𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔𐴡𐴃 𐴈𐴥𐴝𐴕𐴝𐴌 𐴔𐴡𐴊𐴡𐴃 𐴈𐴡𐴔𐴝𐴀𐴡𐴕𐴠 𐴒𐴟𐴓𐴔𐴝𐴓 𐴀𐴥𐴡𐴘𐴁𐴝𐴌 𐴋𐴡𐴌 𐴀𐴥𐴡𐴘𐴧𐴠 𐴱𐴱

𐴔𐴡𐴊𐴡𐴃 𐴉𐴝𐴀𐴝 𐴈𐴡𐴔𐴞 𐴎𐴡𐴀𐴡𐴕𐴠 𐴑𐴡𐴗𐴞 𐴏𐴥𐴡𐴔𐴡𐴒𐴤𐴝𐴌 𐴈𐴥𐴝𐴕𐴝𐴌 𐴂𐴡𐴌𐴟𐴒𐴠𐴌𐴝𐴔 ( 𐴋𐴝𐴁𐴓𐴙𐴟 𐴀𐴠𐴉𐴢 𐴂𐴞 ) 𐴃𐴡𐴕𐴎𐴞𐴔𐴠 , 𐴑𐴝𐴑𐴏𐴡 𐴁𐴝𐴎𐴝𐴌 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 , 𐴈𐴥𐴝𐴕𐴝𐴌 𐴔𐴡𐴊𐴡𐴃 𐴊𐴟𐴘 𐴁𐴝𐴌 𐴈𐴡𐴔𐴝𐴘𐴧𐴥𐴠 , 𐴈𐴥𐴝𐴕𐴝𐴌 𐴔𐴡𐴊𐴡𐴃 𐴈𐴡𐴔𐴝𐴀𐴝𐴡𐴕𐴡𐴌 𐴎𐴡𐴌𐴞𐴘𐴝 𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔𐴡𐴃 𐴐𐴤𐴡𐴔𐴝𐴎𐴞𐴑 𐴀𐴝𐴘 𐴒𐴡𐴌𐴥𐴝𐴌 𐴀𐴡𐴐𐴤𐴝𐴕𐴃𐴞 𐴊𐴞𐴕 𐴁𐴡 𐴊𐴞𐴕 𐴁𐴝𐴌𐴥𐴠𐴌 , 𐴀𐴥𐴠𐴃𐴡𐴓𐴧𐴝 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴋𐴦𐴡𐴙𐴓𐴧𐴝 𐴁𐴡 𐴋𐴦𐴡𐴙𐴓𐴧𐴝 𐴀𐴡𐴉𐴥𐴡𐴌𐴝𐴊 𐴀𐴥𐴡𐴑𐴧𐴡𐴓 𐴒𐴡𐴌𐴥𐴠𐴌 , 𐴎𐴞𐴘𐴝𐴕𐴡𐴌 𐴁𐴝𐴁𐴡𐴃𐴠 𐴊𐴠𐴐𐴤𐴡𐴙𐴃𐴧𐴝 𐴀𐴥𐴡𐴑𐴧𐴡𐴓 𐴁𐴠𐴐𐴤𐴞 𐴀𐴡𐴐𐴤𐴝𐴕𐴃𐴞𐴃 𐴱𐴱

𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌 𐴈𐴥𐴝𐴕𐴝𐴌 𐴔𐴡𐴊𐴡𐴃 𐴀𐴠 𐴁𐴡𐴏𐴥𐴡𐴌𐴡𐴃 𐴊𐴟𐴘 𐴁𐴝𐴌 𐴈𐴡𐴔𐴝𐴘𐴧𐴥𐴠 , 𐴀𐴠 𐴁𐴡𐴏𐴥𐴡𐴌 𐴀𐴠𐴑𐴀𐴡𐴔 𐴁𐴝𐴌 𐴀𐴥𐴞𐴏𐴝𐴉𐴠 , 𐴔𐴝𐴌𐴠𐴆 𐴔𐴝𐴐𐴡𐴌 𐴱 𐴃𐴝𐴌𐴥𐴞𐴑𐴡𐴃 𐴈𐴥𐴝𐴕𐴝𐴌 𐴔𐴡𐴊𐴡𐴃 𐴲 𐴱 𐴋𐴦𐴡𐴓𐴝𐴌𐴡𐴌𐴃𐴧𐴟 𐴰 𐴱 𐴋𐴦𐴡𐴓𐴝𐴌 𐴒𐴡𐴙𐴅𐴧𐴤𐴙𐴠 , 𐴉𐴥𐴞𐴃𐴞𐴕 𐴊𐴟𐴘𐴀𐴡𐴔 𐴁𐴝𐴌 𐴀𐴥𐴞𐴏𐴝𐴉𐴠 𐴅𐴟𐴕 𐴔𐴝𐴐𐴡𐴌 𐴱 𐴃𐴝𐴌𐴥𐴞𐴑𐴡𐴃 𐴀𐴝𐴌𐴀𐴥𐴡 𐴊𐴟𐴘 𐴋𐴦𐴡𐴓𐴡𐴝𐴌 𐴈𐴡𐴔𐴝𐴘 𐴸 𐴋𐴦𐴡𐴓𐴝𐴌 𐴒𐴡𐴙𐴅𐴧𐴤𐴙𐴠 , 𐴔𐴟𐴃𐴦𐴝𐴓𐴧𐴠𐴑𐴝 𐴇𐴥𐴡𐴑𐴟𐴔𐴡𐴃𐴞 𐴎𐴞𐴔𐴧𐴝𐴊𐴝𐴌 𐴀𐴥𐴡𐴑𐴧𐴡𐴓𐴠 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 𐴀𐴡𐴐𐴤𐴝𐴕𐴃𐴞 𐴀𐴝𐴌 𐴒𐴟𐴓𐴔𐴝𐴓 𐴁𐴝𐴌𐴥𐴞𐴁𐴤𐴡 𐴁𐴡𐴓𐴞 𐴋𐴝𐴌𐴝𐴌 , 𐴀𐴥𐴞𐴃𐴝𐴌𐴝𐴌 𐴀𐴥𐴞𐴏𐴝𐴁𐴢 𐴑𐴞𐴃𐴝𐴁𐴢 𐴀𐴥𐴞𐴏𐴝𐴉𐴠 𐴕𐴞𐴐𐴤𐴝 , 𐴀𐴥𐴝𐴣𐴃𐴞𐴘𐴝𐴌 𐴏𐴟𐴌𐴝𐴘 𐴏𐴝𐴓𐴝𐴕 𐴀𐴝𐴌 𐴀𐴡𐴐𐴤𐴡𐴔𐴝𐴎𐴞𐴑 𐴈𐴝𐴔 𐴀𐴥𐴡𐴑𐴧𐴡𐴓 𐴁𐴝𐴌𐴥𐴞𐴃 𐴉𐴝𐴌𐴠 𐴱𐴱

𐴒𐴤𐴡𐴌 𐴀𐴟𐴎𐴞𐴌𐴞 𐴀𐴡𐴉𐴥𐴞𐴏𐴡𐴌 𐴃𐴡𐴌𐴉𐴥𐴡𐴌𐴃𐴧𐴟 𐴘𐴥𐴡 𐴀𐴠𐴑𐴤𐴟𐴘 𐴋𐴦𐴡𐴙𐴓𐴧𐴝 𐴋𐴡𐴌 𐴎𐴝𐴀𐴞𐴌 𐴒𐴡𐴙𐴅𐴧𐴤𐴙𐴠 , 𐴀𐴠𐴈𐴥𐴡𐴕 𐴀𐴥𐴡𐴘𐴧𐴠𐴊𐴠 𐴀𐴟𐴎𐴞𐴌 𐴀𐴥𐴡𐴑𐴧𐴡𐴓𐴡𐴌 𐴔𐴞𐴄𐴤𐴞𐴚𐴡𐴃 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴀𐴥𐴡𐴑𐴧𐴡𐴌 𐴔𐴝𐴎𐴤𐴠 𐴈𐴥𐴝𐴕𐴝𐴌 𐴀𐴡𐴁𐴤𐴝𐴉𐴠 𐴈𐴥𐴡𐴌𐴝𐴁𐴢 𐴈𐴥𐴝𐴕𐴝 𐴈𐴥𐴝𐴀𐴝 𐴁𐴝𐴌𐴥𐴞 𐴎𐴝𐴘𐴁𐴡 𐴁𐴡𐴓𐴞 𐴋𐴡𐴌 𐴎𐴝𐴀𐴞𐴌 𐴒𐴡𐴙𐴅𐴧𐴤𐴙𐴠 , 𐴃𐴝𐴌𐴥𐴝𐴌 𐴏𐴠𐴇𐴥𐴠𐴃 𐴀𐴠𐴕𐴊𐴤𐴠 𐴘𐴥𐴡 𐴀𐴥𐴠𐴃𐴡 𐴄𐴤𐴞𐴑 𐴕𐴡𐴀𐴡 , 𐴔𐴞𐴄𐴤𐴞𐴚 𐴐𐴤𐴠𐴐𐴢 𐴀𐴥𐴡𐴀𐴡𐴕𐴡𐴌 𐴉𐴡𐴌𐴠 𐴌𐴞𐴉𐴟𐴎𐴞𐴌 𐴈𐴥𐴝𐴕𐴝𐴌 𐴔𐴡𐴊𐴡𐴃 𐴁𐴝𐴌𐴥𐴝𐴘𐴁𐴤𐴝𐴌 𐴁𐴝𐴁𐴡𐴃𐴠 , 𐴑𐴡𐴗𐴔𐴞 𐴏𐴥𐴡𐴔𐴡𐴒𐴤𐴝𐴌 𐴈𐴝𐴣𐴏𐴥𐴠 𐴐𐴞𐴣𐴍𐴥𐴞 𐴉𐴡𐴣𐴀𐴡𐴏𐴝𐴘𐴧𐴠 , 𐴀𐴠𐴑𐴤𐴟𐴘 𐴀𐴡𐴑𐴃𐴤𐴡𐴃 𐴌𐴞𐴉𐴟𐴎𐴞𐴌 𐴈𐴥𐴝𐴕𐴝𐴌 𐴔𐴡𐴊𐴡𐴃 𐴔𐴝𐴐𐴤𐴠 𐴀𐴝𐴌 𐴁𐴡𐴏𐴥𐴌𐴠 𐴈𐴡𐴊𐴦𐴟𐴕 𐴓𐴝𐴒𐴠𐴊𐴠 𐴘𐴝𐴀𐴝𐴕𐴡𐴌𐴉𐴟𐴌𐴝 𐴌𐴠𐴂𐴟𐴄 𐴀𐴠𐴑𐴧𐴤𐴝𐴕 𐴀𐴥𐴡 ( 𐴘𐴟 𐴀𐴠𐴕 𐴀𐴠𐴆 𐴏𐴞 𐴀𐴝𐴌𐴡𐴌 ) 𐴈𐴝𐴣𐴏𐴥𐴠 𐴉𐴡𐴣𐴀𐴡𐴏𐴝𐴘 𐴊𐴞𐴘𐴠 𐴱𐴱

Sources : Ukhiyanews.com