𐴃𐴞𐴕 𐴓𐴝𐴑𐴤 𐴌𐴟𐴇𐴝𐴙𐴚𐴒𐴙𐴝𐴌 𐴀𐴝𐴃𐴧𐴝 𐴉𐴝𐴃𐴧𐴝 𐴕𐴥𐴝𐴘 𐴱𐴱

𐴀𐴟𐴑𐴤𐴞𐴘𐴝 𐴀𐴝𐴌 𐴄𐴠𐴑𐴕𐴝𐴉𐴡𐴌 𐴁𐴞𐴁𐴤𐴞𐴕𐴧𐴡 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃𐴧𐴟 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴊𐴤𐴝𐴘 𐴎𐴝𐴀𐴝𐴌 𐴒𐴤𐴡𐴘 , 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌 𐴏𐴡𐴓𐴝 𐴉𐴥𐴞𐴌𐴝𐴌 𐴇𐴥𐴡𐴊 𐴁𐴡𐴕𐴊𐴞 𐴒𐴡𐴌𐴥𐴞𐴁𐴤𐴡𐴓𐴧𐴝 , 𐴂𐴠𐴌𐴦𐴝𐴘 𐴵 𐴹 𐴱 𐴑𐴟𐴄𐴤𐴞 𐴄𐴞𐴛𐴝 𐴈𐴥𐴡𐴏𐴧𐴝 𐴒𐴡𐴌𐴥𐴞 𐴳 𐴳 𐴐𐴤𐴝𐴕 𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔𐴡𐴌 𐴏𐴝𐴙𐴌𐴀𐴥𐴡 𐴋𐴤𐴝𐴑𐴡𐴃𐴧𐴟 𐴑𐴠𐴣𐴍𐴝 𐴏𐴥𐴞𐴘𐴡𐴓𐴡𐴌 𐴒𐴤𐴞𐴌𐴝 𐴊𐴞𐴘𐴝 𐴒𐴞𐴘𐴠 , 𐴀𐴠𐴈𐴥𐴡𐴕 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴀𐴥𐴠 𐴑𐴠𐴣𐴍𐴝 𐴏𐴥𐴞𐴘𐴡𐴓𐴡𐴌 𐴒𐴤𐴞𐴌𐴝 𐴈𐴝𐴍𐴞 , 𐴑𐴝𐴑𐴏𐴡 𐴁𐴝𐴎𐴝𐴌 , 𐴏𐴞𐴄𐴝𐴒𐴝𐴚 𐴐𐴤𐴡𐴣𐴀𐴡 𐴊𐴠𐴐𐴤𐴡𐴌 𐴁𐴞𐴁𐴤𐴞𐴕𐴧𐴡 𐴎𐴝𐴒𐴝𐴃 𐴏𐴥𐴡𐴌𐴝𐴘 𐴒𐴞𐴘𐴡𐴘 𐴱𐴱

𐴌𐴟𐴇𐴝𐴙𐴚𐴒𐴙𐴝 𐴕𐴠𐴃𐴝 𐴀𐴝𐴌 𐴀𐴝𐴙𐴕 𐴇𐴥𐴠𐴉𐴝𐴎𐴡𐴃𐴞 𐴉𐴥𐴡𐴗𐴏𐴡𐴌 𐴈𐴡𐴃𐴤𐴝 𐴔𐴡𐴎𐴞𐴕 , 𐴖𐴝𐴉𐴠𐴏𐴢 𐴊𐴠𐴐𐴤𐴡𐴃 𐴎𐴡𐴀𐴡𐴕𐴡𐴌 𐴈𐴡𐴕𐴥𐴡 𐴈𐴥𐴝𐴄𐴞 𐴕𐴡 𐴀𐴥𐴡𐴀𐴡𐴕𐴠 , 𐴀𐴝𐴘 𐴌𐴟𐴎𐴒𐴝𐴌 𐴒𐴡𐴌𐴥𐴞𐴁𐴤𐴡𐴓𐴧𐴝 𐴀𐴝𐴌 𐴈𐴝𐴎 𐴈𐴝𐴔 𐴃𐴟𐴖𐴝𐴘 𐴁𐴤𐴡𐴓𐴧𐴝 , 𐴑𐴠𐴀𐴠𐴔 𐴏𐴥𐴝𐴌𐴞 𐴁𐴝𐴚𐴓𐴝𐴊𐴠𐴐𐴤𐴡𐴌 𐴑𐴟𐴕𐴠 𐴑𐴟𐴕𐴠 𐴃𐴡𐴀𐴡𐴙𐴃𐴧𐴝 𐴁𐴤𐴝𐴉𐴠 𐴈𐴡𐴕𐴥𐴡 𐴋𐴦𐴡𐴙𐴓𐴧𐴝 𐴒𐴡𐴌𐴥𐴞 𐴔𐴝𐴃𐴤𐴝 𐴖𐴧𐴝 𐴓𐴟𐴖𐴝𐴌 𐴒𐴤𐴡𐴘 , 𐴀𐴠𐴈𐴥𐴡𐴕 𐴳 𐴳 𐴑𐴠𐴀𐴠𐴔𐴡𐴃 𐴐𐴤𐴝𐴀𐴝𐴌𐴡 𐴲 𐴱 𐴁𐴝𐴌𐴥𐴡 𐴓𐴝𐴑𐴤 𐴌𐴟𐴇𐴝𐴙𐴚𐴒𐴙𐴝 𐴌𐴠𐴅𐴞𐴏𐴄𐴝𐴌 𐴒𐴡𐴙𐴅𐴧𐴤𐴙𐴝 , 𐴷 𐴱 𐴰 𐴲 𐴐𐴤𐴡𐴕 𐴀𐴥𐴡𐴘𐴃𐴠 𐴀𐴝𐴙𐴅𐴧𐴙𐴝 𐴉𐴡𐴙𐴅𐴧𐴡𐴕𐴃𐴡 𐴏𐴥𐴡 𐴁𐴡𐴏𐴥𐴡𐴌𐴡𐴌 𐴁𐴤𐴟𐴃𐴡𐴌𐴠 𐴀𐴠𐴑 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴀𐴥𐴟𐴊𐴧𐴝 𐴊𐴠𐴐𐴤𐴡𐴃 𐴖𐴝𐴉𐴠𐴏𐴢 𐴓𐴡𐴘 𐴎𐴝𐴀𐴝 𐴕𐴡 𐴀𐴥𐴡𐴀𐴡 𐴱𐴱

𐴒𐴟𐴌𐴞𐴕𐴊𐴝 𐴉𐴟𐴓𐴞𐴐𐴡𐴌 𐴀𐴝𐴌 𐴂𐴝𐴂𐴓𐴥𐴞𐴑 𐴕𐴡𐴔𐴝𐴙𐴕𐴊𐴝 𐴀𐴥𐴡𐴑𐴧𐴡𐴓𐴡𐴌 𐴅𐴝𐴕𐴑𐴝𐴌𐴞 𐴔𐴡𐴎𐴞𐴕 , 𐴀𐴠 𐴏𐴥𐴡 𐴁𐴡𐴏𐴥𐴡𐴌𐴡𐴌 𐴁𐴤𐴟𐴃𐴡𐴌𐴠 𐴰 𐴰 𐴰 𐴰 𐴰 𐴳 𐴃𐴞𐴕 𐴓𐴝𐴑𐴤𐴡𐴌 𐴁𐴠𐴐𐴤𐴞 𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔 𐴏𐴥𐴝𐴌𐴞 𐴊𐴤𐴝𐴘 𐴒𐴞𐴘𐴡𐴘 , 𐴀𐴥𐴟𐴀𐴟𐴕𐴡𐴌 𐴁𐴤𐴟𐴃𐴡𐴌𐴃𐴧𐴟 𐴀𐴡𐴕𐴟𐴔𐴝𐴕𐴞𐴑 𐴊𐴠𐴌 𐴓𐴝𐴑𐴤 𐴓𐴡𐴃𐴞 𐴌𐴟𐴇𐴝𐴙𐴚𐴒𐴙𐴝 𐴑𐴝𐴑𐴏𐴡 𐴁𐴝𐴎𐴝𐴌 𐴐𐴤𐴡𐴀𐴡𐴌𐴡𐴌 𐴉𐴝𐴀𐴝𐴌𐴞 𐴁𐴡𐴐𐴤𐴡𐴃𐴞 𐴎𐴝𐴒𐴝 𐴀𐴥𐴡𐴑𐴧𐴡𐴓𐴡𐴃 𐴎𐴝𐴒𐴝 𐴓𐴡𐴘 𐴃𐴤𐴝𐴙𐴑𐴧𐴤𐴙𐴠 , 𐴁𐴝𐴑𐴞 𐴊𐴠𐴌 𐴓𐴝𐴑𐴤 𐴄𐴠𐴑𐴕𐴝𐴉𐴢 , 𐴀𐴟𐴑𐴤𐴞𐴘𐴝 , 𐴀𐴞𐴊𐴒𐴤𐴝𐴣 , 𐴌𐴝𐴔𐴥𐴟 , 𐴏𐴡𐴑𐴡𐴌𐴞𐴘𐴝 𐴀𐴟𐴉𐴡𐴎𐴞𐴓𐴥𐴝 𐴐𐴤𐴡𐴣𐴀𐴡 𐴃𐴞𐴕 𐴉𐴝𐴌𐴁𐴡𐴙𐴃𐴧𐴡 𐴎𐴞𐴓𐴥𐴝 𐴁𐴝𐴣𐴊𐴡𐴌𐴁𐴡𐴕 , 𐴈𐴥𐴝𐴒𐴍𐴝 𐴏𐴥𐴡𐴍𐴞 , 𐴌𐴝𐴚𐴝 𐴔𐴝𐴄𐴞𐴌 𐴁𐴞𐴁𐴤𐴞𐴕𐴧𐴡 𐴀𐴟𐴉𐴡𐴎𐴞𐴓𐴥𐴝𐴃 𐴁𐴡𐴐𐴤𐴡𐴃𐴤𐴞 𐴒𐴡𐴌𐴥𐴠𐴌 𐴱𐴱

𐴒𐴡𐴃𐴡 𐴏𐴥𐴡 𐴁𐴡𐴏𐴥𐴡𐴌𐴡𐴌 𐴁𐴤𐴟𐴃𐴡𐴌𐴠 𐴉𐴟𐴓𐴞𐴐𐴢 𐴀𐴝𐴌 𐴀𐴝𐴙𐴕 𐴇𐴥𐴠𐴉𐴝𐴎𐴡𐴃𐴞 𐴉𐴥𐴡𐴗𐴏𐴢 𐴀𐴥𐴡𐴑𐴧𐴡𐴓𐴠 , 𐴏𐴞𐴄𐴝𐴒𐴝𐴚 , 𐴔𐴝𐴕𐴞𐴑 𐴒𐴡𐴕𐴎 , 𐴑𐴟𐴔𐴞𐴓𐴧𐴝 , 𐴅𐴡𐴐𐴤𐴟𐴌 , 𐴕𐴡𐴖𐴒𐴝𐴣 , 𐴐𐴤𐴝𐴃𐴡𐴑𐴧𐴤𐴞𐴌𐴝 , 𐴏𐴝𐴕𐴉𐴟𐴌 , 𐴁𐴡𐴌𐴞𐴐𐴤𐴝𐴓 𐴐𐴤𐴡𐴣𐴀𐴡 𐴷 𐴱 𐴖𐴥𐴝𐴕 𐴎𐴞𐴓𐴥𐴝𐴃𐴧𐴟 𐴶 𐴵 𐴇𐴥𐴝𐴎𐴝𐴌 𐴲 𐴷 𐴵 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴁𐴡𐴕 𐴒𐴡𐴌𐴥𐴞 𐴖𐴝𐴉𐴠𐴏𐴢 𐴑𐴠𐴀𐴠𐴔𐴡𐴃 𐴉𐴡𐴣𐴀𐴡𐴏𐴥𐴝𐴘𐴧𐴠 𐴱𐴱

Sources : Ukhiyanews.com