𐴅𐴟𐴖𐴝𐴁𐴢 𐴕𐴝𐴔𐴥𐴝 𐴀𐴠𐴑𐴧𐴤𐴝𐴕 𐴳 𐴲 𐴰 𐴲 𐴀𐴡𐴒𐴤𐴡𐴏𐴄 𐴔𐴝𐴐𐴡𐴌 𐴳 𐴲 𐴃𐴝𐴌𐴥𐴞𐴑𐴡𐴃 𐴁𐴡𐴌𐴔𐴥𐴝 𐴘𐴠 𐴒𐴤𐴡𐴓𐴝𐴘𐴧𐴠 , 𐴀𐴝𐴌 ( 𐴀𐴝𐴘 𐴏𐴞 𐴅𐴠 ) 𐴑𐴟𐴀𐴟𐴍𐴡𐴃 𐴑𐴠𐴙𐴏𐴢 𐴁𐴝𐴀𐴝𐴘 𐴁𐴤𐴡𐴓𐴧𐴝 𐴊𐴠𐴐𐴢 𐴐𐴤𐴝𐴐𐴡𐴕 𐴑𐴡𐴗𐴕𐴐𐴥𐴞𐴓𐴠 𐴑𐴠𐴙𐴏𐴧𐴥𐴟 𐴔𐴝𐴐𐴢 𐴀𐴝𐴒𐴠 𐴀𐴠𐴏𐴄𐴤𐴞𐴌𐴞𐴚 𐴑𐴡𐴔𐴞𐴄𐴤𐴞 𐴀𐴟𐴒𐴧𐴤𐴗𐴝 𐴁𐴝𐴣𐴊𐴞 𐴊𐴞𐴘𐴠 𐴊𐴠 𐴘𐴝𐴀𐴝𐴕 𐴀𐴥𐴡 𐴁𐴟𐴎𐴤𐴝 𐴒𐴞𐴘𐴠 , 𐴀𐴥𐴠 𐴀𐴠𐴏𐴄𐴤𐴌𐴞𐴚 𐴑𐴡𐴔𐴞𐴄𐴤𐴞𐴃 𐴀𐴟𐴎𐴞𐴌 / 𐴑𐴟 𐴑𐴟 𐴓𐴝𐴙𐴚 𐴀𐴝𐴌 𐴀𐴟𐴎𐴞𐴌 / 𐴃𐴞𐴋𐴝 𐴀𐴥𐴟 𐴌𐴠 𐴊𐴟𐴘𐴀𐴡𐴔 𐴎𐴞𐴔𐴧𐴝𐴊𐴝𐴌 𐴀𐴥𐴞𐴏𐴝𐴉𐴠 𐴔𐴟𐴃𐴦𐴝𐴙𐴕 𐴒𐴡𐴌𐴥𐴝 𐴒𐴞𐴘𐴠 𐴱𐴱

𐴀𐴥𐴠 𐴀𐴠𐴏𐴄𐴤𐴞𐴌𐴞𐴚 𐴑𐴡𐴔𐴞𐴄𐴤𐴞𐴌 𐴔𐴞𐴔𐴁𐴤𐴡𐴌 𐴀𐴥𐴡𐴑𐴧𐴡𐴓 𐴀𐴥𐴡𐴙𐴓𐴊𐴠 , 𐴁𐴡𐴖𐴋𐴝𐴌 𐴔𐴦𐴝𐴔𐴠𐴓𐴝𐴌 𐴀𐴟𐴎𐴞𐴌 𐴓𐴠𐴉𐴄𐴤𐴠𐴕 𐴅𐴡𐴕𐴡𐴌𐴥𐴡𐴓 / 𐴄𐴟𐴕 𐴄𐴟𐴕 𐴔𐴡𐴗𐴚 , 𐴀𐴞𐴔𐴞𐴒𐴞𐴌𐴞𐴐𐴤𐴠𐴕 𐴀𐴟𐴎𐴞𐴌 / 𐴔𐴥𐴞𐴕𐴄 𐴑𐴠𐴌𐴝𐴙𐴕 , 𐴐𐴤𐴡𐴔𐴝𐴎𐴞 𐴀𐴝𐴌 𐴊𐴟𐴖𐴝𐴌𐴝 𐴀𐴝𐴁𐴝𐴊𐴞𐴌 𐴀𐴟𐴎𐴞𐴌 / 𐴏𐴗𐴠 𐴖𐴥𐴞𐴕 , 𐴀𐴟𐴀𐴟𐴕 𐴁𐴦𐴝𐴊𐴠 𐴀𐴝𐴌𐴀𐴥𐴡 𐴀𐴟𐴑𐴞𐴓 𐴀𐴝𐴌 𐴅𐴡𐴕𐴡𐴌𐴡𐴓 𐴀𐴥𐴡𐴑𐴧𐴡𐴓 𐴀𐴥𐴡 𐴑𐴡𐴔𐴞𐴄𐴤𐴞𐴌 𐴔𐴞𐴔𐴁𐴤𐴡𐴌 𐴀𐴝𐴏𐴥𐴠 𐴱𐴱

Sources : npnewsmm.com