𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 𐴀𐴠𐴑 𐴎𐴡𐴕 𐴔𐴝𐴎𐴤𐴞 𐴑𐴤𐴟𐴕 𐴱𐴱

𐴑𐴝𐴑𐴏𐴡 𐴁𐴝𐴎𐴝𐴌 𐴀𐴟𐴑𐴤𐴞𐴘𐴝 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 , 𐴌𐴟𐴇𐴝𐴙𐴚𐴒𐴙𐴝 𐴀𐴥𐴝𐴣𐴃𐴞𐴘𐴝𐴌𐴞 𐴁𐴝𐴒𐴞 𐴒𐴟𐴌𐴥𐴟𐴉𐴡𐴌 𐴁𐴠𐴌𐴟𐴊𐴧𐴤𐴠 𐴈𐴡𐴃𐴤𐴝 𐴈𐴡𐴘𐴧𐴠 𐴁𐴡𐴓𐴞 𐴈𐴡𐴀𐴡𐴘 𐴊𐴟𐴐𐴢 𐴊𐴞𐴀𐴞 , 𐴑𐴠𐴀𐴠𐴔𐴡𐴌 𐴔𐴝𐴎𐴤𐴞 𐴀𐴠𐴑 𐴎𐴡𐴕𐴡 𐴌𐴠 𐴊𐴦𐴡 𐴏𐴥𐴟𐴌𐴞 𐴓𐴡𐴘 𐴑𐴟𐴉𐴝𐴘 , 𐴔𐴝𐴎𐴤𐴞 𐴀𐴠𐴑 𐴎𐴡𐴕 𐴔𐴝𐴌𐴞 𐴉𐴥𐴠𐴓𐴥𐴝𐴘𐴧𐴠 𐴊𐴠 𐴐𐴤𐴠𐴑𐴝𐴘𐴡𐴃 𐴀𐴥𐴡𐴘𐴧𐴠 𐴱𐴱

𐴔𐴝𐴌𐴞 𐴉𐴥𐴠𐴓𐴥𐴝𐴘𐴧𐴠𐴊𐴠 𐴔𐴝𐴎𐴤𐴞 𐴀𐴥𐴞𐴁𐴤𐴝 𐴀𐴥𐴡𐴙𐴓𐴊𐴠 , 𐴸 𐴱 𐴓𐴡𐴔𐴁𐴤𐴡𐴌 𐴀𐴟𐴑𐴤𐴞𐴘𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴌 𐴶 𐴵 𐴀𐴠𐴆 𐴁𐴡𐴓𐴡𐴑𐴡𐴌 𐴏𐴥𐴝𐴁𐴢 𐴔𐴝𐴎𐴤𐴞 / 𐴔𐴟𐴇𐴝𐴔𐴧𐴡𐴊 𐴀𐴝𐴘𐴧𐴟𐴁𐴢 ( 𐴁𐴡𐴐𐴢 𐴵 𐴳 ) 𐴁𐴡𐴏𐴥𐴡𐴌 , 𐴏𐴥𐴠𐴃𐴡𐴔𐴁𐴡𐴌 𐴔𐴝𐴐𐴡𐴌 𐴹 𐴱 𐴃𐴝𐴌𐴥𐴞𐴑 𐴔𐴡𐴚𐴒𐴡𐴓 𐴁𐴝𐴌𐴠 , 𐴂𐴠𐴌𐴝𐴘 𐴀𐴥𐴝𐴣𐴎𐴡𐴙𐴕𐴧𐴝 𐴰 𐴰 : 𐴵 𐴰 𐴁𐴝𐴎𐴠 , 𐴀𐴟𐴑𐴤𐴞𐴘𐴝𐴌 𐴸 𐴱 𐴓𐴡𐴔𐴁𐴤𐴡𐴌 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴌 𐴀𐴠𐴆 𐴶 𐴵 𐴓𐴡𐴔𐴁𐴤𐴡𐴌 𐴁𐴡𐴓𐴡𐴑𐴡𐴌 𐴑𐴟𐴋𐴠𐴑 𐴀𐴞𐴐𐴑𐴟𐴓𐴡𐴌 𐴏𐴥𐴝𐴔𐴧𐴠 𐴒𐴤𐴡𐴄𐴡𐴕𐴝 𐴘𐴝𐴀𐴝𐴕 𐴒𐴤𐴡𐴙𐴄𐴧𐴙𐴠 𐴊𐴠 𐴱𐴱

𐴀𐴥𐴝𐴣𐴃𐴞𐴘𐴝𐴌𐴞 𐴉𐴟𐴓𐴞𐴐𐴢 𐴸 𐴓𐴡𐴔𐴁𐴤𐴡𐴌 𐴁𐴠𐴄𐴤𐴠𐴓𐴞𐴘𐴠𐴕𐴡𐴌 𐴑𐴠𐴂𐴄𐴞𐴕 ( 𐴎𐴟𐴣𐴖𐴝𐴛𐴓𐴧𐴝 𐴋𐴞 𐴀𐴝𐴘 𐴅𐴞 ) 𐴔𐴟𐴇𐴝𐴔𐴧𐴡𐴊 𐴀𐴝𐴔𐴞𐴌 𐴅𐴝𐴉𐴡𐴌𐴠 , 𐴒𐴤𐴡𐴄𐴡𐴕𐴝 𐴘𐴝𐴀𐴝𐴕 𐴒𐴤𐴡𐴙𐴄𐴧𐴙𐴠 𐴊𐴠 𐴏𐴥𐴡𐴀𐴞 𐴀𐴝𐴌 𐴈𐴥𐴝𐴄𐴞 𐴁𐴡𐴓𐴞 𐴈𐴡𐴘𐴧𐴠 , 𐴀𐴥𐴞𐴁𐴤𐴝 𐴘𐴠 𐴎𐴝𐴕𐴝𐴘𐴧𐴥𐴠𐴊𐴠 : 𐴏𐴥𐴠𐴃𐴡𐴔𐴁𐴡𐴌 𐴔𐴝𐴐𐴡𐴌 𐴹 𐴱 𐴃𐴝𐴌𐴥𐴞𐴑 𐴔𐴡𐴚𐴒𐴡𐴓 𐴁𐴝𐴌𐴠 𐴂𐴠𐴌𐴦𐴝𐴘 𐴀𐴥𐴝𐴣𐴎𐴡𐴙𐴕𐴧𐴝 𐴰 𐴰 : 𐴵 𐴰 𐴁𐴝𐴎𐴠 𐴸 𐴱 𐴓𐴡𐴔𐴁𐴤𐴡𐴌 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴌 𐴀𐴠𐴆 𐴶 𐴵 𐴓𐴡𐴔𐴁𐴤𐴡𐴌 𐴁𐴡𐴓𐴡𐴑𐴡𐴌 𐴑𐴟𐴋𐴠𐴑 𐴀𐴞𐴐𐴑𐴟𐴓𐴡𐴌 𐴔𐴟𐴀𐴟𐴕𐴃𐴟 𐴱𐴱

𐴀𐴝𐴃𐴡𐴚𐴁𐴝𐴊𐴞 𐴀𐴥𐴡𐴑𐴧𐴡𐴓𐴡𐴌 𐴋𐴝𐴀𐴝𐴘 𐴀𐴟𐴒𐴧𐴤𐴗𐴝 𐴘𐴠 𐴊𐴤𐴝𐴌 𐴀𐴡𐴓𐴝 𐴀𐴡𐴏𐴃𐴡𐴌𐴡 𐴓𐴡𐴘 𐴀𐴠𐴆 𐴶 𐴵 𐴓𐴡𐴔𐴁𐴤𐴡𐴌𐴡𐴌 𐴏𐴥𐴝𐴁 𐴔𐴝𐴎𐴤𐴞 / 𐴔𐴟𐴇𐴝𐴔𐴧𐴡𐴊 𐴀𐴝𐴘𐴧𐴟𐴁𐴡 𐴌𐴠 𐴑𐴟𐴉𐴝𐴘 𐴈𐴝𐴍𐴞 𐴁𐴦𐴝𐴊𐴠 𐴎𐴝𐴒𐴝 𐴘𐴝𐴀𐴝𐴕𐴡𐴃𐴧𐴟 𐴊𐴤𐴝𐴘 𐴒𐴞𐴘𐴡𐴘 , 𐴀𐴟𐴑𐴤𐴞𐴘𐴝 𐴃𐴤𐴝𐴕𐴝𐴌 𐴀𐴡𐴉𐴥𐴞𐴏𐴝𐴌 𐴀𐴞𐴕𐴆𐴤𐴝𐴌𐴅 ( 𐴀𐴡 𐴏𐴞 ) 𐴐𐴠𐴙𐴑 / 𐴔𐴟𐴇𐴝𐴔𐴧𐴡𐴊 𐴀𐴝𐴓𐴞 𐴘𐴠 𐴎𐴝𐴕𐴝𐴘𐴧𐴠 𐴊𐴠 : 𐴔𐴟𐴇𐴝𐴔𐴧𐴡𐴊 𐴀𐴝𐴘𐴧𐴟𐴁 ( 𐴁𐴡𐴐𐴢 𐴵 𐴳 𐴁𐴡𐴏𐴥𐴡𐴌 ) 𐴕𐴝𐴔𐴡𐴌 𐴏𐴥𐴝𐴁𐴢 𐴔𐴝𐴎𐴤𐴞 𐴀𐴠𐴑 𐴎𐴡𐴕𐴡 𐴌𐴠 𐴀𐴝𐴃𐴡𐴚𐴁𐴝𐴊𐴞 𐴀𐴥𐴡𐴑𐴧𐴡𐴓𐴠 𐴔𐴝𐴌𐴞 𐴉𐴥𐴠𐴓𐴥𐴝𐴘𐴧𐴠 , 𐴈𐴥𐴡𐴁𐴡𐴌 𐴉𐴝𐴘 𐴁𐴦𐴝𐴊𐴠 𐴉𐴟𐴓𐴞𐴐𐴡𐴌 𐴄𐴞𐴀𐴞𐴔 𐴀𐴟𐴒𐴧𐴤𐴗𐴝 𐴒𐴤𐴡𐴄𐴡𐴕𐴝𐴌 𐴎𐴝𐴒𐴝𐴃 𐴎𐴝𐴘 𐴒𐴤𐴡𐴄𐴡𐴕𐴝𐴌 𐴉𐴟𐴌𐴝 𐴌𐴠𐴂𐴟𐴄 𐴃𐴡𐴘𐴧𐴝𐴌 𐴒𐴡𐴌𐴥𐴞 𐴁𐴦𐴝𐴊𐴠 , 𐴔𐴟𐴀𐴝𐴘𐴕𐴝 𐴒𐴡𐴌𐴥𐴞𐴁𐴤𐴡𐴓𐴧𐴝 𐴓𐴝𐴐𐴢 𐴑𐴝𐴑𐴏𐴡 𐴁𐴝𐴎𐴝𐴌 𐴏𐴥𐴡𐴊𐴡𐴌 𐴇𐴥𐴝𐴐𐴉𐴝𐴃𐴝𐴓𐴡𐴃 𐴉𐴡𐴣𐴀𐴡𐴏𐴝𐴘 𐴊𐴞𐴘𐴠 𐴱𐴱

Sources : Ukhiyanews.com